Aforizmat e Agim Metbalës

[Agim Metbala]

- Fjalët dhe paraja janë të ngjajshme – kurseji maksimalisht, do të të gjinden pa kusht!
- Poeti kurrë s’mund të ket qetësi shpirtërore, mbase çdo herë e në çdo kohë, ka DASHURI dhe URREJTJE!
- Ta kesh me dije se buzët marrin pamjen e mrekullueshme, nëse i vënë të qeshin!
- Pleqëria, i rikujton kujtimet deri në detajet më të imta!

[Agim Metbala]

- Edhe rasti, mund ta ndryshoj jetën për njëqind e tetëdhjetë shkallë!
- Ka njerëz që vazhdimisht kërkojnë varrësen për ta varrur fajin mu si pallton!
- Edhe qukapiku godet lisin aty ku është më i dobët dhe aty ngre çerdhen!
- Esat Pashë Toptana, janë shumëzuar në mënyrë gjeometrike!

[Agim Metbala]

- Nëse të shtyejnë përpara, ta kesh me dije se kanë nevojë për ty e jo se vërtet t’i pranojnë vlerat!
- Forca, nuk pyet për rregullat natyrore e as për ato shoqërore!
- Nëse nuk dëshiron t’i nënshtrohesh forcës, respektoje me kohë!
- Poetët futen edhe aty ku kyçen dyert e ku mbydhen dritaret!

[Agim Metbala]

- Politika nuk është shkencë, por shkathtësi!
- Politikën shqiptare, e karakterizon agresiviteti ekstrem!
- As simpatia dhe as antipatia, nuk krijohen prej pik të qefit!
- Ngritja e zërit, qart e lakuriqon paaftësinë!

[Agim Metbala]

- FITORJA dhe DËSHTIMI, janë dy pjesë përbërse të jetë!
- Me fitoret, vërtet jam lumturuar, por nga dështimet, shumëçka kam mësuar!
- Është për të ardhur keq, sa shumë ka ndryshuar kuvendi i burrave!
- Politika të josh si papagallin, derisa të mbyll në kafaz, pastaj do këndosh e do flasish si do ajo!

[Agim Metbala]

- Mos mbjell fidanet e urrejtjes, do të vjelish frutat e hakmarrjes!
- Nëse vërtet e do veten, të keqen nuk i bënë askujt!
- Të mjerë janë ata që shtrëngohen të shtiren se kanë jetë të lumtur bashkëshortore!
- Kujdes, ka njerëz të zhdërvjellët që edhe humbjen e shndërrojnë në fitore!

[Agim Metbala]

- Nëse të dalin “brirët” ngase i ndihmon situates, i bafsh me shëndet!
- Kujdes, karakteri nuk blehet në treg!
- Kush dështon në moshën e pjekurisë, pasojat do t’i hetoj në moshën e pleqërisë!
- Përmallimin, kurrë mos e fsheh, tregoje fuqishëm dhe në mënyrë transparente!

[Agim Metbala]

- Mllefi, krijon fronte dhe armiq të paqenë!
- Përpiqu në vazhdimësi që AKUZËN dhe MBROJTJEN, ta vesh në barazpeshë!
- Kujdes nga MBIÇMIMI dhe NËNÇMIMI, barabart ta humbin drejtëpeshimin!
- Jeta është si stinët e vitit, vërtet secila stinë ka bukuritë e veta, ama edhe vështërsitë!

[Agim Metbala]

- Më sulmoi një mik pa kurëfarë arsye, ia ktheva përgjigjen – nuk shoqërohem me mllefin!
- Se edhe historia e arkeologjia vidhet, më ka bindur një intelektual i qytetit tim, i cili për pak para, u ka shitur me vite italianëve shumë eksponata me vlera të pakompensueshme, të cilat tani janë të ekspozuar nëpër muzetë e Romës me ku e di unë çfarë legjende përfundi secilit eksponat!
- Kujdes, informacioni i gabuar – të qonë në rrugën e dështuar!
- Mos u bazo shumë në vlera, ato tradicionalisht janë mohuar!

[Agim Metbala]

- Drejtëpeshimi, është bazë e suksesit të sigurt!
- Besnikëria, vërtet është vyrtyt për t’u lavdëruar, por jo shumë i dobishëm për t’u pranuar!
- Arsyetimet e vazhdueshme, me arsye ngrehin dyshimet!
- Vërtet është tmerr t’i shikosh në pushtet bijt dhe bijat e atyre që na kanë rrjepur lëkurën e shpërlarë trurin me sadizëm më të madh!