Rrëfehet Nazim Bllaca për Shërbimin Informativ të Kosovës (SHIK)

[Goditja]

Tash po bindem se prapa Bllaces është SHBA-ja dhe departamenti amerikan i shtetit



E jo prapa Thaqit se e ka kuptue amerika qe është nje kriminel


Per dy vite Bllaca ja mori amerikanet thaqit vetëm me deshmi

Kjo mund te jete e vertete.Nazim Bllaca mund te jete nje bashkepuntor i amerikaneve, mbase kjo mbeshtetje e tyre ndryshe nuk mund te shpjegohet.Zt.Thaci e din tash se ditet jane te kalkuluara mire per ata qe fotografine e Enver Hoxhes e mbajne ne balle te OXHAKUT.Karriera e Jakup Krasniqit mund te permbyllet ne kete etape.Trysnia e Euleksit dhe ajo amerikane e kane gjete te papergatitur zedhensin e UCK-se. Keto jane momente tejet delikate kur shume nga bashkepartiaket e tij i pret arrestimi i mundshem ...Kete nuk mund ta perbije lehte Jakup Krasniqi kur dihet se kjo e qone PDK-ne drejt nje shthurje me pasoja perfundimtare...

[gjema]

kupa i krasnicve ose jakup pasoshi se ka vendin ne parlament e aq me pak kryetar parlamenti, per mos me than i pa shkolluari por dobet i shkolluari nuk e meriton as mesues shkolle fillore me qen e leje ma ne krye te parlamentit e kan pa amerikanet se nuk ja vlen mu mir me ta mi msu si me ba e qka me ba tash jav kan msy mi hiq ma mir se e kan vrejt se nuk mesohen keta

[PLAKU]

Bllaca nuk ndihet i sigurt, kërkon më shumë policë


Paralajmërimi se po përfundojnë hetimet për rastet që i ka denoncuar vetë, ka bërë që Nazim Bllaca, i prezantuar si ish pjesëtar i SHIK-ut, të kërkojë më shumë policë për ta ruajtur atë dhe familjen e tij në Ribar të madh të komunës së Lipjanit.

Tetë policë, që përkujdesen vazhdimisht për të dhe familjen e tij, Bllaca thotë se nuk i mjaftojnë në rast se ngrihet aktakuzë për të gjithë ata njerëz që ai i ka paraqitur në një denoncim publik në nëntor të vitit 2009, shkruajnë mediet.

"Fillimisht kanë qenë dhjetë policë, mirëpo pasi që më ka skaduar masa e arrestit shtëpiak, vazhdimisht janë vetëm tetë dhe unë kam kërkuar nga prokurori që të kem më shumë siguri ngase janë shumë njerëz që kam përmendur në dëshminë time", thotë Bllaca.

Lidhur me kërkesën e tij, ai ka marrë përgjigje nga prokurori i rastit, Maurizo Salustro i cili e ka njoftuar se varësisht nga rrjedha e hetimit do të vendoset edhe për praninë më të madhe apo jo të policëve në shtëpinë e tij, ku Bllaca jeton me gruan dhe fëmijët.

Të mërkurën, ndërkaq një helikopter është ndalur afër shtëpisë së tij, çka ka shtyrë Bllacën të mendojë se hetimi ndaj tij është në përfundim.

"Një helikopter është ndalur këtu, por mua nuk më kanë njoftuar se do të shtohen masat.

Hetuesi i rastit më ka njoftuar para disa ditësh se hetimet do të përfundojnë më 22 korrik ngase Gjykata Supreme nuk i ka dhënë më shumë afat Prokurorisë për të zhvilluar hetime për këtë rast", ka njoftuar Bllaca. Por, zyrtarë ndërkombëtarë të sigurisë në vend me kusht anonimiteti, kanë njoftuar se që nga koha kur Bllaca ka denoncuar rastin në polici, disa herë është bërë shikimi nga lartësia përreth shtëpisë së tij në mënyrë që ambienti ku gjendet ai, të jetë i sigurt.

[G-2]

bllaca ia bani fene baski jakup krasnqit azem syles fatmir limes etj!

tani e ka radhen thaci me shoket e vet!

pdk-ja do te jete ne dore te arsim bajramit,berat buzhales, hajredin kuqkes!

kjo do te thote se pdk-ja taman si eshte then parti e udhhequr nga udebashet!

kriminelet po i shtin ne burg udhheqjen e kane ish njerzit e regjimit!

bllaca ish i fort djema atij i doli ne mbeshtetje edhe delli

e shkaterroi pdk partine e cila edukoi dhe e beri agjent shiku!

[L-7]

Gashi merret në pyetje për vrasjen e Kllokoqit




Publikuar: E marte 19 Korrik 2011, 13:46



Prishtinë - Të martën është marrë në pyetje nga prokurorja Ema Rizeto, Fahredin Gashi, i akuzuar për krime të luftës kundër popullatës civile me theks të veçantë për vrasjen e Salih Gashit në fshatin Varigovc. Të njëjtit i janë publikuar tri CD me deklarata të dhëna para Tribunalit të Hagës, në njërën nga të cilat ua drejton gishtin komandantëve të UÇK-së për kidnapime dhe për njohuritë e tyre rreth të zhdukurve.



Tri orë në prokurori
Intervistimi i tij të martën nuk ka pasur të bëjë as me CD-të në fjalë e as për vrasjen e Salih Gashit, por ka pasur të bëjë me dyshime për vrasjen e Ibush Kllokoqit dhe tentim-vrasjen e Ismet Arifit. Intervistimi i tij ka zgjatur për rreth tri orë dhe prokurorja Ema Rizeto e ka marrë në pyetje Gashin në drejtim të vrasjes dhe tentim- vrasjes në fjalë, për të cilat Gashi dyshohet se në bashkëveprim me Shpresim Ukën, Shaban Sylën, Driton Hajdarin, Bekim Sylën dhe Sadik Abazin të kenë kryer veprat në fjalë. Ai këto dyshime të prokurorisë sipas burimeve të gazetës i ka mohuar duke i quajtur ato akuza shpifëse të motivuara nga Nazim Bllaca. Ndërsa mbrojtësit e Fahredin Gashit, Tahir Rrecaj e Kolë Krasniqi, kanë kërkuar që ndaj klientit të tyre të pushohet hetimi për shkak se akuzat e Bllacës edhe më herët kanë rezultuar të rrejshme, siç është rasti i vrasjes së Adem Lahut. Mesazhet dhe dëshmitarët janë të njëjtë me ata të procesit gjyqësor kundër Gashit, që ka të bëjë me vrasjen e Salih Gashit. Lidhur me vrasjen e Ibush Kllokoqit dhe dy tentim-vrasje të kryera në vitin 1999 dhe 2000, të dyshuarit në bazë të hetimeve të prokurores Rizeto kanë për dëshmitarë kyç të mirënjohurin Nazim Bllaca. Të apostrofuar nga ana e këtij të fundit janë edhe Shpresim Uka, Shaban Syla, Driton Hajdari, Bekim Syla dhe Sadik Abazi, të cilët u arrestuan nga policia e EULEX-it.



Avokati i quan akuzat të pabazuara




Avokati mbrojtës i Fahredin Gashit, Tahir Rrecaj, e ka konfirmuar lajmin se klienti i tij është intervistuar të martën për kryerje të dy veprave penale, njëra që ka të bëjë me vrasje e tjetra me tentim-vrasje dhe deklaroi për gazetën “Kosova Sot“: “Ne qëndrojmë pranë asaj se akuzat janë të pabazuara sikurse edhe në rastet e tjera nga Nazim Bllaca. Ato janë të orientuara dhe janë bërë për qëllime materiale, dhe ne si mbrojtës nuk e përjashtojmë as mundësinë të kenë qenë të motivuara edhe politikisht, meqë Bllaca siç e ka pohuar edhe vetë ka qenë jashtë Kosove që nga muaji nëntor i vitit 2007 e deri në maj të vitit 2009, si në Serbi dhe në Mal të Zi“, ka thënë Rrecaj./KS/

[PLAKU]

E përfundon Bllaca
Besa Kalaja | 23-08-2011 01:32 CET

Janë dashur dy orë diskutime që të lejohej pala mbrojtëse dhe i akuzuari Fahredin Gashi t’i bëjnë pyetje dëshmitarit Nazim Bllaca. Prokurori i këtij rasti, italiani Maurizio Salustro, mezi ka lejuar që Bllaca t’u përgjigjet Gashit dhe avokatëve të tij.

Bllaca është dëshmitari kryesor në gjykimin ndaj Fahredin Gashit e Hysri Ramës, të cilët akuzohen se në verën e vitit 1999, menjëherë pas luftës, kishin vrarë Sali Gashin në shtëpine e tij. Gjykimi në këtë rast po mbahet në Gjykatën e Qarkut në Prishtinë nga një trup gjykues i përbërë nga ndërkombëtarë dhe vendorë.

Avokatët për të vërtetuar se Nazim Bllaca i kishte dërguar SMS Fahredin Gashit, me anë të të cilëve e kishte shantazhaur për t’i kërkuar para, e pyetën Bllacën nëse numrat respektivë ishin pronë e tij. Bllaca njërin nga tre numrat e përmendur nga avokatët e mohoi të ishte i tij, ndërsa dy të tjerë tha se ishin pronë e tij.

Më pas seanca ka vazhduar me marrjen në pyetje të dëshmitarëve Metush Isufaj dhe Sylejman Tërshana. Dëshmitari Metush Isufaj, në dëshminë e tij para trupit gjykues, ka thënë se ishte i kërcënuar nga Fahredin Gashi dhe disa persona të tjerë, për faktin se nuk iu kishte bindur disa fjalëve të tyre.

Ai tha se Fahredin Gashi së bashku me Sadik Abazin (i dyshuar në rastin e dytë “Bllaca”), i kishin kërkuar atij, që përmes një shoku të tij, i quajtur Agron Gorani, t’ia dërgonin porosinë familjes së Nazim Bllacës, që nëse pranonin publikisht se djali i tyre (Nazim Bllaca) ishte i çmenduar, t’iu jepeshin 200 mijë euro.

Për këtë porosi ai tha se Fahredin Gashi dhe Sadik Abazi, ua kishin ofruar 10 mijë euro. “Ata më kanë ofruar 10 mijë euro që t’i ndanim së bashku me Agronin që të dërgonim këtë porosi. Agroni është shok i imi dhe n j ë k o h ë s i s h t është nip i Naz i m B l l a c ë s .

Ata po ashtu kanë thënë se d o t ’ i j e p n i n p r e j 2 0 0 d eri në 300 mijë euro babës të Nazim Bllacës, nëse ky i fundit do të deklaronte publikisht se djali i tij është i sëmurë mendor ”, deklaroi Isufaj.

Ai tha se nuk e ka pranuar këtë ofertë dhe se për këtë ishte kërcënuar që të mos tregonte. Tahir Rrecaj, avokat i Fahredin Gashit, ishte i bindur se dëshmitari në fjalë nuk e ka thënë të vërtetën, meqë deklarata e tij e dhënë te prokurori gjatë procedurës së hetimeve dhe ajo

që e dha të hënën para trupit gjykues, ishin në disproporcion të madh.

Madje, për këtë ai kërkoi që t’i tërhiqej vërejtja dëshmitarit se nëse deklaratat e tij kanë mospërputhje aq të madhe t’ia bëjë me dije se ishte e kundërligjshme dhe mund të dënohet.

Avokati Rrecaj për ta përforcuar një gjë të tillë tregoi se dëshmitari Metush Isufaj dhe Sylejman Tërshana, i kishin shkuar në zyrë për të kërkuar që ai të ndërmjetësojë mes tyre dhe Fahredin Gashit, në mënyrë që ky i fundit t’u jepte 20 mijë euro, për të cilat dëshmitarët kishin pretenduar se ua kishte borxh.

“Prandaj, shihet qartë se deklarata që e ka dhënë para gjashtë muajve dëshmitari nuk është në gjendje ta mbajë mend”, tha Rrecaj. Gjatë kësaj seance dëshminë e tij e dha edhe dëshmitari Sylejaman Tërshana, i cili deklaroi se kishte qenë së bashku me Metush Isufajn, në një rast kur kishin shkuar te Fahredin Gashi me disa persona të tjerë, për ta kërcënuar Metush Isufajn.

“Kemi qenë së bashku me Metushin në restorant “Gëzimi”, në Shtime kur ka ardhë Fahredin Gashi me disa shokë. Ata ishin me një xhip dhe disa vetura të tjera. Aty ka ardhur Fahredini me Shpresim Ukën, Reshat Gashin, Shaban Kralin (Shaban Syla), Sadik Abazin dhe disa të tjerë. Ata iu kërcënuan Metushit. Shpresim Uka e ka sharë Metushin me nanë dhe i tha se a e di se kush jam unë”, tha dëshmitari Sylejmani.

Gjykimi në këtë rast vazhdon sot me marrjen në pyetje të dëshmitarit Shaban Syla.
zeri

[Brari]

pamvaresisht se nazim bllaca eshte i vetmuar pothuaj fillikat.. ne kosove.. perballe nje ushtrie vrasesish qe mbrohen e mesohen nga nje batalion avokatesh te specializuar per mbrotje te krimineleve.. tashme njerzit u a dine emrat vrasesve..
pra vrasesit nuk jan me hije nate qe din te zhduken e te mos kapen..

ata tash kan emra..
jan fahrudinet me shoke..

batalioni i avokatve mjeshtra per te mbrojtur vrasesit si dhe ushtria e vrasesve dhe e bashkpuntoreve te tyre.. jan te demaskuar..
ata kan hyre tashme ne histori..

i lumte nazmi bllaces..

me aktin e tij tregoj se kosova nuk perbehet vec nga dhitsa e lahpera e kriminela e gra me lesh ne faqe.. por ka dhe burra.. ndonse pak por i ka disa..

e nji prej tyre eshte nazim bllaca..

..



dridhuni o vrases e ju lahpera qe dhiheni ne brek pi vrasesave..

..

[PLAKU]

Rasti “Bllaca”, edhe 6 të akuzuar

Prokuroria Speciale e Kosovës ka ngritur aktakuzë kundër gjashtë personave që ka të bëjë me rastin “Bllaca” për të cilët pretendon se si pjesëtarë të Shërbimit Informativ të Kosovës (SHIK) kanë kryer krime të rënda.

Dy prokurorë të EULEX it, Maorizio Salustro dhe Emma Rizzato, akuzojnë Sadik Abazin (1959) nga Davidovci, Fahredin Gashin (1969) nga Shtimja, Driton Hajdarin (1980) nga Prishtina, dy familjarët e Azem Sylës, Bekim Sylën (1976) nga Kishnareka, Shaban Sylën (1965) po nga Kishnareka, si dhe Shpresim Ukën (1968) i lindur në Beograd, për përfshirje në vrasje dhe tentativë vrasjeje, raportojnë mediet.

Por këta prokurorë nuk kanë ngritur aktakuzë kundër deputetit të Kuvendit të Kosovës, Azem Syla, i cili, sipas Nazim Bllacës, ka dhënë urdhra për vrasje të figurave të Lidhjes Demokratike të Kosovës e as për veprën penale të krimit të organizuar.

Po ashtu në aktakuzë nuk është i përfshirë as Ekrem Jashari që, sipas Bllacës dhe dokumenteve të deritashme të Prokurorisë, qëndrojnë prapa urdhrave për këto krime.

Burime nga Prokuroria kanë thënë se rasti “Bllaca” është ndarë në tri pjesë: vrasja e Salih Gashit që po gjykohet si krim lufte, vrasja e Ibush Kllokoqit dhe vrasjet në tentativë të Ismet Arift dhe Adem Salihajt, si rast tjetër, si dhe krimi i organizuar e vrasja e Selim Broshës, rast i veçantë.
Avokati i Azem Sylës, Tomë Gashi, nuk di asgjë për ngritjen e aktakuzës. Ai ka thënë se meqenëse prokurori nuk e ka përfshirë klientin e tij në këtë aktakuzë të dytë në rastin “Bllaca”, nuk do të ngrihet fare për shkak se, siç ka thënë ai, prokurori nuk i ka besuar.

Aktakuza është ndarë në tri pika. Për vrasjen e Ibush Kllokoqit akuzohen Sadik Abazi, Bekim Syla, Fahredin Gashi dhe Shpresim Uka. Për vrasjen në tentativë të Ismet Arifit, Sadik Abazit, Fahredin Gashit, Shpresim Ukës, Driton Hajdarit dhe Bekim Sylës, ndërsa për vrasjen po ashtu në tentativë të Adem Salihajt, Shpresim Ukës, Driton Hajdarit dhe Shaban Sylës. Njeriu që u bë sebep që këto krime të marrin rrugën e zbardhjes kur doli publikisht dy vjet më parë dhe pranoi 17 vepra kriminale, Nazim Bllaca është shpallur sërish dëshmitar bashkëpunues.

Në aktakuzë bëhet e ditur se Gjykata e Qarkut në Prishtinë e ka shpallur atë dëshmitar bashkëpunues për vrasjen në tentativë të Ismet Arifit dhe Adem Salihajt, por jo edhe për vrasjen e Ibush Kllokoqit.

Për shkak se ia kishte marrë jetën me 6 plumba Kllokoqit, Bllaca do të gjykohet në një proces të veçantë gjyqësor për këtë krim.
Bota Sot

[L-7]

Aktakuza e dytë në “rastin Bllaca”

Publikuar: 31.08.2011




Prishtinë, 31 gusht – Prokuroria Speciale e Kosovës ka ngritur aktakuzë kundër gjashtë personave në “rastin Bllaca” për të cilët pretendon se si pjesëtarë të Shërbimit Informativ të Kosovës kanë kryer krime të rënda, shkruan sot “Koha Ditore”.



Dy prokurorë të EULEX-it, Maorizio Salustro dhe Emma Rizzato, akuzojnë Sadik Abazin (1959) nga Davidovci, Fahredin Gashin (1969) nga Shtimja, Driton Hajdarin (1980) nga Prishtina, dy familjarët e Azem Sylës, Bekim Sylën (1976) nga Kishnareka, Shaban Sylën (1965) po nga Kishnareka, si dhe Shpresim Ukën (1968) i lindur në Beograd, për përfshirje në vrasje dhe tentativë vrasjeje.
Por këta prokurorë nuk kanë ngritur aktakuzë kundër deputetit të Kuvendit të Kosovës, Azem Syla, i cili, sipas Nazim Bllacës, ka dhënë urdhra për vrasje të figurave të Lidhjes Demokratike të Kosovës e as për veprën penale të krimit të organizuar. Po ashtu në aktakuzën të cilën e ka siguruar “Koha Ditore”, nuk është i përfshirë as Ekrem Jashari që, sipas Bllacës dhe dokumenteve të deritashme të Prokurorisë, qëndrojnë prapa urdhrave për këto krime.

Burime nga Prokuroria kanë thënë se “rasti Bllaca” është ndarë në tri pjesë: vrasja e Salih Gashit që po gjykohet si krim lufte, vrasja e Ibush Kllokoqit dhe vrasjet në tentativë të Ismet Arift dhe Adem Salihajt, si rast tjetër, si dhe krimi i organizuar e vrasja e Selim Broshës, rast i veçantë.

Avokati i Azem Sylës, Tomë Gashi, nuk di gjë për ngritjen e aktakuzës. Ai ka thënë se meqenëse prokurori nuk e ka përfshirë klientin e tij në këtë aktakuzë të dytë në “rastin Bllaca”, nuk do të ngrihet fare për shkak se, siç ka thënë ai, prokurori nuk i ka besuar.

“Meqenëse nuk është përfshirë në aktakuzë, neve nuk na është dorëzuar as aktakuza e as materiali përcjellës. Prokurori nuk ka pasur arsye ta bëjë këtë. Duket që ai nuk i ka besuar në këtë pikë Bllacës dhe besoj se nuk do të ketë fare aktakuzë kundër z. Syla”, ka thënë Gashi.
Aktakuza është ndarë në tri pika. Për vrasjen e Ibush Kllokoqit akuzohen Sadik Abazi, Bekim Syla, Fahredin Gashi dhe Shpresim Uka. Për vrasjen në tentativë të Ismet Arifit, Sadik Abazit, Fahredin Gashit, Shpresim Ukës, Driton Hajdarit dhe Bekim Sylës, ndërsa për vrasjen po ashtu në tentativë të Adem Salihajt, Shpresim Ukës, Driton Hajdarit dhe Shaban Sylës.

Pikat e aktakuzës


Pika e parë e aktakuzës thotë se Sadik Abazi, Bekim Syla, Fahredin Gashi dhe Shpresim Uka në bashkëkryerje me Nazim Bllacën, i deklaruar si dëshmitar, kanë kryer veprën penale vrasje e rëndë duke e provuar nga jeta Ibush Kllokoqin, të cilin e kanë qëlluar me gjashtë plumba.
“Më specifikisht, natën e vrasjes Fahredin Gashi ia ka dhënë Nazim Bllacës një armë zjarri të tipit ‘Skorpion’. Pastaj po atë natë ata së bashku me Shpresim Ukën, Bekim Sylën dhe Sadik Abazin kanë shkuar tek shtëpia e viktimës, Shpresim Uka, ka pritur afër shtëpisë, ndërsa Nazim Bllaca, Sadik Abazi, Fahredin Gashi dhe Bekim Syla kanë trokitur në derën e shtëpisë së Kllokoqit. Kur viktima kishte dalë tek dera, Nazim Bllaca e kishte vrarë atë me 6 plumba”, thuhet në këtë pikë.
Njeriu që u bë sebep që këto krime të marrin rrugën e zbardhjes kur doli publikisht dy vjet më parë dhe pranoi 17 vepra kriminale, Nazim Bllaca është shpallur sërish dëshmitar bashkëpunues. Në aktakuzë bëhet e ditur se Gjykata e Qarkut në Prishtinë e ka shpallur atë dëshmitar bashkëpunues për vrasjen në tentativë të Ismet Arifit dhe Adem Salihajt, por jo edhe për vrasjen e Ibush Kllokoqit. Për shkak se ia kishte marrë jetën me 6 plumba Kllokoqit, Bllaca do të gjykohet në një proces të veçantë gjyqësor për këtë krim.
Pika dy e aktakuzës, ngarkon Sadik Abazin, Fahredin Gashin, Shpresim Ukën, Driton Hajdarin dhe Bekim Sylën, të cilët sipas dy prokurorëve në bashkëkryerje me Nazim Bllacën kanë tentuar ta vrasin anëtarin e LDK-së, Ismet Arifi.
“Ata kanë shkuar tek ndërtesa ku jetonte Ismet Arifi me gruan dhe djalin e tij. Fahredin Gashi kishte bërë rojë tek hyrja ballore e ndërtesës, Nazim Bllaca dhe Shpresim Uka kishin qëndruar rojë në katin e tretë, ndërsa Sadik Abazi, Driton Hajdari dhe Bekim Syla kishin shkuar tek banesa e Ismet Arifit dhe kishin trokitur në derë. Pasi i kishin thënë gruas së tij se donin të bisedonin me burrin e saj, ata ishin munduar ta nxirrnin Ismet Arifin nga banesa që ai të shkonte me ta”, thuhet në aktakuzë. “Pasi ai kishte refuzuar, ata e kishin kapur për qafe dhe e kishin goditur në këmbën e djathtë. Sapo Ismet Arifi kishte arritur të ikte me vrap shkallëve përpjetë, ata e kishin gjuajtur disa herë në drejtim të tij me armë zjarri, por nuk kishin arritur ta godisnin”.
Pika e tretë ndërkaq e ngarkon Shpresim Ukën, Driton Hajdarin dhe Shaban Sylën në bashkëkryerje me Nazim Bllacën për vrasjen në tentativë të Adem Salihajt, ish-kryetar i Komunës së Ferizajt nga radhët e LDK-së.
“Ditën e tentativës për vrasje, Driton Hajdari kishte ngarë një veturë ‘Opel Omega’ dhe e kishte ndjekur me makinë Adem Salihajn. Shaban Syla kishte qëndruar i ulur në ulësen e prapme të makinës i armatosur me një revolver dhe një mashkull i tretë i paidentifikuar deri tash kishe qëndruar i ulur pas”, shpjegohet në aktakuzë. Sipas prokurorëve, Nazim Bllaca dhe Shpresim Uka kishin qenë duke ngarë një makinë BMW përpara makinës së Salihajt për t’ia ngadalësuar shpejtësinë.
“Kur kishte ardhur momenti i duhur makina ‘Omega’ i kishte dalë anash makinës së Salihajt dhe Shaban Syla kishte marrë shenjë me revole. Adem Salihaj kishte reaguar menjëherë duke ia drejtuar revolen e tij Shaban Sylës, i cili nuk kishte arritur të qëllonte nga arma e tij e zjarrit, sepse revolja e tij ishte bllokuar”, sqarohet kjo ngjarje e 12 qershorit të vitit 2000.
Kjo aktakuzë është e dyta e ngritur pas denoncimeve publike të Nazim Bllacës. Për vrasjen e Salih Gashit më 15 qershor 1999, është duke u gjykuar Fahredin Gashi dhe pritet që aktgjykimi të shpallet pas një muaji. Për aktakuzën e dytë që i është prezantuar Gjykatës për konfirmim është caktuar edhe data e kësaj seance. Gjyqtari i EULEX-it, Gianfranko Gallo, u ka dërguar ftesë palëve që më 15 shtator të paraqiten në gjykatë në seancën e konfirmimit të aktakuzës.

Përputhja e dëshmive


Hetimet mbi veprimtarinë e të pandehurve bazohet në pohimet tashmë të dëshmitarit bashkëpunues Nazim Bllaca. Në nëntor 2009, u publikua një DVD nga Adem Salihaj e Gani Geci. Në këtë DVD Nazim Bllaca akuzonte vetveten dhe persona të tjerë për disa vrasje dhe vrasje në tentativë. Ndërmjet tjerash ai kishte akuzuar edhe veten se kishte marrë pjesë në vrasjen e Ibush Kllokoqit dhe në tentativën për vrasjen e Ismet Arifit dhe Adem Salihajt. Prokurorët bëjnë të ditur se kur Bllaca ishte marrë në pyetje kishte dhënë më shumë hollësi mbi incidentet dhe kishte pohuar se ai dhe të pandehurit e tjerë kishin qenë anëtarë të SHIK-ut.
“Nazim Bllaca është deklaruar dëshmitar bashkëpunues nga ana e Gjykatës së Qarkut në Prishtinë më 4 mars 2011. Gjykata e Qarkut ka ndaluar vazhdimin e ndjekjes penale dhe shqiptimit të masës së ndëshkimit ndaj Nazim Bllacës lidhur me akuzat 2 dhe 3 të renditura më sipër, por jo edhe lidhur me akuzën 1 për të cilën Bllaca do të gjykohet veças”, thuhet në këtë aktakuzë.
Nazim Bllaca ka dëshmuar në prokurori më 30 nëntor 2009 dhe 3 dhjetor 2010. Prokurorëve u kishte thënë se ditën e vrasjes së Ibush Kllokoqit në gusht 1999, e kishte takuar Fahredin Gashin, i cili ia kishte dhënë një “Skorpion”. Pastaj të njëjtën natë ata së bashku me Shpresim Ukën, Bekim Sylën dhe Sadik Abazin kishin shkuar tek shtëpia e Ibush Kllokoqit. Shpresim Ukës, kishte pritur afër shtëpisë, kurse Bllaca, Fahredin Gashi, Sadik Abazi dhe Bekim Syla kishin trokitur në derë. Kur viktima kishte dalë tek dera, Nazim Bllaca e kishte vrarë atë duke e qëlluar me gjashtë plumba.
Gruaja e Kllokoqit, Drita, tashmë e ve, ka dëshmuar në prokurori duke i konfirmuar pohimet e Bllacës. Ajo ka thënë se më gjashtë gusht tek shtëpia e tyre kishte dëgjuar disa të shtëna me armë pas të cilave ajo kishte kuptuar se bashkëshorti i saj kishte mbetur i vrarë. Raporti i ekspertizës i datës 27 gusht 2010, pohon se gëzhojat e plumbave të gjetur në vendin e vrasjes ishin qëlluar nga një armë e tipit “Skorpion” 7. 65 x 17 milimetra.
Më 1 nëntor 2010, Bllaca ka dëshmuar për vrasjen në tentativë të Ismet Arifit. Ai kishte deklaruar se nga fundi i tetorit 1999, Shpresim Uka kishte sjellë urdhrin “për të vepruar kundër Ismet Arifit”. Puna parapërgatitore ishte kompletuar dhe ishte përgatitur plani i veprimit. Uka i kishte treguar Bllacës dhe Fahredin Gashit vendndodhjen e shtëpisë së Arifit. Ditën e operacionit Shpresim Uka kishte caktuar rolet e pjesëmarrësve: Sadik Abazi, Driton Hajdari dhe Bekim Syla do të nxirrnin viktimën jashtë nga shtëpia, Fahredin Gashi do të ruante derën kryesore të ndërtesës ndërsa Bllaca dhe Shpresim Uka do të pozicionoheshin në shkallët poshtë banesës së viktimës. Gjithë pjesëmarrësit në operacion sipas aktakuzës kishin qenë të armatosur.
“Bllaca më pas ka deklaruar se ai kishte dëgjuar derën tek hapej, një zë femre që fliste, grupin që kishte kërkuar të dilte Arifi dhe më pas të shtënat me armë që ishin bërë. Pas kësaj të gjithë ata kishin zbritur shkallët me vrap duke u larguar. Në atë pikë Bllaca kishte parë Driton Hajdarin që kishte marrë një plagë me armë në fund të shpinës”, thuhet në aktakuzë.
Edhe ky tregim ishte konfirmuar nga Ismet Arifi gjatë dëshmisë së tij të dhënë më 15 dhjetor 2009 para hetuesve të EULEX-it. Ai kishte pohuar se më 3 nëntor 1999, rreth orës 20: 00, disa persona kishin shkuar tek banesa e tij në Prishtinë. Kjo kishte ndodhur vetëm disa muaj pasi ai kishte marrë një letër nga SHIK-u ku i thuhej të hiqte dorë nga LDK-ja. Ismet Arifi më tej kishte deklaruar se personat kishin kërkuar nga ai që të shkonte me ta në kampin e UÇK-së. Ai besonte sipas prokurorëve se kjo nënkuptonte se ai do të vritej dhe nuk kishte pranuar. Grupi pastaj e kishte sulmuar dhe ia kishin thyer këmbën e djathtë. Arifi kishte ikur shkallëve dhe kishte dëgjuar të shtëna me armë zjarri që ishin gjuajtur. Më pas ai kishte gjetur një plumb në tavan dhe të tjerë plumba në mur në drejtim nga ai kishte ikur për të shpëtuar. Ai gjithashtu kishte vënë re edhe njolla gjaku në shkallët që çonin sipër tek banesa e tij. Në këtë incident ishte plagosur Driton Hajdari. Prokurorët kanë siguruar dokumentacionin e QKUK-së që tregon se në orën 20 : 20, më 3 nëntor 1999, Driton Hajdari ishte mjekuar nga një plagë me armë zjarri në shpinë. Dëshmia është konfirmuar edhe nga bashkëshortja e Ismet Arifit dhe djali i tij.
Prokurorët thonë se Sadik Abazi, Driton Hajdari dhe Bekim Syla e kanë gjuajtur me armë zjarri tek banesa e tij Ismet Arifin. Gjuajtja me armë e viktimës, sipas prokurorëve, që ishte i paarmatosur dhe po përpiqej të ikte me vrap, është një veprim që pa dyshim ka pasur qëllim për ta privuar viktimën nga jeta dhe në këtë mënyrë të veprës penale të vrasjes së mbetur në tentativë.
Më 3 dhjetor 2009, Nazim Bllaca u ka thënë prokurorëve se më 12 qershor të vitit 2000, ai, Shpresim Uka, Shaban Syla dhe Driton Hajdari kishin kryer një plan me qëllim të vrasjes së Adem Salihajt. Nazim Bllaca dhe Shpresim Uka vozitnin para makinës së viktimës me qëllim të ngadalësimit. Dy të tjerët ishin duke vozitur një “Opel Omega” të zezë përpara veturës së viktimës. Në një moment “Omega” e zezë kishte kaluar anash veturës së viktimës dhe e kishte tejkaluar. Dy prokurorët specialë thonë se më vonë Bllaca kishte mësuar se Shpresim Uka nuk kishte qëlluar në drejtim të Salihajt.
Edhe kjo ngjarje është konfirmuar nga viktima. Më 3 dhjetor 2009, Adem Salihaj ka konfirmuar se më 12 qershor, duke u kthyer në shtëpi me veturë një “Opel Omega” iu afrua nga pjesa anësore. Dikush nga brenda automjetit ia kishte drejtuar armën. Salihaj menjëherë kishte nxjerrë armën e tij dhe ia kishte drejtuar, siç thuhet sulmuesit. Më pas Omega ishte larguar. Salihaj po ashtu kishte konfirmuar se një veturë gjendej edhe para automjetit të tij duke e vozitur ngadalë para veturës së tij me qëllim të bllokimit të rrugës.

Besueshmëria e Nazim Bllacës


Prokuroria i beson dëshmisë së Nazim Bllacës. Me provat dhe dëshmitë e siguruara pretendon ta bindë edhe gjykatën se njerëzit e denoncuar nga Bllaca kanë kryer krime. “Dëshmitari bashkëpunues Nazim Bllaca duket të jetë një dëshmitar i besueshëm. Ai është person i arsimuar, me profesion mësues, i cili është i vetëdijshëm për domethënien e veprimeve të tij”, thuhet në arsyetim të aktakuzës.
Bllaca përshkruhet nga prokurorët si një ish-ushtar i UÇK-së, i cili u kthye nga Zvicra në vitin 1998, për të luftuar për vendin e tij. Ai së pari u angazhua në vijën e frontale pastaj në disa operacione dhe pasi u plagos u inkuadrua në shërbimin inteligjent të UÇK-së. Pas luftës, sipas prokurorisë, ai u bë anëtar i shërbimit sekret të njohur si Shërbimi Informativ i Kosovës. “Marrëdhëniet e Bllacës me SHIK-un kanë qenë shumë të mira, derisa u ngritën disa çështje më 2006”.
Në vitin 2007, Bllaca vendosi t’i ofronte Policisë disa informata në lidhje me përfshirjen e mundshme të një anëtari të SHIK-ut, Fahredin Gashi, në vrasjen e Adem Lahut, një krim në të cilin Bllaca nuk kishte marrë pjesë. Bllaca pranoi se grindjet e tij me SHIK-un, në veçanti me Fahredin Gashin, luajtën një faktor kryesor në vendimin e tij për ta lajmëruar Gashin në Polici. Ai gjithmonë ka mohuar që të marrë nga Gashi paratë që ky i ka pasur borxh.
“Megjithatë edhe pse e pranon se qëllimi fillestar i Nazim Bllacës ishte të merrte paratë nga Gashi, ky qëllim i mundshëm sigurisht nuk ekziston më në vitin 2009, kur Bllaca bëri akuzime të reja dhe shumë të gjera edhe kundër vetvetes dhe të tjerëve”, konstatojnë prokurorët. Pjesëtarët e akuzës theksojnë se përveç kësaj duhet thënë që Bllaca ka akuzuar personat me të cilët ka pasur grindje personale, si: Fahredin Gashi, Azem Syla, Shpresim Uka, Driton Hajdari, edhe personat me të cilët nuk ka pasur grindje, si; Sadik Abazin, Bekim Sylën, Ekrem Jasharin.
“Nga ana tjetër, disa persona me të cilët Bllaca ka pasur telashe nuk shfaqen në akuzimet e Bllacës, siç janë: Reshat Gashi, Sherif Salihu, Azem Bllaca dhe Asllan Bllaca, i cili e ka kërcënuar babanë e Nazim Bllacës”. Në aktakuzë thuhet se nëse qëllimi i Bllacës ishte që të zhvaste para nga Fahredin Gashi, ai mund të kishte akuzuar vetëm Gashin pa implikuar figura të tjera ndoshta edhe figura më të rrezikshme nga SHIK-u.
Prokurorët e konsiderojnë dëshminë që Nazim Bllaca ka dhënë lidhur me vrasjen dhe dy tentativat për vrasje mjaft të plotë dhe e besueshme sepse, sipas tyre, bëhet e besueshme dhe konfirmohet nga provat e tjera që kanë në dispozicion. Prokurorët konsiderojnë se deklaratat e dhëna nga Bllaca rreth këtyre ngjarjeve është shumë e besueshme.
“Është e pranuar tashmë gjerësisht se një strukturë sekrete e njohur si SHIK ishte krijuar gjatë luftës si një degë e UÇK-së për qëllim të zbulimit dhe kundërzbulimit. Dihet gjithashtu se ata që dyshoheshin si bashkëpunëtorë të regjimit serb si kundërshtarë të UÇK-së dhe që njiheshin si anëtarë të LDK-së ishin vendosur në shënjestër dhe bile në disa raste ishin vrarë si gjatë ashtu edhe pas konfliktit të viteve 1998-1999 në Kosovë”, arsyetohet aktakuza.
“Z. Bllaca ka dëshmuar një kujtesë shumë të saktë dhe të gjallë lidhur me ngjarjet që kanë ndodhur mbi dhjetë vjet më parë. Përshkrimet që ai ka bërë mbi ngjarjet janë të hollësishme dhe nuk kanë ndonjë mospërputhje të dukshme faktike apo logjike. Për sa u takon emrave dhe identiteteve të kriminelëve që supozohen se kanë qenë të përfshirë në krime, nuk ka dyshim se Bllaca i ka njohur të gjithë mjaft mirë si bashkëpjesëtarë të SHIK-ut”.
Përshkrimi që u ka bërë ngjarjeve Nazim Bllaca i ka bindur prokurorët se ka pasur një shkallë të konsiderueshme përputhjeje me dëshmitë dhe provat materiale të siguruara gjatë hetimit. Viktimat apo pjesëtarët e familjeve të viktimave kanë dhënë dëshmitë e tyre mbi ngjarjet të cilat përputhen me dëshmitë e dhëna nga ana e Nazim Bllacës. Përveç kësaj, provat materiale si p.sh. regjistrat e spitalit dhe ekspertiza balistike konfirmojnë gjithashtu versionin e fakteve që përshkruan Bllaca.
“Përfundimisht edhe mosmarrëveshjet ndërmjet Fahredin Gashit dhe Nazim Bllacës në të kaluarën nuk kanë ndikim mbi besueshmërinë dhe saktësinë e dëshmisë së Bllacës, gjë që merr kuptim dhe konfirmohet edhe nga deklaratat e dëshmitarëve të tjerë, si dhe nga provat dhe faktet e ndryshme që janë mbledhur gjatë hetimit.

Transkriptimi i bisedës Bllaca-Uka

Një pjesë tjetër që përputhet me dëshminë e Nazim Bllacës mbi ngjarjet është edhe një bisedë që Nazim Bllaca ka pasur me pjesëtarët e SHIK-ut më 13 tetor 2009, dhe të cilën vetë Bllaca e ka incizuar me telefonin e tij mobil, dëshmi kjo që pas ekspertizës është konfirmuar si autentike. Gjatë këtij takimi ndërmjet Bllacës dhe Shpresim Ukës është zhvilluar kjo bisedë, e cila është shkëputur nga prokurorët dhe është futur në aktakuzë:

Nazim Bllaca: Ismeti ishte intervistuar nga EULEX-i dhe prej Ismetit EULEX-i shkoi në Qendrën Klinike.

Shpresim Uka: Çka ka të keqe kjo?

Nazim Bllaca: Çka ka të keqe? Ju e dini shumë mirë se ai njeri ishte plagosur në atë vrasje?

Shpresim Uka: Dhe çka? Çka do të ndodhë?

Nazim Bllaca: Të gjithë do të burgosen. Të gjithë në burg.

Shpresim Uka: Pse do të burgosen? Sepse ai na plagosi neve!

Nazim Bllaca: Jo se ai na ka plagosur neve.

Shpresim Uka: Të gjithë do të burgosemi, s’ka problem.

“Nga kjo bisedë del i qartë fakti se Shpresim Uka e pranon se ai dhe Driton Hajdari kishin qenë të pranishëm kur ishte tentuar t’i merrej jeta Ismet Arifit”, thotë prokurori.

[G-2]

nuk ka faj kristofor delli qe ka then se bllaca ia ka lekundur themelet hashim thacit!
ky eshte vetem fillimi dhe zbardhja e disa krimeve te vogla te shikut!

do te shohim kur te vijm te vrasjet e figurave te medhaja te ldk!
kjo task forca ka kogja pune se i duhet te merret me kriminel qe sot jane politikaj-mafioz!

i lumt bllaces keshtu ndertohet shteti duke e crrenjos krimin!
dhe jo duke e fshehur sic ben hashim lopari me banden e vet!

me kohe do te ndriqohet cdo gje!