Brunilda Boçova

[mondishall]

Shpreh dhe mendimin tim nestorp. Urime Brunilda!

[nestorp]

Një trung i thyer buzë valëve tjerr aromën....,

NJE MREKULLI!

[brunilda_it]

Plotësia e verbër


Hija futej nëpër ujëra e shtrihej dheut ,

T'i mbulonte ''gjurmët'' vetes së mangët .

Turbull dilte e turbull zhytej përsëri ,të mos e njihte kush !

Diku murit të plasaritur futej vjedhurazi pas zërit të erës ,

Hija.., gjysma tjetër e gjithëkujt..., ajo plotësia e verbër !?




Poezi e marre nga libri i 9-te "Ne gjunje te mallit"

[brunilda_it]

Nuk ke më shumë ...,


Ti s'ke më shumë mall, se një hije dimri ,

Koha po shkon dhe hëna sylodhur përkundet heshtur.

Ti s'ke më shumë dhembje, se një degë e thyer ,

Gurët rënkojnë si një zemër e kredhur në faj.

Ti s'ke më shumë lot, se një vajzë e c'virgjëruar ,

Jashtë portës së lotit lëkundet një les e thyer ...,

Ti s'ke më shumë dashuri se shpirti im ,

Dashuria dhe unë mbajmë fshehur jetë-jete shpirtit !




Poezi e marrë nga libri i 9-të "Në gjunjë të mallit"

[nestorp]

Tercina e fundit me ka pelqyer jashte mase Bruna!Nga muza juaj burojne ujvara plot kolorit metaforash e figura te tjera artistike.Komplimente!
***

Jashtë portës së lotit lëkundet një les e thyer ...,

Bukur shume bukur!

PS:Akoma ka lesa edhe ne qytet,apo e ke fjalen per ne fshat mikja ima? Hahahaha e bukur kjo!
Te uroje suksese!

[brunilda_it]

M'i thave degët..., në fresk !


Një fresk i përlotur luante me mbrëmjen ,

Ulej e ngrihej , midis yjeve ikte vjedhurazi e lakuar .

Në gjunjë të heshtjes ma ule zërin e mallit ,

Dhe koha shkonte..., dhe koha ndante ..., dhe koha sillte kohë ,

Merrte frymë me errësirën që treste dritë vështrimi ,

Zgjatur pas natës blu , m'i thave degët..., në fresk .



Poezi e marrë nga libri i 9-të "Në gjunjë të mallit"

[brunilda_it]

"Njeriu i diteve"


E kunderta e njerezise ,

Pertyp ngerdheshje te shtirura ,

Shteg pa shteg nxjerr syte ,

E fytyre deformon aventurave .

Del ne skene i tjetersuar

"njeriu i diteve"....,



Poezi e marrë nga libri i 9-të "Në gjunjë të mallit"

[brunilda_it]

Skepticizmi


Lagemi nga lotët ,

Thahemi …, diellit .

Freskohemi nga nata ,

Përpëlitemi …, së vërtetës .

Kur dielli zë vend ,

Në një pjesë enigmatike ,

Të qënies , ndoshta njeri !



Poezi e marrë nga libri i 9-të "Në gjunjë të mallit"

[Plot]

M'i thave degët..., në fresk !


Një fresk i përlotur luante me mbrëmjen ,

Ulej e ngrihej , midis yjeve ikte vjedhurazi e lakuar .

Në gjunjë të heshtjes ma ule zërin e mallit ,

Dhe koha shkonte..., dhe koha ndante ..., dhe koha sillte kohë ,

Merrte frymë me errësirën që treste dritë vështrimi ,

Zgjatur pas natës blu , m'i thave degët..., në fresk .



Poezi e marrë nga libri i 9-të "Në gjunjë të mallit"

shume e bukur kjo, Brunilda!

[brunilda_it]

Mjegull malli !


Gatuar në dhe' të lagur , frymë fjalësh nëpër vesë ,

Dridhet ajri në parmak të diellit ...,

Shkon e vjen një stinë e thyer në trungje lisash ,

Tokës kalëron një mjegull e hollë malli !




Poezi e marrë nga libri i 9-të "Në gjunjë të mallit"