Berisha: Rama shef i mafies ballkanike Rama: Prokuroria te hetoje akuzat e Berishes

[Brari]

bejeni o jani listen.. un ate po pres..

po nuk u milimetrua harta e shqiperise cep e me cep e mbi cdo milimeter te vihet i zoti.. shteti apo mileti.. nuk kemi ku shkojme..


8 vjet kishit kohe kurse ki gjatoshi yt ed-veri .. rrahesi e perdhunuesi i femrave.. ka gati sa mehmet shehu kohe qe po qeverris dhe vetem zanatin e hajdutit po tregon se din..



ja cthot gazeta sot

--

Lajmet Kryesore
Pallati i Dash Pezës, zbulohen dokumentet e falsifikuara nga Edi Rama
Rama miratoi lejen e ndërtimit mbi rrugën duke e cilësuar pronë private

Skandali i zaptimit dhe përvetësimit të pronave dhe rrugëve në Tiranë nga Edi Rama nxjerr çdo ditë fakte të reja. Gazeta ka arritur të siguroi Hartën Treguese të Regjistrimit, e tërhequr pranë Zyrës së Regjistrimit të Pasurive të Paluajtshme për rrugën “Urani Pano” dhe pronën e qytetarit Ilir Mata, mbi të cilën Dash Peza ka ngritur pallatin e tij 12 katësh. Gjithashtu për të bërë krahasimin me situatën aktuale në terren, kemi nxjerrë edhe hartën mbi të cilën Edi Rama

ka miratuar lejen e ndërtimit, duke e përfshirë me vetëdije të plotë edhe rrugën “Urani Pano” në zonë ndërtimi të mikut të tij të ngushtë Peza. Falsifikimi duket qartë në lejen e ndërtimit të lëshuar nga Edi Rama, i cili ka futur në sipërfaqen e sheshit të ndërtimit edhe rrugën. Nga ballafaqimi i dokumenteve rezulton se sheshi i ndërtimit të miratuar nga Edi Rama është 191. 5 m2 me një sipërfaqe ndërtimi prej 148.4 m2. Ndërkaq nga dokumentet e lëshuara nga Zyra e Regjistrimit të Pasurive të Paluajtshme, rezulton se prona e Ilir Matës që është shfrytëzuar nga Dashi për ndërtim është 140.5 m2, afro 8 metër katrorë nga sipërfaqa e ndërtimit. Kujtojmë se jo e gjithë sipërfaqja e pronësi të Ilir Matës është shfrytëzuar pasi për shkak të thyerjes së sipërfaqes së pronës afro 30% e saj është e pa shfrytëzueshme për ndërtimin e pallatit 12 katësh. Nga ballafaqimi i këtyre dokumenteve duket qartë se Edi Rama i ka falur rrugën mikut të tij të ngushtë Dashamir Pezës, si dhe i ka miratuar një leje ndërtimi që nuk përmbush asnjë prej kushteve të urbanistikës.

Abuzimi
Abuzimi i kreut të bashkisë me rrugën “Urani Pano” duket qartazi në të gjitha dokumentet e që ekzistojnë si për vendndodhjen e pronës ashtu edhe për lejen e ndërtimit. Në të gjitha dokumentet vihet re se në lejen e ndërtimit është përfshirë edhe rruga, duke bllokuar kalimin e dhjetëra e qindra familjeve që kalojnë aty. Në lejen e ndërtimit përpiluar nga KRRT-ja e Ramës dhe e firmosur prej tij, cilësohet se pallati do të ndërtohet mbi pronën e Ilir Matës, por mesa duket kreu ynë i bashkisë nuk ka llogaritur se sipërfaqja e sheshit të ndërtimit është edhe dy herë më e madhe se prona e vënë në dispozicion për ndërtim, ose mund ta ketë vënë re dhe për këtë arsye i ka vënë në dispozicion mikut të tij edhe rrugën, e cila konsiderohet si vijë kufitare në lejen e ndërtimit. Çdo ditë botohen fakte që tregojnë veprimet korruptive të kryetarit të Bashkisë së Tiranës dhe prokuroria nuk ka regjistruar asnjëherë ndonjë procedim penal për rastin konkret apo edhe për raste të tjera ku ndërtuesit e Ramës kanë zaptuar pronat publike janë me dhjetëra kryetarë bashkish e komunash që janë dënuar me burg kur kanë dhënë leje ndërtimi mbi një pronë shtetërore, apo nuk kanë kontrolluar siç duhet aktin e pronësisë. Atyre tashmë u lind e drejta që të kërkojnë dëmshpërblim për dënimin e marrë duke nxjerr si precedent rastin e Edi Ramës, i cili shet dhe jep leje ndërtimi mbi pronat shtetërore sipas qejfit të tij.

Leja e ndërtim
Në vendimin e 22 shtatorit 2001, KRRT-ja e Bashkisë së Tiranës vendosi “në parim” për sheshin e ndërtimit, me kushtin që ajo ti shiste rrugën Dash Pezës, sërish edhe ky vendim nuk u respektua. Jo vetëm kaq, por, pas pak më shumë se një muaji më pas, KRRT-ja e Bashkisë së Tiranës, i jep lejen e ndërtimit Dash Pezës, end epa u zbardhur leja për shesh ndërtimi. Me pak fjalë, në datën 27 tetor 2001, KRRT e Bashkisë së Tiranës me vendimin e saj Nr. 28, miratoi lejen e ndërtimit, për kompaninë e Dash Pezës, “T. T. T. ALBA – L.A.M.” sh.p.k ende pa u përcaktuar sheshi i ndërtimit, madje ende pa u zbardhur leja për shesh ndërtimi që Edi Rama kishte firmosur vetëm pak më shumë se një muaj më parë. Leja për sheshin e ndërtimit, për të cilin Edi Rama firmosi edhe lejen e ndërtimit, u zbardh vetëm një vit më pas. Pikërisht, në datën 4 shtator 2002, zbardhet leja e sheshit të ndërtimit (sipas formularit Nr. 2), Në bazë të zbardhjes së kësaj leje për shesh ndërtimi, mësohet se sipërfaqja e sheshit ishte 191.5 m2, ndërsa sipërfaqja e ndërtimit 148.4 m2. Koeficienti i shfrytëzimit 0.77. Afati i kësaj leje ishte deri në datën 22. 03. 2002. Më pak se 10 ditë pas zbardhjes së lejes së sheshit të ndërtimit, por edhe një vit pas marrjes së lejes së ndërtimit, saktësisht në 13 shtator 2001 (sipas formularit Nr. 4), u zbardh edhe afati i lejes së ndërtimit të dhënë në 27 tetor 2001 nga KRRT-ja e Bashkisë së Tiranës, për Dash Pezën. Afati i kësaj leje është deri në 27. 10. 2004.

Pezullimi dhe rifillimi i punimeve
Për shkak të abuzivizmit flagrant në këtë ndërtim, ish-qeverisja socialiste vendosi të pezulloi punimet, por pezullimi zgjati vetëm një vit dhe sërish iu hap rruga Dash Pezës që të rifilloi grabitjen e rrugës “Urani Pano” nga një vendim i KRRTRSH Nr. 10 datë 15. 03. 2005, ku thuhej se është kryer një inspektim, është konstatuar se nga ana e ndërtuesve janë respektuar kondicionet por duke përfshirë edhe rrugën. Në vendim thuhet se është revokuar vendimi i KRRTRSH Nr. 12 datë 23. 06. 2004 “Për rishikimin e vendimit të KRRT të Bashkisë së Tiranës Nr. 28 datë 27. 10. 2001 për leje ndërtimi për objektin 11 dhe 12 kate në Rrugën “Urani Pano”, për subjektin ndërtues “T. T. ALBA- L.A.M”. gjithashtu në këtë vendim thuhet se Bashkia e Tiranës duhet të parashikojë lënien e kalimit këmbësor publik Veri-Jug. Për zbatimin e këtij vendim,i ngarkohet Ministria e Rregullimit të Territorit dhe Turizmit dhe Bashkia Tiranë. Që prej këtij vendimi, Dash Pezës iu hap rruga që të përvetësonte rrugën, për të cilën do të vazhdojë të paguajë një qira qesharake dhe duke i hequr njëherë e përgjithmonë qytetarëve rrugë hyrëse për në banesën e tyre. Banorët e zonës i luten zotit që mos të bjerë ndonjë zjarr apo të kenë ndonjëherë nevojën e ambulancës, pasi Dash Peza ua hoqi të drejtën e ndihmës.

Romir Saraçi



Lajmet Kryesore

Ja si Edi Rama e ka shitur dhe regjistruar në mënyrë të paligjshme Tajvanin
zeta Sot publikon raportin përfundimtar të Kontrollit të Lartë të Shtetit “Për Kontrollin e ushtruar në ZVRPP, Tiranë.


Në lidhje me regjistrimin e kontratës së shitjes së pronës publike me sipërfaqe 1310 m2 “truall”, e shitur nga Bashkia e Tiranës dhe e blerë nga shoqëria “Tajvan”sh.p.k u konstatua se:

Në regjistrin hipotekar me nr .56 datë 17.3.2005, në emër të shoqërisë “Tajvan”, nga ana e punonjësve të kësaj zyre është regjistruar pasuria nr 7/ 307, e ndodhur në zonën kadastrale 8380, me sipërfaqe 1310 m2 “truall” në adresën rr. “Dëshmorët e 4 Shkurtit” (përveç regjistrimit në sistem të hipotekës, për këtë pasuri është celur dhe një kartelë e pasurisë së

paluajtshme, duke bërë regjistrim sporadik për pasurinë nr. 7/307 me sipërfaqe 1310 m2 “truall”, në volumin 19, faqe 195, ku dokumenti ligjor ka marrë numër reference 05583).

Nga kontrolli i dokumentacionit, që ka lidhje me regjistrimin e kontratës së shitjes së truallit publik, nga Bashkia e Tiranës rezulton se:

Në shkresën nr. 3918/2 datë 9.3.2005. ZVRPP e Tiranës i është drejtuar Bashkisë së Tiranës për rikonfirmimit e pasurisë nr. 7/307, me sipërfaqe 1310 m figuron “shtet”.

Nisur sa më sipër, kryetari i Bashkisë së Tiranës, Edi Rama ka lëshuar autorizimin nr. 1887, datë 9.3.2005, me të cilën autorizon Svjetllana Jakupi, me detyrë përgjegjëse i Sektorit të Legalizimeve në Drejtorinë e Legalizimeve pranë Bashkisë së Tiranës, për të përfaqësuar institucionin në lidhjen e kontratës së shitblerjes së truallit me sipërfaqe 1310 m2 “truall”, e ndodhur në rr. “Dëshmorët e 4 Shkurtit”, zona kadastrale 8380, me nr. pasurie 7/307.

Ky autorizim i lëshuar është mbështetur në nenin 2, pika 11, e ligjit nr. 9209, datë 23.03.2004 “Për legalizimin e shtesave në ndërtim”, të vendimit të Këshillit Bashkiak nr.2, datë 17.02.2005 “Për shitblerjen për efekt legalizimi të truallit shtetëror” të zënë me ndërtim shtese tej lejes së miratuar me vendim nr. 48, datë 21.97.2001 të KRRT-së së Bashkisë së Tiranës, me konfirmim ligjshmërie nga prefektura e Qarkut të Tiranës me shkresën nr. 411/1, datë 28.02.2005.

Më datë 10.03.2005, pranë noterit publik Boris M. Skënderi, me seli rr. “Reshit Çollaku”, pall. i Shallvareve nr. 4, Tiranë është paraqitur pala shitëse Bashkia e Tiranës, me përfaqësues Svjetllana Jakupi dhe pala blerëse shoqëria “Tajvan”, sh.p.k., e përfaqësuar ligjërisht nga administratori, Avni Braçaj, është nënshkruar kontrata e shitjes për sipërfaqen 1310 m2 “truall”, e ndodhur në rr. “Dëshmorët e 4 Shkurtit”, zona kadastrave 8380 me nr. pasurie 7/307.

Baza ligjore ku e mbështet shitjen e pronës “shtetërore”, noteri publik Boris M. Skënderi është neni 83, neni 705e vijues të Kodit Civil, neni 11 i ligjit nr. 7843, datë 13.7.194 “Për regjistrimin e pasurive të paluajtshme”, neni 2, pika 11 e ligjit nr. 9209, datë 23.3.2004 “Për legalizimin e shtesave në ndërtime”, neni 32, germa “e” e ligjit nr. 8652, datë 31.7.2000 “Për organizimin dhe funksionimin e qeverisjes vendore” dhe vendimi i Këshillit Bashkiak të Tiranës nr. 2, datë 17.2.2005 “Mbi shitblerjen për efekt legalizimi të truallit shtetëror të zënë me ndërtime shtesë tej lejes së miratuar me vendim nr.48, datë 21.7.2001 të KRRT-së së Bashkisë së Tiranës.

Po t’i referohemi bazës ligjore të kontratës ku mbështet shitja e pronës “Shtetërore” do të shikojmë se pika 11, e ligjit nr. 9209, datë 23.3.2004 “Për legalizimin e shtesave në ndërtime”, në mënyrë të “heshtur” është shfuqizuar me kompensimin e pronës”, ku citohet se : “Për tokat që janë në pronësi të shtetit, organet kompetente të administratës publike ndalohet të lidhen kontrata posedimi a pronësie me të tretë deri në fund të procesit ë kthimit dhe kompensimit të pronave”, çka do të thotë se Bashkia e Tiranës nuk ka pasur dhe nuk ka të drejtë të shesë pronën publike, për deri sa nuk ka përfunduar procesi i kthimit dhe i kompensimit të pronave për ish-pronarët.

Gjithsesi, kjo kontratë shitje datë 10.03.2005, e përgatitur dhe e nënshkruar nga noteri publik Boris M. Skënderi është e pavlefshme, për faktin se:

Në nenin 3 të kontratës, në “Përshkrimin e pronës”, citohet se: “Pala shitëse është pronare e një trualli me sipërfaqe 1310 m2” dhe nuk përshkruhet se në çfarë numri hipoteke është regjistruar prona e shitësit “Bashkia e Tiranës”.

Në nenin 4 të kontratës “Gjendja e pronës” citohet se: “Prona është e lirë nga çdo barrë dhe hipotekë dhe është e regjistruar ekskluzivisht në emër të shitësit”, sipas shkresës së Zyrës së Regjistrimit të Pasurive të Paluajtshme, Tiranë nr. 3918/1, datë 06.12.2004.

Po t’i referohesh kësaj shkrese të ZVRPP, Tiranë thuhet se “...pasuria me nr. 7/187, me sipërfaqe 1310 m2 figuron shtet...”, çfarë do të thotë se kjo pasuri me sipërfaqe 1310 m2 nuk është e regjistruar më parë në regjistrat e Hipotekës në emër të shitësit (Bashkia e Tiranës), në zbatim të nenit 37 e 38, të ligjit nr. 7843, datë 13.07.1994 “Për regjistrimin e pasurive të paluajtshme”.

Ndërsa në nenit 8.2 të kontratës “Të ndryshme” citohet se: “Me nënshkrimin e kontratës, pala shitëse, në rastin konkret Bashkia e Tiranës me përfaqësues Svjetllana Jakupi, zhvishet plotësisht nga pronësia mbi truallin e treguar në nenin 1, trualli me sipërfaqe 1310 m2 e regjistruar në ZVRPP, Tiranë, zona kadastrale nr. 8380, pasuria me nr. 7/187, me adresë rr. Dëshmorët e 4 Shkurtit”.

Ky nen (8.2) i kontratës është në kundërshtim me nenin 1 i po kësaj kontrate, për faktin se Bashkia e Tiranës nuk ka qenë pronare e kësaj pasurie, aq më tepër kjo pasuri figuron e regjistruar në librat e ngastrave të ZVRPP “shtet”.

Për rrjedhojë, Bashkia e Tiranës nuk ka të drejtë të shesë një pronë publike, që nuk e ka regjistruar në regjistrat e ZVRPP, në bazë të nenit 6, ligji nr. 8743, datë 22.02.2001 “Për pronat e paluajtshme të Shtetit” (në përputhje me ligjin nr. 7843, datë 13.07.1994 “Për regjistrimin e pasurive të paluajtshme”.

Çdo veprim në regjistër, që ka si efekt ndryshimin e gjendjes juridike të një pasurie të paluajtshme, bëhet kur akti ose vendimi gjyqësor që e konstaton atë, është regjistruar më parë në regjistrin e pasurive të paluajtshme.

Regjistrimi i fitimit apo i kalimit të së drejtës së pronësisë për pasuritë e paluajtshme, të njohura ose të fituara me anë të ligjit, vendimit gjyqësor apo aktit administrativ bëhet nga ZRPP, në zbatim të nenit 38, të ligjit nr. 7843, datë 13.07.1994 “Për regjistrimin e pasurive të paluajtshme”, pas verifikimit të plotë të elementeve të formës dhe përmbajtjes së aktit përkatës, që njeh ose përmban fitimin e së drejtës së pronësisë, për efekt të plotësimit të kushteve të regjistrimit, të përcaktuara në nenin 193 të Kodit Civil,

Në këto kushte, jemi para një fakti se akti noterial për tjetërsimin e pronësisë mbi sende të paluajtshme ose të një të drejte reale mbi to, kryhet nga noteri, pasi të ketë verifikuar pronësinë e palës mbi sendin e paluajtshëm, pranë zyrave të regjistrimit të pasurive të paluajtshme, nëse dokumenti i paraqitur prej palëve janë autentike dhe në përputhje me regjistrimin në këtë zyrë (ZVRPP) dhe pasi bindet në saktësinë e tyre ai (noteri) redakton aktin noterial.

Verifikimi i pronës pranë ZVRPP në Tiranë nuk është kryer nga ana e noterit publik Boris M. Skënderi në zbatim të nenit 54, i ligjit nr 7829, datë 1.6.1994 “Për noterinë” çfarëdo të thotë se akti noterial (kontrata e shitjes datë 10.03.2005) nuk plotëson elementët e formës, e kërkuar sipas ligjit, se: Prona e Paluajtshme, objekt kërkese për regjistrim, duhet të figurojë e regjistruar në ZRPP-në, në emër të tjetërsuesit të përmendur në aktin noterial, për ndryshe akti noterial është e pavlefshme.

Për rrjedhojë, redaktimi dhe nënshkrimi i kontratës së shitjes datë 10.03.2005 në bazë të nenit 116, pika “c” të ligjit nr 8485, datë 12.05.1999 “Për kodin e procedurës administrative”, është një akt absolutisht i pavlefshëm, ku pavlefshmëria është krijuar nga shkelja e ligjit nga mangësitë në përmbajtjen e aktit, nga pamjaftueshmëria e kompetencave të autoritetit të Bashkisë së Tiranës, nga mospresekptimi i formës së procedurës, etj.

Në këto kushte, kërkesa datë 17.03.2005 për regjistrimin e kësaj kontrate, nga ana e punonjësve të kësaj zyre duhej të ishte refuzuar dhe nuk duhej të ishte regjistruar, për faktin se për kalim pronësie me anë të shitjes, personi i autorizuar për kryerjen e veprimeve nuk ka paraqitur:

- Certifikatën origjinale të pronësisë (ose vërtetimin e pronësisë)

- Kontratën noteriale e shitjes, midis shitësit dhe blerësit, ku i bashkëngjitet kopje e kartelës, HTR (ose kopje e vërtetimit të pronësisë me HTR provizore).

Për rrjedhojë, regjistrimi fillestarë i truallit me anë të shitjes për sipërfaqen prej 1310 m2 dhe pajisja me vërtetim pronësie, janë në kundërshtim me ligjin nr 7843, datë 13.07.1994 “Për regjistrimin e pasurive të paluajtshme” dhe në kundërshtim me kërkesat e Rregullores se Brendshme të Zyrës Qendrore të Regjistrimit të Pasurive të Paluajtshme, nr 184, datë 08.04.1999.

Për shkeljen e cilësuar më sipër mban përgjegjësi:

1- Gazmend Zeneli, me detyrë ish- regjistrues

2- Ornela Kokonozi, me detyrë ish- specialiste.

3- Ardian Tafili, me detyrë ish- hartograf.



VI. Kontroll mbi mënyrën e plotësimit të kartelave të pasurive të paluajtshme, në zonat kadastrave që janë futur në sistemin e ri të regjistrimit për zonat rurale dhe urbane, pas regjistrimit fillestar të pasurive.

Nga kontrolli u konstatua se:
Për zonën 2460, fshati Linzë

--

[Brari]

Lajmet Kryesore
Unaza e Tiranës në gjeopolitikën euraziatike dhe misioni subversiv i Edi Ramës
Nga Kastriot MYFTARAJ

Nëse e shikoni hartën, madje më mirë një një glob, duke e pasur shikimin të kualifikuar me tekstet bazë të gjeopolitikës, detajet do të fitojnë një kuptim të ri për ju. Kur flas për tekste bazë kam parasysh ato të admiralit amerikan Alfred Thayer Mahan, ku elaborohet koncepti i projektimit të fuqisë detare, apo koncepti i heartland-it i Halford Mackinder, të cilat janë kompatibël. Admirali Mahan i shikonte SHBA si një superfuqi detare të ardhme, që duhej të

kontrollonte blloqet masive kontinentale të botës duke zënë pika kyçe ishullore dhe bregdetare që do t’ u mundësonin të kontrollonin rrugët e tregtisë. Halford Mackinder e vinte gishtin tek blloku kontinental euraziatik (ishulli botëror) si pika më e rëndësishme strategjike, ku projektimi i fuqisë detare duhej të pengonte kontrollin nga një apo dy fuqi kontinentale.
Ministri i jashtëm i Turqisë Ahmet Davotoglu, një studiues i mbiquajtur “Kissingeri” turk, e shikon hartën e botës pikërisht me një vështrim të tillë të kualifikuar gjeopolitik në librin “Kriza globale pas 11 shtatorit”, dhe gjen atë që mund të quhet simetri gjeopolitike mes Afganistanit dhe Kosovës. Për Davutoglu, Kosova dhe Afganistani, edhe pse janë dy vende të kyçura në tokë (pa dalje në det) përbëjnë dy pika me të njëjtin funksion gjeopolitik. Të dy këto vende përbëjnë rrugëkalime në brendësi të bllokut tokësor euraziatik, duke u nisur nga një pikë hyrjeje e përshtatshme detare, çka në rastin e Afganistanit është Pakistani dhe në rastin e Kosovës është Shqipëria. Prej këtej angazhimi ushtarak i NATO-s dhe posaçërisht ai amerikan në Kosovë dhe Afganistan, por edhe në Shqipëri dhe Pakistan .
Në rastin e Afganistanit, është shfaqur ambicja e Kinës për të ndërtuar rrugë të reja strategjike për tregtinë dhe projektimin e fuqisë së saj ushtarake, rrugë që kalojnë nëpërmjet Afganistanit dhe dalin në detin e hapur nëpërmjet Pakistanit, duke evituar rrugën e gjatë detare për në Gjirin Persik dhe Europë që kalon nëpërmjet ngushticave dhe që Kina e shikon si të pasigurt në perspektivë. Në rastin e Kosovës kemi të bëjmë me një vend nga ku SHBA-të mund të depërtojnë nëpërmjet detit në zemër të një rajoni me rëndësi strategjike të Eurazisë, siç është Ballkani, ku kalojnë naftësjellësat, gazësjellësat dhe korridoret e reja të tregtisë mes Europës dhe Azisë, ku kanë interesa të mëdha Bashkimi Europian dhe Rusia, por në perspektivë edhe Kina.
Nëse do t’ i hidhni një sy hartës, duke pasur ndërmend projektet tashmë të deklaruara infrastruktur do të perceptoni rolin e Shqipërisë në gjeostrategjinë amerikane. Shqipëria po shndërrohet njëkohësisht në një portë detare, me zgjerimin e porteve dhe ndërtimin e porteve të reja. Kompatibël me këto janë dhe korridoret rrugore që zenë fill nga Tirana, por që të çojnë edhe nga qytetet porte të Shqipërisë në thellësi të Ballkanit, ku takohen me pjesën tjetër të rrjetit e korridoreve europiane që përshkon rajonin. Nëse do t’ i hidhni një sy hartës do të shikoni se Tirana po bëhet një nyje rrugore nga ku dalin gjashtë korridore të rëndësishme rrugore, që shkojnë drejt Kosovës, Malit të Zi, Maqedonisë, Greqisë. Në këto rrethana, unaza e Tiranës bëhet nyja e natyrshme për trafikun nëpër këto korridore, aq më tepër kur Tirana është shumë afër detit. Që Tirana të bëhet nyja e trafikut nëpër këto korridore duhet që të ndërtohet unaza e madhe e Tiranës. Nga kjo pikëpamje, unaza e madhe e Tiranës fiton një funksion global gjeopolitik.
Unaza e madhe e Tiranës duhet të ishte ndërtuar me kohë dhe shembull për këtë është mënyra se si vendi fqinj, Maqedonia bëri të mundur ndërtimin e unazës së madhe të Shkupit, prej 26.5 km, e cila filloi të funksionojë në qershor të këtij viti. Kryetari i Bashkisë së Shkupit dhe qeveria e Maqedonisë, që në vitin 2000 lobuan fort që unaza e Shkupit të përfshihej në projektet e Paktit të Stabilitetit dhe të ndërtoheshin me financim ndërkombëtar, gjë që edhe ndodhi. Në vitin 2000. Në të njëjtën kohë që në Shkup kryetari i bashkisë filloi lobingun ndërkombëtar për ndërtimin e unazës së Shkupit, në Tiranë Edi Rama u bë kryetar i Bashkisë. Edi Rama nuk ka bërë asnjë minutë lobing ndërkombëtar për ndërtimin e unazës së madhe të Tiranës me financim ndërkombëtar, dhe as ka kërkuar mbështetjen e qeverisë shqiptare për këtë gjë.
Edi Rama ka vepruar kështu për katër arsye. E para Edi Rama është njeriu i atyre qarqeve ndërkombëtare të cilat nuk duan që Shqipëria së bashku me Kosovën të funksionalizohen plotësisht në gjeopolitikën amerikane. Njerëz që nuk e duan këtë gjë ka edhe në Washington, në poste të larta, për arsye se kanë konflikt interesash për shkak të lobeve që u shërbejnë. Arsyeja e dytë për të cilën Edi Rama ka penguar ndërtimin e unazës së madhe të Tiranës është se Edi Rama e ka të qartë se kur të ndërtohet unaza e madhe e Tiranës, ajo do të shënojë dhe kufijtë e qytetit, vijën e verdhë të tij, çka do të thotë se do të ndryshojnë edhe kufijtë e bashkisë së Tiranës dhe do të përmbyset balanca elektorale që e mban Edi Ramën në pushtet prej 9 vjetësh. Arsyeja e tretë është se me ndërtimin e unazës së madhe të Tiranës shumë biznese të cilat sot gjenden praktikisht brenda qytetit, duke u justifikuar me mungesën e unazës, do të dalin jashtë unazës, çka prek interesat e grupeve të biznesit pranë Edi Ramës. E katërta ndërtimi i unazës së Tiranës bën që të zhduken disa ide të çuditshme dhe ogurzeza që ka shprehur Edi Rama, dhe që në kohën kur u thanë i janë atribuar ekstravagancës së tij retorike. Kështu Edi Rama, në gusht 2002, kur ka marrë pjesë në një project për bërjen e vizatimeve në gardhet që rrethonin kantieret e ndërtimit në dy anët e Lumit të Lanës, ka deklaruar para kamerave televizive, posaçërisht në Top Channel, se ky projekt do të bëjë që Tirana të duket si Berlini me murin e tij të mbushur me vizatime.
Në një vend si Shqipëria, ku vetëm pesë vjet para se Edi Rama të bënte këtë deklaratë, në vitin 1997, të gjitha mediat e mëdha ndërkombëtare qenë mbushur me harta të Shqipërisë, ku vendi paraqitej i ndarë në Shkumbin, kjo deklaratë e kryetarit të bashkisë së kryeqytetit fitonte një konotacion mjaft ogurzi. Se ndarja e Tiranës, me Lumin e Lanës si ekspedient të gatshëm, do të përbënte zhvillimin e natyrshëm të projektit të ndarjes së Shqipërisë. Ku bashkia e Shkupit dhe qeveria maqedone lobuan për ndërtimin e unazës së Shkupit, ato e paraqitën çështjen sikur ndërtimi i saj do të shërbente për të shkurajuar perspektivën e ndarjes së qytetit, e cila u shfaq gjatë luftës në Maqedoni. Në Shqipëri, kryetari i bashkisë së Tiranës, Edi Rama, jo vetëm që nuk bëri lobing për ndërtimin e unazës, por nxiti ndarjen e qytetit.


kmyftaraj@yahoo.com This e-mail address is being protected from spambots. You need JavaScript enabled to view it

gazeta sot
.

[ari32]

Kisha shkruar dy rreshta dhe nuk mund te kuptoj se pse mu fshi postimi,nuk kishte sharje dhe ofendime.
Nqs mendoni se kjo qe beni eshte liri mendimi per hajer ju qofte.
Do tju lutesha moderatoreve te me japin nje shpjegim.

[Duaje Siveten]

me keto zhgrrapsje qe ben ki bandilli siper, na del se me ane te asaj unazes, edveri nuk ka nevoje per te marre postin e krieministrit ...

i del dhe i tepron roli global strategjik i Tiranes ... do te benet personalitet rajonal, kontinental, boteror ... mbase edhe galaktik ... do lidhet Tirana edhe me UFO-t ...

tu lumte o kaqi ... eh si fluturon mendja e shkrete ... kokerr orizi ...

[gesti_7]

vaj medet ca politikanesh ka ky shtet.

ore z. Kryeminister, po nuk je me ne opozite more te besh deklarata rrugesh nga selia e partise, por je kryeminister dhe ben deklarata ne parlament, si dhe ne kryeministri.
Te pakten permbajtja te jete mbi ato gjera per te cilat ti merr rrogen, dhe ne paguajme 20 e ca % te pages tone per te te mbajt ty me buke.
per dosjet nuk ke pse i nxjerr ne media, nqs ke prova coji mor zoteri ne gjykata shqiptare a nderkombetare. Cjane keto prova e dosje qe ke per kundershtarin coji atje ku duhen cuar.

edhe nje gje tjeter.
ku ishin keto dosje kur erdhe ne pushtet?? apo para zgjedhjeve te 2009??? pse mor zoteri ua ke mbajt te fshehura shqiptareve keto prova dhe dosje qe kishe per ate gomarin 2 metra te gjate qe po na merr ne qafe. pse nuk i ke nxjerre qe ne fillim qe mos te arrinte ta mbante kete popull dhe politiken peng, por na i nxjerr vetem kur rrezikohesh ti per veten tende.

e njejta gje vlen edhe per zoterine tjeter, 2 metroshin pa tru dhe skizofren.
o zoteri, ke shume kohe qe po flet per saline, per familjen e tij qe po i pasuron dhe po pasuron te gjithe te afermit.
po coji mor zoteri provat ne gjykate, ne media (meqe je dhe opozitar te lejohet media se ke dhe gjithato besnike), apo te nderkombetaret dhe fshije kete figure nga jeta politike e ketij vendi nqs jane te verteta keto qe thua.

se desh harrova,
duku ndonje here nga bashkia, se po merr Tirana per kot, po zhytet gjithmone e me teper.

Pra si per macen Sali, dhe per miun Edi, ju lutem nqs keni prova nxirrini ne shesh dhe pastaj zhdukuni nga e tashmja dhe e ardhmja e Shqiptareve nqs jane te verteta ato qe thoni, nqs nuk keni, ju lutem vazhdoni te punoni dhe te beni ate per te cilen une dhe gjithe te tjeret ju paguajme nepermjet taksave qe na i rrisni sipas qejfit.

[Nice_Boy]

Berisha: Do ta çmontoj mafien

Kryeministri shqiptar, Sali Berisha deklaron se do të nxjerrë dekret për të çmontuar dhe shpartalluar mafien në Shqipëri.

Duke vazhduar sulmin ndaj kryetarit të PS-së Edi Rama, të cilin mbrëmë e cilësoi si kryetar të një klani mafioz, që sipas tij ka abuzuar me pronat e kryeqytetit dhe ka vendosur pasuri me vlerë 750 milion euro, Berisha tha “Ajo çfarë unë deklarova mbrëmë ju garantoj është vetëm një pjesë, dhe vetëm një pjesë, se tentakulat e saj të tmerrshme shtrihen në mbarë vendin”.

Në mbledhjen e qeverisë, Berisha të enjten paralajmëroi ngritjen e një Këshilli Ligjor, i cili do të ndihmojë ekzekutivin në një betejë me zero tolerancë ndaj mafies dhe premtoi se nuk do të ketë ngjyra politike.

“Në këtë luftë dhe në këtë betejë në mënyrë kategorike nuk do të ketë ngjyra, se ngjyra e krimit ekonomik është më e shëmtuara. Do të ketë qëndrim rigoroz ligjor, por në mënyrë absolute nuk do të ketë forcë që të pengojë këtë ekzekutiv ta ushtrojë vullnetin e popullit shqiptar në luftën kundër mafies“, tha Berisha.

"Në rast se në mandatin e parë ne çmontuam një nga një bandat që bënin ligjin në vend, tani kanë ngelur 'nehatët' e kollarisur dhe bosët e mafies. Tentakulat e mafies shtrihen në mbarë vendin, ndaj dhe ministritë dhe agjencitë qeveritare kanë detyrimin e parë dhe madhor, betejën me zero tolerancë ndaj mafies", vazhdoi Berisha.

Kreu i qeverisë informoi se departamenti i luftës kundër korrupsionit pranë kryeministrit do të jetë edhe për luftën kundër mafies. "Nuk do të nguroj të përdor dekretin. Lufta kundër mafies është emergjente. Ndaj Këshilli Ligjor do të ketë sugjerimin e dekreteve të Këshillit të Ministrave për të shpartalluar mafien", tha ai.

Berisha përdori situatën e ndërtimeve në Himarë për të treguar ekzistencën e mafies së ndërtimeve, ndërsa shtoi se në Tiranë nuk ekziston asnjë investim i huaj. "Një bukurisë natyrore si Himara mafia i vuri perden. Dhe aq sa e sheh detin nga Tropoja, aq mund ta shohësh prapa perdes së mafies. Në Tiranë për të huajt është e ndaluar investimi. Sepse të huajt nuk do të pranojnë të cenojnë karakterin e çmimit të ndërtimit”, tha ai.

[tvsh]

Mafia-Rama, 500 000 m² sipërfaqe ndërtimi me vlerë 750 milionë euro përvetësim trojesh në Tiranë

.

sa 500mije m^2? aha te pakten jane shqiptare

sali berisha sa mijera m^2 po i jep greqise? populli shqiptar duhet te krenohet se ka disa qe nuk duan kete padrejtesi ndaj tyre.

edi rama nuk lejon te futen socialistet ne parlament per shume gjera por me se shumti per patriotizmin e paster qe kjo dhurate ndaj greqise nga demokratet te mos te ratifikohet.

sa me duhet te cungohet shqiperia o berisha o bisha????

[rachi]

marre nga gazeta tema:

“Kryetari i Bashkisë së Tiranës nuk jep leje ndërtimi, po firmos leje që jepen nga KRRT me 9 anëtarë.

4 anëtarë janë të emëruar drejtpërdrejt nga Sali Berisha dhe 4 anëtarë janë të zgjedhur nga Partia Socialiste, përfshirë edhe mua si kryetar i Bashkisë së Tiranës. Anëtari i 9 është zgjedhur konsensualisht, edhe nga PS, edhe nga PD. Ky formulim i KRRT është bërë pas një vendimi të Gjykatës Kushtetuese të vitit 2007, sepse deri në vitin 2007 shumicën që ka vendosur gjithçka e ka pasur Sali Berisha, më parë kryeministrat e tjerë e kështu me radhë. Po ashtu, nuk ka asnjë leje, asnjë të vetme, ku unë të kem përdorur votën time për të bërë shumicë.

Lejet janë dhënë me votë të plotë të KRRT, ndërkohë që deri në vitin 2007 s’kam marrë pjesë në asnjë mbledhje të KRRT që kontrollohej nga njerëzit e Saliut, edhe pse kam firmosur, siç ma dikton ligji çdo vendim të atij organi kolegjial.

Ashtu sikundër nuk ka asnjë leje, asnjë të vetme, të dhënë mbi ndonjë pronë publike, ndërkohë që për shpifjen lidhur me gjoja shitjen nga ana ime të një prone publike te parku “Rinia” sot është depozituar një padi civile ndaj Sali Berishës dhe Sokol Olldashit në Gjykatën e Tiranës, ashtu sikundër është depozituar edhe një padi për shpifje lidhur me leje ndërtimi bërë nga foltorja e Partisë Demokratike dhe do të depozitohen përditë padi për çdo shpifje që do nxjerrë goja e përdalë e Çafkës që na qeveris.”

[Qyfyre]

Juanito02, mire Berishen qe nuk e beson, po raportet e te huajve a i beson? Lexo temat ne vazhdim:

http://www.forumishqiptar.com/showthread.php?t=81014
http://www.forumishqiptar.com/showthread.php?t=117277

Nje nga Koha Jone, nje nga Albania. Ku jane raportet e te huajve? Apo ata qe kane shkruar raportet sekrete, qe i paskan zbuluar gazetat shqiptare?

[Qyfyre]

Une nje gje nuk kuptoj. Si hidhen genjeshtart sa nga njera pale ashtu dhe nga tjetra. Sala ca nuk i thote Rames dhe ky nuk e hedh ne gjyq per genjeshtrat ndaj tij (nese jane genjeshtra). Pastaj nese Sala ka me verte fakte per te gjitha keto, si nuk eshte ne burg Rama po shetit neper Tirane e vazhdon ben miliona me lejet e ndertimeve?