Berisha: Rama shef i mafies ballkanike Rama: Prokuroria te hetoje akuzat e Berishes

[Anesti_55]

Rama, i dhunshmi i nënës dhe grave të tij
Kryeministri i kërkoi të ëmës së kreut të opozitës të informojë shqiptarët për çrregullimet mendore të të birit
Kryetari i Partisë Socialiste, Edi Rama është mjekuar për të paktën 10 vjet për skizofreni, gjë që dëshmohet edhe nga veprimet që ai bën qoftë në politikë qoftë në marrëdhëniet ndërnjerëzore. Kryeministri Berisha i kërkoi të ëmës së kreut të opozitës që t'u tregojë shqiptarëve të vërtetën për gjendjen e rëndë mendore të djalit të saj, i cili është mjekuar për më shumë se një dekadë për çrregullime mendore. "Një ditë nëna e tij më kishte nisur një letër të hapur, të cilën ia kishte diktuar i biri. Tani do i them zonjës; kam shumë respekt për ty, por do të ishte në integritetin tënd t`u tregosh shqiptarëve që e ke mjekuar djalin tënd Edvin Rama 10 vjet për skizofreni dhe e kanë mjekuar kolegët e mi. Duhet t`ua thuash shqiptarëve kur e sheh se çfarë po u bën shqiptarëve. Dil, ke kurajo si nënë shqiptare dhe ngrihu mbi sentimentet e një djali që të ka nxjerrë për leckash nga shtëpia e tij, me rroba gjumi në pazar. Dil, sepse është në interesin tënd më të mirë", u shpreh kreu i mazhorancës, duke shtuar se ky është koncepti që Rama ka për familjen. "Përdore fatkeqen, nënën e artistes së shquar për fushatë elektorale. Më thanë se i ke dhënë një apartament. Ta gëzojë në qoftë se e ke bërë këtë akt, sepse Matilda ishte një grua e mrekullueshme, por ti për familjen je një përbindësh i pashembullt në këtë vend. Ti po të mos kishe frikë mund të kryeje ndaj familjes si i tillë çdo lloj akti, por më të zeza i ke bërë. Ku ke fytyrë ti të përmendësh familje mbi ç`bazë e bën këtë? Mbi bazën e kompleksit dhe urrejtjes që ke për atë që e ke shkatërruar dhe di vetëm ta shkatërrosh", tha më tej Kryeministri.

Rama, i dhunshmi i nënës dhe grave të tij

Kryetari i opozitës Edi Rama është i mbërthyer nga një kompleks patologjik që lidhet me mungesën e familjes. Kreu i qeverisë iu kundërpërgjigj gjatë seancës së djeshme fushatës së shfrenuar që Rama ka ndërmarrë ndaj familjes kryeministrore. "I nderuar zotëri, është shumë normale të krahasojmë pak familjet. Meqenëse ti lakmon familjen time ditë për ditë, unë kam këtë përgjigje për ty: Ti vuan nga një kompleks i tmerrshëm nga një kompleks patologjik si askush tjetër. Kujtdo në jetë i kanë ndodhur ndarje, bashkime, i kanë ndodhur fatkeqësi, burgosje për probleme familjare. Por çdo njeri në jetë sa do të rënda t`i ketë pasur dramat është përpjekur të gjejë nordin", tha kreu i ekzekutivit, duke vlerësuar se familja është vlerë kryesore e njeriut, shoqërisë dhe njerëzimit, por kjo nuk vlen për rastin e Ramës. "Solemnisht para këtij Parlamenti dhe shqiptarëve do të shtroj pyetjen: cili është ai burrë, çfarë burri është ai që bashkëshorten e vet e akuzon se ka fëmijë me të atin e tij, ashtu siç ka botuar dokumentat ndihmësi i tij më kryesor, Erion Baze në fletushkën e tij? Cili është ai baba, që i mohon djalit kafshatën e gojës? Çfarëdo që të ketë bërë djali, kafshata si mohohet aq më tepër kur ai është i vogël e i mitur. Zoti Rama të ndodhi me bashkëshorten e parë, artisten e nderuar për të cilën kam patur dhe kam respektin më të madh. Po ç`ndodhi pastaj? Cili është ai burrë ai shqiptar, ai ballkanas, ai europian që nxjerr gruan e tij lakuriq në plazhet e botës? A mund të na thuash pak zoti Rama ti që përmend familjen çdo ditë e çdo natë. Ajo është një nënë, ajo është një motër, ajo është bijë, ajo është shqiptare, por edhe mos të jetë shqiptare, po të jetë serbe, gjermane, franceze, italiane, nuk bëhet kurrë ajo që ke bërë ti. E ke fotografuar. Ajo shëtit rrugëve në Tiranë dhe e ke ndarë", tha më tej Kryeministri gjatë fjalës së tij në seancën e djeshme. Ai theksoi se, Rama po shfaq çdo ditë kompleksin e tmerrshëm patologjik që ka për familjen. "Ke akuzuar babain tënd si baba të djalit tënd, ke nxjerrë gruan lakuriq në plazhet e botës. Këtë se ka bërë kush kurrë. Zoti Rama, cili është ai burrë, i cili ngrihet nga shtrati i të shoqes në kullën e Myslym Pezës dhe shkon tek shtrati i Dashit dhe deshve dhe e detyron të largohet natën e lemerisur", u shpreh më tej Kryeministri, duke i kujtuar Ramës se po lakon me shpifje për muaj të tërë familjen e tij. "Zoti Rama, ti që lakmon familjen çdo ditë a mund të më thuash, cili është ai burrë që rreh si kafshë tek Piazza dhe i mbush fytyrën me gjak të shoqes në prani të një sërë personalitetesh shqiptare dhe kosovare? Je ti dhe asnjë tjetër.

Kjo është e vërteta zoti Rama, ke një nënë të nderuar, të cilën kam pasur dhe kam respekt, mjeke, pavarësisht se vinte nga një begraund kriminel, mbesa e Spiro Kolekës e njërit prej xhelatëve të intelektualëve shqiptarë, por ajo vetë nuk kishte gjestim të tillë", tha Kryeministri.

Ligji dhe Kushtetuta do të predominojnë me çdo çmim

Kryeministri Berisha garantoi dje, se ligji dhe Kushtetuta e një vendi anëtar të NATO-s dhe vullneti i lirë i qytetarëve shqiptarë nuk do të mund të dhunohen as nga Edi Rama as nga klanet mafioze që kryeson, as nga familja e tij biologjike, as nga familja e tij historike dhe nga askërkush. Duke iu referuar ekstradimit të kriminelit Aldo Bare nga Turqia, kreu i qeverisë risolli në vëmendje të opinionit publik lidhjet e ngushta të kreut të PS-së me botën e krimit. "Zoti Rama, këto ditë në Shqipëri u riatdhesua Aldo Bare. Cili është raporti yt me botën e krimit zotëri? Ndër të gjithë politikanët shqiptarë ti je skllav i krimit. Pse ti je i vetmi politikan që je skllavi tij? Sepse, ti je i kapur në mënyrë të tmerrshme dhe je më frikacaku. Ti nuk e di more zotëri që bandat vetëm guxim nuk kanë aspak kurse ti je shumë i përzier me to", u shpreh Kryeministri, duke iu drejtuar kreut të opozitës. Ai bëri një kronologji të lidhjeve të Ramës me botën e errët të krimit. "E nise me Denis Ginën, e nise me afera shumë të fëlliqura. Denis Gina u vra me rrethim policie me antitank. Të më falë zonja, por mori për burrë vrasësin e burrit të parë. Kjo është e vërteta. Ti themi këto, jemi shqiptarë. Dhe ju desh kohë të kuptonte gabimin që kishte bërë. Zoti Rama më thuaj pak sa janë kilometrat e bisedave të tua me ashikun tënd, me të cilët ti vodhe të gjitha kutitë e votimit dhe të erdhi ambasadori amerikan në atë kohë dhe të tha se i fitove me Lamen tat këto zgjedhje?", tha kreu i qeverisë, duke i kërkuar Ramës të tregojë se cilat janë lidhjet e tij me Aldo Baren, pasi transkriptimet flasin se në bisedë mes tij dhe Dondollakut, Rama figuron si baloz. Duke iu referuar këmbënguljes së Ramës për të mbajtur opozitën jashtë Kuvendit, kreu i qeverisë tha se, kryetari i PS-së kërkon me çdo kusht të dëmtojë vendin. "E dini ju çfarë u thotë: Po u dhanë vizat ne morëm fund", u shpreh Kryeministri, duke nënvizuar se Rama tashmë ka marrë fund dhe është i pashpresë dhe do të përballet me fatin e baballarëve të tij sa herë që do të përpiqet të dalë kundër sistemit demokratik. "Kërcënon dhe lëshon ultimatume. Por në emër të kujt i lëshon ato ultimatume, kush je ti? Provoje po ta mbajti. Nuk dua këtë gjuhë po vjen një ditë që të jesh i bindur zoti Rama, që çdo gjë që do të ndodhë në këtë vend në dhunim të ligjit do të ketë një dhe vetëm një përgjegjës dhe ky do të jesh ti dhe vetëm ti", tha më tej kreu i qeverisë gjatë fjalës në Kuvend. "Provoje ti që fryhesh si kaposh se po fiton çakalli, provoje ultimatorin. Ky është fati yt i zi nuk ta zgjidh unë dot botën hormonale tënden ky je ti", iu adresua më tej Kryeministri kreut të opozitës. Ai paralajmëroi hapjen e një kapitulli të ri mbi aleancën punisto-mafioze. "Ti nuk ndryshon dot, se nuk të lë Koçua, s`të lë Kokëdhija dhe Tan Tullaku nuk të lënë ata ty. Por shqiptarëve duhet t`ua bëjmë të qartë, se përse nuk të lënë, cila është arsyeja që Fideli që brilantin flokët nuk të ndahet. Nuk është vetëm intime se nuk ka dashuri të përjetshme", theksoi kreu i qeverisë, duke shtuar se këto lidhje forcohen nga vjedhjet dhe grabitjet e përbashkëta që ata u bëjnë shqiptarëve.

Hajdutët e pronave, të njëjtin fat me Aldo Baren

Grabitësit e pronave të vjedhura do të kenë të njëjtin fat me bashkëpunëtorin e tyre, Aldo Bare. Kryeministri Berisha tha se në rast se Aldo Bare vjen dhe dënohet për 20 vrasje, po kaq të rrezikshëm janë edhe aldo baret e pronave të vjedhura. Duke iu referuar vjedhjes së pronave nëpërmjet falsifikimeve, kreu i qeverisë garantoi se askush nuk do të shpëtojë dhe nuk do të mund të përfitojë nga pronat e vjedhura. "Nuk ka qenë e thjeshtë, sepse kanë qenë dhe janë një mal falsifikimesh. Vetëm ka një meritë dhe një gjë, që shteti i ka të gjithë mekanizmat që të shembë jo vetëm një mal, por një seri malesh me falsifikime këtë po bën. E ke marrë me Besnikun tënd 1300 metra tokë në zemër të Tiranës që shitet me 2 mijë euro. Mendon se do të shpëtosh. Ky Parlament miratoi ligjin për shitjen e trojeve në fshatrat turistike", tha Kryeministri, duke nënvizuar se ditët që vijnë shteti do tua shkulë një nga një dhëmbët aleancës punisto-mafioze. "Ai ishte vetëm dhëmbi i parë, por do të vazhdojë, mos u shqetëso se pas dhëmbëve vjen nofulla, ndaj mafies zero tolerancë", tha Kryeministri, duke shprehur bindjen me atë përkushtim që është përballur në vitin '90-'91 me një sistem që duhej shembur me atë vullnet dhe vendosmëri do të luftojë sot me mafien që Rama kryeson dhe paralajmëroi kreun e PS-së se në këtë betejë është fund e krye i pashpresë. Gjithashtu, Kryeministri shprehu vendosmërinë për të garantuar protestën e çdo qytetari dhe çdo force politike dhe e ftoi kreun e opozitës që nëse dëshiron të bëjë protestë permanente para zyrës së Kryeministrisë. "I kam përshëndetur protestuesit absolutisht jo me sens armiqësor nuk mund të vlerësoj si armik kurrë unë një protestues. Por, ata që menduan se rrethuan kështjellën dhe tani do ta marrin le të provojnë se sa ju vlen lëkura. Unë jam Sali Berisha e mbaj fjalën time, të mos kemi fjalë, ligji dhe Kushtetuta do predominojë me çdo çmim", tha kreu i ekzekutivit, duke nënvizuar se ligji dhe Kushtetuta dhe vullneti i lirë i qytetarëve shqiptarë nuk do të mund të dhunohen as nga Edi Rama as nga klanet mafioze që kryeson, as nga familja e tij biologjike, as nga familja e tij historike dhe nga askërkush.

Komuniteti ndërkombëtar i kërkoi opozitës të futet në Kuvend

Kryeministri Berisha dënoi dje, gjuhën e ulët me anë të së cilës kreu i opozitës po artikulon shpifjet e përditshme ndaj tij dhe qeverisë. "Që nga dita e përfundimit të zgjedhjeve deri më sot, ky zotëri me një gjuhë alabaku ka formuluar çdo ditë dhe tre herë në ditë shpifje të ulëta, ndaj meje, ndaj fëmijëve të mi, ndaj familjes sime, dhe së fundi, filloi të shqipërojë dhe emrat e mbesave dhe të nipit tim. Sërish nuk u përgjigja për fajin e vetëm se ata ishin fëmijët e mi, sërisht nuk u përgjigja e bëra me vetëdije të plotë", u shpreh Kryeministri, duke iu referuar sulmeve të ulëta të kreut të PS-së ndaj familjes së tij. Ai theksoi se, pavarësisht se pala tjetër kishte humbur logjikën dhe moralin, i takonte atij që të mos bëhej si pala tjetër. "Jo vetëm unë, por të gjithë bashkëpunëtorët e mi zgjodhëm vetëm ftesën jo se ai e meritonte se ai meriton tjetër gjë, por opozita e meriton, do ta meritojë ftesën. Ky është qëndrimi ynë muaj të tërë ne arritëm t`i faktojmë Europës dhe botës një qëndrim dinjitoz një qëndrim ligjor, një qëndrim Kushtetues. Por çfarë bëri ky zotëri, pasi u shpallën rezultatet. Ai kërkoi rinumërim, Gjykata hodhi poshtë rinumërimin, duke trajtuar në themel çështjen e Beratit dhe faktoi se nuk mund të ketë rinumërim pa kundërshtinë gjatë rinumërimit, nuk mund të ketë Gjykatë pa mosmarrëveshje një parim universal", theksoi kreu i qeverisë, duke shtuar se më pas Rama u tha shqiptarëve se kishte mbledhur një vëllim të tërë falsifikimesh, mashtrimesh e dhunimesh që ua kishte dorëzuar institucioneve ndërkombëtare. Berisha tha se jo vetëm këta të fundit, por edhe gazetarët që e kishin ndjekur pas gjithë jetën u tallën dhe e përqeshën dokumentin e Ramës me këto pretendime. "Natyrisht, institucionet ndërkombëtare deklaruan se nuk ka asnjë të dhënë për manipulim rezultatesh, nuk ka asnjë të dhënë për numërim të pa rregullt. Zgjedhjet morën në radhë të parë çertifikimin e qytetarëve shqiptarë që kishin marrë pjesë më shumë se asnjë herë tjetër, morën çertifikimin e plotë nga 40 mijë komisionerë dhe numërues nga të cilët 20 mijë komisionerë të Partisë Socialiste, të cilëve unë i jam shumë mirënjohës përqendrimin e tyre ligjor në këto zgjedhje", nënvizoi kreu i qeverisë gjatë seancës së djeshme. Ai theksoi se, nuk u bë asnjë vërejtje sado e vogël nga procesverbalet, zgjedhjet e këtij sovrani morën çertifikimin e plotë të ODIHR-it, Asamblesë Parlamentare të NATO-s, Asamblesë të Këshillit të Europës, që i vëzhguan ato me 500 e ca vëzhgues. "Zgjedhjet morën çertifikimin e plotë të të gjithë piramidës së vlerësimit të zgjedhjeve në Shqipëri, morën çertifikimin e plotë të qeverisë së SHBA-së, e cila me anë të përfaqësuesit të saj në Vjenë bëri deklaratën që sapo lexova. Zgjedhjet morën çertifikimin nga kryesia e radhës e Presidecës suedeze, i cili i vlerësoi zgjedhjet në përputhje me standardet e OSBE-së dhe i kërkoi opozitës të futet në Kuvend. Zgjedhjet morën vlerësimet nga ministrat e Jashtëm të BE-së dhe burrështetasit e të gjitha vendeve të tjera dhe vendeve mike", theksoi më tej Kryeministri Berisha.

[BlueBaron]

Paska kalu ne kunder-ofensive Sala. Ishallah kete here i ka "shtyllat" e forta ...

[Apollyon]

Shikojeni pak kte videon.

Paska qene BURRE TRIM Saliu. Se dija per te tille, shyqyr qe nxori dhembet njeher duke fol si burre.

http://www.top-channel.tv/video.php?id=10249&ref=fb

Eshte dhje Edi, i shkojn nga 7-t.. LOL

[Duaje Siveten]

ja pra, Shqiptaret kane edhe nje here shansin te shohin se cilet jane realisht "kaloresit" e politikes dhe te shtetit Shqiptar; njeri akuzon per imoral, anti-familiar, etj; tjetri akuzon per disekuiliber mendor e familje kryeministrore kleptokratike ...

perveç fjales degjenerim, a mund te thoni ndonje gje tjeter (sigurisht per te dy) ...

[mesuesi_1]

Paska kalu ne kunder-ofensive Sala. Ishallah kete here i ka "shtyllat" e forta ...

mire mire shkutho por duhet me i fut sfurkun se perndryshe po mbete te fjalet rrezikon qe te ta bejne varrin ata ty pastaj ..... romaket 2mije vjet perpara perdornin thenien "morte tua vita mea" (vdekja jote jeta ime)

[Jack Watson]

Ky tipi paska qene 10 vjet ne cmendine duke u kuruar.

lol

Është e vërtetë.

Më saktë 9 vjet me ilaçe për skico: gjimnazin dhe shkollën e lartë.

[Apollyon]

Është e vërtetë.

Më saktë 9 vjet me ilaçe për skico: gjimnazin dhe shkollën e lartë.

Booo ca populli, po a dilet ne protesta per nje te cmendur? Ai me kriza eshte, ai me qene kryetar shteti, ja jep kriza ne tru e i shpall lufte ndonje shteti, kshu e kan psikopatet, varet nga kushtet klimaterike.

lol

[kundraRRYMES]

Sa per tu informuar se e shikoj qe shume njerez bejne papagallin se nuk e kane idene se per cfare flasin. Kryeministri shqiptar dhe imi kuptohet me krevatin e Dashit nenkuptoi krevatin e Dashamir Pezes djalit te Muslym Pezes.

Eshte per te ardhur keq kur Kryeministri shqiptar merret me thashetheme, fyerje personale, ofendime vulgare dhe mbi te gjitha keto i ben nga foltoria e parlamentit shqiptar si KRYEMINISTER i Republikes se SHqiperise.

Do te ishte mese e kuptueshme qe keto deklarata qe ben i nderuar Kryeminister ti bente dikush tjeter e te tregonte keto histori rrugesh ne nje vend tjeter.

Eshte per te ardhur keq kur nje figure politike dhe perfaqesues i nje shteti ulet deri ne ate pozite qe te beje debat vulgar dhe fyerje qofshin te verteta apo te rreme.
Nuk eshte hera e pare qe i njejti person nga foltoria e parlamentit perdor gjuhe rrugaci. Por cfare eshte me jo normale eshte fakti qe shume shkrues ketu e perkrahin nje veprim te tille te pamatur.
Sic duket Kryeministri harroi qe po fliste si Kryeminister e jo si Kryefamiljar i prekur ne nder. Por sic duket meqe ka qene ne Parlament ku deputetet nuk mbajne pergjegjesi per ate qe nxjerrin nga goja e shfryetezoi per te folur si nje njeri i rendomte. Pretendojme qe nje person i tille te menaxhoje nje shtet.

Skam ndonje honepsje per perfaqesuesin e opozites pasi e di se cfare arroganti eshte dhe se nuk respekton institucionet e vendit por ne kete incident eshte treguar shume me i matur. Sidomos ne prag te nje feste fetare qe do te duhej te ishte nje arsyeje me teper per te qene sa me gjitheperfshires dhe dashamires. Nuk e kam idene se cili/a eshte sekretari/keshilltari personal i kryeministrit por po te jem une drejtori i personelit te kryeministrise ai/ajo do te ishte i/e pari/a qe do te hiqej nga vendi i punes nese nuk e ka keshilluar kryeministrin te mos bente nje deklarate te tille.

Gezuar dhe njehere festen per te gjithe ata qe e festojne. Zoti ua befte mbare.

[ILMGAP]

Booo ca populli, po a dilet ne protesta per nje te cmendur? Ai me kriza eshte, ai me qene kryetar shteti, ja jep kriza ne tru e i shpall lufte ndonje shteti, kshu e kan psikopatet, varet nga kushtet klimaterike.

lol

Kështu e ka populli ynë: "Nuk e votoj Edvin Ramën sepse është i cmendur, Do e votoj Sali Berishën sepse është thjesht i Paditur".

[Apollyon]

Eshte per te ardhur keq kur nje figure politike dhe perfaqesues i nje shteti ulet deri ne ate pozite qe te beje debat vulgar dhe fyerje qofshin te verteta apo te rreme.

Berlusconi qe eshte kryeminister i Italise, po i dalin gjera nga me te ndryshmet edhe se ve njeri ujin ne zjarr, pse duhet te kryqezojm Saliun sepse thote nje te vertete per kundershtarin e tij qe nuk i ka lene gje pa thene kundra familjes se tij? Sa kohe ka Edi Rama qe ofendon familjen Berisha? Ky ka duruar e ka duruar edhe ka shperthyer, gje qe pritej.