Aksidentet në Shqipëri, çdo ditë një viktimë

[Edvin83]

Kavajë, aksidentohen për vdekje 2 gra drejtuesi largohet



KAVAJË- 2 gra kanë humbur jetën si pasojë e një aksidenti në qytetin e Kavajës. Ngjarja ka ndodhur pasditen e sotme në unazën e qytetit, pikërisht në aksin Kavajë-Rrogozhinë. Burime nga policia bëjnë të ditur se dy viktimat Hasa Xhani 64 vjece dhe Valentina Larushi 41 vjece kanë qenë duke ecur në anë të rrugës teksa janë përplasur nga një automjet.

Pas aksidentit drejtuesi i mjetit është larguar menjëherë duke lënë të vdekura në vend dy gratë. Ndërkaq policia po vijon hetimet për identifikimin e mjetit dhe drejtuesit që shkaktoi aksidentin e rëndë.

[Edvin83]

Aksidente në Korcë e Pukë, vdesin 3 persona



PUKE- Dy aksidente të rënda automobilistike brenda pak orësh u kanë marrë jetën 3 personave. Një shofer në Pukë është mbytur, ndërsa automjeti i tij është gjetur sot në lumin Fan, kurse në Korcë një furgon me pasagjerë ka dalë nga rruga duke u marrë jetën dy shtetasve me të njëjtin mbiemër.

Korcë, vdesin 2 pasagjerë
Një aksident i rëndë është shënuar sot paradite në Korcë me bilancin 2 të vdekur.
Mësohet se një furgon me pasagjerë me targa KO 415 A është aksidentuar në aksin Plasë-Pendavinjë ku si pasojë kanë gjetur vdekjen dy bashkëshortët Sabri dhe Ajko Risi përkatësisht 73 dhe 75 vjeç.

Policia ka shoqëruar drejtuesin e automjetit, shtetasin Farti Xhihani, 51 vjec. Nga hetimet paraprake mësohet se shkak I aksidentit mund të ketë qënë lagështia në rrugë që ka sjellë më pas dhe daljen e automjtetit nga rruga. Priten hetimet e tjera që do të zbardhin aksidentin që I mori jetën 2 personave.

Puke, mbytet shoferi
Aksidenti tjetër ndodhi në aksin Fushë Arrëz- Gjegjan të rrethit të Pukës. Mesnatën e së mërkurës duke u gdhirë e enjtja një automjet ka dalë nga rruga dhe ka rënë në ujrat e lumit Fan. Policia informon se maklina me targa të Lacit është gjetur sot në mëngjes e mbuluar tërësisht nga uji.

Forcat e shumta të policisë, Forcat e Ndërhyrjes së Shpejtë (FNSH) dhe polumbarët kanë mbërritur në vendngjarje dhe pas disa kërkimesh kanë arritur të gjejnë trupin e drejtuesit të mjetit 10 km larg vendit ku ndodhi aksidenti. Viktima identifikohet me emrin Durim Nikolli, rreth të 20- tave.
(s.g/d.b/BalkanWeb)

[Edvin83]

Durrës, tre aksidente gjatë pasdites, dy të vdekur, një i plagosur


DURRES- Dy viktima dhe një person i plagosur rëndë është bilanci nga tre aksidente që përgjakën rrugët e vendit pasditen e sotme.

Burime nga policia konfirmojnë se rreth orës 17:00, në autostradën Tiranë-Durrës, një fugon ka përplasur për vdekje një grua rreth të 70-ave, e cila po tentonte të kalonte në anën tjetër të rrugës.
Viktima nuk është identifikuar ende, ndërsa policia ka shoqëruar drejtuesin e mjetit tip furgon, me targa KV 27 54 B, 24-vjecarin Edmir Skuraj.

Ndërkaq, një tjetër aksident me pasojë vdekjen, ka ndodhur pak më parë në aksin Durrës-Kavajë, ku humbi jetën 54 vjecari Hamit Celpeza. Ende nuk ka të dhëna të qarta në lidhje me rrethanat dhe shkaqet e këtij aksidenti, ndërsa priten rezultatet e hetimeve të policisë, që ka mbërritur në vendngjarje.

Gjatë pasdites së sotme, një tjetër aksident ka ndodhur në Shkozet, ku shtetasi Gëzim Hasa është përplasur nga një automjet duke marrë plagë të rënda. Hasa është dërguar me urgjencë në spitalin rajonal të Durrësit ku po merr ndihmën e nevojshme mjekësore.

Policia po punon për zbardhjen e shkaqeve të tre aksidenteve, si dhe identifikimin dhe kapjen e autorëve të tyre.

(e.n/BalkanWeb)

[goldian]

o zot sa e tmerrshme
cfar lajmesh tragjike

[OPARI]

nje gje nuk kuptoj nga njerzi se si marrin guximin dhe duan te kalojne nga njera ane ne tjeter dhe aqe me keqe per nje moshe 70 vjecare ,ku merr me qafe dhe drejtusin e mjetit apo me keqe hyne ne hasmeri,
pavarsishte se eshte mungese mbikalimesh por eshte me sigurte qe te udhetosh pak ne kembe sesa te kalosh me koke ne torbe

shyqyre qe nuk ngrene lapidare anes kesaj "superstrade"se do ishte bllokuar fare

[Edvin83]

Me sa po shohim, pohimi "cdo dite nje viktime nga aksidentet" me duket se po del i rreme, ndoshta duhet ta bejme "cdo dite 3 viktima nga aksidentet"..

[smokkie]

Vini ngele duke sjelle lajme me vdekje or burr..

[Edvin83]

Vini ngele duke sjelle lajme me vdekje or burr..

NUk eshte se dua te sjell, por eshte tema e tille, qe duhet te japim alarmin per kete. Apo te vetecensurohemi e te fleme mbi dafina?

[smokkie]

E di qe eshte tema e tille..
Une po lexoja postimet dhe po mendoja "vetem lajme me vdekje"..

[Edvin83]

Aksident në aksin Gjirokastër- Tepelenë vdesin 2 të rinj



GJIROKASTER- Një aksident i rëndë automobilistik me dy viktima ndodhi mëngjesin e sotëm në aksin Gjirokastër-Tepelenë. Makine tip BMW me targa TR3076T ka devijuar rrugën dhe është përplasur me murin rrethues të një godine në anë të rrugës prane fshatit Mashkullore. Për pasoje ka humbur jetën drejtuesi i mjetit 28 vjecari Ardian Mamo si dhe vajza me të cilën udhetonte dhe që dyshohet të jetë e fejuara e tij.

“Automjeti është rrokullisuar disa herë dhe ka dalë 100 metra larg rrugës kombëtare, duke përfunduar pranë një objekti në ndërtim, në krahun e majtë të rrugë, si pasojë e shpejtësisë.
Përplasja ka qenë tepër e fortë saqë makina është dëmtuar tërësisht dhe copat e saj janë përhapur nëpër zonë (ne foto makina e aksidentuar)
Vajza eshte identifikuar nga shokët e viktimës, drejtuesit të mjetit si Altea Hoxha nga Burreli, studente në Tiranë.

Dy viktimat ishin nisur në orët e para të mëngjesit nga Gjirokastra në drejtim të Tiranës. Policia e cila mbërriti menjëherë në vendgjarje dhe nga veprimet e para hetimore dyshohet se aksidenti ka ndodhur për shkak të shpejtësisë.
(s.g/balkanWeb)