Presidencialet në Rumani, akuza të shumta dhe parregullsi
» Dërguar më: 24/11/2009 - 14:14
BUKURESHT - Vëzhguesit e zgjedhjeve në Rumani kanë regjistruar qindra parregullsi në ditën e zgje-dhjeve ndërkohë që mediat vendase informojnë për një "turizëm të tepruar zgjedhor". Me-gjithatë, pas mbylljes së lokaleve zgjedhore, pushtetmbajtësi Trajan Basesku iu gëzua fitores në etapën e parë. Sipas prognozave të disa instituteve, Basesku ka arritur të sigurojë të paktën 33 për qind të votave dhe është fitues i raundit të parë. Kapiteni i dikurshëm i marinës tregtare rumune u shpreh pas mbylljes së vendvotimeve: "Vendimi i rumunëve në zgjedhje shkon qartë në të djathtë: unë si kandidat i liberal-demokratëve dhe të të tjerëve, partive më të vogla së bashku me kandidatët e nacional-liberalëve, kemi marrë mbi 50 për qind të votave". Në të vërtetë është shumë e pasigurt nëse këto të dhëna do të vlejnë edhe pas dy javësh. Kjo për faktin se nuk është e sigurt që të gjithë zgjedhësit e liberalit nacionalist, Crin Antonescu, i cili është renditur në vendin e tretë, do t'ia japin votën presidentit Ba-sesku. Po ashtu edhe ish-ministri i Jashtëm, Mircea Geoana përpiqet që t'i fitojë ato vota. Sipas rezultateve të para, Geoana ka fituar të paktën 31 për qind të votave të përgjithshme dhe do të ndodhet përballë Baseskut në zgjedhjet e balotazhit më 6 dhjetor. Vëzhguesit ndër-kombëtarë të zgjedhjeve që ndodhen në terren kanë paralajmëruar me kohë për parregullsitë. I ashtuquajturi 'turizëm zgjedhor' nuk është fenomen i panjohur në Rumani. Shumë ithtarë të partive dyshohet të kenë votuar nga disa herë nëpër qendra të ndryshme të votimit. Siç duket, për këtë qëllim partitë e mëdha kanë organizuar udhëtime të përbashkëta me autobusë. Kandidati Crin Antonescu, i cili është renditur në vendin e tretë, akuzoi dy rivalët e tij: "Autobusët e Baseskut dhe Geoanas kanë votuar herët në mëngjes", - sqaroi ai i zemëruar, pasi e kuptoi se nuk ka siguruar votat e mjaftueshme për balotazh.
gsh.
zgjedhjet te parregullta edhe ne nji vend te BE-s?????
ska mundesi...
Përgjigju Duke Cituar
Postuar më parë nga daniel00
Krijoni Kontakt