Salihaj: Hashim Thaci po pergatit atentate kunder kundershtareve te tij politike

[fegi]

Dëshmitë për vrasje po vazhdojnë
Fatbardhë Zeka, Bota Sot
Dëshmitë e Nazim Bllacës po i lidhin dëshmitë e vrasjeve me njëra tjetrën, kështu vlerësojnë edhe ekspertët, mirëpo të enjten policia e EULEX-it e kishte marrë në pyetje si dëshmitar i tentim atentateve, Adem Salihajn, i cili tha se do të dëshmoj përsëri, meqë kjo nuk mund të merr fund.

Dëshmive të Nazim Bllacës për numrin e vrasjeve të pas luftës në Kosovë, si duket po iu shtohen edhe shumë raste të tjera, kështu Bllaca tani mbeti vetëm pikënisja e këtij akti, apo vegëza për të cilën tani po lidhen shumë e shumë dëshmi të tjera të të njëjtës tematikë.

Dëshmitari Nazim Bllaca, të dielën pranoi publikisht në qendër të Prishtinës, se ka marrë pjesë në 17 akte kriminale, vrasje, tentimvrasje, rrahje brutale etj., dhe se shkak i këtij deklarimi të tij, të të gjitha rrëfimeve për krimet që dinte, ishte edhe ndjenja e pendesës. Por, rrëfimi i tij, tashmë ka marrë dhenë së bashku me dëshminë e bërë publike në një video incizim, gjatë muajit tetor.

Dëshmia e Salihajt

Shumë dëshmi e dëshmitarë, sikur janë humbur, mirëpo pas rastit Bllaca si duket nuk do të ndalet me kaq, madje edhe ekspertët vlerësojnë se ky ishte vetëm një vegëz përmes së cilës do të mund të kapen për t’i zbuluar krimet dhe vrasjet e pas luftës.

Derisa të enjten deputeti i LDD-së, Adem Salihaj, kishte dhënë një dëshmi në prokurorinë e EULEX-it, i cili tha se kjo nuk do të përfundojë me kaq, pasi që i njëjti do të vazhdoi të dëshmoj akoma në EULEX.

“Unë sot kam qenë në prokurorinë speciale të EULEX-it dhe kam dhënë dëshminë time si dëshmitarë dhe viktimë e një tentim atentati, ndërsa procedurat po vazhdojnë atje, dhe do të vazhdojnë sërish, sepse nuk është kryer dëshmia ime në tërësi dhe do të vazhdoj ta jap edhe një ditë tjetër. Kjo është ajo që po zhvillohet lidhur me rastin e Nazim Bllacës, dhe dëshiroj të them se prej ditës së parë kam pasur mbrojtje të policisë në shtëpi, por ende nuk kam mbrojtje të afërt, pavarësisht prej kërkesave të mija të shumta, nuk kam mbrojtje dhe përcjellje të askujt”, theksoi deputeti Salihaj.

Ndërkohë, që Salihaj thotë se pas publikimit të materialeve, në të cilat përmendet edhe emri i tij si njëri nga ata, të cilët i kanë shpëtuar vrasjes së organizuar, ndjehet i rrezikuar siç shprehet ai, nga strukturat e njëjta të SHIK-ut.

Ndërsa, nëse ka pasur ndonjë paralajmërim se do të mund të ketë ndonjë kërcënim, Salihaj tha se nuk ka pasur ndonjë kërcënim të drejtpërdrejt, por kërcënimi është permanent dhe i vazhdueshëm dhe dihen arsyet e gjithë kësaj dhe dihen efektet e gjithë këtyre dëshmive, prandaj thotë se është njëri prej atyre që mund të jetë i rrezikuar vazhdimisht.

Prof.dr. Haki Demolli, profesor i kriminalistikës, vlerëson se reagimi i gjyqësisë ka qenë i vonshëm, dhe dëshmon se gjyqësia nuk është e pavarur, ndërsa arresti shtëpiak, thotë se nuk është dënim, sepse për vepra të tilla fillimisht do të ishte paraburgimi.

“Reagimi i gjyqësisë ka qenë i vonshëm dhe kjo na bënë me dije se gjyqësia nuk është e pavarur në tërësi, që është një nga komponentët kryesore të gjyqësisë, sepse po të ishte një rast ordiner apo një rast i zakonshëm, atëherë sigurisht se do të privohej nga liria apo do të arrestohej shumë më shpejtë, ndërsa në këtë rast gjyqësia ka vepruar me vonesë. Ndërsa, Bllaca nuk mund të quhet as dëshmitar, por i pandehur apo në radhë të parë i dyshimtë, ndërsa gjyqësia e ka lënë për një kohë të caktuar të jetë i lirë. Kurse sa i përket dënimit ai nuk është dënim, por është vetëm një masë për sigurimin e tij në procedurë penale dhe mendoj se duke pas parasysh veprën penale për të cilën e ka paraqitur ai vetveten dhe të tjerët në radhë të parë do të ishte i drejtë, paraburgimi e jo arresti shtëpiak”, thotë Demolli.

Ndërkaq, Hajrullah Tërnava, ekspertë i policisë, thotë se detyrimisht rasti i Nazim Bllacës, është një rast që më në fund është vegëza përmes të cilit duhet të zbulohen shumë raste tjera që kanë ndodhë prej pas luftës e deri më tash.

“Mënyra se si i kanë kryer këto vepra, ai është deklaruar vet për shumë kësi lloj rastesh, prandaj unë mendoj se duke e ditur numrin e të vrarëve pas luftës do të ketë shumë, dhe mendoj se organet hetuese, vendore edhe ndërkombëtare duhet të angazhohen së bashku për ta kryer këtë punë deri në fund, për zbardhjen e këtyre rasteve, sepse pa u zbardh të gjitha rastet nuk do të mund të shkojmë kah një shtet i mbarë dhe i mirë”, thotë Tërnava, duke shtuar se ky rast është diçka që ka filluar tani, me rastin e Bllacës dhe duhet të shkoj deri në fund, nëse dëshirojmë të kemi një shtet të ndërtuar mirë, dhe në mënyrë që të avancohet çështja e Kosovës si në vend si ashtu edhe ndërkombëtarisht.

Derisa, lidhur me shqiptimin e dënimit të Bllacës, Tërnava theksoi se edhe ai dënim e ka llogarinë e vet, dhe se organet e gjyqësisë ndërkombëtare kanë pasur arsye pse e kanë dënuar në atë mënyrë.

“Unë mendoj që burgu shtëpiak që i është caktuar Nazim Bllacës e ka llogarinë e vet, dhe është vlerësim i organeve ndërkombëtare të drejtësisë. Ata e dinë për vet faktin se tash e disa muaj janë në kontakt me të dhe ata e dinë edhe pse e kanë marrë atë vendim për arrest shtëpiak, por mendoj se pasi që të kryhen zgjedhjet do të merren më aktivisht me të dhe do të kryhen edhe shumë punë të tjera, mendoj se me të vërtete kur të luftohen gjërat negative sikur ato veprat penale apo krimi i organizuar me materiale ne duhet megjithatë, t’i pranojmë si një hap përpara sepse pa e ndjekur korrupsionin, sikur të gjitha veprat negative që janë bërë deri më tash nuk mund të ecim përpara”, thotë Tërnava.

Rikthimi i ankthit të vrasjeve

Dëshmia e tij ka rikthyer në kujtesë shumicën e ngjarjeve tek familjarët e viktimave. Derisa ekzekutori Bllaca, ka pohuar se në Prishtinë ka vrarë Ibush Kllokoqin, ka dëshmuar se edhe ish kolegu i tij nga sektori i vrasjeve në SHIK, Fahredin Gashi, i njohur me nofkën Faruku, ka vrarë Sali Gashin, vrasje kjo e kryer në Varigovc, ndërsa në Kraisht nga Sadik Abazi është vrarë Adem Lahi. Për të gjitha vrasjet ai ka pranuar se ka marrë urdhër nga Azem Syla, si udhëheqës i SHIK-ut, të cilat ky i fundit është munduar t’i demantojë. Ndërsa, në një video-incizim, të shpërndarë nga dy deputetë të LDD-së, Gani Geci dhe Adem Salihaj, Bllaca ka inkriminuar figura të larta të SHIK-ut, disa nga ta, tash deputetë dhe anëtarë të qeverisë. Madje tani ai për media ka përmendur edhe emra të tjerë, të vrarë e të përfshirë në vrasje, kështu tani pasi që kanë kaluar disa ditë nga publikimi i DVD-së, së Nazim Bllacës, kanë filluar të dëshmojnë edhe dëshmitarë të tjerë për media, duke rrëfyer për krime dhe për ato se çfarë kanë përjetuar, madje edhe vet familjarët e të vrarëve.

Afrim Gashi, djali i Sali Gashit, i cili u vra në vitin ‘99-të, dhe për vrasje të cilën Bllaca thekson se e ka kryer Fahredin Gashi, i njohur me emrin Faruki. Pra, pas publikimit të DVD-së, e cila në vete përmbante dëshmi për rreth 17 vrasje, tani shumë dëshmitarë flasin duke u lidhur zinxhirë mes vete, gjërat dhe duke ngërthyer edhe vrasje të tjera që ndërlidhen në një mënyrë ose një tjetër pas rastit Bllaca.

Vetëvendosje: SHIK-u nuk është shuar asnjëherë

Ndërkaq, në një reagim të Lëvizjes Vetëvendosje, lidhur me zhvillimet e fundit pas dëshmisë së ekzekutorit Nazim Bllaca, theksohet se kryeministri Hashim Thaçi ka dhënë deklarata shumë dramatike duke thënë se Bllaca e ka kërcënuar "sigurinë nacionale". Vetëvendosje thotë se Thaçi nuk i ka konsideruar kaq të rrezikshme as strukturat paralele të Serbisë, të cilat ditë e natë punojnë kundër sigurisë sonë nacionale dhe pavarësisë së Kosovës. "Kurrë më parë Hashim Thaçi nuk është shërbyer me një fjalor kaq dramatik të rrezikshmërisë, madje as kur Kosovës iu kallën kufijtë më 19 shkurt 2008, dy ditë pas Shpalljes së Pavarësisë", thuhet në një komunikatë të Lëvizjes Vetëvendosje. “SHIK-u asnjëherë nuk është shuar. Ai vetëm ka ndërruar formë dhe se tash e disa vjet SHIK-u ka kolonizuar pothuajse të gjitha ndërmarrjet e rëndësishme publike e shoqërore: PostëTelekomin e Kosovës, Aeroportin Publik Ndërkombëtar të Prishtinës, Trepçën, KEK un, pra të gjitha këto ndërmarrje të rëndësishme të cilat do t'i privatizojë kreu i privatizimit të pasurive të Kosovës, ministri Ahmet Shala”, thuhet në reagimin e Vetëvendosjes.

[deqanas]

[QUOTE=Preng Sherri;2507488]

Mirë mund t'them pak më ndryshe: U vra një nga shokët më të ngushtë që kishte Adem Jashari! Sa për ata të tjerët kllokoqa, brosha, bajgora do t'i quaja më së paku njerëz: nuk njohë akoma një Njeri që punon kundër vetvetes: të punosh kundër kombit tënd do t'thotë të mos jesh Njeri!

1. shok i adem jasharit?? - kjo eshte nje kunderthenje ne vete, sepse adem jashari sic u pa nuk kishte patur shoke, perndryshe nuk do vritej vetem ai me familje... nuk i dolen ne ndihme "shoket" e ademit hiq valla!?!

2. sic thash edhe me heret, une nuk e kam njohur sandokanin dhe bazohem ne librin dhe deklaraten e gani gecit. llafet e qajtoreve nuk me interesojn, por faktet!

Unë nuk po kërkoj që ai të përgjigjet, aspak bile por nëse Ai kërkon që rasesit e Kllokoqëve e bROSHAJVE të dalin para Gjyqesis atherë këtë gjë duhet t'ja kërkon edhe vet-vetës.

qka me ba ai tjeter, perpos deklarimit publik qe ka vra njeriun?

Vrasja në vetëmbrojtje nuk do t'thotë se ti nuk do të dalësh para gjyqesis: ti deklaron se e bëra në vetëmbrojtje por këtë gjë e vërteton jyqesia me dëshmitarë dhe porotë.

hajde pra bujrum, per ate ganiu u shpreh i gatshem, pra te perballet me drejtesine!

Me sa e di unë, familjët janë pajtuar në me sveti nëpërmjet njerëzve sipas kanunit! Në Kosovë janë falë shumë gjaqe në emër të kombit dhe në emër të lirisë! Megjithë faljet aktet si akte kanë mbet me të njeta emërtime: krime!
Ti s'mund ta vrasësh Njeriun dhe të përgjegjesh: kam qenë i pirë!

keshtu ke ndegjuar, apo jo?

Tashti, i forti edhe t'rrah edhe nuk t'len me kajtë si rasti i Skender Zogajt; edhe dajak edhe ndreqje për merak.

... si rasti i gjergj dedajt, i naim malokut etj. etj. hangren dajak me bollek edhe u ndreqen per merak me ata qe i rrahen. te duket mire kjo?

padi besoj që s'ka pas nevojë megjithëse disa më kanë thënë që Gani geci e ka sqasruar këtë gjë në librin e tij e të cilin se kam lexuar por:
" Nëse Gani geci e ka sqaruar atë gjë në libër sipas variantit të tij mjerishtë Sandokani nuk është i gjallë për të rrëfyer rrëfimin e tij!

no commernt

Ti nuk e di, a ka vepruar në vetëmbrojtje apo jo? ke dëgjuar si t'kanë thënë! E parë ka dallim të madh me të dëgjuarën!

oops, pa shiko pak me lart cka shkruan ti...
perndryshe, une po bazohem ne fakte, nje deklarim me shkrim per mua eshte nje fakt, per ty jo?


familja s'mundet me ngreh padi sepse sipas kanunit janë pajtuar në emër të lirisë!

apo jan pajtuar sese sandokani ishte fajtor?? ok, ok ketu vetem mund te spekulojme te dyt apo jo, meqe i kemi me te ndime?

Askush nuk tha që është vrasës aqë më parë kur dihet dhe s'mund të harrohet që në fillimet e Luftës rezistencë të madhe kishim në Llaushë!
ne po bëjmë paralele; nëse kërkohet që dikush të gjykohet për arsye se paska vrarë apo vrarë kriminelët si Brosha dhe Kllokoqi atherë më shumë kemi të drejtë të kërkohet të hapet rasti i Abedin Rexhës!
Edhe në rastin e Ukë Bytyqit në Suharekë dorasit thanë se " krimin e kemi bërë në vetëmbrojtje sepse Uka ka dal me turmen nga veturat dhe është nis në drejtim tonin për tu kacafytur por Gjykata i dënoj me 20 vite burgë!
Ata thanë e bëmë në vetëmbrojtje por vrasja është vrasje!

edhe nuk te knaq ty vendimi i gjykates, apo cka po don me thene me kete?

Të gjithë janë për zbardhjen e vrasjeve të dyshimta të pas Luftës. Dhe, jo nga ata që ishin në Parti Politike por edhe për vrasjet e ushtarëve të UÇK-ës e që numri arrinë mbi 50-t. Që nga Vrasja e Virgjil Elshanit e gjerë te vrasja e Avdi Mujës! Ti mban nofkën " deqanasi" dhe do ta ndjeja veten të trishtuar që të mos kërkoj zbardhjen e vrasjës së AVDI MUJES nga Strellci ushtarë militant i UÇK-ës e që u vra në derë të shtëpis së tij!

po ta them edhe nje here dhe nuk dua ta perseris me: une dua te zbardhen te gjitha vrasjet mizore, pa dallim partiak, rajonal, apo cfaredoqofte!

Por kur jemi tek Broshat dhe Kllokoqët kush ua ka kryp salepin s'më intereson shumë por u qofshin hallal plumbat ma kushdo qoftë Ay; edhe Bllaca koftë!

nuk mund te them nese e kan merituar, apo jo vdekjen keta te dy, meqe nuk kam informata te mjaftueshme rreth tyre, por ne qofte se kan qene kolaboracionist, atehere ne rr.s te dyve dhe shum te tjereve qe qe kan mar ate qe kan merituar. opr nese vertete eshte ashtu, pse te mos thuhet haptas qe u vrane per tradheti. me sa di une - edhe pse nuk jam jurist, nese ne kohe lufte ke vra ndonje tradhetar, nuk denohesh fare/ose ofare pak. per kete sjam i sigurt por nisem nga vetvetja... sikur une te kisha vra ndonje tradhetar, atehere do krenohesha me ate pune dhe do deklarohesha haptas, pa marr parasysh se a do me denon gjygji, apo jo, me rendesi eshte ideali!


Sa i përket krimit nuk e di përse ata që në Kuvend krekoseshin me CD-eja nuk guxonin dje që të flitet po në KUvend për rastin Bllaca, nëse s'kanë pas përse të frigohen!

dje vetem u shty debati, nuk u refuzua ne teresi. megjithate, as gecit dhe salihajt nuk u ju besoj verberisht qe te them gjithcka nga ta eshte e mire, por jam edhe une i interesuar ne fundin e kesaj nisme... duke shpresuar vetem e vetem ne drejtesi

Sa u përket vrasjeve të Xhemajl Mustafës dhe të Smajl Hajdarajt jam i sigurt që vetëm LDK-ja s'mun d të ndjehet e qetë!

sepse ke ndegjuar ashtu, apo do me befasosh me ndonje FAKT?

Kujtone rastin e Astrit Haraqisë dhe të Nazif Ramabajës! nazifi si i mbrojturi i tribunalit të Hagës, që duhej të dëshmonte në hagë, papritmas e marrin në telefon Haraqija dhe bajrush Morina; një dëshmitar që përveç hagës s'do të duhej njeri të dinte se cili është ay por LDK-ja e din, e gjen ku është dhe e kërcënon!
Pikë!
Hë, po të ishte Ramabaja me siguri këta që e kanë kërcenuar do ta vrisnin dhe pastaj do t'bënin me gishtë në drejtim të SHIK-ut përkatesishtë PDK-ës apo jo?
Kur e gjetën Ramabajën se ku rri i fshehur nga tribunali i hagës, për ta kërcënuar, të njejtit nuk e kanë pas vështirë për ta gjetur Xhemajl Mustafën Smajl Hajdarin dhe të tjerë!

astriti dhe bajrushi kan marr denimin qe kishin merituar. aty ku flet drejtesia ska vend per fjalet te teperta.

ndersa xhema dhe smajli nuk kan qene te humbur qe ti gjej dikush, as nuk pas pse te fshihen, se si kishin borxh askujt, perpos atyre qe ia kan zene frymen kosoves!

[fegi]

http://www.botasot.info/def.php?gjuh...ory=3&id=39321


Afrim Gashi, djali i Sali Gashit, i cili u vra në vitin ‘99-të, dhe për vrasje të cilën Bllaca thekson se e ka kryer Fahredin Gashi, i njohur me emrin Faruki. Pra, pas publikimit të DVD-së, e cila në vete përmbante dëshmi për rreth 17 vrasje, tani shumë dëshmitarë flasin duke u lidhur zinxhirë mes vete, gjërat dhe duke ngërthyer edhe vrasje të tjera që ndërlidhen në një mënyrë ose një tjetër pas rastit Bllaca.


Baba i Afrim Gashi esht Ramadan Gashi e jo (Sali Gashi) nga Fshati Busi. Afrim Gashi kaqen ne Garden Kombtare qysh e di un dhe o vra 1999.

[Kosovelli]

O shqipetare, kjo ngjarja e fundit nuk eshte e mire as per poziten as per opoziten.Kjo eshte nje e keqe qe na e kurdisen anmiqt e Kosoves, anmiqt e Rugoves dhe te Hashimit, te Ramushit e kunder qdo shqipetari qe e ndien veten te ndershem.Kjo qe ka ndodhe, eshte kunder kosoves e jo kunder te vertetes per zbardhjen e vrasjeve e tentimvrasjeve.Para se te na ndodhe akoma me e madhe, behuni bashk dhe tejkaloni ne te mire te Kosoves.Populli pret nga ju qe ne menyren me te urte te perkrahni drejtesine dhe te zgjidhet enigma e vrasjeve per hire te vertetes, per hire te familjeve qe kan humbur me te dashurit e tyre.Mobilizohuni pozite dhe opozite se dicka po zihet ne kuzhinat e anmiqve tane.

[Kosovelli]

unë mendoj se njerzit si ky por nket rast po shkojm pa emra se drejtsia e vendos kta a asht apo sasht fajtor se une se njo ma shum se kur po dalin në tv, besoj se edhe shumica e popullit nuk i njojn mirë kta njerzit e politikes son veq sa i perket formalisht ne televizor por mendoj si ky rast dhe shumë raste tjera si ky e kan venin atje ne serbi se ne kosov ska ven ma per ksi njerz tflliqur bre pisat ekqi nuk u nginet ma bre skini lan sen ne tok te zotit pa bae ne shiptari, edhe ala sjeni ngie ma edhe ne kto koet ma te ndishme per venin ton, a la po kshirni ma plague kosovën bre zoti ju marroft, po lene bre pak kosoven shtetin ma te ri ne botë ti forcoje kamt e veta pak se ala ka shumë plaget e luftes sa ka porfunduar që rredhojn me gjakun e shqiptarve para lufte edhe pas lufte. E ju ala po doni me derdh gjak mdoket sdoni mu nal kurrë deri pa e anger edhe kryt e juj edhe besoj se kini larg ju ka ardh dita, edhe shumë mirë që ka ardhë kjo dit fal UÇK e Amerikes.

[Kosovelli]

Eshte ne rregull apo jo Bllaca, kete vertet deshmon mjekesia dhe ligji, por esht einteresant fakti qe Serrbia po kerkon mbrojtjen e Bllaces.
Historikisht dhe praktikisht spiujt e vete i ka mbrojt serrbia!

Zoti Salihaj po e ben si ai qe e kishte "Mizem mbi ksule"!
Te'gjithe ata njeres qe kane bashkepunuar me te huajte(Armiqte e Kombit),per te pastruar vehten e tyre dhe te flene te qete, duhet te dalin para popullit te tyre dhe te thuan te verteten,mbi veprimtarine e tyre kunder Atdheut dhe popullit te tyre,dhe populli do te kete meshire,me shume se ata(spijunet) qe kane pasur per popullin e tyre.Ndyshe ata do te ndiqen dhe do te zbulohen, nga "petku" i ipokrizise se tyre, dhe duhet t'i nxjerin para drejtesise per t'i dhene denimin qe ata meritojne. Tradhetija duhet Denuar,po te mos jesh fajtor do te shperblehesh.

[Kosovelli]

Sikur disa lidere te denoncojne UDB-ne dhe BIA-n gjakatare serbe, qe vazhdojne te percajne e tranzojne Kosoven e lire e te pavarur sic bejne me SHIK me siguri qe spiunet serbe me kohe do te kishin ikur ne Beograd.
SHIK- Sherbimi Informativ Kombetar eshte emri i sherbimit te fshehte te Shqiperise, i krijuar nga qeveria demokratike dhe Berisha.
Behen shume akuza per ekzistencen e nje fare SHIK-u ne Kosove. Ne fakt i vetmi institucion i ligjshem i krijuar nga Qeveria e H. Thacit dhe i dekretuar nga Presidenti F. Sejdiu ne baze te Kushtetues se saj eshte Agjencia e Sigurise se Republikes se Kosoves.
Ata qe kane ndermarre fushaten histerike kunder te ashtuquajturit SHIK ne Kosove, jane ata qe e kane mizen nen kesule dhe kane frike se u zbulohen lidhjet e fshehta me UDB-n e BIA-n serbe. Komanda e kesaj fushate histerike ndodhet ne Beograd.
Nuk ka e nuk mund te kete shtet pa sherbimin sekret te tij. Aq me teper Kosova!

[Nice_Boy]

Dëshmitë për vrasje po vazhdojnë

Fatbardhë Zeka, Bota Sot

Dëshmitë e Nazim Bllacës po i lidhin dëshmitë e vrasjeve me njëra tjetrën, kështu vlerësojnë edhe ekspertët, mirëpo të enjten policia e EULEX-it e kishte marrë në pyetje si dëshmitar i tentim atentateve, Adem Salihajn, i cili tha se do të dëshmoj përsëri, meqë kjo nuk mund të merr fund.

Dëshmive të Nazim Bllacës për numrin e vrasjeve të pas luftës në Kosovë, si duket po iu shtohen edhe shumë raste të tjera, kështu Bllaca tani mbeti vetëm pikënisja e këtij akti, apo vegëza për të cilën tani po lidhen shumë e shumë dëshmi të tjera të të njëjtës tematikë.

Dëshmitari Nazim Bllaca, të dielën pranoi publikisht në qendër të Prishtinës, se ka marrë pjesë në 17 akte kriminale, vrasje, tentimvrasje, rrahje brutale etj., dhe se shkak i këtij deklarimi të tij, të të gjitha rrëfimeve për krimet që dinte, ishte edhe ndjenja e pendesës. Por, rrëfimi i tij, tashmë ka marrë dhenë së bashku me dëshminë e bërë publike në një video incizim, gjatë muajit tetor.

Dëshmia e Salihajt

Shumë dëshmi e dëshmitarë, sikur janë humbur, mirëpo pas rastit Bllaca si duket nuk do të ndalet me kaq, madje edhe ekspertët vlerësojnë se ky ishte vetëm një vegëz përmes së cilës do të mund të kapen për t’i zbuluar krimet dhe vrasjet e pas luftës.

Derisa të enjten deputeti i LDD-së, Adem Salihaj, kishte dhënë një dëshmi në prokurorinë e EULEX-it, i cili tha se kjo nuk do të përfundojë me kaq, pasi që i njëjti do të vazhdoi të dëshmoj akoma në EULEX.

“Unë sot kam qenë në prokurorinë speciale të EULEX-it dhe kam dhënë dëshminë time si dëshmitarë dhe viktimë e një tentim atentati, ndërsa procedurat po vazhdojnë atje, dhe do të vazhdojnë sërish, sepse nuk është kryer dëshmia ime në tërësi dhe do të vazhdoj ta jap edhe një ditë tjetër. Kjo është ajo që po zhvillohet lidhur me rastin e Nazim Bllacës, dhe dëshiroj të them se prej ditës së parë kam pasur mbrojtje të policisë në shtëpi, por ende nuk kam mbrojtje të afërt, pavarësisht prej kërkesave të mija të shumta, nuk kam mbrojtje dhe përcjellje të askujt”, theksoi deputeti Salihaj.

Ndërkohë, që Salihaj thotë se pas publikimit të materialeve, në të cilat përmendet edhe emri i tij si njëri nga ata, të cilët i kanë shpëtuar vrasjes së organizuar, ndjehet i rrezikuar siç shprehet ai, nga strukturat e njëjta të SHIK-ut.

Ndërsa, nëse ka pasur ndonjë paralajmërim se do të mund të ketë ndonjë kërcënim, Salihaj tha se nuk ka pasur ndonjë kërcënim të drejtpërdrejt, por kërcënimi është permanent dhe i vazhdueshëm dhe dihen arsyet e gjithë kësaj dhe dihen efektet e gjithë këtyre dëshmive, prandaj thotë se është njëri prej atyre që mund të jetë i rrezikuar vazhdimisht.

Prof.dr. Haki Demolli, profesor i kriminalistikës, vlerëson se reagimi i gjyqësisë ka qenë i vonshëm, dhe dëshmon se gjyqësia nuk është e pavarur, ndërsa arresti shtëpiak, thotë se nuk është dënim, sepse për vepra të tilla fillimisht do të ishte paraburgimi.

“Reagimi i gjyqësisë ka qenë i vonshëm dhe kjo na bënë me dije se gjyqësia nuk është e pavarur në tërësi, që është një nga komponentët kryesore të gjyqësisë, sepse po të ishte një rast ordiner apo një rast i zakonshëm, atëherë sigurisht se do të privohej nga liria apo do të arrestohej shumë më shpejtë, ndërsa në këtë rast gjyqësia ka vepruar me vonesë. Ndërsa, Bllaca nuk mund të quhet as dëshmitar, por i pandehur apo në radhë të parë i dyshimtë, ndërsa gjyqësia e ka lënë për një kohë të caktuar të jetë i lirë. Kurse sa i përket dënimit ai nuk është dënim, por është vetëm një masë për sigurimin e tij në procedurë penale dhe mendoj se duke pas parasysh veprën penale për të cilën e ka paraqitur ai vetveten dhe të tjerët në radhë të parë do të ishte i drejtë, paraburgimi e jo arresti shtëpiak”, thotë Demolli.

Ndërkaq, Hajrullah Tërnava, ekspertë i policisë, thotë se detyrimisht rasti i Nazim Bllacës, është një rast që më në fund është vegëza përmes të cilit duhet të zbulohen shumë raste tjera që kanë ndodhë prej pas luftës e deri më tash.

“Mënyra se si i kanë kryer këto vepra, ai është deklaruar vet për shumë kësi lloj rastesh, prandaj unë mendoj se duke e ditur numrin e të vrarëve pas luftës do të ketë shumë, dhe mendoj se organet hetuese, vendore edhe ndërkombëtare duhet të angazhohen së bashku për ta kryer këtë punë deri në fund, për zbardhjen e këtyre rasteve, sepse pa u zbardh të gjitha rastet nuk do të mund të shkojmë kah një shtet i mbarë dhe i mirë”, thotë Tërnava, duke shtuar se ky rast është diçka që ka filluar tani, me rastin e Bllacës dhe duhet të shkoj deri në fund, nëse dëshirojmë të kemi një shtet të ndërtuar mirë, dhe në mënyrë që të avancohet çështja e Kosovës si në vend si ashtu edhe ndërkombëtarisht.

Derisa, lidhur me shqiptimin e dënimit të Bllacës, Tërnava theksoi se edhe ai dënim e ka llogarinë e vet, dhe se organet e gjyqësisë ndërkombëtare kanë pasur arsye pse e kanë dënuar në atë mënyrë.

“Unë mendoj që burgu shtëpiak që i është caktuar Nazim Bllacës e ka llogarinë e vet, dhe është vlerësim i organeve ndërkombëtare të drejtësisë. Ata e dinë për vet faktin se tash e disa muaj janë në kontakt me të dhe ata e dinë edhe pse e kanë marrë atë vendim për arrest shtëpiak, por mendoj se pasi që të kryhen zgjedhjet do të merren më aktivisht me të dhe do të kryhen edhe shumë punë të tjera, mendoj se me të vërtete kur të luftohen gjërat negative sikur ato veprat penale apo krimi i organizuar me materiale ne duhet megjithatë, t’i pranojmë si një hap përpara sepse pa e ndjekur korrupsionin, sikur të gjitha veprat negative që janë bërë deri më tash nuk mund të ecim përpara”, thotë Tërnava.

Rikthimi i ankthit të vrasjeve

Dëshmia e tij ka rikthyer në kujtesë shumicën e ngjarjeve tek familjarët e viktimave. Derisa ekzekutori Bllaca, ka pohuar se në Prishtinë ka vrarë Ibush Kllokoqin, ka dëshmuar se edhe ish kolegu i tij nga sektori i vrasjeve në SHIK, Fahredin Gashi, i njohur me nofkën Faruku, ka vrarë Sali Gashin, vrasje kjo e kryer në Varigovc, ndërsa në Kraisht nga Sadik Abazi është vrarë Adem Lahi. Për të gjitha vrasjet ai ka pranuar se ka marrë urdhër nga Azem Syla, si udhëheqës i SHIK-ut, të cilat ky i fundit është munduar t’i demantojë. Ndërsa, në një video-incizim, të shpërndarë nga dy deputetë të LDD-së, Gani Geci dhe Adem Salihaj, Bllaca ka inkriminuar figura të larta të SHIK-ut, disa nga ta, tash deputetë dhe anëtarë të qeverisë. Madje tani ai për media ka përmendur edhe emra të tjerë, të vrarë e të përfshirë në vrasje, kështu tani pasi që kanë kaluar disa ditë nga publikimi i DVD-së, së Nazim Bllacës, kanë filluar të dëshmojnë edhe dëshmitarë të tjerë për media, duke rrëfyer për krime dhe për ato se çfarë kanë përjetuar, madje edhe vet familjarët e të vrarëve.

Afrim Gashi, djali i Sali Gashit, i cili u vra në vitin ‘99-të, dhe për vrasje të cilën Bllaca thekson se e ka kryer Fahredin Gashi, i njohur me emrin Faruki. Pra, pas publikimit të DVD-së, e cila në vete përmbante dëshmi për rreth 17 vrasje, tani shumë dëshmitarë flasin duke u lidhur zinxhirë mes vete, gjërat dhe duke ngërthyer edhe vrasje të tjera që ndërlidhen në një mënyrë ose një tjetër pas rastit Bllaca.

Vetëvendosje: SHIK-u nuk është shuar asnjëherë

Ndërkaq, në një reagim të Lëvizjes Vetëvendosje, lidhur me zhvillimet e fundit pas dëshmisë së ekzekutorit Nazim Bllaca, theksohet se kryeministri Hashim Thaçi ka dhënë deklarata shumë dramatike duke thënë se Bllaca e ka kërcënuar "sigurinë nacionale". Vetëvendosje thotë se Thaçi nuk i ka konsideruar kaq të rrezikshme as strukturat paralele të Serbisë, të cilat ditë e natë punojnë kundër sigurisë sonë nacionale dhe pavarësisë së Kosovës. "Kurrë më parë Hashim Thaçi nuk është shërbyer me një fjalor kaq dramatik të rrezikshmërisë, madje as kur Kosovës iu kallën kufijtë më 19 shkurt 2008, dy ditë pas Shpalljes së Pavarësisë", thuhet në një komunikatë të Lëvizjes Vetëvendosje. “SHIK-u asnjëherë nuk është shuar. Ai vetëm ka ndërruar formë dhe se tash e disa vjet SHIK-u ka kolonizuar pothuajse të gjitha ndërmarrjet e rëndësishme publike e shoqërore: PostëTelekomin e Kosovës, Aeroportin Publik Ndërkombëtar të Prishtinës, Trepçën, KEK un, pra të gjitha këto ndërmarrje të rëndësishme të cilat do t'i privatizojë kreu i privatizimit të pasurive të Kosovës, ministri Ahmet Shala”, thuhet në reagimin e Vetëvendosjes.

[Ardi-1]

Cilat vrasje?

Nga novela e Nazim Bllacës s’dëgjuam që ai të ketë asistuar ose kryer personalisht ndonjë nga vrasjet që kishin ndarë, gati armiqësisht, opinionin dhe politikën kosovare. Përfytyrimi i përgjithshëm që u krijua pas çudës që na shpalosi ai, futi gjithçka në një thes.


Nga Ilir Mirena më 04.12.2009 në ora 12:01
Vrasjet e pasluftës në Kosovë mund të kategorizohen në dy grupime.

Paraprakisht, le të lexohet kjo si diçka thellësisht personale, e jo si interpretim suprem rreth vrasjeve pas vitit ’99.

Ato që ndodhën, të cilat kundërmojnë prapavijë politike, janë vrasjet që u bënë në emër të eliminimit të atyre që kishin bashkëpunuar me regjimin pervers të Serbisë së Millosheviqit, që mund t’i fusim në grupin e parë, dhe së dyti, ato të figurave të njohura publike, kryesisht të politikës.

Të gjitha kanë mbetur të pasqaruara deri më sot.

Nga kutia e vrasjeve të pasluftës, që e çeli Nazim Bllaca, dolën ato që kishin ndodhur prej fundit të luftës. Bile, tash përmenden, dhe inkorporohen në dëshminë e tij, edhe vrasjet e ndodhura gjatë luftës!

Përfytyrimi i përgjithshëm që u krijua pas çudës që na shpalosi ai, futi gjithçka në një thes.

Pas luftës është vrarë edhe Xhemajl Mustafa. Sigurisht më së shumti për familjen e tij, por edhe për opinionin, sot ajo mbetet ndër vrasjet më të dhimbshme dhe më tronditëse. Mllef, dhimbje, e për dikë përfitim, sjell emri i tij, sa herë që hallakaten ato vite.

Pas luftës është vrarë edhe Selim Broshi, një emër i njohur i sigurimit të ish-Jugosllavisë. Figura e tij është e mbuluar me shumë rrëfime të zeza, sidomos nga pjesa e të burgosurve politikë që ishin skanuar nëpër duart e tij gjatë viteve ’80. Tregimi që rëndon mbi shpirtin e tij është edhe për vrasjen me tortura të Metush Krasniqit.

Edhe pse Nazim Bllaca nuk zuri ngoje asnjë nga vrasjet që kishin tronditur opinionin e vendit – kryesisht ato që kishin prekur zyrtarët e LDK’së - percepcioni i përgjithshëm që u krijua, futi në një thes edhe vrasjen e Xhemajl Mustafës, e edhe atë të Selim Broshit.

Sigurisht, mes rregullave etike që njeriu i ka imponuar vetes për t’u shliruar nga gjendja natyrore, vrasja renditet e para.

Megjithatë, aspekti më kontravers për këtë çështje sensitive është kur ne përpiqemi ta analizojmë vijën ndarëse mes një vrasjeje “të keqe” prej asaj, nëse mund të themi, “më pak të keqe”. Për shkak të specifikave ku jetojmë, për rastin tonë ky mund të jetë një debat i pafundmë, por i destinuar të mos sjellë asgjë produktive. Përkundrazi.

Në këtë farë stadi ku kemi rënë këto ditë nga novela e Bllacës, s’dëgjuam e s’kuptuam që ai të ketë asistuar ose kryer personalisht ndonjë nga vrasjet që kishin ndarë gati armiqësisht opinionin dhe politikën kosovare.

Insistimi i Adem Salihajt që në rrëfimin e Bllacës të bashkëngjisë edhe gjitha krimet e karakterit politik, në thelb është i lig. I lig, ngase vjen nga një individ që mund të shquhet për gjithçka, por më së paku për kredibilitetin e fjalës së tij. Pse duhet t’i besojmë rrëfenjëzave të një njeriu që plagosi veten aksidentalisht, shpalli më pas të ketë mbijetuar një atentat, për ta pranuar në fund, dhe pa u skuqur, se gjithçka ndodhi nga një rrëshqitje e armës. Durimi u pa t’i sosej pak ditë pas konferencës së Bllacës, kur shpalosi apelin që Lidhja Demokratike e Kosovës të braktisë koalicionin aktual qeveritar!

Në këtë xhurulldi, pozicioni që është duke mbajtur LDK është i përafërt me atë të Salihajt. I pandershëm. Liderë të saj qëllimshëm kanë dhënë deklarata plot mjegull, duke mos bërë diferencimin e vrasjeve, mes atyre ku me të vërtetë ishin atakuar për vdekje drejtues të partisë së tyre, dhe atyre që dreqi e di se për çfarë motivesh ishin bërë. Shkohet deri aty sa të konspirohet edhe vrasja e Ukë Bytyqit, dorasi i të cilit tashmë disa vite është duke vuajtur dënimin prej 20 vjetësh, shqiptuar nga një gjykatës ndërkombëtar.

Gjithçka që ka përmendur Nazim Bllaca, aq sa kemi dëgjuar deri më sot, nuk përfshin asgjë nga rasti i Xhemajl Mustafës, Ekrem Rexhës, Smajl Hajdarajt, Rexhep Lucit, Ismet Rracit, Shaban Manajt... dhe të tjerëve që mund të mos na kujtohen nga distanca e viteve që kanë kaluar.

Veçse, ashiqare lexohet shpërfaqja e një vullneti që patëm menduar së është harruar, që LDK’ja të fillojë rimbledhjen e sërishme të benifiteve nga të vdekurit, si dhe nga përmendja e SHIK’ut. A nuk e nisi Isa Mustafa debatin e parë televiziv në fushatën zgjedhore me akuza për shantazhe dhe SHIK? A nuk iu shpalos një pllakë a bust, po gjatë fushatës, Ukë Bytyqit?

Është e mundshme që diku vrasësit zgërdhihen me hamendësimet dhe interpretimet tona për rrëfenjën e Bllacës. Por, në heqjen e hamendësimeve se cilat krime do të duhej të zbardhen, LDK duhet ta ketë një gjuhë të prerë e të qartë. Ajo duhet të heqë dorë nga roli i kukuvajkës politike që pret vetëm momente trishtimi për t’i transformuar në momente mëshire prej të tjerëve, për ta përkthyer në fund në pushtet.
Do të ishte optimale që secili krim të zbardhet, e kriminelët të vihen në ndonjë birucë.

Nëse vazhdohet me këtë kurs, atëherë është legjitime të bëhen ato pyetje që ngriten pas secilës skenë të krimit, të nevojshme për t’i ndërtuar pistat e hetimeve.

Zakonisht, dyshimet e para bien mbi të gjithë ata që ka njohur viktima. Më vonë, vjen ajo pyetja fundamentale:

Kush përfiton nga krimi?

[Kosovelli]

Krejt akuzat jane te verrteta.

Gani Geci dihet pse kane tentu me vra. Ka qene i vetmi qe ka pase guxim me i thene gjerat si jane. Gjerat per UCK-ne edhe Thaqin posaqerisht. Adem Salihu ka qene ne "Sigurim te Atedheut" edhe ka kriju rrezik per SHIK-un. Sigurimi i Atedheut eshte kriju si kundershtim i LDK-se ndaj SHIK-ut. Me qudit fakti pse Adem Salihu eshte befasu me keto informata....ai ka qene i kerrcnume edhe me heret (letra edhe menyra tjera). Asgje e re per mua, as per ate vete.

SHIK-u eshte formu menjeher pas 1999 me zyre te Fakullteti i Arteve, tek Grand Hoteli. Me vone njesitet speciale te UNMIK-ut e kane mshel zyren pasi kane qene "rrezik per siguri". Nese dikujt i kujtohen inxhizimet e njesive speciale te UNMIK-u kur kane mshel zyre(kane qene ne media). E njejta zyre eshte qel tek Qafa me vone... SHIK-u eshte aktiv ende edhe pse eshte formu Sherbimi Informativ legjitim i Kosoves. Arsyeja eshte se personat ne SHIK kane interese fianciare qe jane te lidhur. Secili ne Kosove qe bene biznis te madh e din se duhet pagu perqindje keti grupacioni. Perndryshe nuk lejohet te fuksionoj, pase qe kercnohet.

Qysh mendoni se keta ndertun shtepi multi-milionshe?
Ne rrafshin e Dukagjinit, binzismenet mbahen nen kontolle te Ramush Hajredinaj. Kurse ne pjese tjeter mbahen nen kontrolle te PDK-se. Sado qe duket ne media se Ramushi edhe Thaqi kane konflikt, ata ne ralitet mbrapa dere bashkepunojne. Vrasjet kane qene edhe te gjithe e dime se jane bere nga SHIK-u edhe nga familja Hajredinaj. Tahir Zema nuk eshte vra nga SHIK-u, por me urdher te familjes Hajredinaj. Jane akuza qe nuk i shkojne SHIK-ut.
SHIK-u ka pase takim te rregullt per ne ora 13:00 ne zyret e saja. Zakonisht kane qene pjesemarres Fatmir Limaj (para se te behet minister), komandat Leka, Sami Lushtaku.....Udheheq i SHIK-ut ka qene Kadri Veseli.Takime kane bere edhe tek ndertesa e Shoqatave te Dala nga Lufta-permbi ProCredit Bank.
Qysh nje Kadri Veseli (person i panjohur) ka qene i propozum per udheheqes te Sherbimit Informative legal te Kosoves? Ai ne ralitet vetem ka qene, por eshte propozu qe te krijoj edhe legjimitet.
Po pritoj te shkruaj... ama vetem disa gjera te them, per te treguar se gjerat qe jane folur koheve te fundit, jane te verrteta. Shpresoj te gjitha te dalin ne shesh.....

po per kete keni dal me kete kuminikat i keni kercnue ataret e LDK-se i keni shantazhur dhe i keni vra
keta qe kan dal prej partie cilin e keni ndermen me vra naten e me qajt diten
shikoje kete kuminikat pak te kujtohet
hahahahahaha
SIGURIMI I ATDHEUT

K O M U N I K A T Ë
Nr. 002 / 12/07/2004 / Prishtinë

Sigurimi i Atdheut: Reagojmë ashpër, me rastin e minimit të aktivitetit të LDK-së nëpër degë të ndryshme në Kosovë, nga ana e një grupi dezertorësh, të cilët, në pamundësi për të realizuar synimet e veta idioteske, tradhëtuan djathtizmin kombëtar, duke i dalë përballë atij dhe duke u bërë me vetëdije pararojë e majtistëve kuislingë të cilët kanë vrarë atdhetarët më të devotshëm të Pavarësisë së Kosovës.

Sigurimi i Atdheut: Tërheqim vërejtjen, se çdo shantazh që Ju dezertorë do të bëni kundrejt degëve dhe nëndegëve të LDK-së, do të pësoni me jetë. Ju ftojmë që për të mirën e familjeve tuaja dhe për të mirën e Kosovës, të reflektoni dhe të kërkoni falje, derisa nuk ka ardhur momenti i fushatës elektorale, kur ju mund të ç’orientoni dhe shantazhoni anëtarë dhe personalitete të tjera të LDK-së, sepse atëherë, ju betohemi se do t’ju godasim pa paralajmërim.

Sigurimi i Atdheut: Ftojmë qytetarët e Kosovës, posaqërisht anëtarët e Lidhjes Demokratike të Kosovës, që të mos bijnë pre e mashtruesve dhe e matrapazëve mospërfillës të cilët kanë dezertuar sot nga LDK-ja duke mos qenë të aftë të kryejnë detyrat e ngarkuara. Ata janë të dezertuar edhe nga interesat e qytetarëve të Kosovës. Ata kanë qëllime mashtrimi dhe nuk janë të aftë për ta drejtuar Kosovën dhe për ta bërë të pavarur. Këta matrapazë kanë ikur nga përgjegjësitë që kanë pasur dhe tani kërkojnë përsëri përgjegjësi nga Ju, të cilëve u tradhëtuan pikërisht në momentin e fundit kur çështja e Kosovës do të fitoj statusin përfundimtar. Ata janë të shitur te majtistët të cilët kanë vrarë dhe po vrasin atdhetarët më të denjë të pavarsisë së Kosovës. Ata janë kundër pavarësisë së Kosovës dhe sot janë bërë aleatë të majtistëve të cilët i kanë paguar mirë që në të ardhmen t’i kenë për vete kur të vendosin që Kosovën t’ia bashkojnë Shqipërisë. Majtistët duan që ta rikthejnë Shqipërinë e madhe dhe kështu të bëhen rreziku për Ballkanin. Prandaj mos e përkrahni tradhëtinë e cila na e prishë imazhin; ta bëjmë Kosovën sipas planeve të Dr.Ibrahim RUGOVËS, të pavarur demokratike me fqinjësi të mirë dhe të integruar në të gjitha mekanizmat ndërkombëtar.

Sigurimi i Atdheut: Jemi të informuar edhe për anëtarë të tjerë të “pakënaqur” të kryesisë së LDK-së, të cilët po planifikojnë që në momentin e fundit ta lënë LDK-në të boshatisur dhe t’i kthejnë shpindën Presidentit të Pavarësisë së Kosovës, Dr.Ibrahim RUGOVA. Po këtyre u bëjmë thirrje të tërhiqen nga lojërat e pista dhe të pa krye sepse më këtë strategji ata do të jenë përgjithmonë të humbur. Jemi të detyruar të ju informojmë se njëra nga të rebeluarat e LDK-së mban lidhje dhe ka mbështetje nga ekstremistët të cilët veten e kanë quajtur Armata Kombëtare Shqiptare, dhe synojnë që me forma terroriste ta bashkojnë Shqipërinë, që Kosovën t’ia bashkojnë Shqipërisë dhe me ne të udhëheq Fatos NANO apo Gafurr ADILI i cili është ngusht i lidhur me trashigimtarët e Enver HOXHËS dhe cilësohet si “Enveri i dytë”. Ata kanë plane të shkatërrimit të LDK-së dhe të bashkimit të Kosovës me Shqipërinë; ndërsa populli i Kosovës ka votuar dhe do ta votojë Dr.Ibrahim RUGOVËN, Presidentin e Pavarësisë. Lëvizja juaj do të fitoj turpin dhe do të vejë në humnerë me majtistët të cilët nuk do të kenë vend në Kosovën e Pavarur.

Sigurimi i Atdheut: Urdhërat janë të prera. Sigurimi i Atdheut është gjithmonë në mbrojtje të atdheut dhe të strukturave atdhetare të Pavarësisë së Kosovës. Kosova nuk është e vejë, ajo ka burra që i dalin zot.