Boksi - keshilla per fillestaret.

[Ilir 2010]

Une qe po hap kete teme, kam qene dhe jam shume i apasionur per sportin dhe per boksin ne vecanti.
Kur kam qene ne moshen 14- vjecare (viti 1978) me nisen per ne shkollen ushtarake "Skenderbej" ne Tirane dhe aty filloj aventura e bukur dhe lidhja ime e pandashme me sportin.
Por fillimishte kam qene pjestare i skudres se mundjes se lire te shkolles "Skenderbej" dhe kjo vazhdoi per 6 vjete dhe te them te drejten ishte nje eksperince shume e bukur dhe futi ne venat e mija dashurine e perjetshme per sportin. Gjate kasaj kohe kam qene dhe i aktivizuar ne te gjitha aktivitet sportive te shkolles dhe ushtroja rregullisht aktivitetin sportiv 3-4 ore ne dite me skudren e mundjes se lire dhe individualishte sepse shkolla kishte te gjitha kushtet per te ushtruar sportin vetem deshire te kishe.
Pra pas leksioneve dhe ne kohen e lire pas studimeve ushtroja sportin dhe te them te drejten gjithmone me ka pelqyer te ushtohesha dhe te mesoja gjera te reja, teknike te re dhe kjo me shtyu te futesha per 1 vite ne skuadren e mundjes klasike te shkolles ku aty mesova shume teknika te reja, por lidhja ime me mundjen e lire ishte me e forte dhe kjo me drejtoj drejte "Sampos" ku morra pjese rregullishte per shume kohe ne skudren e shkolles me profesorin e talentuar Mark Mici, per te cilin gezoj nje respekte dhe admirim te vecante.
Lidhja me sampon (defense personale) vazhdoi dhe gjate karieres sime ushtarake ku gjate kesaj kohe per 5 vjete me rradhe studjoja dhe praktikoja cdo dite sportin e bukur te Sampos,nga librat dhe duke praktikuar me ushtaret qe kisha nen komande. Une isha komandante ne nje bateri kunderajrore, por bateria kunderajrore e "Majes se flamuruit" ne Karaburun te Vlores per 2 vjet me radhe fitoi vende nderi ne demostrimet e sampos qe regjimenti dhe divizioni i Vlores organizonte....
Lidhja ime me sampon do te vazhdonte deri ne vitet 1992 ku ne nje palester te qytetit te Ternit ne Itali (emigrante si te gjithe shqiptaret) ku une ushtrohesha u takova me profesorin e famshem te boksit italian Sabattini i cili duke pare performancen time te shkelqyer me ftoi te filloja e ushtrohesha ne palestren e tij te boksit dhe te me jepte vete personalishte leksionet e boksit dhe te filloja karierren e boksierit dhe qe nga ky moment kjo lidhje eshte aq e forte dhe e pandashme.
Nejse, per 4 vjete u ushtrova si bokser ne skudren e boksit te qytetit te Ternit, Italy duke mar leksione direkt nga 2 profesoret me te mire te boksit Sabattini dhe nga Francesko Moschadeli (ma do mendja keshtu shkruhet emri i tyre).
Ne keto vite per cdo mbasdite kam qene rregullishte ne palestren e boksit dhe kam qene nen stervitjen dhe nen mbikqyrjen e te dy profesoreve qe dhe sot e kesaj dite i kujtoj me respekt te jashtezakonshem.....
Nuk dua qe te zgjatem tani rreth karierres sime si boksier qe ka qene shume e larmishme dhe me plote fitore gjate 4 vjeteve, por desha te theksoja qe kam qene shume nxenes i zedhshem dhe shume sportiste i mire dhe cdo gje qe me mesonin e pervetsoja dhe e perserisja me kujdes deri ne pervetsim dhe njekosishte Zoti me dha shancin e mrekudhueshem te stervitesha nga dy profesoret me me fame te boksit Italiane.
Tani ndodhem ne New York dhe te them te drejten asnje minute nuk i kam nderprere lidhjet e mija me sportin dhe me boksin ne vecanti eshe pse nuk marr me pjese ne kompetishen ose te ndeshem me ne ring, gjithe kohen jam stervitur ne palestrat me te mira dhe me moderne dhe gjithe keto vite kam ushtruar dhe kam studjuar rreth shkences se bukur te boksit.
1 vite me pare palestra ku ushtrohem me afroi oportunitin qe te ushtroja profesionin e profesorit te boksit dhe te them te drejten jam shume i kenaqur, dhe njekosishte te ve ne praktike gjithe ate eksperince qe morra nga dy profesoret e mi italiane dhe gjithe ate eksperince personale te grumbulluara gjithe keto vite si ne ring ashtu dhe nga studimet e shumta qe kam bere rreth "sweet" boksit....
Kete eksperince deshiroj ta ndaj edhe me ju anetare te ketij forumi te nderuar nepermjet komenteve, keshillave dhe nqs deshironi edhe nepermjet pyetjeve dhe pergjigjeve.

[Ilir 2010]

Si fillim per te gjithe te apasionuarit e boksit qe deshirojne te shikojne disa nga ndeshjet e boksit for free mund te perdorni websatin
www.mininova.org
Eshte websat shume i mire dhe pa probleme vetem se duhet te vendosesh ne faqen qe do te hapet fjalen boxing ne serch dhe duhet te Download this torrent.
Pa problem eshte webside shume i paster dhe pa viruse, Une p.sh. se kisha mundesi te shikoja ndeshjen shume interesante ndermjet Pacquiao.vs.Cotto dhe e pashe te gjithe qe nga fillimi deri ne fund nepermjet kesaj faqe.
Gjithashtu aty do te gjeni shume ndeshje te tjera shume interesante te boksit. Have fun.......

[Der_Kaiser5]

Pershendetje Ilir,

Urime per temen, pasi vete jam nje apasionant i sporteve dhe sigurisht i boksit. Megjithese nuk jam i brezit tuaj ose babait tim ku boksi ishte nje nga sportet me te sukseshme, une perseri a admiroj. Gjithashtu pashe qe theksove edhe per sportin e mundjes(te cilin e kam praktitkuar ne shkolle te mesme per pak ketu ne USA) si edhe per kete sampon e cila besoj qe ketu ose ne anglisht quhet self defense. U kam pas marre kuptohet per hobi me artet marciale pak kohe me pare dhe qe atehere jam terhequr shume pas ketij sporti. Megjithese nuk ka popullaritetin e boksit eshte duke ja marre avash avash ate fame, si edhe me ca kam pare boksi eshte drejt falimentimit. Shume te rinj tashme preferojne te luftojne ne octagon ose te bjene Ultimate Fighters, e cila perfshin shume disiplina si psh, striking( i cili eshte boksi), kickboxing, muay thai, jiu jitsu, greco-roman wrestling etj. Meqe jemi tek tema e boksit dhe duke bere kete analizen midis ketyre dy sporteve tashme rivale, kisha nje pyetje per ju meqe jeni me ne brendesi pasi trajnoni. A besoni se boksi do rikthehet edhe njehere fuqishem ashtu sic ishte me Muhamad Ali, George Foreman, Mike Tyson, Hollifield, Lenox Lewis, etj, apo do vazhdoje akoma ne kete krize qe e ka kapur ku vetem 2 boksier shoh si te denje une tashme Klitschko, dhe Mayweather? Do jete bokis ne gjendje te thyeje MMA?

[Ilir 2010]

Pershendetje Der Kaiser5.

Ne radhe te pare uroj qe Shqiperia te bashkohet si dikur kurr Zoti e krijoj dhe te mallkuarit ne Berlin shkaterruan ate pasuri qe Zoti na dhuroj Shqiperine e Madhe.

Persa i perket MMA, si sport i ri dhe me shume elemente te rinje spektakolar natyrishte qe do te korrte sukses dhe do te terheqite shume spektator sepse eshte vetem per show dhe njekosishte lejon me shume gjake, me shume violence, me pak rregulla, me shume brutalitet te cilat e afrojne me ndeshjen reale e cila preferohet nga spektatori

Ndersa persa i perket boksit eshte e vertet qe eshte ne krize si nga ana financiare ashtu dhe nga ana e boksireve teknike, te cilet jane shume te rradhe. Dhe njekosishte ne boks jane vendosur shume rregulla dhe shume kushte te cilat e kane bere boksin pak te “bute” duke humbur agressivitetin e tij dhe kjo ka sjedh si rezultat humbjen e spektatorit i cili eshte i etur per agresivitet dhe per violence ne ring jo per boksier qe perpiqen te fshihen pas referit pasi marrin nje grushte, apo boksier qe ne raundin e 6 duken si dy gjynaqar qe meritojne vetem meshire dhe jo admirim. Njekosishte ndarja ne shume kategori te ndryshme peshash ka bere qe te kete shume kampion dhe mos te dallohen kampionet e vertet me kampionet medioker.

Eshte shume e veshtire qe boksi ti rikthehet viteve te stuishme te Muhamet Aliut persa i perket publikut dhe tifozllekut, por njekosishte rregullat dhe butesia ne ring po afrojne me shume sportiste te rinje te cilet kerkojne dicka reale sic eshte boksi, dicka qe do ti qendroj kohes ne perjetesi dhe qe do ti duhet cdo njeriut per difens personale dhe mos harrojme nje dicka te vecante per boksin, i cili te jep një nga format më të mira të stërvitjes, një stërvitje të plotë për sistemin tuaj kardiovaskular. Do te flasim rreth gjerave te mira qe te afron stervitja e boksit dhe njekosishte per teknikat e boksit ne shkrimet e ardhshme, dhe kjo eshte edhe objektivi i kesaj teme qe dikush qe eshte i interesuar rreth teknikes se boksit te filloj te hedh hapat e para rreth sportit te bukur te boksit....

[PINK]

oh well, kam nje boksier ne shpi. eshte vetem 3 vjec e gjysem. Lol

[*~Rexhina~*]

oh well, kam nje boksier ne shpi. eshte vetem 3 vjec e gjysem. Lol

kujdes pinko se ka mundesi te behet me vertet boksier dhe do i lutesh si Adrian, not to fight

babi im eshte i apasionuar me kete sport,biles kur ishte i rri e praktikonte , jam e sigurt po te kisha lindur mashkull, do behesha boksiere lol

[Longarus]

kujdes pinko se ka mundesi te behet me vertet boksier dhe do i lutesh si Adrian, not to fight

babi im eshte i apasionuar me kete sport,biles kur ishte i rri e praktikonte , jam e sigurt po te kisha lindur mashkull, do behesha boksiere lol

Me siguri qe e trasheguar pasionin e boksit nga i ati vetem se besoj qe e shpreh ne forma tjetra ... LOL

[Ilir 2010]

Në këtë shkrim do të flasim rreth BOKSIT dhe të mirave të tija.

Shumë persona mendojnë se sporti i boksit është i lidhur vetëm me agresivitetin duke injoruar të mirat që mund të sjedh boksi për organizmin e njeriut. Në rradhë të parë desha të theksoja faktin që boksi ka fituar simpati dhe po përdoret kudo në një formë të re, jo vetëm për biznes, por më shumë po përdoret për fitness, për stërvitje. Shumë të rrinjë dhe të reja po e përdorin “sweet science” për të qënë në një formë të mirë sportive dhe gjithashtu për të hequr stresin e përditshëm dhe për të rritur më shumë konfidencën me botën që i rrethon.

Lindë pyetja pse boksi? Dhe përgjigjja është shumë e thjeshtë:

- Sepse vetëm boksi mund të të afroj një stëvitje komplekse dhe të gjithë anëshme e cila do të sjedh si rezultat rezistencë, qëndrushmëri, forcë, kordinacion, aerobic fitnes dhe një formë të shkëlqyer sportive. Të gjithë personat që kanë ushtruar sportin e boksit si në shkallë profesionale ashtu edhe në shkallë amatore ose edhe thjeshtë për tu mbajtur në formë kanë parë rezultatet pozitive dhe një ndryshim të përgjithshëm si në pamjen e jashtëme fizike por gjithashtu edhe në shëndetin e tyre brenda një kohe të shkurtër. Boksi ndihmon shumë në humbjen e peshës trupore dhe mund të bëj të mundur që të djeg rreth 500-1000 kalori në një orë, që asnjë lloj sporti tjetër nuk mund ta jap këtë rezultat. E di që dikush nuk mund ta besoj, por mos harroni faktin që ju jeni në lëvizje gjithë kohën dhe të gjithë muskujt dhe shqisat tuaja janë në aktivitet të vazhdueshëm dhe nën presion gjë që ndihmon në një stërvitje intensive gjë që i jep mundësi zemrës të punoj 75-80 % nën ngarkesë dhe kjo përmirëson metabolizmin dhe njëkosishtë kapaciteti juaj kardiovaskular do të rritet jashtëzakonisht. Vetëm boksi lejon stimulimin e të gjithë grupeve të muskujve duke kombinuar stërvitjen aerobike(me oksigjen) dhe atë anaerobike(pa oksigjen). Ju do të mbeteni shumë të mahnitur se si stërvitja e boksit do të bëj të mundur perfeksionin e muskujve të barkut, të shpinës dhe të të gjithë trupit duke i dhënë muskujve tuaj formën e përkryer. Njëkosishtë stërvitja e boksit përmirëson në mënyrë të dukshme kujtesën, aftësinë e të menduarit për vetë faktin se në trurin e sportistit rritet qarkullimi i gjakut. Janë këto të mira fizike dhe mendore që sporti i bukur i boksit është pranuar gjerësishtë nga shoqëria e sotme modern.
Pra të mirat që sjedh boksi në drejtimin e formës fizike janë:

1) Bën rritjen e qëndrushmërisë së sistemit muscular të trupit.
2) Rrit në mënyrë të ndjeshme shpejtësinë dhe elasticitetin fizik.
3) I jep muskujve tonifikimin e duhur.
4) Bën të mundur humbjen e peshës trupore në një kohë të shkurtër.
5) Rrit rezistencën e organizmit.
6) Rrit fleksibilitetin dhe reflekset e muskujve.
7) Rrit dhe përmirson sistemin kardioviskolar.
8) Përmirson sistemin kordinativ dhe ekuilibrin e trupit.

Le të kalojmë në disa të mira të tjera që boksi sjedh tek ne.

Përveç përfitimeve fizike dhe mjekësore që boksi i sjedh organizmit tonë, boksi është një art i vetë mbrojtjes dhe mund të themi pa frikë se boksi është mënyra më perfekte për të mbrojtur veten tuaj(cdo lloj arti marshall përdor boksin) dhe si i tillë ai i duhet cdo njeriu për difens personale. Arti i boksit ju mëson juve teknikën e nevojshme dhe ju bën ju të aftë të përballoni cdo situatë të padëshirueshme pasi të mëson teknikën e goditjes me precizon dhe goditjen me grushta në kombinime në pikat më vitale të organizmit të njeriut. Vetë stërvitja e boksit është e tillë që e përgatit boksierin të kaloj cdo kufij njerëzor të rezistencës fizike, kjo është dhe arsyeja që shkenca e sportit e njeh boksierin si atletin më të fortë në botë, pasi për tu përgatitur dhe të rezistuar në ring ai duhet të bëj një stërvitje tepër të fort dhe intensive.
Boksi ka shumë te mira të tjera që unë nuk do të ndal për arsye të kohës dhe nuk dua që ta bezdis lexuesin me më shumë informacion, por desha vetëm të theksoja se mua personalisht boksi më ka dhënë shumë përparësi si fizike, mendore dhe teknike. Në drejtim të anës fizike stërvitja e boksit më ka mbajtur gjithmonë në formë të shkëlqyer sportive. Gjithashtu në drejtim të ansës mendore boksi më ka ndihmuar të heq stresin dhe tensionin e përditshëm, provoheni njëherë se sa do të letësoheni duke qëlluar thesin e boksit kur je shumë i stresuar apo për të nxjerr zemërimin nga trupi juaj, është një metodë e shkëlqyer.Në drejtim të difenses personale mund ta them pa asnjë pikë dyshimi se boksi më ka përgatitur të sfidoj cdo situatë pa asnjë lloj problem pasi stërvitja e boksit jo vetëm më ka dhënë një bagazh të gjerë teknikë dhe një rezistencë fizike të manitshme, por njëkosishtë boksi të jep sigurin dhe vetë kontrollin në cdo moment.
Në shkrimet e ardhshme do të ndalemi në anët teknike të boksit duke filluar me qëndrimin për boks dhe deri në teknika më të përparuara të boksit…….

P.S. Mos harroni dicka tepër të rëndësishme se stërvitja e boksit është edhe fun…..

[Ilir 2010]

Në këtë shkrim do të fillojmë të japim disa këshilla teknike përsa i përket pozicionit që boksieri duhet të mbaj në ring. E dimë që çdo person që fillon të ushtroj boksin për herë të parë kërkon të vesh dorezat dhe të filloj të qëlloj thesin e boksit ose të ndeshet me kundërshtarin, por para se të bëni këtë ju patjetër duhet të mësoni pozicionin e qëndrimit të boksierit që është një nga elementet kryesore për të lëvizur në ring në mënyrë të balancuar e në të gjitha drejtimet dhe duke ju lejuar në të njëjtën kohë të mbroheni e të sulmoni me efektivitet në çdo moment dhe në çdo situatë.
Një pozicion i mirë boksi ju jep ju mundësinë që të keni më shumë forcë goditje në grushtet tuaja pasi forca e grushtit fillon që nga këmbët kalon tek mesi(hips), nëpër shpatulla për tu lëshuar nga grushti juaj. Sa më i mirë të jetë pozicioni juaj i boksit aq më i fuqishëm është grushti juaj, njëkosishtë ju jeni në gjëndje që të përballoni pa shumë problem dhe goditjet më të fuqishme të kundërshtarit.

Në boksin modern njihen dy lloj pozicionesh boksi:

1) Pozicioni normal (pozicioni orthodox), të cilin e përdorin boksierët që përdorin dorën e djathtë si dorën që godet më fort. Në pozicionin normal(orthodox) këmba dhe dora e majtë qëndrojnë përpara.

2) Pozicioni për mëngjarashët (southpaw), të cilin e përdorin boksierët që përdorin dorën e majtë si dorën që godet më fort. Në pozicionin mëngjarash (sowthpaw) këmba dhe dora e djathtë qëndrojnë përpara.

Në këtë shkrim dhe në shkrimet e ardhshme ne do ti referohemi vetëm pozicionit normal(orthodoks) pasi është pozicioni që përdoret nga pjesa dërmuese e boksierëve, por për boksierët mëngjarash(southpaw) mjafton që ata të revarsin këtë instruksion pasi teknika dhe mekanizmat janë të njëjta.

Për të marr qëndrimin e boksit si fillim duhet:

1) Hapni këmbët sa gjerësia e shpatullave.
Kjo bën të mundur që ju të qëndroni në balancë. Bëj një hap prapa vetëm me këmbën e djathtë,(duke mos lëvizur këmbën e majtë). Nga ky qëndrim rrotullo majat e këmbëve djathtas por vetëm paksa duke i dhënë një kënd rreth 45 gradë afërsishtë. Që ta keni më të qartë gishtat e këmbës së majtë duhet të jenë të drejtuara ndërmjet 12 dhe 2 të fushës së orës, po ashtu edhe gishtat e këmbës së djathtë duhet të jenë të drejtuara ndërmjet 12 dhe 2 të fushës së orës. Pra duke i dhënë këndin 45 gradë këmbëve tuaja, i gjithë trupi juaj do të mari këtë kënd në drejtim të kundërshtarit duke ju dhënë ju mundësinë që të lëvizni me shumë lirshmëri në ring dhe njëkosishtë duke i dhënë kundërshtarit një sipërfaqe sa më të vogël goditje.

2) Mbahe të shkëputur pak nga toka thëmbrën e këmbës së djathtë.
Kjo bën të mundur rritjen e shpejtësisë së lëvizjes dhe njëkosishtë për ti dhënë fuqi grushtit të djathtë.

3) Përthyej dhe mbaji pak të përthyera kupat e gjunjëve.
Në këtë mënyrë ju krijoni më shumë stabilitet dhe qëndrim më të ballancuar, po ashtu ju krijoni mundësi për lëvizje më të shpejta para, mbrapa ose majtas e djathtas duke bërë të mundur ndryshimin e drejtimit të lëvizjes, njëkosishtë përthyerja e gjunjëve të ndihmonë shumë në mbrojtjen nga goditjet anësore, kroset (hook).

4) Përkul pak sa mesin(hips) duke mbajtur shpinën të drejtuar.
Ki parasysh që të mbash gjithmonë mesin(hips) direkt poshtë shpatullave dhe njëkosishtë kjo të përputhet me pikën e mesit ndërmjet këmbëve tuaja. Gjithmonë kërko që trupi juaj të lëviz si një mekanizëm i vetëm gjatë gjithë kohës në ring.

5) Mundohu që të qëndrosh në majat e gishtave dhe në pjesën e përparme të shputës së këmbës.
Kjo gjë do t`ju ndihmoj që të lëvizni shumë shpejtë në ring duke e forcuar njëkosishtë mbrojtjen dhe sulmin tuaj.Kur themi në majat e gishtave kjo do të kuptoj që pesha juaj trupore duhet të mbështetet në majat dhe në pjesën ballore të shputës së këmbës dhe jo në pjesën e thembrës, por pa ekzagjiruar.

6) Supin e majtë drejtohe drejtë kundërshtarit.
Në të njëjtin kohë grushti i majtë është i mbledhur dhe qëndron vertikalishtë rreth 20-25 cm përpara faqes së majtë në nivelin e syrit të majtë dhe pëllëmba e dorës duhet të jetë paralel me faqen e majtë.

7) Supi i djathtë qëndron mbrapa.
Ndërsa grushti i djathtë është i mbledhur dhe qëndron i mbështetur në anën e djathtë të nofullës, pëllëmba e dorës duhet të jetë paralel me faqen e djathtë. Ky pozicion i dorës bën të mundur që të bësh mbrojtjen nga krahu i djathtë dhe njëkosishtë e bën grushtin e djathtë shumë të fuqishëm pasi për të qëlluar kundërshtarin ju duhet të rrotulloni trupin duke i dhënë grushtit të djathtë peshën trupore.

8) Mbaji parakrahët lart drejtë paralel me trupin dhe bërrylat futi brenda duke i takuar me brinjët.
Kjo bëhet me qëllim që të mbrosh trupin sidomos pjesën e brinjëve nga goditjet duke i bllokuar goditjet me parakrahët e cila është mënyra më perfecto. Ki parasysh që për të mbajtur parakrahët drejt në pozicionin e mbrojtjes nuk duhet që të harxhosh shumë energji, por duhet të jesh i lirshëm dhe jo i tensionuar, njëkosishtë mundohu që të rregullosh pozicionin e parakrahve me qëllim që të mbrosh dhe pjesën ballore të gjoksit dhe të stomakut që është përball kundërshtarit.

9) Përkul letësishtë kokën në drejtim të kundërshtarit.
Mundou që ta shikosh kundërshtarin nëpërmjet vetullave.

10) Mjekrën mbështete në krahun e majtë të supit.
Dhe pikërisht ndërmjet supit dhe kraharorit. Pjesën e majtë të mjekrës duhet ta mbështetësh në (ku ndodhet ai si boshllëk ndërmjet tyre). Kjo bëhet me qëllim për të mbrojtur mjekrën nga goditjet dhe që në më të shumtën e rasteve shkaktojnë nokautin(KO).

Pak a shumë ky është pozicioni që boksieri duhet të mbaj në ring. Në këtë pozicion ju jeni balanct dhe gati për tu ndeshur dhe në asnjë mënyrë asnjë lloj shtytje nga çdo drejtim nuk duhet t`ju sballancoj. Ju jeni gati të lëvizni në të gjitha drejtimet me letëhsi. Në këtë pozicion ju jeni i lirshëm dhe asnjëherë i shtrënguar apo tens.
Një metodë shumë e mirë për të praktikuar pozicionin e boksit është përpara pasqyrës. Qëndro përpara pasqyrës dhe mundohu që të marrësh pozicionin e duhur duke bërë korigjimet e nevojshme.

Disa këshilla që duhet ti mbani mend gjithë kohës.

1 – Në çdo moment duhet të jesh i balancuar sikur lëviz, mbrohesh apo sulmon.
2 – Mbështete peshën trupore në pjesën ballore të shputëve të këmbëve dhe në majat e gishtave.
3 - Shpërnda peshën e trupit ndërmjet dy këmbëve gati në mënyrë të barabartë.
4 - Gjithmonë mbaje thembrën e djathtë pak të shkëputur nga toka.
5 - Mbaj bërrylet brenda dhe të takuara me trupin.
6 - Merr frymë me hundë në mënyrë të thellë nga diafragma.
7 - Kur mbyll dorën për të bërë grushtin, pjesa e brendshme e gishtave duhet të mbështetet
në pjesën e brendshme të pëllëmbës dhe njëkosishtë mbështete gishtin e madhe të dorës tek nyja e gishtit tuaj të mesëm.

Çfarë duhet të eleminoni:

1 – Asnjëherë mos e lë mjekrën(chin) të pa mbrojtur.
Gjithmonë mbaje mjekrën të mbështetur tek trupi dhe gjithmonë kërko ta mbrosh me çdo mënyrë pasi kundërshtari atje do të kërkoj të të qëlloj për K.O. E dimë që që pas çdo goditje ju do të kërkoni që të ngrini mjekrën, është instikt, por në asnjë rast mos e lë mjekrën e pambrojtur në të kundërt ju kërkoni të bini K.O. Prandaj në çdo seksion stërvitje kërko që të mbash të mbështetur mjekrën tek trupi dhe të mbrojtur deri sa të bëhet diçka normale.
2 – Asnjëherë mos e hiq shikimin nga kundërshtari.
Kur dhe në asnjë mënyrë qoftë edhe nën kundërsulmin më të fuqishëm mos e shkëput shikimin nga kundërshtari ose të mbyllësh sytë. Nqs nuk shikon nuk mund të mbrohesh apo të sulmosh. Goditja që të shkakton më shumë dëm fizik është ajo që nuk shikon. Gjithashtu ti kërkon që të ndalosh sulmin e kundërshtarit apo të ndërtosh sulmin tënd, por ti nuk mund ta bësh këtë nqs ti mbyll sytë apo heq shikimin nga kundërshtari, pasi ti nuk shikon goditjet dhe njëkosisht nuk shikon ku të godasësh.
3 – Asnjëherë mos i mbaj duart(parakrahët) poshtë.
Mbaji në çdo moment duart(parakrahët) lart në pozicionin e tyre të boksit dhe asnjëherë mos i ulë ato qoftë edhe se ju jeni i lodhur. Në këtë mënyrë ju jeni gjithmonë në pozicion për tu mbrojtur dhe për të sulmuar, gjithashtu nuk humbni kohë, enrgji dhe rastet e volitshme kur të paraqiten. E themi këtë se nqs kundërshtari të qëllon ti nuk harxhon energji për të ngritur duart për tu mbrojtur, gjithashtu nqs kundërshtari bën diçka të gabuar apo të krijohet hapsirë për ta qëlluar nqs duart nuk janë lart asht siç duhet të jenë gjithë kohën ti duhet të ngresh dorën në pozicion dhe pastaj të qëllosh duke humbur kohë dhe rastin e volitshëm. Kur qëllon me dorën e majtë, dora e djathtë qëndron në mbrojtje(mbështetur tek nofulla e djathtë) dhe kur qëllon me dorën e djathtë, dora e majtë qëndron në mbrojtje(mbështetur tek nofulla e majtë).
4 – Mos e mbaj shumë peshën e trupit pëpërpara.
Një gjë e tillë do të shkaktoj humbjen e fuqisë goditjes së grushtit. Një gabim që zakonishtë bëjnë boksierët e rinjë është që ata sballancohen shumë përpara duke kaluar gjithë peshën e trupit në këmbën e majtë gjë që sjell si pasoj humbjen e fuqisë së grushtit pasi koka ka kaluar më përpara se këmba e majtë dhe si pasoj goditja nuk ka forcën e duhur sepse është vetëm me krahë duke mos patur forcën që prodhohet nga rrotullimi i belit dhe sidomos nuk ka peshën e trupit që është faktori kryesor në forcën e grushtit, pra injorohet pjesa e poshtëme e trupit në forcën goditëse. Mos harrojmë se forca goditëse e grushtit prodhohet duke filluar që nga shputat e këmbëve kalon në mesin tuaj, shpatullave, në parakrahun dhe më në fund për tu lëshuar nga grushti juaj. Pra gjithmonë dhe në çdo rast këmba e majtë qëndron përpara kokës.
5 – Mos harroni të ktheheni pas çdo sulmi në pozicionin fillestar.
Ky kthim duhet të jetë i menjëhershëm pasi boksi është aksion dhe kundëraksion. Kur ju qëlloni me grushtë ju lini përkosishtë veten tuaj pa mbrojtje në atë pjesë të trupit që mbronte ky grushtë, prandaj ju duhet të mësoheni që të ktheheni në pozicionin e mbrojtjes para se kundërshari ta shikoj hapsirën e pambrojtur. Kur jeni duke u ndeshur dhe jeni shumë i koncentruar në sulm është e pamundur që të mos lësh të paekspozuara pjesë të trupit qoftë edhe për një kohë të shkurtër, prandaj kthimi i menjëhershëm në pozicionin e boksit është jetikë për boksierin. Në çdo kohë duart tuaja mbrojnë fytyrën, parakrahët mbrojnë brinjët dhe stomakun, shpatulla e majtë mbron mjekrën dhe ju jeni gati në pozicion boksimi në çdo moment.
6 - Në këtë pozicion ju jeni i lirshëm dhe asnjëherë i tendosur(muskuj tens).
Tension do të thotë lodhje dhe humbje të rezistencës e të qëndrushmërisë. Prandaj në pozicinin e boksit ju duhet të jeni i qetë dhe i lirshëm pasi duhet të kuptoni që të jeni të shpejtë dhe të zhdërvjelltë në ring nuk varet vetëm nga lëvizja e muskujve, por një rëndësi të veçantë ka sistemi nervorë. Kur muskujt janë të lirshëm, sistemi nervor funksionon shumë mirë dhe mesaget që truri dërgon tek muskujt zbatohen menjëherë. Një gjë e tillë nuk ndodhë kur muskujt janë të tendosur gjë e cila sjell si pasoj që ju të lëvizni shumë ngadalë dhe muskujt fillojnë të lodhen më shpejtë. Gjithashtu kur ju jeni shumë i tensionuar llogjika juaj nuk është e shpejt dhe e qartë dhe ju nuk keni kontrollin 100% të muskujve tuaj. Prandaj qëndro i qetë dhe relax gjë që do të sjell rritjen e shpejtësisë dhe të qëndrushmërisë gjithashtu instiktet dhe kundërveprimi juaj do të jetë i menjëhershëm dhe mendimet tuaja do të jenë më të qarta. I vetmi moment që ju duhet të jeni i tendosur(shtrënguar muskujt) është kur kundërshtari qëllon me grusht trupin tuaj…..

P.S. Success in boxing....depends on dedication, physical conditioning, and long hours spent in workouts and sparring sessions.....

[Ilir 2010]

Okej pas tre ditesh te ngarkuara me pune dhe me shkolle me ne fund gjeta pak kohe te ulem dhe te shkruaj. Nuk e di se sa ju intereson kjo teme dhe a eshte e vlefshme per ju? Jam kurioze te di pershtypjet dhe se ja vlen qe ti kushtoj kohen time apo jo? Mos harroni se ketu ne New York kohen nuk e kemi aq te lire sa mund te jete ne Europe. Natyrisht tema sa ka filluar dhe ne jemi ne hapat e para te saj dhe une do te mundohem t`ju jap sa me shume informacion dhe sidomos rreth anes teknike te boksit. Une kam qene dhe jam shume i apasionuar pas sportit dhe ne vecanti boksit dhe jo vetem stervitem vete intensivishte, por njekosishte ne kohen e lire me pelqen te studjoj sweet boksin. Natyrishte qe kjo gje mua me jep kenaqesi te jashtezakonshme. T`ju them te verteten shkrimet per forumin nuk jane te pergatitura apo te gatshme, ato jane ne trurin tim dhe kane ardhur si rrjedhoj e nje eksperince te gjate dhe te studimeve te vazhdueshme te sweet science te boksit, por qe une duhet te ulem, ti pergatis dhe ti hedh ne note book, por njekosishte me vjen dhe per te qeshur (dhe tani qe po shkruaj po qesh me veten time), pasi ne shume raste duhet te vras trurin te gjej fjalen e duhur teknike. Kjo eshte e vertete edhe pse kam arsim te larte, une sportin e bukur te boksit e ushtrova ne Itali dhe ne Amerike, pra cdo shpjegim teorik eshte bere ne keto dy gjuhe dhe kjo me ngadalson pak ne gjetjen e fjaleve teknike te boksit ne shqip. Si mund t`jua qartesoi me mire p.sh. nqs me thua hook (anglisht) ose gancio (italisht) no problem, por per te gjetur fjalen ne shqip, harrohe duhet te mendo e te mendoj….

Shume te apasionuar pas boksit ndoshta presin qe une te filloj direkt me anet godise te boksit dhe me kombinacionet por mos harroni nje dicka qe femija i vogel para se te filloj te vrapoj duhet te mesoj te eci dhe cdo gje vjen gradualishte, eshte njesoj si ndertimi i nje ndertese te re, nqs ti deshiron nje ndertes qe ti qendroj kohes dhe cdo te papriture duhet ti ndertosh themele te forta, sa me te forta themelet aq me e fort eshte ndertesa. Te njejten gje mund te themi edhe per boksin, sa me mire qe ju te mesoni fondamenntals (bazat themelore) aq me te kompletuar ju do te jeni si boksier. Shume harrojne kete gje duke injoruar themeloret, bazat e boksit gje qe te cojne ne fund te fundit ne deshtim te plote ose ju do te beheni nje boksier medioker. Prandaj asnjehere mos kerko qe te injoroni fondamentals, ato jane jetike ne rrugen tuaj te boksit.

Natyrishte shtrohet pyetja per c`fare do t`ju sherbej ky tutorial rreth boksit? Kjo do te varet se c`fare objektivash keni ju ne drejtim te boksit? Nqs ju deshironi te mesoni boksin vetem per difense personale dhe njekosishte ju nuk keni kushtet, kohe dhe mundesite qe te shkoni ne palester, atehere ky tutorial rreth boksit eshte i mjaftueshem per ju (natyrishte duke u praktikuar vete ne shtepi dhe pa ndihmen e nje instruktori). Nqs ju deshironi qe te vazhdoni karrieren ne ring si boksier ky tutorial gjithashtu do tju ndihmoj ju ne hedhjen e bazave te boksit dhe te kuptoni fondamentals por natyrishte ju duhet gjithashtu te frekuentoni nje palester te vertet boksi ku te sterviteni nen mbikqyrjen e nje instruktori te kualifikuar. Njekosishte ky tutorial eshte shume i rendesishem per traineret e boksit apo per ata qe deshirojne te hedhin hapat e tyre ne drejtim te karrieres se profesorit te boksit, pasi do tju japi ju mundesine te kuptoni me me themel dhe anen teorike te boksit dhe do tju bej ju te afte te shpjegoni me shume detaje te gjitha veprimet e boksit. Jo te gjithe boksieret e mire, jane dhe trainer te mire. Ka shume sportiste qe kane ushtruar aktivitetin e boksit dhe kane dhene dhe rezultate shume te mira ne ring, por kur kalojne ne rolin e trainerit ata gjejne shume veshtiresi ne shpjegimin e gjerave dhe te veprimeve. Ata mund te bejne ne prefeksion nje ushtrim, por nuk jane ne gjendje te japin nje shpjegim te qarte dhe te plote te tij, prandaj ky tutorial do tju ndihmoj ne kete drejtim. Une kam pasur fatin e mire te marr leksionet e boksit dhe te trainohem nga dy maestrot me te mire te Italise dhe ata nuk ishin vetem te afte ne demostrimin e gjerave, por edhe ne shpjegimin teorik te tyre gje qe me beri mua komplet si boksier dhe me dha rezultate te shkelqyera ne veprimtarin time te boksit dhe njekosishte e ndjej kete influence edhe ne veprimtarine time si trainer ku jo vetem ju demostroj nxenesve te mi nje ushtrim, por njekosishte u jap edhe shpjegime perse duhet ky, ne kete menyre ata behen me te afte dhe me te kompletuar si boksier.
Te mesosh si te boksosh do kohe dhe safrifica, duhet te kuptoni qe Roma nuk eshte ndertuar per nje dite dhe qe boksieri nuk eshte i lindur i tille, por qe me stervitje te vazhdueshme dhe hap pas hapi ju do te beheni te tille dhe do te beheni te afte te mbroni veten tuaj ne cdo moment e ne cdo situate dhe ne te njejten kohe ju do te persosni sistemin tuaj fizik dhe mendor.
Ne kete video qe une e gjeta ne youtube ku nje nga profesoret e boksit Russ Anber's (qe per mendimin time eshte me te vertet i pergatitur) demonstron ne menyre praktike pozicionin e boksit. Shpresoj qe t`ju ndihmoj. Kini parasysh qe ne youtube ka shume gjera rreth kesaj teme, por jo te gjitha videot jane ne nivel te larte teknik, prandaj beni kujdes ne zgjedhjen e materialit duke pasur parasysh qe ju po sterviteni pa instruktor dhe eshte nje gje shume negative nqs ju mesoni gjerat ne menyre te gabuar.