Aeroporti i Kukesit

[ornament]

Ork predatori, mos i ngaterro gjerat e temat. Pastaj ku e pate ju (ti dhe ai) qe ky eshte DONACION, çfare do me thene kjo fjale, ka mundesi me ma shpjegu me holle. Une lexova INVESTIM, drugu mesele kjo.

Orku kam pershtypjen s'ke marre kurre avion gjate jetes tate. Pse them keshtu!
Ngaqe do te te kishte rene ne sy çmimi shtrenjt i biletave per te shkuar ne Tirane nga kryeqytetet e tjera te botes.
Pse nje bilete per Tirane, kushton DYFISHIN e çmimit te nje bilete avioni per te shkuar ne Stamboll, qe eshte me larg nga Tirana DYFISHIN e heres!
Kush e gjen?

[Orku]

Ornament preja nuk di te te them nese eshte donacion apo investim me detyrime te ndersjellta por sidoqofte investimi eshte nje nga format me klasike te ndihmes vecanerisht kur ne jemi te perthare per to dhe nese zbatohen te gjitha rregullat dhe ligjet e pare kjo dhe ne kontekstin qe nga vendi investues nuk kemi pare kurre keq cdo diskutim i metjeshem me duket humbje kohe.

Edhe marreveshja e bishtit te palles eshte investim dhe jo donacion biles ka disa klauzola teper te dyshimta po nejse.

Gjerat edhe mund te mos ngaterrohen por perderisa llogjika jote prodhon perfundime te ndryshme per gjera te ngjashme, krahasimi i te dyjave me duket menyra me e thjeshte per te te ftilluar sadopak sepse argumentat eshte e qarte qe nuk i pertyp.

Megjithese nuk jemi ne oren e gjeagjezave dhe une eci vetem ne kembe (nuk kam hipur kurre as ne makine) mendoj se dy jane aresyet kryesore:

1 - fluksi i ulet i pasagjereve

2 - rrjeti i amortizuar i infrastruktures

[R2T]

Kur lexoj kete lajm nuk e ndaloj dot vjershen:

Kuksi i ri ka bere ndryshime
ka fut avjonin ne rruge makine
Ka aroport nderkombetar
ne autostrade ka vec gomar
Ka pallate me plot kate
ne cdo kat mbillen domate
Ka projektin e Faruk Kabes
Populli jeton me kembet e zhabes
Blejne buke me fletore
jane shperngulur ne Bathore
Shkuan ne Tirane per aroportin
Ne Bathore mesuan notin
per ti kthyer qeveria
u solli aroportin tek shtepia
Kuksi qyteti me i larte ne Shqiperi
Ja ka fut rrokut me cifteli

[hena]

Gjithnje e me teper po tregoni sa e keni per zemer vendlindjen. Flas per ate POETIN e mbaruar. Tu qash hallin kuksianeve. I ke kudo ne bote punojne e ndertojne c'do dite.Te bezdis fakti qe kane arritur ne Bathore?More,po e vini re se sa rracizem kemi mes nesh si shqipetare???? E pastaj ankohemi per rracizem ndaj nesh neper bote.
Eshte qyteti i vetem qe ka bere hapa te dukshem per mireqenien e tij. E pranoj qe kane shume per te bere per te arritur ne nivelet e larta...por tani per tani Kukesi i ka rruget me te pastra se Tirana,imagjino pak qytetet e tjera.
Sot rruget,pa neser edhe aeroporti do jete me ne gjendje se ai i Tiranes.
Diten e mire te gjitheve, nga Hena!

[ganoid]

Aeroporti i Kukësit brenda 20 muajve hap dyert

Poçi: “Emiratet e Bashkuara kanë shprehur dëshirën që të financojnë një pjesë të rrugës Durrës-Kukës-Morinë”

Bledjana Beqiri

Shqiptarët do të kenë më shpejt se sa ishte parashikuar një aeroport të ri kombëtar. Aeroporti i Kukësit pritet të përfundojë brenda 20 muajve, sepse firma ndërtuese ka përshpejtuar punimet. Ndërtimi i këtij aeroporti është financuar nga qeveria e Emirateve të Bashkuara me një fond prej 22 milionë euro, ndërohë që pritet që ky shtet të financojë edhe projekte të tjera. Këtë e pohon për gazetën ministri i Transporteve dhe Telekomunikacioneve, Spartak Poçi, sipas të cilit aeroporti i qytetit të Kukësit do të përfundojë para parashikimeve. “Emiratet e Bashkuara kanë shprehur dëshirën që të financojnë edhe një pjesë të rrugës Durrës-Kukës-Morinë”, -shprehet Poçi. Sipas tij, Emiratet e Bashkuara shprehën interes për të financuar një pjesë të rrugës Durrës-Kukës-Morinë, nga aeroporti i Kukësit deri në kufi, në Morinë. Kështu, që në shenjë respekti për Emiratet e Bashkuara, Ministria e Transporteve dhe Telekomunikacioneve i ka kërkuar qeverisë shqiptare që aeroportit të Kukësit t’i jepet emri i kryetarit të shtetit të Emirateve të Bashkuara. “Fimra “Al-Karaf” ka punuar jashtëzakonisht mirë dhe ka kapërcyer fazën më të vështirë të fillimit të punimeve, e cila duhej të përfundonte në kohë të thatë”, -pohon ministri. Sipas Poçit, ndërtimi i aeroportit të Kukësit do të vazhdojë pandërprerje, sepse financimi i dhënë prej Emirateve të Bashkuara është i plotë dhe mundëson të gjithë punimet. Ky aeroport pritet që të punësojë rreth 150 punonjës, por mbi të gjitha do të bëhet shkak për hapjen e një biznesi më të gjërë në qytetin e Kukësit, në shtimin e pikave të karburantit dhe mjaft shërbimeve të tjera që do të ketë ky aeroport. “Këtij qyteti kaq të rëndësishëm, që vuajti shumë gjatë periudhës së krizës së Kosovës, do t’i shtohen përveç rrugës, edhe fasilitete të tjera të infrastrukturës, siç është fluturimi ajror”, -pohon ministri i Transporteve dhe Telekomunikacioneve. Aeroporti i Kukësit dhe rruga e re Durrës-Kukës-Morine pritet që në vitet e ardhshme të sjellin një zhvillim të zonës veriore të vendit, e cila ka edhe një nivel më të ulët jetese.

[Shiu]

Ndertimi i aeroportit te Kukesit do te sjelle dobi edhe per banoret e pjeses jugore te Kosoves per shkak te afersise gjeografike.

Poashtu, rruga e re Durres-Kukes-Morine do te jete nje nyje e fuqishme qe do t'i nderlidhe ekonomite e Shqiperise dhe Kosoves.

Cdo projekt i ketille eshte per t'u pershendetur.

[ganoid]

Infrastruktura
Durrës-Morinë, nisin punimet në segmentin e parë të saj

Kanë nisur dje punimet në segmentin Milot-Rrëshen, i gjatë 26 kilometra dhe me kosto prej 8 miliardë lekësh, ku kilometrin e parë e kanë marrë përsipër forcat e xhenios






Data (28-11-2003)

Eltion Hoxha


Është inauguruar dje fillimi i punimeve të segmentit Milot-Rrëshen, pjesë e rrugës Durrës-Kukës-Morinë. Shiritin e përurimit e kanë prerë së bashku kryeministri Nano dhe ministri i Mbrojtjes Majko. Në inaugurim ishte i pranishëm gjithashtu edhe ministri i Transporteve dhe Telekomunikacioneve Spartak Poçi. Segmenti Milot-Rrëshen është i gjatë 26 kilometra dhe për ndërtimin e tij do të shpenzohen rreth 8 miliardë lekë.
Studimi i fizibilitetit dhe vlerësimi i ambientit të rrugës Durrës-Kukës-Morinë është financuar nga Banka Botërore dhe është miratuar nga organet kompetente të qeverisë, përfshirë këtu Këshillin Kombëtar të Rrugëve. Kilometrin e parë të kësaj rruge kanë nisur ta ndërtojnë dje forcat e xhenios, më pas akoma nuk dihet se cila do të jetë kompania që do ta marrë përsipër ndërtimin e saj.
Projekti
Rruga e re do të ndërtohet paralelisht me hekurudhën Milot-Rrëshen deri në Rubik dhe më pas do të vazhdojë në krahun ku sot është rruga ekzistuese Rubik-Rrëshen. Lidhja me superstradën Fushë-Krujë – Lezhë do të realizohet nëpërmjet një kryqëzimi modern me mbikalime dhe nënkalime për një lëvizje normale të automjeteve. Në fazën e parë gjerësia e asfaltit do të jetë 9.5 metra, për t’u zgjeruar më vonë në 20 metra.
Financimi
Buxheti i shtetit për vitin 2004 ka parashikuar vetëm 3 miliardë lekë për segmentin Milot-Rëshen, pjesë e rrugës Durrës-Kukës-Morinë. Në projektbuxhetin e shtetit nuk është parashikuar as edhe një zë i veçantë për financimin e saj, ashtu siç edhe u propozua nga qeveria me udhëzim të Fondit Monetar Ndërkombëtar (FMN) para disa kohësh. Sipas ministrit Poçi, punimet për përfundimin e plotë të rrugës do të zgjasin rreth 2 vjet gjysmë dhe do të kapin një vlerë prej rreth 330 milionë dollarësh. Në paketën e re fiskale të miratuar për vitin e ardhshëm është parashikuar që taksa speciale e kësaj rruge, e njohur ndryshe si taksa “Majko”, të hiqet. Të ardhurat nga kjo taksë do të zëvendësohen nga të ardhurat që do të mblidhen nga taksa e qarkullimit rrugor dhe nga rritja e akcizës së naftës nga 50 në 65 për qind.
Sipas parashikimeve, kjo taksë do të jetë e diferencuar në varësi të kategorive të automjeteve. Kështu, për autoveturat kjo taksë është 7 mijë lekë, ndërkohë që më parë zotëruesi i një mjeti të tillë paguante vetëm 3 600 lekë. Kategoritë e tjera, që përfshijnë automjetet me më shumë se (4+1) vende, mikrobusët, autobusët e çdo lloji dhe kamionë të çdo tonazhi, do të paguajnë një taksë qarkullimi rrugor prej 15 mijë lekësh. Efekti financiar, që mendohet të ketë në të ardhura mbledhja e kësaj takse, është rreth 1.45 miliardë lekë, duke kompensuar po në këtë masë humbjen e të ardhurave nga shfuqizimi i taksës së rrugës Durrës-Kukës. Ndërkohë që rritja e të ardhurave nga mbledhja e kësaj takse llogaritet të jetë rreth 3.5 miliardë lekë në vit. Duke u bazuar në paketën fiskale të propozuar për vitin 2004, efektet financiare janë zero, pasi efekti i heqjes së taksës së rrugës Durrës-Kukës prej 3.3 miliardë lekësh kompensohet nga efekti i taksës së regjistrimit të automjeteve dhe i akcizës me përkatësisht 1.45 dhe 1.85 miliardë lekë.


Veprat e artit
• Vijadukti i Milotit me gjatësi 330 metra dhe kosto 390 milionë lekë
• Ura e Skurajt me gjatësi 120 metra linear dhe kosto totale 220 milionë lekë
• Ndërtimi i 52 urave të vogla dhe të mesme
• Ndërtimi i 25 mijë metër kub mur pritës dhe mbajtës dhe rreth 6.5 kilometra mbrojtje nga lumenjtë etj.