Skavica, 4 investitore interesohen per ndertimin
Kompanite gjermane dhe italiane Tesaro, Kinglor, Tisen Group dhe Ferrari te perfaqesuara nga grupet teknike takuan nje dite me pare Ministrin e Energjitikes, Viktor Doda, duke shfaqur interes per ndertimin e hidrocentralit te Skavices. Gati dy projektidete dhe 600 milione dollare per investimin koncesionar. Doda nuk jep garanci. Duhet edhe mendimi i donatoreve

Blerina Hoxha

Ka mberritur keto dite ne vendin tone konsorciumi i kompanive Gjermo- Italiane, te interesuara per ndertimin e hidrocentralit te Skavices. Ata kane zhvilluar nje dite me pare nje takim me ministrin e Industrise dhe Energjitikes, Viktor Doda, te cilit i kane paraqitur projekt- idene per vepren e re, duke prezantuar edhe dy variantet e mundshme per kete qellim. Kompanite, Tesaro, Kinglor, Tisen Group dhe Ferrari, te perfaqesuar nga grupi teknik i dy instuteteve italiane te ndertimit te hidrocentraleve jane shprehur te gatshem per te marre ndertimin me koncension te hidrocentralit, te Skavices. Personi i kontaktit, Genci Resuli i cili shoqeroi investitoret gjate takimeve ne intitucionet e energjitikes dhe me eksperte te ketij sektori jashte saj tha se, te interesuarit jane te gatshem te investojne, porsa qeveria te kete thene po, per ndertimin e vepres rreth 600 milione dollareshe. Vizita e tyre rezulton e pesta brenda nje viti, ndersa "ok" i pales shqiptare duket se edhe per ndertimin e veprave te tjera te prodhimit te energjise elektrike do te kaloje ne siten e donatoreve. Aktualisht investitoreve italiano-gjermane u eshte vene ne dispozicion e gjithe baza materiale ligjore, per format e marrjes me koncesion dhe ligji i shpronesimeve.

Profesor doktor Farundin Hoxha, si nje nga projektuesit kryesore te veprave hidrike ne vendin tone e ka vleresuar ndertimin e Skavices si nje zgjidhje te madhe te ceshtjes energjitike ne vendin tone, por edhe me gjere. Duke qene i fundit ne kaskaden e lumit Drin ai do te jete nje rregullator per sigurimin e vazhdimesise se perhershme te punes ne hidrocentralin e Fierzes. Sakaq, konsorciumi i kompanive gjermano italiane

i ka paraqitur dy ide zotit Doda, minister i Energjitikes. Njeri eshte parrshikon ndertimin e nje dige te madhe dhe parashikon nje prodhim vjetor 1,9 miliarde kilovatore dhe tjetri me dige te vogel qe paraqet nje prodhim vjetor rreth 1,2 miliarde kilovatore. Nese vendoset ndertimi i tij do te perzgjiidhet varianti i fundit, sepse versioni i pare mund te krijoje probleme permytjeje ne Maqedoni, ceshtje qe zor se mund te zgjidhet ndermjet dy vendeve. Mirepo per shkak te problemeve qe jane krijuar gjate procesit te prezantimit te projekteve per ndertimin e hidrocentralit te Bushatit dhe termocentralit te ri, mesohet se ministri, Doda nuk eshte treguar shume shpresedhenes me investitoret. Jane intitucionet financiare nderkombetare si FMN dhe BB, nga keshilla e te cilave eshte penguar edhe ndertimi i dy veprave ne fjale.

Propozimi i fundit i investitoreve per ndertimin e Skavices parashikon formen e investimit koncensionar, ku procesi mundesohet me fonde te kompanive te interesuara dhe mendohet te rivilen serish me shitjen e energjise qe do te prodhoje vepra e re.

Kompanite e interesuara per Skavicen

Tesaro

Kinglor

Tisen Group

Ferrari

Forma e parashikuar per investimin eshte kocensionare dhe per ndertimin e vepres vihen ne dispozicion 600 milione dollare

Projektidete

1- HEC me dige te madhe me nje prodhim vjetor 1,9 kilovatore

2-HEC me dige te vogel me nje prodhim vjetor 1,2 miliarde kilovatore




--------------------------------------------------------------------------------
02/02/2003 Korrieri