Beograd, 5 shkurt - Parlamenti federal jugosllav dje miratoi Kartën Kushtetuese dhe ligjin për bashkësinë e re të quajtur Serbia dhe Mali i Zi. Kështu, prej dje Jugosllavia më zyrtarisht nuk ekziston dhe është varrosur përgjithmonë.
Ky shteti i ri do të ketë vetëm disa funksione të përbashkëta, siç janë parlamenti me 125 deputetë, 91 nga Serbia dhe 34 nga Mali i Zi, këshillin e ministrave dhe kryetarin e bashkësisë i cili njëkohësisht do të jetë edhe kryetar i këshillit të ministrave.
Në kuadër të Këshillit të ministrave do të funksionojë Ministria e punëve të jashtme, ministria e ushtrisë, ministria e tregtisë ekonomike me jashtë dhe ajo e brendshme si dhe ministria e të drejtave të njeriut.
Në bashkësinë e re serbo-malazeze nuk do të ekzistojnë doganat e përbashkëta dhe as banka e përbashkët qendrore, por nuk do të ketë as monedhë të përbashkët.
Në preambulën e Kartës Kushtetuese ka ngelur e paprekur dispozita se Kosova është në përbërje të Serbisë.
QIK-u
P.S. Tashme edhe zyrtarisht nje "Jugosllavi" e vdekur per Shqiptaret e Kosoves me shume se nje dekade me pare ka gjetur momentin e varrosjes.
Le te shpresojme qe se paku ne Shqiptaret te mesojme perdorimin e nje termi te ri per kete shtet te ri te lindur ne Gadishullin tone.
Kjo vlen posaqerisht per Shqiptaret e Malit te Zi dhe Shqiperise, te cilet pa ndonje qellim (jo te gjithe) ende perdornin nje term te tille per kete ish shtet te vdekur vite me pare.
Përgjigju Duke Cituar
Krijoni Kontakt