Ferit RAMADANI: Lirika me shi

[gjakushi]

1.TË VDES UNË PËR TY!!!



Më fluturoj shpirti derisa ia dëgjoja zërin
akulli më zaptonte trupin- dihatjen më ndali !

I mekur ai zë - shpirti Perendi!Më ngujoj të tërin
-Më dha kënaqësi jete me lirika më kalli !

Frynte furtunë malli sa herë që ia shikova qeshjet!
Ngrohtësinë e agimit netëve e mbaj në kujtim!

Mos e mundën flakërimat - kënaqesia e valëve? Reshjet ?
Ai tufan afshi që nisej të shijojë trupin e saj ,vlim!

Se shpirti i dritëhijes i vezullonte në hapsirë - si aromë e erës
harkvetullat- buzëqeshjen ia shtronin si bima e pranverës !

Liqej - lotët kristal - lirikave u dhan shije! Sy !
- Ti nuk ndjehesh mirë? Të vdes unë për Ty !!!


Ps. E shkruar paradite, 29.10.2009
Kërçovë

[gjakushi]

2. LIRIKA , PSALM I SAJ



Jam bërë sy e vesh, lotlutja , shkon ujvarë
jam pa të i humbur, jam pa të i marrë !

Më mungon kangjela - lirika, psalm i saj
që mbushi frymëzimin - të shpërndajë uzdajë


Ajo sirena e OrëLiqenit që mbërthen lartësinë
dhe pushton me muza - të shton jetëgjatësinë

Përse më djeg flakërima? Mesdita - errësirë ?
si u zverdh kjo shpresë në zemrën time të ngrirë ?!!!

Sylynjarë të lutjes ka përfalja ime.
Të shërohet zemra që ndjen ligështime!

Ndihmo Krijues! Ju stinë ! Lule, Diell , e shi ...!
- Të sherohet Nimfa ! Të ketë jetëgjatësi!


Mesditë, 29.10.2009
Kërçovë

[gjakushi]

3. I BËHEM DRITË QIRIRI



Natë ! Buzëqarë pres yjet , hanën të dalë
t'ua them lutjen - shpirti me shkon valë !

Të më japin vargje - të thurrë një buçetë
të shërohet zemra - dhembje mos të ketë !


T'më tregojnë për shtigje, pak ozon lartësie
t'i bëhet ballsam - shëndet jetëgjatësie!

T'i bëhet shendet, vullkandritë agimi
të ndjehet si drenusha pas çdo ledhatimi!

E keni parë bulzën, si hap krah e fletë
E dua ashtu zemrën - buzeqeshje të ketë !

E dua ta shikoj se është engjëll, po - edhe gjithësi!
I bëhem dritë qiriri - t'i jap jetëgjatësi ?!

[gjakushi]

JAM NË DUEL


Përderisa ti fle në qetësi , unë jam në duel
vargjet t'i bëj lahuri- rimat zë për tel !

Jam unë çiftelia - bishti i saj me fusha
krijoj klimë qetësie - të prehet drenusha !


Në kohë të pa kohë mërgoj drejt qëllimit
dhe, trokas tek shpirti - që i buzëqesh agimit !

Mos e ngujojë dhembja ! Ah! Ku të gjej ilaqin
ta kurorëzoj në Sofer , dhe të ndaj kulaqin.

Ashtu si në breza , kur çifti do nafakë
Për trashëgim në shekuj - lutet nëna plakë !

Unë s'dua të flas kotësi, të ndjek procedurë
Kurorën e shpirtit - lidha! Dhe - nuk e shkëpus kurrë !

[gjakushi]

BUZËQESH PËR AURORËN !


Nuk mund të hiqem nga mesnata
se si yll ti befas del!
Dua të të jap gjithmon urata
por, pa fjalë gjithmonë ngel!

Më thua se je në shestime!
- Sot këtu , nesër atje!
I tjetërsuar të pres ndër agime
dhe lotët - më rredhin rrëke!


Nuk më kupton ti nga largësia
të ndjej Diell me rreze shumë!
Vuaj se më djeg shumë dashuria
Kur bën acar e kur ka furtunë!

Se nuk kam fat unë mirë e di !
- Jam i krijuar kështu të vuaj !
Linda krijesë në tragjedi
Dhe ato plagë kurrë s'i shuaj!

Ti e di , dhe më ndjej të lutem`
Jam unë ai që të fal kurorën !
Nëse si meteor këputem !
Buzëqesh për aurorën!

[gjakushi]

KAM FOL ME YJET !


E ndjej çdo çast se si rrëmbehem
E ndjej përse dua të vij tek Ti!
Në ëndërr të shoh sa më zë gjumi
Dhe klith çdo çast : O Perëndi!


Jam unë Lasgushi që kthehem në ekstazë
Si Migjeni rend pas vargjeve , për rimën !
Se Ti - më bëre jetën perifrazë,
tek gurgullon si Krua që s'ndal oshtimën!

Kam fol me yjet - për Ty sa gjatë !
Më than ca fjalë , më dolën lot !
Vezulluan me dritë e ndriçuan atë natë,
Por, unë s' të gjeta ! Kërkova kot!

Sikur të të kisha të të fus në gji !
Me ty këtë jetë ta nisja nga shkretëtira !
Çfarë vargjesh do të lindnin ! Jo nuk e di !
E di se ti erëmira - ndër ma të mira!

Më ktheve një rruge ku vdekje nuk ka !
Atje ku për erosin përfalen poetët !
Dashuria edhe në tokë - gjallë të mban
Ditë e dritë të bëhen netët !

[gjakushi]

ÇAST...

Se ndjen trokitjen time ?
Jam tiran apo kam mëshirë ?

Më digjet zemra, më plas shpirti
ndarjes si them lamtumire!


Kam mall të të degjoj zërin
Kam mall të të fal shikimin

Ti je rrezja qe i bën dritë natyrës
je pranvera që i fal blerimin!


Ti je dita - drita e mirësisë
Përshëndetja e këndshme që e marr.

Pa të në rrugëtimin e përditshmërisë
kujtoj se jam i shkretë si varr !

[gjakushi]

PIRGU I DHEMBJES

****
****
****

Eja! Me qetësinë e vdekjes - kthehu të më ngjallish
se më kanë tha damarët për ndjesinë nga malli
më ndozi zjarri - të vluar lotin e fundit të shpallish
në pamjen e buzëqeshjes të ngrirë nga halli

[gjakushi]

EJA NË DARKË !


Eja në darkë !
Vendin e ke të pret t'i buzeqeshish!
Hyr ! Në tryezë me krenarinë e kanjushës
për të shpërnda përshendetje dhe butësi!

Eja në darkë !
Sa kohë një vend për një engjëll e ruaj
të plotësojë zbrazëtinë e të zbusë mallin , vuajtjen
që shtrihet në përmasa me rrënim!

Eja në darkë!
Më vonë bëhu frymëzim i lirikës
ta ndjej dhe qielli flakrimën se një yll ndriçoj në tokë
të gjallërohen me buzëqeshje shkretëtirat !

Eja në darkë !
Bëhu drita dhe shija e saj !
Ashu si bëhen horizontet me dritë dielli në pranverë
Ashtu si rritet blerimi me këngë e cicerrima shtegtaresh...!

[gjakushi]

E PERNDRITURA IME TI

Nuk arrita me buzëqeshjen time të të kundroj
e Përndritura ime e çdo çasti TI

Padyshim ndjeva shqetësim për të, ndjeva vrazhdësi
rrezëllima më bëri pa fjalë nga malli jam hi !

Të të kthej shpinën në këto çaste kur dua të të kem pranë
të shfaqesh përpara me dritën e Diellit , si agim!

Një lot si shkëmb rrokulliset, dhe zemra shkon purtekë
ndjen trokitjen , frymimin e lirikes - jetë

Gjithcka gërshetohet - si vullkan që shpërthen
se kështu nuk jetohet në meditime nate e dite !

Them: Kam fat që më sjell me lirika stinë blerimi
Më shkrin ngricën e damarve t'i blerojë gëzimi!

Nuk arrita me buzëqeshjen time të të kundroj
e Përndritura ime e çdo çasti TI...