Ferit RAMADANI: Lirika me shi

[gjakushi]

TI ZEMRA IME...


Ti ke krijuar një botë plot ndjesi
S'kam turp të them : Pa ty dot s'rri !

Ujëvare deti je bërë - mall pa mbarim
Krijon hapësirë e, vjen si frymëzim!

Ç'ka të të them ! Ndjej mrekulli
- ajo që më thua - bëhet stoli!

Sërish në atë lartësi s'arrita
në vetmi heshta , një shekull prita!

Për ty meditova, vetë s'ish asgjë
Ti zemra ime - u bëre zë !

Tani kam shpresë se rilind një ditë
Bashkë të jemi për lumturitë...

[gjakushi]

NJË SHEKULL MË ZGJOVE ...

Ti përditë ia shton ylberit dritat,
harkut i jep jetë
pabesia të ndrydhi shpirtin
po nuk të shkretoj

Ti cdo natë me yjet -
bëhesh yll i fjalës
vargjeve ua heq prangat
të rrëmbejnë horizonte

Ti - dallga e detit
që lidhesh me vetëtimat
shkrep mbi shtrigat -
që antijetë i krijojne njerzimit

Ti çdo çast drejton uratën
ndez qirinjtë e shpresës
në lartësinë e Alpeve
shqiponjat të bëjnë çerdhe

Ti engjëll që zbret nga lartësitë
të ndriçosh në skuta
një shekull më zgjove -
një shekull u luta...

[gjakushi]

NGA GJAKU PËRDOR BOJË !




Shtegtar i përhershëm mbete mall kujtimi
pres githmonë si stina që sjell ngjyrën e saj

Më shigjeton me vetull si pëllumbin hutini
mishethua bëhem e s'ndahem prej saj!

Ku të ka shpier fati, ku të dërgoj puna
për të gjitha kam urata të të prijë mbarësia

Ndalem i vetmuar më sulet vërdallë dhuna
është shpirtrrethim malli që e shpallë dashuria!

Por , ti gjithmonë e heshtur tani në ëndërrim
unë dikund të shfaqem , me lemzë në gojë

Kujtohu ! Dikush s'ka gjumë deri në agim !
- Shkruan vargje shpirti - gjakun e përdor bojë...

[gjakushi]

1.URA E LIDHJEVE


Shndërrova veten në rreze
të të ndriçojë pamjen që e ke ,
buzëqeshja ylberin e shtriu
horizontin e qëndisi !

Ti ura e lidhjeve
urtësia që përndez... !


2.HAPAT SHEKULLOR !


Pritja e ka shtri kuptimin
në qerpik të syrit loti lajmëtar -
për ritmin e gëzimit - pikon !

U shpërthej misteri si bulëza blerimi
u rritën shpresat se jemi
aty ku të parët tanë ngritën flamurin!

Edhe vallet ia shtuan hijeshinë
gjuha ia vulosi trokitjet në damar-
i bëmë hapat shekullor !



3.RILINDJE NË PAMJE


Nuk shemben as rrokullisen viganët -
nëse meteorët shuhen në lartësi !
frymojnë për damarët e tokës !

E ndezin yllin e kushtrimit
mbi Alpet shqiptare zbret epika -
me rimën oi ! - Puth plagët!

Gjithmon rilindje në pamje?
Në gërsheta janë thurr uratat
besa gjithmonë në ballë!


4. URATË!


Bëhu se pres një shekull !
gjymtyrët t'i ndanë ,
- shekujve heshtje e zjarr
gjuhë ndrydhur !

- Merre jetën time
në Kështjellën e qëndresës
gur shndërroje,
- Të ndriçosh përjetësisht ti !

Pa ty humb kuptimi
Atdhedashuria shkretëtohet
sërish legjendarëve -
vdekja u lavdërohet !

Nëse ka mallkime
le te bijnë mbi mua !
Për ty : Uratë jetëgjatësie dua !


5.NË PRILL!


Edhe blerimi , shtegtarët, lulet,
- mbretëruan në dyluftim !
Plakat derdhën shi e furtunë hidherimi !

E di se ndjeva pikëllime .

Babai më dorëzoi parmendën dhe heshti,
akulli i vdekjes e zbehu ,
- i belroj varri kur e mbuluam!

Në vargje kënga e trumcakëve lotoi
shtegtarët se panë me kapuç të bardhë
nuk prishej heshtja nga kolla!

Në rrugën e vetmisë -
u takova me frymëzimet
lotët e mbollën qëndresën
e solla në vargje !