Ferit RAMADANI: Lirika me shi

[gjakushi]

--------------------------------------------------------------------------------

KUVENDIM ME ENGJËLLIN !


Më tha:

Të kam mik, të kam xhan,
edhe atëherë kur arratisem !

Iu pergjigja:

Është natë ! Ora dy !
Shpirti zemra më lebetisen !


Më tha:

Kështu jam, befas zhdukem!
Prej vetes dal por, dukem!

Iu pergjigja:

Të vij pas moj! Të vij pas !
se më bën të pëlcas!


Më tha :

Edhe larg kur ndjek lirikën
Të kujtoj se të kam xhan!

Iu pergjigja:

Ma ndez llavën e vullkanit
Të ndjej pranë !Fare pranë !

Më tha :

Hahahaaa! Sa kam qeshur!
Kjo lirikë eshtë poezia !

Iu pergjigja!

Si më çmende ! Ç'më ka gjetur !
Shpirt'i shenjt! Dashuria!

[gjakushi]

--------------------------------------------------------------------------------

DJALLIT I THASH



Djallit i thash jam poet .
Eja! Më tha, ulu rri këtu !
Bëri diçka nuk ia kuptova qëllimin.
Tha:- Tani nis e shkruaj për mu !


Shkruaj për djallëzitë - veprat e mia ,
të të pasojnë shumë njerëz të etur.
Të të shpallin shenjt, të nderuar!
Mos shkruaj gjëra me stil të mekur!


Jepu zjarr të ndizen nga dashuria
të dridhen në rend duke pritur!
Ngujoni kur rresht rrin vegjëlia
ta ndjejnë grushtin akoma pa u ngritur!


Për të qenë i parë duhet pushtet
një rimë e vargut të ndizet zjarr
për një klithmë, pse kërkon shendet
njëmijë plagë në çast t'i marrë !

........

Më kupton pse jam unë i përjetshëm
Më kupton përse jam Djall ! O njeri !
- Përballem me të pushtetshëm ,
shkatërroj shenjtorë rinis prapësi!

Prandaj, në do të jesh poet !
Eja! Rri pa gjumë deri në agim!
Sherbëtorët djaj do të japin pushtet
prapësitë i ke në frymëzim!

[gjakushi]

1. Cikli UR VJEN E SHTUNA

[gjakushi]

KUR VJEN E SHTUNA


Gjithmonë e shtuna! Na gjen pa gjak
dëshirave të jetës u vëmë kapak!
Na ka bërë të huaj, ecim varg
nga mall' i tregut - gjithmonë ma larg !


E shikoj si ngasin pushtuesit tanë
Në pushimore shkojnë të pijnë e hanë !
Ne harruam se ka ditë pushimi e lirie
Nga trishtime e pranga robërie!


Sa desha të jemi bashkë në Drini
të ndjesh Drilonin si rrjedh i zi !
Ia kanë ndarë atdheun me kufinj ndalesash
Ia kanë vrarë rrjedhen për ecje shpresash!


Prandaj, mendohem si të gjejë mundësi
Të shtunë e të dielë, të jam me Ty !
Po çka nëse me altruizëm rrënohem,
Edhe i verbër me ty shërohem!

[gjakushi]

ETYD PËR EVËN


Me mallin e atdheut përballesh
plaget e tij i vë në trup Ti

Perherë ma teper se gjithcka përshpallesh
se kanë nevojë për dritë, dioptri !

Në shekuj , pa sy kanë matur horizontin
vetëm dorën mbi vetulla kanë vënë

Me syte e mendjes kanë gjetur hapësirën
mbrojtën në luftra - të parë ç'u kanë lënë !

Sot, në këtë kohë mërgate, ku shterret gjallëria
gjithçka ka nevojë të ringritet , ajo të josh ,

Ti kthehesh Eva, të rishikosh se Arbëria-
pati lëngatë në pamje, e ta mëkosh !

Është madhështore, ne i themi jetë
Homeri çka pa, e shkroi në vargje homerike

Nuk është kot ! Gjithë këtë pamje Eva
e shfaq vrulli yt , Etyd lirike ...!

[gjakushi]

Dëshira e miqve të mi


Nga të gjitha dëshirat miqtë e mi
Më të madhen e kanë mos jam poet .

Duan të luajmë poker e të pijmë raki,
të gjuajmë peshq në bregdet .

Provuan ta bëjnë, deshira u deshtoj,
Se frymëzimet më mbollën tundim !

Në vargje lirika më zhurmoi
Eh...! Nga smira than ! Vargje me ndikim!

Nga dëshira bleruese më dha jetë poezia!
E çuditshme, por e vërtetë (AR) miqtë e mi…

Le të heshtë e Diela ! Se nis prapësia :
Kërcënimndikime Uroj : - Jetëgjatësi!

[gjakushi]

--------------------------------------------------------------------------------

2. Cikli : KJO MAGMË SHPIRTRORE

[gjakushi]

SE KAM ATË PREHJE!


Malli - për vendlindjen ,
më djeg si furrë !
Rrugëve të saj rininë e kalova !

Të dashurës në dritare
i hidhja gur
I shkova pas, në krua! E përgjova !


Si në internet !
jeta - intimë!
Me linja shikimi , e lidhëm sevdanë !

Trokitjen e saj
e ndjeu zemra ime
Në kurorën e shpirtit s'u ndamë !

Ndryshoj tashti moti,
s'eshtë si dikur !
Në linjë një zemre i përkushtohem !

Se kam atë prehje,
i shqetësuar ndjehem !
Nga çasti në çast - pikëllohem!

[gjakushi]

ZJARR'I DASHURISË


Kur më thua se s'je mirë
dhe pishave u zverdhet blerimi!

Një makth me bie si errësirë
në linja më pushton trishtimi!

Pa ty ndjehem njeri i braktisur!
Pa ty , nuk mundem të mbes njeri !

Fjalët me klithmë në gjuhën e stisur !
E ngrisin rrengun pa çati !

Në udhëkryq më ka lanë takati
Çdo çast të pres të vish !

Ti atje lëngon, mua më mposht taksirati
zjarr'i dashurisë - më prish !

[gjakushi]

MAGMË SHPIRTRORE


Vullkanzjarr -
kjo magmë shpirtrore
Është bërë dhimbja që përflak !

Në vargje zvrdhet blerimi
Klithin rimat
kullojnë gjak !

Nis frymëzimi -
vrer furtuna
i gjakosur lind agimi!

Hingëllin djalli
drejton freri !
Pushton malli ! Shtyp vegimi !


Unit tim i flet vetmia:
heshtja -
gjithcka më zbulon!

Nëpër shtigje -
iku rinia !
Zemra - zemrës i mungon!