Zvicra, referendum per ndalimin e minareve

[gerrard73]

Kjo pune bie ere! Dhe shume fare.
Kush mendoni se dolen te fituar nga ky rezultat? Anti-islamiket? Te krishteret qe jane nje ne Zvicer e gjysem ne Finlande?
Pallavra. Kjo eshte nje fitore e dyfishte per "te mundurit", pra per islamiket. Dhe jo pa qellim them "islamiket" dhe jo myslimanet.
Vetem diskutimi mediatik "pro-kunder minareve" eshte nje fitore per krahun ekstremist islamik. Kurse rezultati Jo! i ketij sondazhi eshte Triumf. Sapo u kane dhene ne dore nje As qe ata do ta tundin fort:
Ja Europa e Shejtanit po pengon perhapjen e Islamit.
Sigurisht qe nje mendje e shendoshe do kunderpergjigjej: Po edhe kryqi po hiqet nga shkollat dhe kjo tregon per zbatim te Laicizmit.

Por ne nuk po flasim per mendje te shendosha por per mendje te indoktrinuara. Dhe prandaj duhet te mendojme si ata. Per ata heqja e kryqit eshte nje "shenje nga Allahu" qe Europa te perqafoje Islamin. Kurse ndalimi i ferexheve apo minareve eshte nje sfide e Shejtanit kunder Islamit. Pra eshte nje dorashke e perplasur ne fytyre me ftesen per duel. Sapo u dhane nje motivim me shume.

Loja qe po ben ekstremi i djathte eshte loje me zjarrin. Une e kuptoj qe ata nxisin tensionet fetare dhe racore sepse kjo eshte nje menyre e lehte per te fituar popullaritet dhe rrjedhimisht pushtet dhe ne emer te "mbrojtjes se identitetit europaine" nuk do pikoje po do rrjedhe ne xhepat e ustallareve por problemi eshte se nqs per ta eshte loje, per myslimanet nuk eshte aspak per te qeshur. Por une nuk e di sa veta e kane te qarte qe mentaliteti europian eshte shume me pasiv sesa shpirti luftarak lindor.

Sigurisht nuk jam aq naiv sa te mendoj qe kreret europiane nuk i dine keto. Por prandaj kjo loje mban ere. Sepse fundja kreret e politikes ndjekin interesat e tyre edhe nqs keto interesa mund te kerkojne ca "koka turku" si kurban.

Kjo qe thoni ju e ka nje llogjike, dhe natyrisht qe ky referendum eshte nje provokim. Per mendimin tim kjo eshte bere, "ti bertasesh vjehrres qe te degjoje nusja". Qe do te thote se ky rezultat do te kete nje efekt zinxhire, ose me mire te themi ky ishte qellimi i promovuesve. Sot ne te gjitha vendet e Europes, neper radio, TV, gazeta, internet, nuk flitet per gje tjeter. Si te thuash eshte duke u matur mendimi i njerzeve, reagimi i opinionit publik.
Ashtu siç ndodhi me diskutimin mby heqjen apo jo te kryqit, edhe me ndalimin e minareve debatet kane qene mjaft te ashpra. Nese referendumi zviceran dhe dikutimi mbi heqjen apo jo te kryqit, kane patur nje skenar te pergaditur me pare per te pasur reagime te caktuar, ja ka arritur plotesisht qellimit.
Diskutimi mbi heqjejen e kryqit eshte pritur me diskutime tejet te ashpra nga qytetaret europian, pamvarsisht nese jane besimtar apo jo. 95% e te anketuareve jane shprehur te indinjuar per vendimin e gjykates.
Ndersa rezultati i referendumit zviceran ka pasur nje efekt krejtesisht te kundert. Pyetjes, po te behej nje referendum edhe ne vendin tuaj si do te votonit, 70% e italianeve eshte pergjigjur se do te votonin kunder ngritjes se minareve.

[EdiR]

Replikat jashte teme u fshine dhe do te fshihen perseri. Ju lutem si ne c'do teme tjeter komentoni lajmin, lini vend per te tjeret te komentojne dhe mos u kapni dhe replikoni njeri-tjetrin.
Argumentat pro dhe kunder nuk do te mbarojne ndonjehere, ajo qe eshte e rendesishme eshte te mesojme se is mendon secili per kete gje, kuptohet pa fyer ata/ato qe mendojne ndryshe.

[Explorer]

Ndalimi i minareve "intolerancë"

Shefi i diplomacisë franceze, Bernard Kouchner deklaroi se "ishte pak i tronditur" nga votimi i zviceranëve për minaret, që sipas tij ''ishte një shprehje intolerance".

E hënë, 30 Nëntor 2009 21:03

"Jam pak i tronditur nga ky vendim që është pak negativ për sa i përket shqetësimeve të vetë Zvicrës sepse nëse nuk mund të ndërtohen më minare në këtë vend, kjo nënkupton një shtypje të një besimi fetar", deklaroi ministri për radio ''RTL''.

"Shpresoj që Zvicra të rishqyrtojë këtë vendim", shtoi ai. "Kjo është një shprehje intolerance dhe personalisht e urrej intolerancën", u shpreh Kouchner. Ndërtimi i minareve nuk përbën një hap të madh.

''Mos ndoshta është një ofendim për vendin malor që të ketë ndërtime pak më të larta?", deklaroi me ton pyetës Bernard Kouchner.

Zvicra votoi dje me një shumicë prej 57,5 për qind për mos lejimin e ndërtimit të minareve me kërkesë të së djathtë populiste, sipas të cilës ''minaret përbëjnë një simbol politiko-fetar".

[Explorer]

Zvicër: Reagojnë muslimanët

Mohimi i ndërtimit të minareve të reja në Zvicër me anë të një referendumi të paraqitur nga një parti ekstremiste e djathtë, i shqetësoi shumë muslimanët në këtë vend.

E hënë, 30 Nëntor 2009 09:46


Qeveria e Zvicrës është e shqetësuar për bojkotet ekonomike që mund të pasojnë ndërsa muslimanët që banojnë në

Zvicër, në protestën e organizuar në Bern, kundërshtuan rezultatin e referendumit.

Muslimanët cilësuan se me këtë referendum po shkelej e drejta e lirisë së besimit.

Edhe qeveria e Zvicrës, deklaroi se megjithëse nuk ishte dakord, do ti bindej rezultatit të referendumit dhe do ti

ndalonte ndërtimin e minareve të reja. Në deklaratë theksohej se nuk do tu vihej asnjë kufizim riteve fetare të

muslimanëve.

Kurse Organizata Ndërkombëtare e Amnistisë, pasi u shpreh se votimi cenonte të drejtën e besimit, përmendi

shpresën se ndoshta rezultati i referendumit do të rikalohej nga Gjykata Kushtetuese e Zvicrës, apo nga Gjykata

Evropiane e të Drejtave të Njeriut.

Në referendumin në Zvicër në të kundërt të anketës së bërë shoqërisë civile, 57.5 % e popullit dilte kundër, kurse

nga 26 kantone vetëm 4 i kishin thënë "po" ndërtimit të minareve të reja.

Ministrja e Drejtësisë, Ivilin Vidmir Shlump, u shpreh se ndërtimi i minareve të xhamive, nuk është një rrugë për të

luftuar islamizmin radikal.

Shlump tha gjithashtu se ndihej e shqetësuar për praktikimin e bojkotit ekonomik të vendeve islamike përkundrejt

Zvicrës, si dhe për dëmtimin e mundshëm të turizmit.

6% e popullsisë prej 7.5 milion banorësh në Zvicër janë muslimanë. Shumica e muslimanëve janë të arratisurit nga

lufta e Bosnjës dhe vetëm një ndër 10 muslimanë i ushtron në mënyrë të rregullt ritet fetare.

Aktualisht në Zvicër vetëm 4 xhami kanë minare.

[mesia4ever]

Kur do te ndertojne edhe zvicranet kisha ne shtetet islame ?

Kur te vetedijesohen lideret perendimore, kur po keta nuk do te shesin te drejtat e njerezve per interesa ekonomike. Kur te kete bojkot dhe ndalim te Kuranit dhe te behet e paligjshme kjo fe ne Perendim dhe te mos perkrahin diktatoret ne shtetet islamike. E tek atehere ata do te mbledhin mend dhe do te heqin dore nga perpjekja e tyre per dominim global.

[_Mersin_]

sI SHPJEGOHET QE TE GJITHE USHTARET E SHTETIT TE VATIKANIT REKRUTOHEN VETEM NGA ZVICRA ME LIGJ?

sa frike i kane minaret ju duken si rraketa ideologjike.

[Matrix]

sa frike i kane minaret ju duken si rraketa ideologjike.

Po a keni pyetur ndonjehere veten se perse i kane minaret frike?

Sepse nuk ka perse populli i thjeshte te kete frike nga nje besim qe eshte i drejte dhe sjell perparim. Qeveria mbase po, sepse jane ne loje shume interesa, por populli i thjeshte perse?
Ne kete rast del populli qe kundershton minaret dhe qeveria qe trembet nga ky kundershtim

[chino]

sI SHPJEGOHET QE TE GJITHE USHTARET E SHTETIT TE VATIKANIT REKRUTOHEN VETEM NGA ZVICRA ME LIGJ?

Nga e di kete informacion?

Pasi te kesh vertetuar saktesine e tij, komento vete i pari. Pse mendon se qenka kjo gje keshtu? Mos rastesisht ke filluar te mendosh se Djalli ka marrur pa lejesen e Allahut vendbanim ne Zvicer dhe ben atje cmos per te luftuar Islamin?

Keshille per besimtaret muslimane:
Ka ardhur koha ku duhet te nderroni perseri fytyrat. Tani s'mund te thoni me se Zvicra ka bere gabim me rezultatit e referendumit. Por duhet te perdredhni trurin per te gjetur nje vulltet te "gjithedijeshmit", te "gjithefuqishmit" ne prapaskene te kesaj ngjarjeje.
"Allahu vron e kfille", apo jo????

Nxjerrni tani ato sure te Kuranit, te cilat jane te parapara per te eufemistizuar disfata te Islamit. P.sh. ato suret qe thone "sikur te kishte deshur Allahu qe ju (besimtaret) te fitoni betejen, ai do te kishte bere kete gje, por nuk e beri."




*

[chino]

Lexova duke me larte ne teme, se myftiu (ndoshta) shqiptar ne Zvicer e kishte quajtur kete referendum "nje provokim te zviceraneve ndaj muslimaneve".

Nese eshte e sakte, a mund te tregoje dikush nga kuptuesit e ketij te gjorit myfti: Cfare mendon me kete fjali? Nga cili aspekt del nga referendumi nje provokim ndaj muslimaneve?




*

[Renea]

"Tërhiqni paratë nga Zvicra"

Ministri i Shtetit turk, Egemen Bagësh, i bëri thirrje vendeve myslimane të tërheqin paratë nga Zvicra dhe t'i depozitojnë në bankat turke.

E mërkurë, 02 Dhjetor 2009 11:56
Ministri i Shtetit turk për qështje të BE-së dhe krye-negociatori për anëtarsimin e Turqisë në BE, Egemen Bagësh, pas rezultateve të referendumit në Zvicër që ndalon ndërtimin e minareve, i bëri thirrje vendeve myslimane të tërheqin paratë nga Zvicra dhe t'i depozitojnë në bankat turke.

"Jam i bindur se ky vendim do të ndikojë te vendet myslimane që të rishikojnë edhe njëherë vendimin për të depozituar paratë në bankat zvicerane. Kur në 2008 bankat po falimentonin në mbarë botën, sektori bankar turk nuk u ndikua aspak duke i hapur dyert", tha ministri turk.

Bagësh thekson se shkuarja në referendum për një çështje të tillë ishte e gabuar, ndërkohë që kujton se dy shtete anëtare të BE-së si Franca dhe Suedia kanë kritikuar këtë vendim ekstrem të Zvicrës.

"Me këtë vendim Zvicra nuk mund të shpëtojë nga të qenit një 'muze ajror intolerance'", ndërkohë që sipas ministrit turk, Turqia megjithëse me një popullsi 99% myslimane, xhamitë gjithmonë kanë qenë pranë kishave dhe sinagogave, duke përbërë një shembull të mirë të harmonisë fetare.

Për këtë temë ka folur edhe presidenti turk Abdullah Gyl i cili theksoi se ky vendim binte në kundërshtim me parimet dhe të drejtat themelore. "Kjo është një tregues i rritjes së armiqësisë ndaj Islamit në Perëndim. Është vërtet e turpshme", tha ai.