Misteri i arinjve “tullacë” të Lajpcigut
KLEVISA DEçJA
Veterinarët janë të shqetësuar për dy arinjtë femra me syze, që janë gjetur me lëkurë të pambuluar me gëzof. Kanë ngelur tërësisht “tullacë” dhe specialistët nuk dinë ta shpjegojnë arsyen. Edhe pse arinjtë nuk duken të shqetësuar për këtë, në fakt nuk ka një arsye të saktë të humbjes së papritur të gëzofit, çka e bën çështjen më të denjë për t’i kushtuar vëmendje. Ato janë dy specie të rralla arinjsh femra me syze, specie të përhapura veçanërisht në Amerikën e Jugut dhe tani jetojnë në kopshtin zoologjik të Lajpcigut në Gjermani.
Konsultime botërore
Pamja e tyre është kaq e ndryshme, saqë vizitorët e parkut ishin mësuar t’i shikonin në mënyrë të veçantë e ishte mjaft e lehtë që lajmi të merrte dhenë. Ndërkohë, përveç rënies së qimeve, nuk janë regjistruar simptoma të tjera. Normalisht, arinjtë qimet i kanë të gjata dhe janë mjaft leshatorë, si dhe kruhen. Dolores dhe Lolita, dy arinjtë që kanë ngelur “tullacë” (të cilave u kanë ngelur vetëm disa xhufka në zonën e kokës, ndërsa një të trete, Biankës, kanë filluar t`i bien qimet, edhe pse rënia është në fazën fillestare) janë vizituar tashmë nga veterinerë të ndryshëm të kopshtit zoologjik dhe ka pasur ftesa nga të gjitha kopshtet zoologjike të botës për të kuptuar nëse ka ndonjë precedent që mund të japë të dhëna se si mund të ndërhyjnë. Adresa e kopshtit zoologjik është bërë e njohur për të marrë këshillime nëse i njëjti problem do të vërehet edhe në arinj të tjerë ekzemplarë në parqe natyrore të ndryshme, evropiane etj.
Specie në rrezik
Arinjtë me syze, të njohur ndryshe edhe si arinjtë e Andeve, janë një nga llojet e konsideruara në rrezik zhdukjeje (klasifikuar si të paprekshëm), sipas listës së IUCN (Unioni Ndërkombëtar për Ruajtjen e Natyrës). Në gjendje të egër kanë mbetur mes 2.400 dhe 20 mijë lloje të veçanta, një gamë e lartë i cili sjell dhe vështirësi në numërim, duke parë pamjen e ndrojtur të këtyre kafshëve, çka e bën të vështirë ndjekjen dhe kategorizimin e tyre në rajonet malore, ku ato janë mësuar të lëvizin.
12/11/2009
standart
p.s
i Lutmi shume forumisteve nga Laipsigu apo dojceria ta pajisin me foto kete lajm...
Përgjigju Duke Cituar
Postuar më parë nga Xhuxhumaku
Krijoni Kontakt