Aktivitete per Diten e Flamurit

[no name]

Në qytetin e Tetovës me rastin e 28 Nëntorit janë organizuar një sërë manifestimesh dhe takime kulturore. Ndër të është edhe manifestimi i madh i së shtunës , ku në sheshin “Iliria” në mbrëmje do të mbahet një koncert grandioz me yjet e estradës muzikore shqiptare.


Damnnn koha me shi sonte.

[projekti21_dk]

Meqë kam qenë i lidhur direkt me ngjarjen e shoh të udhës të ju njoftoj edhe juve për aktivitetet e zhvilluar në Snadinavi ( Danimarkë dhe Suedi ), me rastin e e 28 Nëntorit - Ditës së Pavarësisë dhe të Flamurit kombëtar shqiptar.

1. Në mbikëqyrjen e Radio Projektit21, në KOpenhagë të Danimarkës u mbajt manifestimi "Nëntorët e mëdhenj shqiptar ". Në sallë kishte mbi 500 pjesëmarrës në mesin e të cilëve edhe figura të politikës e të kulturës, në mesin e të cilëve edhe ambasadorja e Shqipërisë dhe ambasadori shqiptar i Maqdonisë.

2. Në Radion Diaspora, meqë nuk kishte mundësi të tjera për manifestim, stafi drejtues i kësaj radio ka përgatitur emision special për këtë ditë duke filluar nga ora 19:00 - 24:00. I gjithë programi i ishte dedikuar kësaj dite të madhe për shqiptarët, duke folur kështu për rëndësinë e kësaj dite dhe duke vecuar edhe disa nga figurat historike që lidhen me këtë ditë.

P.S. Besoj edhe nëpër qendra të tjera ka pasur këso manifestimesh, por nuk kam të dhëna zyrtatre për to.


Ju përshëdnes,
Adem Gashi, Danimarkë

[shigjeta]

Manifestimi i ditës së flamurit kombëtar u shënua në mbarë Evropa nga shqiptarët e Diasporës , një manifestime shumë kurajës dhe me nivel shpresëdhënës për organizimin e mërgatës sonë në perëndim ishte edhe ai që u mbajt edhe në Bitikheim-Bisingen në rrethin e Shtutgardit që u organizua nga shoqata "Mërgimtari" dhe shkolla shqipe me mësim plotësues .Për këtë tubim ja kishin mërsyer turma mërgimtaresh nga rrethe të ndryshme pos Shtutgardit për ta nderur festën e madhe te flamurit kombëtar ditën e pavarësisë së Shqipërisë 28 Nëntorin 1912 që e ngriti patrioti i madh Ismail Qemali në Vlorën heroike që ishte një dite e shkëndisë së dritës dhe e simbolit te lirisë për shqiptarët.

Ora 19 e 30 minuta salla e madhe për një kapacitet rreth 350 veta u stërmbush me mbi 500 veta ku ishte një atmosfere festive te të gjithë mërgimtareve të te gjitha moshave .Organizimin e këtij tubimi madhështor e beri shoqata kulturore Mërgimtari ne Bietikheim. Programin e hapi mësuesja e shkollës shqipe po nga ky qytet Ruka Ymri ku fillimisht filloj edhe himni kombëtar pastaj Hatixhe Xhaferi e mbajti fjalën e rastit për Ditën e Flamurit dhe ditën e ngritjes se flamurit në Vlorën heroike në vitin 1912. Pastaj programin vazhdoj me nxënësit nga shkolla shqipe me mësim plotësues ne gjuhën shqipe "Mërgimtari" Këta fëmijë u prezantuan me disa recitime vargjesh me motive patriotike kushtuar flamurit dhe pavarësisë se Shqipërisë siç ishin: Luana Bojku, Shpetim Hyseni, Floriana Xhaferaj, Engjell Hatifaj, Hamide Kokollari, Valdrin, Florenta dhe Lorion Rafuna etj. Në vazhdim dy nëna fëmijësh recituan vargje të bukura për gjuhën e ëmbël shqipe . Në vallëzim u prezantuan Mimoza Arifi dhe Jeton Rrezja. Në këtë tubim u prezantua edhe këngëtarja Floriana Imeri, Naser Berisha anëtar i kryesisë së kësaj shoqate deklaroj në pika të shkurta lidhur me aktivitetin themelimin e sajë, kontributet, ndër të tjera theksoj se shoqata jonë ka si synim me e ruajtur unitetin, kulturën, zakonin tonë duke i mbështetur festat tona kombëtare, theksoj ma tutje se me rastin e themelimit të kësaj shoqate jemi përqendruar që mos t'i lëmë hapësirë partive politike të na e prishin organizimin në parimet kombëtare dhe ruajtjen e identitetit tonë kombëtar.

Ju më sollët ndër mend edhe një pyetje ju nuk i dhatë asnjë partie fjalën në këtë mbrëmje dhe siç u duk asnjë force politike nuk ishte prezent ?

Po siç thash edhe ma herët nuk ka prezent asnjë parti politike, se deri sa ishim të organizuar në parti politike nuk kemi mundur ta tubojmë asnjëherë kaq numër të madh të publikut, asnjëherë nuk kemi kaluar pa ngatërresa ndërsa tani ju e patë se ishte një krenari gjithë ai publik që ishte nuk ishte asnjëri që ka synim prishje të rendit por se cili ka ardhur me festua dhe me u kënaqur me bashkatdhetarët.

Në ketë tubim ishte një atmosferë festive një gjallëri kompakte por shih sa kënaqësi është ta shihesh një nënë shqiptare duke u përkujdesur në edukimin e fëmijëve tanë që ta ruajnë edukatën zakonet, veshën, tradite kombëtare, që ta ruajmë rezistencën tonë që mos të asimilohet brezi i ri i që po lindin dhe po rriten në mërgim ,mos të harrohet gjuha kultura por edhe vesha shqiptare siç po e shihni edhe në foto.

Diaspora shqiptare gjithnjë është duke e kuptuar realitetin aktual se organizimi ma i efektshëm dhe ma fitimprurës është për interesin tonë kombëtar që të jetë në baza të kulturës, aktivitetit, në klube shqiptare, shoqata,sport shkurt një bërthamë globale rreth çështjes tonë kombëtare pa parti politike në diasporë e pse jo mos të shkojmë drejt një organizimi të një lobi në Evropë që do të jetë shumë ma i përshtatshëm për një organizim të mirëfilltë të diasporës shqiptare.

Nga Asllan Dibrani

[shigjeta]

- Faton Imeri kryetar i klubit "Mërgimtari" në Bietikheom-Bisingen

- Foto nga mbremja

[shigjeta]

Ne Madison, Wisconsin organizohet mbremje e madhe festive me rastin e 102 Vjetorit te pavaresise

http://www.albanianevents.com/event_details.php?id=1667

[mia@]

Organizime te bukura e te nevojshme por ajo qe te trishton eshte fakti se dhe per diten e flamurit shqiptaret nuk jane ne nje mendje. Vetem ne shtetin tim jane zhvilluar te pakten 3-4 organizime te tilla ne dite te ndryshme e vende te ndryshme edhe pse jetojne shume afer njeri-tjetrit. Do te ishte dicka e bukur te mblidheshin te gjithe ne nje salle te madhe. Ngelen duke e bere grupe-grupe. Secili grup fton nhe kengetar kur fare mire mund te ftoheshin te gjithe ne nje. Do ishte dicka madheshtore.
Tjeter gje qe me trishton eshte fakti qe ne keto party ikin shume pseudopatriota, njerez te shtirrur, qe tere vitin vetem nxjerrin vrer ndaj Shqiperise duke dhe e mohuar qe jane shqiptar. Madje femijet e tyre me shume flasin greqisht se shqip, por ne mbremjen e Pavaresise cuditerisht nuk mungojne kurre. Te perlotur i shikon. grrrrrrrt!!!!! Ka filluar te me dalin nga qejfi te tilla organizime.

[Wordless]

Organizime te bukura e te nevojshme por ajo qe te trishton eshte fakti se dhe per diten e flamurit shqiptaret nuk jane ne nje mendje. Vetem ne shtetin tim jane zhvilluar te pakten 3-4 organizime te tilla ne dite te ndryshme e vende te ndryshme edhe pse jetojne shume afer njeri-tjetrit. Do te ishte dicka e bukur te mblidheshin te gjithe ne nje salle te madhe. Ngelen duke e bere grupe-grupe. Secili grup fton nhe kengetar kur fare mire mund te ftoheshin te gjithe ne nje. Do ishte dicka madheshtore.
Tjeter gje qe me trishton eshte fakti qe ne keto party ikin shume pseudopatriota, njerez te shtirrur, qe tere vitin vetem nxjerrin vrer ndaj Shqiperise duke dhe e mohuar qe jane shqiptar. Madje femijet e tyre me shume flasin greqisht se shqip, por ne mbremjen e Pavaresise cuditerisht nuk mungojne kurre. Te perlotur i shikon. grrrrrrrt!!!!! Ka filluar te me dalin nga qejfi te tilla organizime.

Mos ta zuri gjë syri Albon ?