Oda Ekonomike e Diaspores Shqiptare

[Bekim xhafa]

Misioni i OEDSH-së luan një rol vital dhe aktiv në asistimin e bizneseve shqiptare që pretendojnë të shtrihen në Kosovë, Maqedoni, Shqipëri, Luginën e Preshevës, Malin e Zi dhe Qamëri, si dhe të krijojnë lidhje edhe në mes bizneseve në diasporë me njëri tjetrin.

www.oedsh.org


1. Promovojmë dhe fasilitojmë lidhje më të mira në mes jush dhe bizneseve në Trojet Shqiptare


2. Të ofrojmë advokim të mirëfillt në raste kur ju mohohet e drejta e Juaj.


3. Hulumtim dhe Lobim të adresuar drejt


4. Ofrim të informacioneve esenciale për të ushtruar aktivitet në trojet Shqiptare


5. Ti bashkojmë liderët dhe t’ju ofrojmë kontakte për zgjerimin e rrjetit tuaj biznesor


6. Asitojmë në përzgjedhjen e stafit për biznesin tuaj në trojet Shqiptare


7. Ofrojmë bazën e të dhenave për të gjitha publikimet, tenderet dhe idetë që mund të jenë në interesin tuaj.

[Bekim xhafa]

Rekomandimet e OEDSH-së për investime:

Gjermani
1. Tregu Imobiliar- Blerje të Objekteve banimi me më shumë se 5 banesa të cilat mundë të lëshohen lehtë me qira. Çmimi i blerjes nuk duhet të jetë më i lartë bazuar në të hyrat e qerasë të cilat grumbullohen për 15-18 vite. Kredinë nga Banka financuese e kalkuloni që kësti mujor të mbulohet nga qiramarrja dhe afati pagimit të plotë me kredi, kredia nuk duhet të kalohet mbi 15-18 Vite. Linku ku i gjeni informatat për shitblerje objektesh.
www.ImmobilienScout24.de

2. Merrni guximin dhe hapni biznes privat në fushën e ndërtimit, ju ndihmojnë shumë IHK-ja në qytetin ku ju jetoni për procedurat e legjislacionit dhe shumë shpesh japin edhe fonde për Biznese fillestare.

3. Kujdesi ndaj të moshuarve, është rritur shumë nevoja për përkujdesjen e moshuarve në Gjermani sepse edhe numri i tyre dita ditës po rritet, andaj kujdesi mobil shtëpi në shtëpi është biznes rentabil dhe pa investime të larta.

Zvicër
1. Investimi i cili është i garantuar për fëmijët në Zvicër është që ata të Studiojnë në nivel Universitarë.

2. Rekomandohet Biznesi i Gastronomisë dhe Hotelerisë i nivelit 4-5 Yje, fillojeni këtë veprimtari vetëm nëse e keni profesionin e duhur për këtë.

Kosovë
1. Investimi në fushën e Energjisë alternative ju garanton tregun.

2. Investimet në Turizëm dimërorë dhe atë malor është gjithashtu një degë ende e virgjër.

3. Investimi në Call-Center shërbim shumë i kërkuar nga tregjet e EU në veçanti tregu Gjermano folës. Call-Center shërbime in dhe outband.

4. Investimet në Blegtorinë e imët dhe përpunimi i qumështit deri ne prodhimin e djathit ekologjik BIO ju siguron tregun e EU-së gjithashtu. Një shembull në rrjetin e super maketeve gjermane BIO e gjeni 100 gram djathë Dhie për 2.80 Euro e që nënkupton se 1 kg kushton 28 Euro, Kosova ka shumë kushte të mira për blegtorinë e imët.

Shqipëri
1. Turizmi dega më joshëse për të investuar në komplekse të mëdha Turistike, bregdeti më i preferuar i shumë ekspertëve në tërë Evropën.

2. Prodhimi i frutave, ullinjtëve dhe perimeve të gjelbra sidomos ato në sera sepse konsumi i këtyre prodhimeve është shumë i lartë nga rritja e Turistëve të huaj.