kuvendi i Shën Mërisë në Ndërfandën për të organizuar luftën çlirimtare kundër sundim

[toni77_toni]

Me 7 nëntor 1594 u mblodh kuvendi i Shën Mërisë në Ndërfandën për të organizuar luftën çlirimtare kundër sundimit osman

Duke shfletuar kalendarin historik, kujtojmë se më 7 nëntor të vitit 1594, u mblodh në manastirin e Shën Mërisë në Ndërfandën ( disa mendojnë në Mat) një kuvend i përgjithshëm i krerëve shqiptarë për të hartuar projektin e kryengritjes dhe të çlirimit të krejt vendit. Krerëve shqiptarë, Tom Plezhja e Mark Gjini, të cilët mbanin edhe titullin e kalorësit, si dhe ipeshkvit imzot Nikollë Mekajshi, iu ngarkua detyra të hynin në bisedime me Papën për zbatimin e projektit të kryengritjes.

Fshehtaz Republikës së Venedikut, që nuk donte të prishte paqen me Stambollin, projekti iu paraqit delegatit të papës në shkurt të vitit 1595. Kërkesat e përfaqësuesve shqiptarë në Romë për të siguruar armë nuk dhanë asnjë fryt. Papa i këshilloi shqiptarët që të prisnin mbasi nuk kishte ardhur koha e duhur.
Nga ana tjetër, Venediku, mundi t’i përçajë radhët e pjesëmarrësve të kuvendit duke shfrytëzuar ndikimin e vet mbi disa krerë. Në qershor të vitit 1595 kur në Shqipëri u mor vesh formimi i koalicionit evropian kundër shtetit osman, krerët shqiptarë njoftuan Papën se shqiptarët katolikë e ortodoksë ishin gati të fillonin kryengritjen sapo të niste lufta.

Në të njëjtën kohë edhe në krahinat e Shqipërisë Jugore u bënë përpjekje për të siguruar armë e mjete për kryengritjen nga shtetet evropiane.

[BROZALINI]

Toni77, ju pergezoj per kete shkrim. Mirdita gjithmone ka qene qender kryengritjesh antiosmane, por qe ka njohur edhe kompromise. Ne Bisak te asaj krahine ka qene ngritur nje Qeveri Provizore nga italo-arbereshi, Terencio Toci.
"Me 26 prill 1911, Terenc Toçi në Bisak afër Oroshit mblodhi burra në kuvend duke thirrë njerëz që e donin atdheun... nga fshatrat, por edhe nga Hasi e marë Mirdita."