Vrasesit me pagese

[goldian]

po shkodra spaska pas asi vrases me pages??????

[Dito]

Biznesmeni shkodran Esat Valbona eshte ekzekutuar nga vrases profesioniste dhe me pagese. Ky eshte i vetmi konkluzion i arritur nga ekspertet nje dite pas vrasjes se 47-vjeçarit ne lagjen Xhabiej te Shkodres. Esat Valbona, ne pronesi te te cilit rezultojne nje seri lokalesh, u ekzekutua me snajper nga nje distance jo shume e larget. Sipas eksperteve, te cilet nuk kane mundur te sigurojne asnje gjurme, gjithçka ishte programuar me se miri nga autoret. Ata kane shfrytezuar rastin kur Valbona ndodhej ne nje lokal lojerash fati. Deshmitaret okulare kane pare te ndalohet nje makine me xhama te erret ne rruge. Biznesmeni eshte qelluar vetem me nje plumb ne zemer, qe i ka shkaktuar vdekjen e menjehershme. Policia nuk ka gjetur as gezhojen e armes, e cila mendohet se ka mbetur ne makinen e ekzekutoreve. Ekspertet po hetojne per disa konflikte te vjetra qe ai mund te kete pasur ne Tropoje. Por te aferm te 47-vjeçarit, me origjine nga fshati Valbone, kane deklaruar se nuk ka pasur konflikte familjare. Mesohet se vemendja e eksperteve eshte fokusuar edhe per ndonje prishje pazari gjate punes se tij. Esat Valbona, baba i 2 femijeve, jetonte e punonte prej vitesh ne Shkoder. Veç disa lokaleve ai ishte zoteronte edhe nje pike shitje shitjesh materialesh ndertimi.

[Apollyon]

Jam shume kurioz te shoh ndonje foto te Altin Dardhes. Kam kerkuar ne inernet por skam gjetur gje.... di ndonjeri te ma tregoje kush ka qene?

Altin Dardha, Vrases Profesionist, krye krimineli Shqiperise (mos them edhe Europe). Altin Dardha me banden e tij prej 200 ushtaresh (sic quheshin ushtaret e Altinit) ka bere aq buje ne Berat sa edhe sot e ksaj dite tjua permendesh Altin Dardhen Beratasve dridhen nga frika. Ka qene personi qe kishte ngujuar nje qytet te tere edhe bente cfar i donte qejfi, vriste cdo person qe mund te kalonte ne rrugen e tij. Altin Dardha mendohet te kete vdekur, pasi e gjeten te vrare e te djegur, moren nenen e Altinit per te verifikuar kufomen edhe ajo pohoi se kishte qene Altini. Pas nja 4 vitesh ne Fier behet nje vrasje stili i Altin Dardhes, edhe policise i lindi dyshimi qe Altini mund te jete ende gjalle. Ndaj edhe sot e ksaj dite nuk dihet nese ka vdek me te vertete apo jo. Vdekja e Altin Dardhes mbetet mister, edhe megjithse ka qene krimineli Nr-1 , ky person ska rene ne sy shume, ka qene nje profesionist vrases i lindur. Foto te Altinit nuk ka askush, edhe sdihet akoma se kush ka qene Altin Dardha, vetem dihet qe ka ngel si Legjende Urbane.

[Korbi999]

...dhe nuk u ka hyre gjemb ne mullaqe ketyre banditve..
Ligji qe denon kapital eshte hequr.
Ata nuk tremben...jeten e kan ne xhep..si do qe te vi puna...
Ata vrasin ke te duan..dhe viktimat jane pa asnji mbrojtje dhe ne se kapen..gje qe ndodh rralle..ata perseri kane krahe..
Shoket..Familjet..avokatet..gazetaret e nepunsit e korruptuar jane Mbrojtesit e tyre te sigurte perballe ndonji gruaje qyqare e ndonji nene te mjere nga pala e viktimes..

Brarush mos ec naten ne udhe qe nuk i ke rrahur me pare se iken per lesh k.... keshtu per qejf fare, per sport kur i thone .... Degjoje plakun Korb, mos fol budalliqe vend e pa vend! Ti e di shume mire se, njeri kot nuk te vret . Ja si thua ti, apo do te behesh shembull qe te shkruajne te gjithe sa gjynah qe e vrane ishte burre i mire dhe shkruante ne Forumin shqiptar..... Shshshsht. Pendohu per ato qe ke shkruar dhe mos e zgjat! He se harrova te kam dhe komshi...... sipas elektronikes.
Salam!

[BlerinaL]

---..dhe nuk u ka hyre gjemb ne mullaqe ketyre banditve..
Ligji qe denon kapital eshte hequr.
Ata nuk tremben...jeten e kan ne xhep..si do qe te vi puna...
Ata vrasin ke te duan..dhe viktimat jane pa asnji mbrojtje dhe ne se kapen..gje qe ndodh rralle..ata perseri kane krahe..
Shoket..Familjet..avokatet..gazetaret e nepunsit e korruptuar jane Mbrojtesit e tyre te sigurte perballe ndonji gruaje qyqare e ndonji nene te mjere nga pala e viktimes..

Turp.

Prandaj, idealisht, ata qe zen pozicione politike sduhet te kene nevoje per para.

ps: une per vete jam pro denimit me vdekje. ne qoftese nje njeri rrezikon jeten e njerezve te tjere, atehere perse te paguajne taksat e popullit buken e tij.

[Diesel Industry]

Po si cudi o Apollyon mos kete foto te ketij tipit.... Pse ska qene i skeduar nga policia ai?
Me mbi 60vrasje,s'i ka dale njehere fotoja ne gazete si i kerkuar, apo per ndonje lajm sensacional ? Boh...........

[_Mersin_]

Disa prej tyre e bejne sepse jane te varur nga droga.Ne kembim te sherbimit te vrasjes u ofrohet heroine.

[SaS]

Po si cudi o Apollyon mos kete foto te ketij tipit.... Pse ska qene i skeduar nga policia ai?
Me mbi 60vrasje,s'i ka dale njehere fotoja ne gazete si i kerkuar, apo per ndonje lajm sensacional ? Boh...........

ka dal fotoja e tij ne nje gazete para shume kohesh po se di ne cfare gazete ishte !!! me vjen por nuk e gjej dot !!!

[Diesel Industry]

Nejse, rrofsh ti. Isha shume kurioz prandaj...... Mbi 60 vrasje! cazzzzo

[DYDRINAS]

Greqi, 37 vjeçari grek detyron një shqiptar të kryejë një vrasje


Shkruar nga Lediona Kasimi


e enjte , 28 maj 2009

Forcat e policisë Greke kanë vënë në pranga Albin Zogun, 23-vjeç, emigrant Shqiptar, me dokumenta të rregullta dhe grekun, Panajotis Magos, 37-vjeç. Ata akuzohen për vrasjen në bashkëpunim të 74-vjeçarit, Gabriel Eftimiu, në përpjekje për të fituar disa prona dhe një milion euro. Ngjarja e rëndë ka ndodhur 5 ditë më parë në Kaloni, qytet pranë Mitilinit, në rajonin Lesvos të Greqisë, ndërsa mëngjesin e ditës së djeshme të dyshuarit u dërguan para gjykatës, ku morën masën e sigurisë së arrestit me burg deri në përfundim të hetimeve.


Ngjarja

Nga veprimet e mëtejshme hetimore, policia greke ka mundur të zbardhë skemën e krimit. Gjithçka ka ndodhur natën duke gdhirë 22 maji, në orën 01:30, në banesën e Gabriel Eftimiut, në qytetin Kaloni, por pikënisja datonte në mesin e vitit 2007.
Policia ka thënë, se kishte të bënte me një krim të paramenduar dhe të planifikuar, madje konfirmoi, se dy të prangosurit, kishin tentuar edhe pesë herë të tjera më parë, t’i merrnin jetën Eftimiut”.
Ata kanë thënë për mediat Greke: “Ne konstatuam ekzistencën e një plani të organizuar që kishte në qendër vrasjen, për të marrë pronën e familjes Eftimiu, në vlerën një milion euro në llogari bankare dhe disa apartamente dhe prona të tjera të paluajtshme”, saktësoi policia e Lesvos. Gjithashtu vazhdojnë hetimet edhe për vrasjen e Jorgos Vuladhas, vëllai i Afrula Eftimiut, gruas së Gabriel Eftimiut, e cila kishte si trashëgimi, një pjesë të pasurisë së familjes Eftimiu. Pikërisht pas vdekjes së Jorgos Vuladhas, kjo pjesë e pasurisë, i kaloi njërit prej të arrestuarve, Panajotis Magos.
Hetimet
Sipas hetimeve të policisë, e cila ka konkluduar se prej vitesh, Afrula, bashkëshortja e Gabriel Eftimiut, jetonte me ankthin se çdo të bëhej pas vdekjes së saj, me dy fëmijët të cilët i ka të sëmurë mendorë në gradë të rëndë, si dhe të vëllait të saj, po i sëmurë mendorë. Ajo kishte konstatuar se ishte shumë e vështirë që ata të mbijetonin normalisht edhe pse trashëgonin pasurinë e tyre, shumë prona dhe mbi një milion euro në llogari bankare, pasi gjendja e tyre shëndetësore ishte në gjendje teje të vështirë. Ajo ishte edhe më e shqetësuar, për faktin se i shoqi, Gabrieli, nuk i donte fëmijët, për shkak të paaftësisë së tyre. Për më tepër ai bënte me faj të shoqen për trashëgimi të kësaj sëmundjeje, pasi dhe vëllai i saj, ishte gjithashtu i sëmurë mendor.
Në këtë vorbull telashesh, krejt papritur, shfaqet në jetën e çiftit Eftimiu, Panajotis Magos, një 37-vjeçar që punonte në furrën e bukës përballë shtëpisë së tyre.
Afrula u mahnit nga sjellja e tij tepër elegante teksa i shërbente bukën kur shkonte të blinte çdo ditë. Ajo nisi të mendonte se i riu, ishte zgjidhja e problemeve të saj. Ndërsa e ftonte shpesh në shtëpi ku takonin dy fëmijët e saj, i sugjeroi të transferohej në një nga apartamentet e pallatit në pronësi të saj dhe të shoqit, kështu që të kishte afër edhe punën në furrë.
Magos, e shfrytëzoi përnjëherë rastin. Bashkë me të shoqen dhe katër fëmijët e tyre, rendën në shtëpinë që i ofroi Afrula.
Kurse nisi të qëndronte gjithnjë dhe më pranë dy fëmijëve dhe vëllait të saj, që të gjithë, të sëmurë mendorë.
Nga kjo situatë Gabrieli filloi të ndjehej i bezdisur nga prania e Magos në katin e sipërm të pallatit ku dhe ata jetonin.
Pak kohë më vonë, nga mesi i vitit 2007, Afrula preket nga kanceri dhe në janar të vitit 2008 ndërron jetë.
Por pak javë më parë se të vdiste Afrula, gjendet papritur i vdekur, vëllai i saj me të meta mendore, Jorgos Vuladhas. Vdekja atëherë u konsiderua si fatkeqësi natyrale, por policia tani po heton për vrasjen e tij.
Pak ditë pas vdekjes së Afrulës, Magos i paraqet Gabriel Eftimiut, një testament të firmosur nga e ndjera, ku thuhej se ajo i linte pasurinë që trashëgonin dy fëmijët dhe i vëllai, si trashëgimi për Panajotis Magos.
Me vendim të Gjykatës së Mitilinit, në shtator të 2008-ës, Magos u vendos si përfaqësues ligjor duke marrë kujdestarinë e dy të sëmurëve mendorë. Herë pas here, ai i merrte dy djemtë dhe së bashku shkonin në bankë, ku tërhiqnin shuma të mëdha parash, që më pas Magos i fuste në xhepat e tij.
Disa ditë më vonë u vendos një pakt mes Eftimiut dhe Magos, që secili të posedonte nga dy shtëpi në pallat dhe të gjitha pasuritë e tjera të paluajtshme t’i përkisnin 37-vjeçarit Magos.
Pikërisht një ditë para krimit, dy palët do të paraqiteshin te noteri për të nënshkruar ndarjen e pronave sipas paktit të bërë.
Ndërkohë, Magos po përfitonte dhe qeratë e apartamenteve që ishin marrë prej vitesh me qera nga banorë të ndryshëm.
Bashkëpunimi i Magosit me shqiptarin. Bashkëpunimi i tyre në vrasje.
Magos, prej kohësh punonte në furrën e bukës me 23-vjeçarin shqiptar, Albin Zogu. Duke shfrytëzuar miqësinë me të, arriti ta bindë që të punonin të dy, për një qëllim, të vrisnin Gabrielin.
Magos, sipas hetimit ka arritur t’a bindë djalin shqiptar se ajo vrasje duhej kryer, duke i treguar si i zemëruar, faktin se Gabrieli nuk i donte fëmijët që kishte me Afrulën e ndjerë se ishin të sëmurë mendorë. Magos, po ashtu, theksonte se ishte ai që kujdesej për ta, kurse 74-vjeçari mbante një dashnore disa herë më të re se vetja.
Nga rrëfimet e të dyshuarve në polici, ata kishin tentuar edhe pesë herë të tjera më parë për të vrarë 74-vjeçarin, por në fund të “aksionit” gjithnjë diçka nuk ecte: I riu shqiptar tërhiqej, duke mos dashur të marrë pjesë në një vrasje.
Skena e krimit
Sipas policisë Greke autorët e krimit kanë pohuar para autoriteteve, se natën e 22 majit, 23-vjeçari shqiptar u dorëzua, i shtyrë nën presion psikologjk të paparë nga 37-vjeçari Magos dhe që të dy hynë në shtëpinë e Eftimiut, teksa ai gjendej i vetëm, në gjumë. Këtë herë, Zoguni nuk ngurroi më dhe e qëlloi dy herë në kokë me vare Eftimiun, duke e lënë të vdekur.

Paraqitja në Gjykatë

Autorët e këtij krimi të shëmtuar do të paraqiten para gjykatës, e cila do të vendosë dënimin, që secili prej tyre do të kryej. Në seancën e parë gjyqsore i dyshuari grek, pajtoi si avokat, Aleksandros Rodhitis, jurist i njohur në Kalon si dhe Panajotis Papamalis. Kurse emigranti shqiptar nuk arriti të merrte avokat dhe deklaroi se do të mbrohej vetë në gjyq. Në këtë seancë gjykata vendosi dje, t’i heqë kujdestarinë Magosit, duke ia dhënë atë disa shokëve të të ndjerit Eftimiu. Kurse vendosi që dy të dyshuarit të qëndrojnë nën masën e sigurisë së arrestit me burg deri në përfundim të hetimeve.



tirana observer