Një cikël poetik

[mondishall]

Bruna dhe ajzberg, ju falenderoj dhe pershendes....

Pasqyra

Më mplak më pak se e vërteta
Qejfbërja e imja pasqyrë
Iluzionist i shembëlltyrës mbeta
I kthyer çuditërisht në shembëlltyrë.

Ec gjithandej i shpenguar
Metamorfoza njerëzore më brengos
Moshatarët ma paskan kaluar
Nga rrudhat dhe thinjat në kokë.

Rënduar nga mishi i tepërt
Nga dhjami i tepërt në bark
Moshatarët e mi të vjetër
S'më ngjanë sot moshatarë.

Çuditshëm dhe mua më shohin
Keqardhës deri në dhembshuri
"Sa paske ndryshuar, o Mondi
As qimja në kokë s'të mbin!"

Pastaj zbresin poshtë e më poshtë
Më shtojnë e më shtojnë nga një rrudhë
Pale, edhe barkun ma shtojnë
Aq sa nuk besoj se jam unë.

E marr veten tjetër me vete
Pasqyrës përballë ja ve
"Jam ky, ti pse më gënjeve?"
"Për mua je ti!", ma kthen.

[mondishall]

Ne dhe zogjtë

Ne jepnim e merrnim me zogjtë
Mesazhet e shpirtrave shkëmbenim
Kështu krijonim tjetër kohë
Mes antikohës normale të shtetit.

Me zogjtë gjithashtu fluturonim
Të ndarë hapësirës idiote
Ata lirshëm krahët flatronin
Ne hapësirës frymëmarse të zorshme.

Ne u rritëm më shpejt se zogjtë
Foleve të ëndërrave të shprishura
Për ta u bë fole e madhja botë
Për ne një botë jetësh të panisura.

[mondishall]

Xhungla

S'di pse urbanët më ngjajnë me xhungël
Shoferi dhe cmingo, mes tyre Tarzan
Përfytyrimi më shfaq njerëzit-majmunë
Kacavjerur dorezash, fatveten mbajn'.

S'di pse urbanët ja kalojnë dhe xhunglës
Ngjeshur, shtrënguar plazmash amorfe
Shekulli i 21-të, si i mbrapshti i udhës
Vazhdon e vazhdon, xhunglimin e kësaj bote.

[mondishall]

Me ç'të drejtë!?

Dua të ve në vend nderin e kafshëve
Me ç'të drejtë njeriu i vjedh, ofendon?
Njeriu, që dhe pse s'ju ngjan të lashtëve
Egërsinë lashtësore, modernizmit vazhdon.

Me ç'të drejtë cënon personalitetin e qenve
Kur lehjet ju vjedh e "njerëzisht" i përdor?
S'ka më ofendim për gjuhën e lehjeve
S'ka më ofendim për sojin qenor!

Me ç'të drejtë cënon personalitetin majmunor
Kur qeshjen ja vjedh dhe e kthen në përqeshje?
Sikur të ndodhte një gjyq kafshëror
S'do pranoja kurrë, avokatin e njerëzve!

[Dar_di]

Poezi mjaft te bukura Mondi. Ju lumte miku im! Suksese metutje...

[mondishall]

Dar di te falenderoj e pershendes...

Gjeniu

Po shpërbëhet njeriu
Universi tkurret në dëshpërim
Diku paska gabuar Gjeniu
Gjeniu që nuk njeh gabim.

Atëhere i rikthehet Ai vetes
Si laboranti eksperimentit të tij
Kupton që materia e antimateries
Bëhet dhe shpërbëhet pafundësisht.

Gabimi u gjend
Universi merr frymë lehtësisht
Njeriu i antinjeriut po vdes
Gjeniu, Njeri tjetër po rilind.

[mondishall]

Mëkati i parë

E di që aty ku ka një Trojë
Një Kalë i saj krijohet tragjikshëm
Mos vallë kjo fillon nga një mollë
Që botës i la mëkatin e frikshëm?

Mos më kërkoni shpjegime të kota
Ç'lidhje ka Troja me Kalin e saj
Me të kafshuarën Adam tek molla
Që botës i ngjiti të parin mëkat!

Ka që ç'ke me të, pak mendjen vrisni
Kush Trojës i dogji dhe qiellin dhe dhenë
Nëse në kët' botë është çmendur Parisi
Vetë botën ka çmendur më parë një Helenë.

[INFINITY©]

Mjafton dhe pelqimi Beso, pasi ato me te thellat per vlerat e nje poezie, ja u kemi lene ne dore kritikeve, qe ende s'po shfaqen ne horizont. E keqja eshte se ketu, ne forum, ku jemi te gjithe ne rolin amator te shkrimeve, dalin tek-tuk disa pretendente per kritike, qe ruajna o Zot, c'elozhe e krahasime piedestalike thurrin per krijimtarine modeste te forumisteve. Dikush alivanoset ne perulesi horizontal me token e thote qe krijimi ka arritur majen e majes, dikush tjeter kushedi sa thase me perla ka mbushur me krijimet-perla qe porsa ka zbuluar, dikush tjeter me njohuri absolute boterore, sjell krahasime me korifejte e penes se vendit e botes e keshtu s'mbetet gje tjeter, vec te besojme qe ketu ne forum ekzistojne kritiket e vertete, etalone te krijimeve tona.

LOL

Mondi, besoj se e kupton vete se cfare dua te them nqs te them qe po e mbyll naten e forumit tani me kete poezi. Po i le korifejte e penes rehat andej nga jane.

Me ujkun

Me ujkun u takuam përballë
Dhëmbët i nxorrëm njeri-tjetrit
"Qenke si vampir", i thashë
Më tha, "Ti qenke si të vjetrit".

Mbetëm gojëhapur që të dy
Të dy të ofenduar sa më s'ka
Ai veten e quan gjithnjë ujk
E jo si një vampir që rron me gjak.

Klm

[mondishall]

LOL

Mondi, besoj se e kupton vete se cfare dua te them nqs te them qe po e mbyll naten e forumit tani me kete poezi. Po i le korifejte e penes rehat andej nga jane.



Klm

Te falenderoj e pershendes INFINITY@...

Për tjetër natë

Lerma dhe kështu shikimin tim
Gjumit tënd të hyjë si kusar
Ëndërrat të t'i vjedhë për shpagim
Të asaj që ndalëm pak më par'.

Ndodh edhe kështu pas një lodhje
Prekjet mos vazhdojnë der' në ekstazë
Herë bëhem kusar e herë roje
Të asaj që lemë për tjetër natë.

[mondishall]

Më zgjo!

Më zgjo!
Nëse ëndërra të prek dëshirën e prekjes
Dhe gjaku kapilarësh të epshit gurgullon.

Më zgjo!
Nëse zgjimi të sjell prekjen e ëndërrës
Dhe mua ëndërrës tënde më fton.