Te falenderoj e pershendes Riza me....
Më flet Akili
Ka kohë që më flet Akili
"Ç'kujtoni, se thembra më vrau?
Legjendat kupash vere i pini
Nga dehja thoni: Kështu ngjau.
Vazhdoni o të ngratë, me dehjen
Akili ju përqesh në mijra vjet
Nuk kisha pikë të dobët thembrën
Por egon e të fortit, që s'vdes!"
-Pasja e shpirtit është privilegj për trupin. (E SH)
Prandaj kjo botë...
Ju pëlqeka Odisea, çudi?!
Zili e paskeni Penelopën!?
Kurse unë Odisenë s'e kam zili
Se ëndrrat m'i zhduku bashkë me Trojën.
Sa shpejt u harroka gjak' i derdhur
Sa lehtë u dashuroka një dinak
Prandaj kjo botë mes gjakut është dehur
Dhe prapë vazhdon kënaqësin' me gjak!
-Pasja e shpirtit është privilegj për trupin. (E SH)
Ooo, Peshk!
Mësoma frymëmarrjen tënde, o peshk!
Timen mos ma kërko se nuk ta jap
S'ke parë ti ç'ësht' njeriu-peshkaqen
Që njeriun-peshk përditë e ha.
Aty me ty kalofsha jetën e mbetur
Aty di të dalloj armikun tim
Këtu karemi m'ngulet me të qeshur
Më vdes e më mban gjall' në kryqëzim.
-Pasja e shpirtit është privilegj për trupin. (E SH)
Përditshmëri
Nuk pres diellin
Me hënën zgjohem
Ditën ja marr natës me zor.
Me gjumin zgjuar
Pimë kafenë
Dhe njeri-tjetrin e zbojm'.
Urban gjumashësh
Kozmetikë e shtrembër
Trupash e fytyrash drobitur.
Frymëmarrje mbytëse
Erë e qelbur
Gojrash mastikëpërtypur.
Lëvizje këmbësh
Duarsh lëvizje
Materia njerëzore-robot.
Pagesë jete
Për ditën e nesërme
E prapë avazi si sot.
-Pasja e shpirtit është privilegj për trupin. (E SH)
Përnatshmëri
E huaj dita
I huaj unë
Flasim gjuhën memece.
Unë natën pres
Ajo e shtyn
Të shtojë pangopësin' e vetes.
E prapë nata
Ditën le pas
Në trupin tim vjen të prehet.
Atëhere unë
Vetvetja jam
Me lakuriqësinë e natës dëfrehem.
Na vranë ditën
Ditjetën na vranë
Me natën na lanë jetuar.
Por ne errësirën
Të errët s'e lamë
Me shpirtrat tanë e ndriçuam.
-Pasja e shpirtit është privilegj për trupin. (E SH)
Per mbyllje te ketij cikli, poezia ne vazhdim...
Tradhëtia jonë
Tradhëtoje për një natë burrin tënd
Krevatin e një nate, tradhëtoje!
Jepmu veç një natë në atë vend
Ku vajzërinë e turpit ma dhurove!
Një natë tradhëtar dhe unë do ngrysem
Ta gdhij vetëm një natë atë vegim
Kur djalërinë e turpit ma përmbyse
Njëlloj si unë të turpit, vajzërin'.
E lemë për një natë njeri-tjetrin
Takojmë njeri-tjetrin për një natë
Tradhtuar sa më shumë kështu mbetshim
Dashnija jonë ç'na bëri tradhëtarë.
-Pasja e shpirtit është privilegj për trupin. (E SH)
Sa u ngjanë zogjve gjethet në fotografinë e parë, sa i ngjanë balerinës e dyta dhe një si zanë mali e treta.Postuar më parë nga mondishall
Te falenderoj e pershendes xani1, me...
Qarja e parë
Qarja e parë e ka emrin, Frikë
Ankesë, qarja e parë emrin e ka
Krijesa e qetë, brenda në mitër
Mbase kësaj bote ka frikë të dal'.
Qeshja e parë e ka emrin, Gëzim
Kërkesë, qeshja e parë emrin e ka
Vazhdoni o njerëz, ta gëzoni fëmijën
Mos lini t'i kthehet, të qarës së par'!
-Pasja e shpirtit është privilegj për trupin. (E SH)
Vërtetë vargje të bukura. Të faleminderit, mik i nderuar.
Filloi me lajmin...
Me rastin e 15-vjetorit të daljes së numrit të parë të gazetës,
Shtëpia Botuese “D.I.J.A-Poradeci” organizon:
“Një ditë me miqtë e Nositit”
Kemi kënaqësinë t'ju ftojmë të vizitoni mjediset e redaksisë, të shtypshkronjës
dhe të njiheni me aktivitetin dhe produktet tona.
Ditën e shtunë, 17 tetor 2009, prej orës 10:00
* * *
Ceremonia e ndarjes së çmimeve “Nositi” në poezi dhe çmimet për botimet
më të mira, ora 12.00.
Jeni të mirëpritur!
Afroviti Gusho, Gazeta “Nositi”
Ilir Duka, Shtëpia Botuese “D.I.J.A-Poradeci”
Ja dhe shpallja e çmimeve "Nositi", ku unë miku juaj forumist diçka paskam fituar. Nuk besoj ta merrni për mungesë modestie dhënien e këtij lajmi.
-Pasja e shpirtit është privilegj për trupin. (E SH)
Regullat e Postimit
Përgjigju Duke Cituar
Krijoni Kontakt