Një sinjal më bëni!
Akuzoj veten,
----------------për akuzat e pabëra.
Veten s'e dënoj,
--------------- për dënime që kurrë s'i dhashë.
Falje s'kërkoj,
----------------për thëniet e pathëna.
Dhe nëse më dënoni,
------------------------njëlloj do shprehem prapë.
Thirrje ju bëj,
----------------për thirrjet e heshtura
Qoftë dhe njëherë,
---------------------botën siç dua ta shikoj.
Dhe në mos mjaftofshin,
-------------------------ditjetët e mbetura
Një sinjal më bëni,
-----------------------se dhe i vdekur do gëzoj!
Shpreslindja
Sinjalin e parë të dritës
Nga sytë në shpirt ma përcjell
Kjo lindje magjike e ditës
Me dashnorin e përjetshëm diell.
Nuk di si e patën fillimin
Vazhdimin më mirë mos e di
Veç di të shijoj ndriçimin
Çdo çast kur pas natës, lind.
Kjo ngjizje kaq harmonike
Mes natës e ditës së jetës
Sa herë perëndon, ka lindje
Ç'më ndrit errësirën e shpresës.
Uuh, ç'ego!
Qiellza
Për egon
Në çengel fjalësh u kthye.
Shpirti
Me gëryerjen
Firmos zbrazjen e vetvetes.
Çengelqiellza
Çaplon gojën
Zbraz zbrazëtinë e gëryerjes.
Rikthehet të rimbushet
Me kënaqësinë e së keqes.
Nuk hesht!
Nuk di të hesht
Ma mësoni heshtjen!
Nëse është difekt
Ma heshtoni veten!
Më qeshet vërtet
Me mundimin tuaj.
Sepse dhe kur hesht
Me heshtjen luaj.
Moj erë!
Nga nisesh ti moj erë?
Ç'shtëpi pa dyer paske?
E çkrehur veç të bredhësh
Me ulurimat llafe!
Ç'i mbush aq shume bullçinjtë?
Ç'i zbraz aq çakërdisur?
Ç'inat mbartën mbi shpinë
Apo nga ai je lindur?
Do t'vij me ty, moj erë!
I ngjaj tërbimit tënd
Të dy mbase do gjejmë
Qetësi në tjetër vend.
Kur fle...
Kur fle...
Nata ma bën jetën një sekondë.
Bile as sekondën nuk e ndjej
Kur mes saj mund të lindë tjetër botë.
Kur fle...
Ëndërrat ma bëjnë jetën të pafundme.
Bile jetëparajsën aty ndjej
Kur zgjuar më pret ferri pak më tutje.
Me ujkun
Me ujkun u takuam përballë
Dhëmbët i nxorrëm njeri-tjetrit
"Qenke si vampir", i thashë
Më tha, "Ti qenke si të vjetrit".
Mbetëm gojëhapur që të dy
Të dy të ofenduar sa më s'ka
Ai veten e quan gjithnjë ujk
E jo si një vampir që rron me gjak.
Në barkun e Kohës
Në barkun e Kohës vazhdoj rritjen
Jam plazmë embrioni,
---------------------------në formim të qënies.
Koha e mbarsur ende vazhdon dhimbjen
Mamia e Kohës,
------------------- zbut dhimbjen e mëmës.
Jam rritur tani e akoma s'kam lindur
Plazmë e qënies,
---------------------ende embrion.
Koha e mbarsur mijra vjet duke pritur
Njeriun e Kohës,
--------------------që ende po vonon.
Përgjigju Duke Cituar
Postuar më parë nga mondishall
Krijoni Kontakt