Postuar më parë nga
REALIST
Në ditët e dimrit të vetmisë së madhe, kryesocialisti është braktisur nga aleatët, duke e lënë në Berat veç në praninë e deputetëve vendas, që s’i qasin as tek brigjet e Osumit. Nga dëshpërimi, Edi Rama për herë të parë ka artikuluar hapur thirrjet për marrjen e pushtetit me dhunë në fillim të 2010-s, por britmat s’janë dëgjuar në Kullën e Pezës, atje ku punisto-socialistët janë bërë gati t’i kërkojnë llogari dhe t’i ofrojnë gijotinën politike si zgjidhje finale të krizës
Në ditët e dimrit të vetmisë së madhe, Edi Rama ka zgjedhur dje qytetin e Beratit, për të lëshuar ca thirrje të dëshpëruara për marrjen e pushtetit me forcë, në vitin 2010. I braktisur në këtë tur dimri, nga aleatët e tij, Skënder Gjinushi, Paskal Milo, Erjon Veliaj, por edhe nga Nard Ndoka e Spartak Ngjela, Edi Rama “i trimëruar” nga (mos)prezenca dhe (mos)mbështetja e të vetmit ushtar, Erjon Braçe, është çjerrë dje nga qyteti i Beratit, për përdorimin e forcës në vitin 2010, nën pretekstin e rinumërimit të votave. Nga dëshpërimi, Edi Rama ka artikuluar hapur thirrjet për marrjen e pushtetit me dhunë në fillim të 2010-s, por britmat s’janë dëgjuar në Kullën e Pezës, atje ku punisto-socialistët janë bërë gati t’i kërkojnë llogari dhe t’i ofrojnë gijotinën politike si zgjidhje finale të krizës.
Mes temperaturave dimërore, para veç dhjetërave pjesëmarrësve në të ashtuquajturën “protestë”, Edi Rama ka artikuluar dje nga Berati, “idenë për “ndarjen me këtë pushtet në vitin 2010 dhe për kthimin e atdheut në duart e qytetarëve shqiptarë”.
Nën pretekstin e rinumërimit të votave, nën vazhdim të idesë për “ndarjen me këtë pushtet”, Edi Rama ka zgjedhur dhe artikuluar si mjet për arritjen e këtij qëllimi, përdorimin e forcës.
Do ta kërkojmë me forcë, largimin e Sali Berishës përderisa kutitë nuk hapen... Ne nuk do të presim që Shqipëria të bjerë në greminë, por do të protestojmë për të larguar qeverinë”, ka deklaruar Edi Rama dje nga Berati, ku i vetmi që i ka besuar këto thirrje dëshpëruese për përdorim force, ka qenë Erjon Braçe.
Deklaratat e Edi Ramës, u artikuluan dje nga Berati, ku një copë e opozitës, e braktisur nga pjesa tjetër e aleatëve, prej dy ditësh, ka nisur një tur protestash, nën pretekstin e hapjes së kutive të votimit dhe rinumërimit të votave.
Sikurse edhe një ditë më parë në Durrës, edhe dje në Berat, Edi Rama harroi “ftesën”, pë rnjë protestë “të madhe” në Tiranë, në 21 dhjetor, ditën e 130-vjetorit të ditëlindjes së Stalinit. I trembur nga “ballafaqimi” me mbështetësit e mazhorancës, në festën madhështore të 8 dhjetorit në Sheshin “Skënderbej”, Edi Rama, në vazhdim të tërheqjes nga një protestë e mundshme në Tiranë, e ka shtyrë sërish të, për pas festave të fundvitit. Këtë herë, mes dëshpërimit dhe vetmisë, ka zgjedhur nga Berati që të artikulojë thirrjen për “përdorimin forcës”, kundër pushtetit dhe institucioneve të tij. Pavarësisht tonit, dhe thirrjeve në shi të Edi Ramës, frazat e shqiptuara dje, prej tij në Berat, nuk tingëllonin asgjë më shumë se sa thirrje për të trimëruar veten, në këtë situatë, ku nuk di ç’të bëj, sepse braktisja nga mbështetësit, u konfirmua edhe nga braktisja e aleatëve, të cilët deri tani, e kanë gënjyer me pretekste të kota për protesta, duke e detyruar ta lënë jashtë Parlamentit.
shekulli
Përgjigju Duke Cituar
.
Krijoni Kontakt