Rama: Jo dialogut, Po protestave në gjithë vendin

[Duaje Siveten]

EdiR,

eshte i drejte pretendimi i Albo-s dhe i joti; replikat personale nuk shkojne gjekundi, veçse e bejne deri te bezdissshme informacionin per temen; falemnderit qe i shuajte.

Veçse ne keto replika mu zgjuan nje ndjesi te nje filmi per revolucionarin meksikan, Zapata, luajtur aq mjeshterisht nga Marlon Brando ... (besoj se e merr vesh se cilit brez i perkas)

Ne ate film jepet nje sekuence ku Zapata, tashme ne post te larte komandues, merr ne pyetje nje nga kundershtaret, dhe e pyet per emrin, te cilin e rrethon me te kuq ne listen qe i kishin vene perpara. Aty i ndalet dora instinktivisht - edhe atij ashtu ia kishin rethuar emrin vite me pare, ne fillimet e luftes civile meksikane ...

[ujnd]

me ne fund po kalohet ne ofensive, pas kaq muajsh me fjalor te permbajtur dhe sikur do ti thyheshin vezet pederastit rama. Ky rrugaç qe po merr me qafe nje komb, shembelltyr e enver hoxhes, duhet skualifikuar patjeter nga politika dhe duhet gjykuar per nxitje anarkie. Nuk eshte e veshtire per te provuar aferat korruptive te ketij personi, ate e di gjith shqiperia qe eshte bilioner habitem çfare presin per ta vene para drejtesise. taivani eshte maja e ajsbergut, qe ky njeri zoteron.

[Xhuxhumaku]

E nesërmja: Progres apo Regres?!

Artan Hoxha

1. Protesta e fundjavës mbylli ciklin e parë të strategjisë opozitare paszgjedhore. Përqasja radikale e këtij cikli, përtej veshjes parimore të kërkimit të së vërtetës për zgjedhjet është analizuar së shumti se buron nga nevoja e brendshme për rikonfirmimin e lidershipit, duke kuptuar këtu më gjerë se vetëm kryetari i PS. Shenjat e para të zbehta të kësaj qasjeje u dhanë 1, 2, 3... korrik. Përgjatë dy muajve verorë, përqasja radikale konkurroi me atë të moderuar dhe më pas e para fitoi terren dhe u zbatua në praktikë.

2. Synimet e përqasjes radikale janë arritur tashmë: i) lidershipi i ri është rikonfirmuar; ii) PS ka rimbledhur forcat dhe është rimotivuar për të bërë një opozitë energjike. Arritja e parë është kryesisht çështje e brendshme, edhe pse bllokimi i qarkullimit të elitave mund të shihet dhe si dëm publik. Arritja e dytë është një dobi bruto publike. Por kjo e dyta s‘kish se si të mos arrihej edhe me ndërrim të lidershipit, si dhe pa përqasjen radikale bojkotuese e protestuese. Ndërkaq, përqasja radikale për nevoja të brendshme ka krijuar tashmë një kosto bruto publike, e cila po merr trajtë dhe masë gjithnjë e më të prekshme: nënefektivitet i Kuvendit; një farë pasigurie politike e juridike; rikthim i pjesshëm te dyshimet ndërkombëtare mbi aftësitë e Shqipërisë për stabilitet, siguri, seriozitet. Rezultantja edhe në këtë moment është kosto neto publike, ndonëse masa e dëmit është ende e ulët.

3. Sistemi shqiptar i administrimit/arbitrimit të zgjedhjeve, i ngritur me konsensus e me përfaqësim të barabartë mes palëve, prodhoi rezultatin zgjedhor me shumë-shumë pak kontestime. Ndërkaq, në raportet e arbitrit ndërkombëtar cilësohet se zgjedhjet "...përmbushën shumicën e angazhimeve ndaj OSBE-së", por "…nuk realizuan plotësisht potencialin e Shqipërisë për t‘iu përmbajtur standardeve më të larta për zgjedhje demokratike..."; apo "...numërimi ishte i keq ose shumë i keq në 22 nga 66 Vendet e Numërimit të Votave...." por "...nuk pati asnjë provë të numërimit të parregullt ose të manipulimit të rezultateve....". Prononcimet apo vendimet e mëpastajme politike ndërkombëtare, në pritje të përmbylljes së procesit zgjedhor dhe konkluzioneve monitoruese mbi të, tashmë janë qartë në favor të Shqipërisë dhe flasin se nga dy mënyrat shqiptare të leximit të të njëjtit raport, mënyra pozitive është ajo e logjikshmja.

4. Shumica e standardeve u arritën nëpërmjet një përqasjeje joradikale e deri diku bashkëpunuese parazgjedhore mes palëve. Për rrjedhojë, arritja e pjesës së mbetur të lartësisë maksimale të standardeve s‘ka se si të ketë nevojë për një përqasje të re tashmë radikale nga opozita. Përkundrazi, kjo pjesë e mbetur e përmirësimit të procesit zgjedhor ka nevojë për edhe më shumë urtësi, bashkëpunim dhe profesionalizëm. Përqasja radikale është e pakuptimtë edhe sikur ajo të na çonte tek i njëjti rezultat i dëshirueshëm. Përse duhet të zgjedhim mënyrën me koston më të lartë? S‘heqim dot dorë nga ky ves? Për më tepër që përqasja radikale, si për fatalitet, ka shumë mundësi të na largojë goxha më shumë, në masë dhe kohë, nga pikësynimi shoqërisht i dëshirueshëm. Ndaj edhe për kaq sa është ushtruar deri tani, kostoja bruto e përqasjes radikale opozitare ka tejkaluar dobinë bruto të kompaktësimit dhe gjallërimit postzgjedhor opozitar. Jemi tashmë në gjendjen e një kostoje neto publike. Nëse ndalet këtu, çereku i së keqes. Nëse s‘ndalet, ku do përfundojmë?

5. Por disa, me apo pa qëllime pushteti, dyshojnë dhe/ose besojnë në mënyrë të sinqertë se numërimi i votave dhe përgatitja e procesverbaleve të rezultateve të numërimit është manipuluar në një masë që cenon legjitimitetin e produktit të tyre: përbërjen e Kuvendit, dhe se ky manipulim nuk është kapur përgjatë procesit monitorues edhe nga ndërkombëtarët. Ndaj thonë këta, "e vërteta ndodhet brenda në kuti". A thua se kutitë s‘qenkan hapur, vëzhguar, numëruar dhe rinumëruar nga ushtritë e të dy palëve dhe të të tretëve e sikur kjo të ishte bërë vetëm në mënyrë të njëanshme nga pala qeveritare e fituese. Krejt e kundërta ka ndodhur. Procesi i numërimit, aty pra ku kemi dështuar më shumë në zgjedhjet e shkuara, ka qenë rreptësisht i vëzhguar në zgjedhjet 2009.

6. E gjithë rrjedha e ngjarjeve dhe rezultateve paraprake deri nga fundi i datës 30 qershor, fliste pozitivisht. Entuziazmi i majtë ishte edhe më i lartë se ai i djathtë këto dy ditë të numërimit. Vlerësime mjaft pozitive për zgjedhjet u dhanë nga të dy kampet. Kutitë e përzgjedhura në mënyrë rastësore po tregonin një fluktuacion të shpeshtë të rezultatit, i cili binte ndesh me rezultatet e sondazheve dhe exit-polls lidhur me masën e diferencës mes votave të palëve, gjithsesi jo me kahjen e tyre. Asnjë dyshim i arsyeshëm nuk u ngrit dhe as s‘mund të ngrihej mbi manipulimet zgjedhore përgjatë votimit dhe në dy ditët e para të numërimit.

7. Pretendimet filluan të ngriheshin në momentin kur rezultati, që nga mesdita e së martës, u projektua qëndrueshëm në 70:66:4. Në pasditen e së martës e në vijim filloi loja numërore e kutive të fundit. Tensioni u ngrit edhe më shumë të mërkurën, më 1 korrik, me shpalljen e koalicionit të mundshëm PDSI. Humbi shpresa për një rezultat të tillë që do ta mbante PS në lojën për krijimin e një qeverie koalicioni apo teknike. Të enjten ndodhi konflikti në Fier. Vazhdoi me një proces të tensionuar ankimor dhe rinumërimi të kutive të mbetura.

8. Deri më sot, në diskutimin politik e publik mediatik nuk kam dëgjuar a lexuar ndonjë shpjegim serioz si mund të jetë kryer manipulimi në votim, në numërim e në ankimim, me efekte kumulative neto pozitive, në masë të mjaftueshme e në njërin drejtim, që të mbështeste këtë dyshim kaq të madh e të rëndë të opozitës mbi produktin zgjedhor. Kushdo që do të ofronte shpjegime të arsyeshme nga dyshuesit e sinqertë, do të ishte i mirëpritur. Variantet që shtrohen e diskutohen nëpër kafene a mbledhje politike më duken fantastikisht qesharake. Kam dëgjuar nga këto para dhe pas zgjedhjeve. Ky lloj dyshimi a besimi më kujton shprehjen "E shoh që është mulli me erë, po uji nga i vjen"?

9. "Urtësia fillon me logjikën" thotë një fjalë e urtë. Hetimi parlamentar është një proces me elementë të fortë të procesit penal. Hetimi kërkon arsye të mjaftueshme për t‘u ndërmarrë. Në fakt, për qëllimet e përmirësimit të sistemit të ardhshëm zgjedhor do të kishte mjaftuar edhe një proces vlerësimi dhe analize logjike. Se mos kërkon shumë analizë përfundimi se duhet kaluar te komisionet jomilitante dhe te numërimi apo edhe votimi elektronik. Por ja që jo të gjithë janë logjikë. Kërkohet hetim parlamentar. Kërkesa për komision hetimor është e pamohueshme, edhe pse mund të mos ketë fort arsye. Por, te komisioni hetimor mund të kishim arritur edhe pa qasjen radikale të opozitës. Nëse deputetët e opozitës do të shkonin në Kuvend që në shtator, sot, në fundin e nëntorit, komisioni do të ishte ngritur edhe pa dashjen e mazhorancës, ndërsa elementët materialë dhe proceduralë të hetimit do të ishin mirëpërcaktuar qoftë edhe me një aktivizim të Gjykatës Kushtetuese në rast mospajtimi mes palëve për ndonjë nga këto aspekte. Opozita s‘jep shpjegime pse nuk ndoqi këtë rrugë të sigurt, por ndoqi bojkotin dhe protestat. As dyshuesit e sinqertë nuk shprehen për këtë.

10. Kërkesa opozitare për hetim parlamentar deri tani është artikuluar në terma tepër-tepër të përgjithshëm. Të pyetur mbi elementët thelbësorë të hapësirës dhe metodës së hetimit, drejtuesit e opozitës ose nuk përgjigjen, ose nuk dinë të përgjigjen, apo japin përgjigje nga më të ndryshmet mes tyre. Mazhoranca ka pranuar kohë më parë hetimin parlamentar me spektër të gjerë hetimor deri në kufijtë e kushtetutshmërisë si dhe në cenim të së drejtës së saj ligjore, pra t‘i japë opozitës shumicën e komisionit. Në kushtet e një kërkese të paqartë, edhe përgjigjja është dhe duhet të jetë e kufizuar. Lëshimet në paqartësi mund të jenë po aq të rrezikshme për kushtetutshmërinë, sa kërkesat e paqarta. Askush nuk ka tagrin të japë konsensus tej përcaktimeve kushtetuese. Pa një proces hetimor kushtetues, s‘mund të ketë një rezultat kushtetues. Hapësirat dhe metodat hetimore kërkojnë një shtjellim të plotë dhe të qartë paraprak nga opozita kërkuese në radhë të parë, nga mazhoranca pranuese në radhë të dytë dhe nga institucionet apo publiku gjithashtu. Bëhet fjalë për një terren ku kushtetutshmëria dhe anti-kushtetutshmëria ndahen nga një fletë e hollë e ku probabiliteti për devijim në drejtim të gabuar është mjaft më i lartë se ai për në drejtimin e duhur.

11. Kaq kosto dhe risqe publike jo vetëm deri më sot, por edhe në javët në vijim! Dhe për çfarë? Vetëm për çështje të brendshme të opozitës. Po nëse do kemi të bëjmë me interesa më të forta se kaq? Mund të parashikojmë kosto publike edhe më të larta të mundshme nga aksioni radikal opozitar. Gjithsesi, për sa kohë aksioni mbetet në hapësirën e veprimit kushtetues, radikalizmi është i dëmshëm, por i ligjshëm.

12. Radikalizmi opozitar shpejt do të përfundojë te synimi i zgjedhjeve të parakohshme. Këto janë zgjidhje ekstremale në rrethana tepër të veçanta. Zgjedhjet e parakohshme nuk justifikohen nga humbja e durimit, edhe kur zgjedhjet pararendëse janë humbur me diferencë të ngushtë. Opozita duhet të dijë të vetëpërmbahet për 4 vite, deri në garën e ardhshme. Deri atë ditë, ka shumë gjëra që mund të bëhen së bashku me mazhorancën. Kjo kohë do të jetë edhe një shans për opozitën e re, që të mësojë se ç‘është shteti. Pa kaluar klasën për këtë cilësi, në rrethana të tjera të njëjta, zor se kualifikohet fituese edhe në 2013-ën. Në 3-4 vitet e ardhshme duhet që motori shqiptar i integrimit të punojë në kapacitet të plotë për të kapur lartësinë e pranueshmërisë në BE. Ndaj ka nevojë për sjelljen bashkëpunuese e kontribuuese të të gjithëve. Radikalizmi i paarsyeshëm opozitar sjell regres, opozitarizmi aktiv dhe bashkëpunues sjell progres.

shqip.

[Duaje Siveten]

ky artikulli siper nuk ka ndonje gje te re, as edhe ndonje fare niveli - nuk shkon as ne medioker ...

perveç kesaj, autori perpiqet qe te tregoje rendesine e arrijtes se konsensusit midis dy "arinjve", gje qe nuk nuk eshte pa baza, se fjala vjen, konsensus e kaluar konsensusit arriten fatosi e saliu ...

por kutija e pandores eshte hapur ... ironikisht ajo ka te beje me kutite e votave, per te cilat nuk flet asnje fjale artikull-shkruesi ...

popull i mesuar me sakrifica, me mungesa deri jetesore, me prona jo tek i zoti, me cenime skandal te te drejtave themelore, me mbajtje peng si puna e dosjeve; me hemorargji demografike konstante; me qendrim perbuzes ekstra-komunitaresh neper bote ... edhe voten qe e hedh, nuk eshte i sigurte dhe i bindur se ka shkuar aty ky e donti vullneti i tij ...

hapja e kutive nxjerr hajdutet e grabitesit e vullnetit te popullit, e ben procesin zgjedhor me transparent ...

[Xhuxhumaku]

Jaku: Të hyjmë në Parlament për betimin, kemi ngelur pa lekë

» Vendosur: 25/11/2009 - 08:58
•

Deputetët socialistë i kërkuan dje kryetarit të tyre të hyjnë në Parlament për të bërë betimin. Burime nga grupi thanë se disa nga deputetët kanë kërkuar të bëjnë betimin, sepse përndryshe atyre do t’u digjet mandati. Gjithashtu, ata kanë kërkuar që duhet të marrin dhe pagesat e tyre si deputetë. Deputeti socialist Ilir Gjoni mësohet të ketë kërkuar gjetjen e një mënyre për të hyrë në Parlament. Kësaj kërkese i është përgjigjur Fatmir Xhafa, i cili ka thënë se një zgjidhje e tillë është duke u menduar, duke lënë të kuptohet se deputetët mund të hyjnë në Kuvend për të depozituar projektligjin të firmosur nga mijëra qytetarë për hetimin e zgjedhjeve. Ndërsa deputeti i Qarkut të Lezhës, Gjokë Jaku, ka shprehur ankesën e tij ndaj qëndrimit për një kohë të gjatë pa rrogën e deputetit. “Nuk po e përballoj dot financiarisht këtë situatë. Dua të di kur do të hyjmë në Parlament të betohemi dhe të marrim rrogat, ose na thoni të kërkojmë ndonjë punë, sepse kështu nuk përballohet më”, është shprehur Jaku. Për të kundërshtuar Jakun është ngritur deputeti Sadri Abazi, por ka qenë Edi Rama që nuk ka dashur të thellohet më ky diskutim dhe nuk e ka lejuar Abazin të replikojë. Ndërkaq dhe deputetë të tjerë kanë diskutuar rreth shpenzimeve, që ata duhet të përballojnë për të shkuar në qarqet e tyre për organizimin e protestave. Kreu socialist i është përgjigjur shqetësimit të deputetëve. “Mos kini merak se nuk do të humbni mandatet tuaja dhe as do të hyjë njeri nga lista e PS-së për t’ju zëvendësuar. Kjo çështje do të zgjidhet para përfundimit të afatit”, është shprehur Rama. Ai ka sqaruar para deputetëve objektivin e ultimatumit dhënë qeverisë pak ditë më parë. Sipas tij: “Aksioni ynë pas mbarimit të afatit 10 ditor, nuk do të ketë më si qëllim hapjen e kutive, por zgjedhje të parakohshme”. Rama u ka kërkuar deputetëve që në 29 nëntor, të gjithë deputetët të jenë në bashkitë qendër qarku, ku bashkë me të gjithë përkrahësit tanë të festojnë çlirimin e vendit. “Njerëzit duan t’ju kenë afër pas protestës së madhe”, është shprehur Rama. Deputeti socialist Arben Malaj, i cili nuk ka folur gjatë mbledhjes së grupit, tha dje për "Panorama" se i qëndron mendimit se pjesëmarrja në parlament është e detyrueshme për të zhvilluar jetën politike opozitare, ndërsa shprehet kundër strategjisë radikalizuese të opozitës. sipas tij, kriza duhet zgjidhur sa më shpejt në parlament. Deputeti socialist Qemal Minxhozi ka kërkuar në mbledhjen e grupit që aksioni politik i opozitës duhet detajuar. "Nuk matet puna me numrin e pjesëmarrësve në miting apo antimiting", është shprehur Minxhozi.

panorama

[Xhuxhumaku]

Çekët: Njohëm rezultatin e zgjedhjeve

» Vendosur: 25/11/2009 - 08:58
•

“Vendimi i BE-së më 16 nëntor ishte njohja e rezultatit të zgjedhjeve të 28 qershorit”. Kështu deklaruan dje senatorët çekë, në takimin me kryetaren e Kuvendit të Shqipërisë, Jozefina Topalli. Përfaqësuesit e Komisionit të Integrimit në Senatin e Çekisë, vendi ku Kryeministri Berisha dorëzoi kërkesën për statusin e vendit kandidat, thanë se zgjedhjet në Shqipëri u njohën nga vendet anëtare dhe pranimi i kërkesës për statusin e vendit kandidat nga Këshilli i Ministrave të BE-së në 16 nëntor, ishte tregues i vijimit të dinamikës së integrimit të Shqipërisë. Kryetarja e Kuvendit tha se pranimi i kërkesës së Shqipërisë, vetëm gjashtë muaj pas dorëzimit të saj ishte një hap shumë domethënës në procesin tonë të integrimit. Topalli theksoi se po ashtu edhe liberalizimi i vizave, që pritet të bëhet vitin e ardhshëm është një arritje shumë e madhe e objektivave tona, brenda një kohe shumë të shkurtër.

panorama.

dujfso,

si thu , duan paret tona?

apokush e ka morr sanvicin tim?...

[tias]

Pjesmarresve ne protesta:

Ruani shtetin dhe mesohuni te dalloni tradhetine.

Mos bieni ne kurthe qe ne vend qe te jeni opozite ndaj pushtetit(qe eshte e drejte legjitime)
te beheni opozite ndaj shtetit(ndoshta edhe pa vetedije).

Tash jeni duke e bere kete te dyten.

[Xhuxhumaku]

Deputetët i ankohen Ramës: Të hyjmë në Kuvend, na duhen rrogat

BLERINA GJOKA


Edi Rama mblodhi dje grupin parlamentar për të diskutuar e vendosur për aksionin e mëtejshëm politik të kësaj partie. Por ajo që duhej të ishte një mbledhje politike, ku të debatohej rreth mënyrës së re të reagimit pas mbylljes së ciklit të protestave kundër qeverisë, ka rezultuar në një mbledhje ankesash nga deputetët për mungesën e rrogës së tyre si deputet pas vendimit për të bojkotuar Kuvendin. Tashmë që kanë kaluar 3 muaj nga vendimi për të bojkotuar sallën e Parlamentit, vendim që i ka lënë ata dhe pa privilegjet e deputetit, ata i kanë kërkuar Ramës t’u japë një përgjigje dhe sa kohë do të vazhdojnë kështu. Burime të sigurta nga mbledhja e djeshme e thirrur nga Rama rreth mesditës thanë për “standard” se që në nisje të mbledhjes disa deputetë kanë ngritur si problem çështjen e rrogave. Deputeti më i ri i PS-së, Gjok Jaku, i Qarkut të Lezhës mësohet të ketë thënë se “ne kemi nevojë për atë pagën e deputetit dhe sa kohë do të vazhdojë kështu kjo gjendje, ose na thuaj të bëjmë ndonjë punë tjetër”. Më tej, ai e ka paralajmëruar Ramën se nëse nuk jepet një afat për bojkotin, atëherë ai do të hyjë në Kuvend për të mos lënë t’i digjet mandati i marrë në zgjedhjet e 28 qershorit. Ndërhyrja e këtij deputeti ka rezultuar me vend, sepse të gjithë janë bërë pjesë e këtij debati. Kërkesa e tij sipas burimeve është pasuar dhe nga dy-tre deputetë të tjerë, kryesisht nga ata që janë zgjedhur për herë të parë, të cilët kanë ngritur të njëjtin shqetësim. Rama, ndoshta i papërgatitur për këtë sulm të të vetëve, pikërisht në momentin që ai e ka cilësuar si “kulm të revoltës popullore kundër qeverisë”, ai nuk ka reaguar ashpër, përkundrazi i ka përkrahur shqetësimet dhe i ka siguruar se mandati nuk do t’u digjej. Në këtë mënyrë Rama ose ka planifikuar një hyrje të afërt në Kuvend, se në ç‘rrethana nuk dihet, ose e kanë thënë sa për të kaluar radhën që të ruajë hëpërhë kompaktësinë në grup, ku deri më tani vetëm 5 anëtarë kanë dalë kundër publikisht. Këta 5 deputetë që e kundërshtojnë Ramën hapur dhe e cilësojnë gabim bojkotin politik dhe vazhdimin e protestave, kanë nisur të mos ndihen më në forumet e partisë, duke hequr dorë nga kërkesat e thirrjet e vazhdueshme ndaj kolegëve për reflektim. I vetmi që ka qenë në mbledhje dje nga grupi i 5 kundërshtarëve ishte deputeti i Vlorës, Arben Malaj, i cili në fakt nuk ka preferuar të flasë kur ka parë degjenerimin e bisedës në çështje rrogash.

Pas një mbledhjeje ku në qendër ishte halli i të ardhurave të deputetëve, Rama si për ironi doli dhe deklaroi se “grupi u mblodh dhe diskutoi në një kohezion të plotë e me një vendosmëri më të madhe se asnjëherë, për të vazhduar të udhëheqë lëvizjen e re popullore, e cila do të shkojë duke u zgjeruar, duke përfshirë gjithë Shqipërinë me protesta të pandalshme, në qoftë se Sali Berisha nuk do ta shfrytëzojë kohën që i kemi dhënë, për të reflektuar në funksion të forcës së arsyes e jo të arsyes së forcës”. Ndërkaq sipas Ramës, grupi vendosi që ditët e festave të mëdha kombëtare e fetare të kalojnë në qetësi pa protesta e mitingje të opozitës.



Xhafa zbulon skenarin e rikthimit në Kuvend



Projektligji për hetimin e zgjedhjeve të 28 qershorit, i cili do të firmosej nga mbështetës të kësaj nisme, akoma nuk ka parë dritën e diellit. Por duket se pikërisht ky draft ligjor do të jetë dhe shpëtimi i PS-së dhe do t’i hapë rrugë rikthimit të saj në Kuvend. Sekretari për Çështjet Ligjore në PS, Fatmir Xhafa, ka thënë dje në mbledhjen e grupit se një mundësi për t’u rikthyer në Kuvend është ditën që do të dërgohet ligji i PS-së për zgjedhjet. Duke u kthyer përgjigje deputetëve që kërkonin të dinin deri kur do të rrinin pa marrë rrogën që u takon si deputetë, Xhafa ka thënë se po diskutohen të gjitha mundësitë dhe rrethanat e rikthimit në Kuvend, ku një ndër mundësitë është koha kur PS të paraqesë në Kuvend ligjin për hetimin parlamentar të zgjedhjeve. Me anë të këtij drafti, PS do të kërkojë hapjen e kutive të votimit megjithëse duke vajtur në Kuvend duket se do t’i bindet shumicës, e cila pranon hetim parlamentar me një komision me shumicë të majtë, por pa dalë mbi vendimet e gjykatës, që do të thotë jo hapje të kutive. Ligji në fjalë ka disa javë që po firmoset, megjithëse militantët e PS-së kanë firmosur në fletë të bardha, pasi drafti është në zyrën e Xhafës dhe nuk posedohet nga ata që duan të firmosin për të.


25/11/2009

standart.

dujfso,

kangel pa leke deputetet,...e lane ne balte romn

[Duaje Siveten]

Shekulli, 25/11/2009

Lukashenko ante portas!

Naser Aliu

"Kur ke të drejtë, mund t´ia lejosh vetes ta ruash durimin, kur nuk ke të drejtë,
nuk mund t´ia lejosh vetes ta humbësh atë..." Gandi

Enveri organizoi kryengritje, ndihmoi në çlirimin e vendit, i shpalli disa heronj, disa tradhtarë dhe e zaptoi pushtetin përgjithmonë. Kryeministri i sotshëm ishte anëtarë i zellshëm i asaj partie. Ai braktisi Partinë e Punës, luftoi për demokraci dhe si Enveri shpalli veten liberator deri në vdekje.

Për të mbetur në pushtet Enveri prodhoi armiq. Ai i shpallte kundërshtarët e vet "armiq të komunizmit"! Sali Berisha sapo ka shpallur gjysmën e popullit "armik të demokracisë". Enveri nuk hapte dosjet, dosjet nuk i hap as Sali Berisha. Enveri nuk lejonte të hapen kutitë, kutitë nuk mund të hapen as në kohën e Salisë! Enveri kërcënohej në komunizëm, kërcënohet edhe Sali Berisha në demokraci! Kjo në fakt nuk është demokraci por: "Ejani të luajmë demokraci. Ti humb, unë fitoj! Ky është rregulli! Unë e kam rrëzuar nga pushteti partinë time të parë, prandaj kam monopol mbi shtetin deri në vdekje! "

Edhe te Enveri kishte gjykata, që gjykonin sipas dëshirës së tij. Edhe sot në Shqipëri Gjykata vendos si i pëlqen Qeverisë. Mirëpo, kjo dëshmon se demokracisë shqiptare i mungojnë instrumentet demokratike për ta zgjidhur një çështje si duhet! Në këto kushte, është populli që ndryshon rendet shoqërore, fshin gjykatat dhe dëbon qeveritë e padrejta. Gjykatë më të madhe se sa vullneti i popullit nuk ekziston, askund në botë!

Saliu thotë se është i gatshëm të bashkëpunojë me opozitën me një kusht: të mos kërkojë kurrë hapjen e kutive. As tash, as në vitin 2013, as në vitin 2017. Kur flet për opozitën duket se po flet për Byronë Politike. Enveri për të mbetur në pushtet, si edhe Tito, përkujtonin çlirimin e vendit nga nazizmi. Sali Berisha njëzet vjet më vonë përkujton rrëzimin e diktaturës dhe këtë meritë e merr vetëm për vete! Madje, sipas tij, komunizmi është pas dere dhe këtë rrezik mundet me sukses ta largojë vetëm ai!

Sipas tij, monopol mbi shtetin kanë vetëm ata, që para njëzet viteve u ngritën kundër Partisë së Punës! Nuk flitet kundër atyre që e meritojnë të akuzohen, por tani sulmohen të rinjtë si pinjoll të tyre, edhe pse këta nuk kanë bërë gjë të keqe. Në të drejtën zakonore të Ballkanit faji transferohet prej brezin brez! Jo në demokraci! Në demokraci çdo njëri përgjigjet për fajin e vet! Fajtorët e djeshëm ose janë në pension ose kanë vdekur. Ata nuk akuzohen dhe akuzohen të pafajshmit ?! Kjo është demokraci e re, e llojit të vet! Demokraci autoktone! Ballkanike!

Ai edhe pse nuk është dentist, donë t´i shkulë dhëmbët opozitës, jo me një goditje, por një nga një! Ec e vizito një vend, ku kryeministri u shkulë dhëmbët atyre që duhet të jenë të barabartë me të. Kryeministrit të mundshëm të shtetit, për shembull! Ec e shko aty ku kardiologu shkul dhëmbë!

Ky fjalor, këto shprehje, këto mendime, këto deklarata, nëse përkthehen në Perëndim, atëherë edhe vetë politikanët perëndimorë do kenë frikë të vijnë në Shqipëri, edhe pse këta i kanë dhëmbët e siguruar. Për turistët të mos flasim. Kush do të pushonte në një vend që paska bhë kryeministër që me darë i shkulë dhëmbët dhe nofullat opozitës, si Idi Amini ?! Nëse mendohet se policët duhet t´i bëjnë këto operacione pa anestezi, atëherë policia duhet ta refuzojë urdhrin sepse nesër mund të dënohet! (sot u kthye një mik nga Shqipëria dhe u trishtova kur e pashë se i mungonte një dhëmbë para! Ia paska nisë, thash me vete!)

***

Pamjet që do t´i shohim në protestat e ardhshme të organizuar nga Qeveria, do të jenë skena filmike që i kemi parë edhe më parë nëpër Ballkan. Edhe Milloshevici organizonte protesta pozita kundër opozitës! Matje e tensionit dhe forcave!
Zakonisht nëpër protesta ballkanike fanatikët partiak, qoftë për të mbrojtur interesat vetjake, qoftë nga devotshmëria ekstreme ndaj një lideri, dinë të përdorin edhe forcën, madje edhe të prodhojnë heronj në kohë paqeje. Meqenëse është gati traditë dhe gati e shndërruar në një të drejtë zakonore ballkanike, atëherë në protestat e ardhshme mund të priten edhe lëndime, edhe arrestime dhe për ta fajësuar opozitën, duhet edhe ndonjë sakrificë, në mënyrë që partitë opozitare të akuzohet në mënyrë sa më efektive. Me rëndësi është stigmatizimin i tyre dhe ndërtimi i ndonjë përmendore! "Ra për demokraci!" Në fakt bie për mbrojtjen e vjedhjes! I rëni fiton një përmendore, kryeministri përforcon pozitën!

Njerëz që janë të gatshëm të vdesin për një parti në Ballkan ka shumë, mirëpo pak janë ata që luftojnë për drejtësi dhe shtet ligjor!

***

Një kryeministër që e din se në vitin 2013 do të fitojë zgjedhjet, se në vitin 2017 do t´i fitojë zgjedhjet, nuk ka arsye t´i organizojë ato. Në raste të tilla është më mirë të ruhen kutitë, të shpallen të shenjta dhe çdo katër vjet të rinumërohen dhe populli mund të rrijë në shtëpi! Pse të lodhet edhe të krijojë iluzione!? Në fakt edhe numërimi është i tepërt, por mund "të luhet demokracish..."

Polarizimi është në rritje dhe nëse adhuron drejtësinë, shtetin ligjor, demokracinë e vërtetë, ka rrezik të shpallesh armik i kombit dhe i demokracisë! Pa një pa dy të shpallin stalinist, respektivisht pinjoll i tij! Ta duash Shqipërinë demokratike, transparente dhe të drejtë nuk bën, duhet ta duash një parti! Cilën? Natyrisht atë që është në pushtet! Qeveria nëse nuk këndellet, nëse nuk ndryshon tonin dhe fjalorin, mund t´i humbë të gjithë simpatizantët e vet! Edhe votuesit, edhe kuazidemokratët! Edhe demokratët!

Anëtaret e Partisë Demokratike duhet të tregojnë pjekuri qytetare dhe të kërkojnë hapjen e kutive, për shkak të drejtësisë! Anëtarët e PD duhet t´i dërgojnë një sinjal Evropës se nuk mund të keqpërdoren për disa karrige, por se janë popull që mbrojnë vlerat demokratike, qoftë edhe kundër partisë së vet! T´i tregojnë se janë të gatshëm të bëhen pjesë e Evropës së civilizuar! Ata duhet të kenë kuptuar se diçka nuk është në rregull me votat e qytetarëve. Ata duhet të solidarizohen me opozitën dhe luftojnë për ta mbrojtur demokracinë! Me këtë mbrojnë të drejtën e vet, demokracinë e vërtetë. Sot kundër sjelljeve të PD, nesër nëse ka nevojë, kundër PS!

Anëtarët e PD dhe votuesit e saj duhet të kuptojnë se marrëveshja detare ka prapavijë! Pse heshtin? Ata duhet të ngrihen tok me opozitën, sepse ai që toleron vjedhjen e detit dhe të votave sot, ai përforcon dhe legjitimon padrejtësinë nesër.

Saliu thotë se do të festohet muri i Berlinit. Muri shqiptar i Berlinit në Tiranë! E si mund të jetë muri i Berlinit mur shqiptar?! A ka te drejtë morale dikush të kremtojë rrëzimin e një rendi të padrejtë, duke bërë vetë padrejtësi në rendin tjetër ku duhet bashkëpunimi, mirëkuptimi dhe transparenca!? A ka të drejtë të protestojë dikush që dhunon proceset demokratike? A ka të drejtë të protestojë hajni i bankës kundër zbulimit të gjurmëve në një bankë?

Sipas analogjisë, çdo hajn mund të revoltohet dhe të kërkojë mbajtjen e plaçkës! Sot, PD dhe partitë picërr rreth saj po luftojnë për ta mbajtur prenë! Ky është shembull tragjik! A protestohet për moshapjen e kutive apo do të protestohet për ta zhytur vendin në një kaos qytetar?! Natyrisht se mitingu i paraparë nuk i dedikohet rrëzimit të murit të Berlinit, as rrëzimit të komunizmit, por synohet ndërtimi i ri i murit shqiptar. Natyrisht se qëllimi është të maten forcat me opozitën: të manipulohet populli. Do të bëjnë gjithçka që numri të jetë sa më impozant dhe për qeveritarët do t´ishte e preferueshme atë ditë të ketë edhe ndonjë viktimë! Ndoshta e dinë edhe emrin e ndonjë kamikazi, që do të flijohet për karriget e qeverisë.

Protestat e ardhshme të qeverisë tregojnë për politikën paranoike, infantile dhe politikën e inatit. Ato flasin edhe për ethet dhe dezorientimin e qeverisë. Kjo mund të dëshmohet me deklaratat e tyre!

Kryeministri sipas përvojës që ka, duhet të tregojë se sa ithtarë naiv do t´i sakrifikojë për të mbetur në pushtet me vota të paverifikuara. Sa njerëz do të dalin në protesta për të brohoritur se vjedhja në Shqipëri është normale, zakon, traditë dhe i lejohet edhe organeve qeveritare, administratës dhe atyre ekzekutive. Ata që dalin do të mbrojnë vjedhjen! Ata që dalin në mitingun e ardhshëm për ta festuar "murin shqiptar të Berlinit", ata do të keqpërdoren për ekskomunikimin e opozitës. Aty ku nuk ka opozitë, ka diktaturë: klane dhe grupe të interesave!

Me murin e Berlinit nuk fitohet simpatia e Gjermanisë dhe Perëndimit. Simpatia e tyre fitohet me demokraci dhe nuk mund askujt t´i mbushet mendja se luftohet korrupsioni, mafia dhe abuzimet tjera në shoqëri, kur me këmbëngulje mbrohet vjedhja vetjake: pa analizuar dëmin dhe pasojat që mund të sjellë ky qëndrim. Ata e quajnë opozitën mafie. Nëse opozita qenka mafioze, ju jeni shteti, atëherë si keni toleruar qe mafia të rritet aq shumë? Nëse opozita qenka mafioze, pse atëherë pranohet bashkëpunimi me mafien, nëse ajo nuk kërkon hapjen e kutive? Pse shteti shqiptar kërkon të bashkëpunojë me mafien, pra?

Nuk fitohet simpatia e shqiptareve nëse vazhdimisht u përkujtohet komunizmin barbar i djeshëm, për të fshehur krimin mizor të sotëm! Nuk fitohet simpatia pas njëzete vjetëve duke rikujtuar gogolin komunist, ku kryeministri ishte anëtar kompatibël i partisë shtypëse.

Zakonisht në vendet perëndimore politikani kur arrin t´i zbatojë idealet e veta, atëherë tërhiqet nga politika pa shkaktuar një dramë nacionale. Shpesh politikani ballkanik nuk largohet nga pozita ku është ngulur një herë, nëse nuk e shkul populli!

Duket se nervosa e kryeministrit është e papërmbajtshme, ndoshta edhe pse Edi Rama nuk ka qenë anëtar i Partisë së Punës, si ai. Sigurisht si udhëheqës të opozitës do ta kishte parapëlqyer Fatos Nanon, sepse ai është më i lëndueshëm! Si t´i besohet këtij kryeministri kur ndaj kundërshtarit politik shqiptar, sillet me më pak mirëkuptim, se sa për nevojat e armatës serbe, apo për nevojat e shteti grek? Si t´i besohet kur sillet aq ulët, aq vrazhdë kundër më shumë se gjysmës së popullit?

Çdo shqiptar i sinqertë në këto çaste ka vetëm një lutje: Mos iu shkultë Shqipërisë asnjë dhëmbë, e as Sali Berishës. Kjo është urata e vetme që mund të bëjë njeriu me mendje të shëndoshë sot!

[ujnd]

ku di klani i rames per progres apo regres, ata jan nje tuf hajvanesh qe po mundohen ti ven zjarrin shqiperis. fjalor i arsyes nuk eshte per ta, ata njohin vetem fjalor sharjesh, ofendimesh dhe dhune. sa me i arsyeshem te tregohesh aq me te terbuar behen ata, ashtu si baballaret e tyre qe dikur i kercisnin dhembet arsyes dhe urtesise dhe bijt e tyre sot socialiste kercenojne. Do ti kushtoje popullit shpiptar kjo gje edhe shum vjet derisa keta te mallkuar te zhduken nga skena politike njeher e pergjithmone, te zhduken nga shqiperia bashke me miljonat qe kan xhvatur.