Rama: Jo dialogut, Po protestave në gjithë vendin

[Brari]

AKTUALITET
Ministri Olldashi: Rama ia shiti tokën shtetërore pranë Tajvanit, klientit të tij
23-11-2009 / Gazeta 55


Konferenca e plotë për shtyp që dha sot Ministri i Punëve Publike, Transportit dhe Telekomunikacionit z. Sokol Olldashi



Jam përpara jush për të denoncuar një skandal të abuzimit kriminal me pushtetin dhe të vjedhjes së qytetarëve as më shumë e as më pak por nga vete kryetari I Bashkisë z. Edi Rama. Unë po ju paraqes një dokument të cilin z.Rama me datë 7 mars 2005 ka autorizuar një nënpunëse të Bashkisë të lidhë një kontratë me shoqërinë “Tajvan”. Objekti i kontratës është shitja e një trualli prej 1310 m2 kësaj shoqërie, gjë që përbën një abuzim skandaloz me pushtetin dhe një rast të vjedhjes së hapur të pasurive të qytetarëve të Tiranës dhe qytetarëve shqiptar. Kam perpara kontraten e shitjes se pasurise se paluajteshme, ku ne nenin 83 te Kodit Civil thuhet: “Veprimi juridik per kalimin e pronesise se sendeve te paluajteshme dhe te drejtave reale mbi to duhet bere me akt noterial”. Kjo perben bazen ligjore dhe neni 705: “Kontrata e shitjes qe ka per objekt kalimin e pronesise se nje sendi”.Nuk ka asnje mbeshtetje ligjore vete akti ose shitja e truallit shteteror nje qytetari apo nje shoqerie sic eshte ne rastin konkret shoqeria “Tajvan sh.p.k”.Ose sic thuhet ne objektin e kontrates ne piken 1.1 - Shitja e truallit me siperfaqe 1310 m2.Kete siperfaqe publike Kryetari I Bashkise nga publike e ka kthyer ne toke te Besos, nga toke e qytetarve te Tiranes eshte shnderruar ne nje toke te nje njeriu te afert te rrethit te Z.Rama, nje klienti frekuent te bashkise, nje miku financiar dhe politik te kryetarit te Partise Socialiste.



A ka qene ne dijeni Bashkia e Tiranes qe trualli eshte shteteror? Ne nje shkrese te 9 marsit 2005 firmosur nga Regjistruesi i Pergjithshem i asaj kohe Gazmend Zeneli , saktesohet se kjo prone figuron shtetërore. Pra Bashkia e Tiranes ka qene ne dijeni te faktit qe kjo toke ishte toke shteterore dhe megjithate ne kundershtim me ligjin e ka shitur ate. Pse ne kundershtim me ligjin? Sepse ka te pakten dy shkelje flagrante te ligjit. I pari qe eshte ligji i vitit 2005 per shitblerjen e trojeve neni 3 ne te cilin thuhet: “Ndalohet shitja dhe shitblerja e trojeve publike deri sa te perfundoje kompesimi fizik I ish pronarve. Kalimi i trojeve te lira nga prone shteterore ne prone private lejohet vetem ne rastet qe vijojne; per ndertimin e banesave me qellim te lirimit te banesave te ish pronareve, dhe rasti i dyte eshte me vendim te Keshillit te Ministrave per shitje me synim investime shume te rendesishme per vendin. Z Besnik Sula nuk ka bere ndonje banese atje por ka bere nje aktivitet fitimprurës. Gjithashtu Tajvani nuk eshte ndonje investim shume i rendesishem per vendin duke qene se ne Tirane ka te pakten 3 mije kafene te tjera. Ka dhe nje shkelje tjete flagrante te nje tjeter ligji e ne kete rast te Kodit Civil. Ne nenin 195 te tij thuhet: “Pasurite e paluajtshme dhe te drejtat reale mbi to qe jane fituar dhe njohur sipas dispozitave te ketij kodi nuk mund te tjetersohen dhe kur eshte rasti te ngarkohen me barre ne rast se nuk eshte bere rregjistrimi I tyre ne Rregjistrin e Pasurive te Paluajtshme. Sikurse u deshmua permes shkreses se Zyres se Rregjistrimit te Pasurive te vitit 2005, kjo pasuri figuronte pasuri - shtet dhe jo pasuri e lire. Kjo eshte dosja dhe dokumentacioni i plote i nje abuzimi skandaloz me pushtetin nga Kryetari i Bashkise. Thene me hapur eshte nje dosje ku verifikohet dhe vertetohet qe nepermjet perdorimit te pushtetit per interesa thellesisht private kryetari i bashkise u ka vjedhur qytetareve te Tiranes 1310 m2 mu ne zemer te kryeqytetit ose shprehur ne vlefte lekesh i ka vjedhur 2.6 milion euro sepse kjo toke I eshte shitur Besos me 120 mije lek te vjetra apo 12 mije lek te reja. Pra me me pak se 100 euro m2 mu ne zemer te kryeqytetit.Kur vlera duhet te ishte minimalisht te pakten 2 mije euro. Pra edhe ne vlere eshte vjedhur pervecse nuk ka patur te drejte ta shese ja ka shitur me nje cmim qesharak duke bere qe qytetareve te Tiranes ti grabiten 2.6 milion euro ose 3.7 miliard leke. Jane vjdhur e i jane dhene Besos se Tajvanit, pra lidhjeve politike dhe financiare te kryetarit te Bashkise. Keto jane interesat dhe vetem keto mbron Edi Rama sot.Keto jane interesat kriminale te klanit te tij por nuk jane interesat e qytetareve shqiptare nuk jane interesat e publikut shqiptar. Gjej rastin te ftoj te gjitha institucionet e zbatimit te ligjit ta marrin ne disponim kete dosje ta shqytojne dhe ti japin pergjigje. 2.6 milion eurove apo 3.7 miliard lekeve te qytetareve jane shume per tu falur qofte edhe nga kryetari i Bashkise.



(Shënim: Ditë më parë, lidhur me abuzimet që Edi Rama kishte kryer tjetërsimin e tokës shtetërore ku është ngritur "Tajvani" , gazeta jonë ka publikuar një speciale katërditore, të cilën mund ta gjeni në arkivën e gazetës, në www.gazeta55.al)

...

[Albo]

Shprehni mendimin tuaj per protestat, dhe lini hapesire per anetaret e tjere te shprehin mendin e tyre. Nuk eshte nevoja te replikoni me njeri-tjetrin per bindje personale apo per gjera qe nuk kane lidhje me temen.

Albo

Replikat u fshine.

[drague]

PS e paqartë, kërkon apo jo rinumërim


Partia Socialiste ka hyrë në kulmin e protestimit të saj ndaj zgjedhjeve të fundit parlamentare dhe akoma nuk ka qartësuar nëse kërkon rinumërim votash apo vetëm hetim parlamentar për zgjedhjet. Nëse “hapja e kutive” është përdorur si një argument i fortë me të cilin ajo përplaset me mazhorancën aktuale në pushtet, kjo ka ndodhur pas me hapje të kutive, logjikisht kuptohet rinumërim votash. Por në fakt nga goja e zëdhënëses së partisë vetëm dje pas protestës dyditore në sheshin para Kryeministrisë është artikuluar fjalia se “nuk kërkojmë rinumërim votash por hetim të zgjedhjeve”. Për një moment u duk sikur ujërat u qetësuan, PS u tërhoq duke i hapur rrugë kusht u hetimit parlamentar gjë të cilën as mazhoranca nuk e ka kundërshtuar. U duk si një paradoks qëndrimi se “nuk duam rinumërim” në një kohë që kreu i partisë, Edi Rama, kishte tri ditë që këmbëngulte se pa u hapur kutitë PS nuk heq dorë nga protesta dhe bojkoti. Dhe në të vërtetë PS, rendi ta rregullojë qëndrimin duke dhënë dhe një tjetër qëndrim dhe më të paqartë, ku kërkohej hetim i numrit të votave, por jo rinumërim. “Në emër të opozitës sqaroj se është Sali Berisha që e mbështet mbi mashtrimin moshapjen e kutive, jo opozita. Ne nuk kërkojmë rinumërim të votave po hetim të zgjedhjeve. Ne s’kemi punë me vendimin e gjykatës për zgjedhjet, po me të drejtën e Parlamentit për të hetuar me ligj procesin zgjedhor”, - tha dje pasdite Armela Imerja, zëdhënëse e PS-së. Por pasi të gjitha mediat u fokusuan tek tërheqja e PS-së dhe solli reagimin e PD-së, e cila i kujtoi se për hetimin e ka rrugën hapur, ajo nxitoi ta rregullojë qëndrimin duke u shprehur se “e kemi thënë gjithnjë nuk duam rinumërim të votave për efekt të mandateve, po hetim të zgjedhjeve, duke filluar sigurisht nga kutitë, nga hetimi i numrit të votave, nga listat e votuesve dhe procesverbalet në kuti”.



Vendimi

Deputetët mbështetës të Edi Ramës në PS, pasi qëndruan për dy net para Kryeministrisë, kanë vendosur që t’i ndërpresin përkohësisht tubimet duke i rinisur ato më datë 5 dhjetor. Siç bëhet e ditur nga grupi organizues i mitingjeve, më 5 dhjetor Rama do të dalë në shesh me bashkiakët dhe komunarët socialistë, duke shënuar një protestë të pushtetit lokal të drejtuar nga PS. Ndërkaq është krijuar precedent me marrjen e administratës së këtyre bashkive në mënyrë të detyruar në protestat që bën PS-ja. Rama dje foli me një gjuhë të ashpër, duke thënë se i lë dhe 10 ditë afat qeverisë. “Sot Shqipëria nuk është më ajo e 48 orëve më parë. Populli opozitar më i bashkuar për lirinë dhe më i shumtë në numër se asnjëherë për të drejtën sovrane, ka shkruar në formë ultimative kërkesën e tij për qeverinë: të hapen kutitë e votimit, ose vala e protestës do të hapet në gjithë Shqipërinë, deri në largimin e qeverisë”, - deklaroi kreu i PS-së.







standart
23/11/2009

hajt se po replikojm me copypaste.

[Albo]

Meta: “Protesta e Partisë Socialiste, si ftesa e Pezës”

Zëvendëskryeministri Ilir Meta e ka cilësuar protestën e socialistëve si festën që organizon Rama çdo vit në Pezë. Ndërsa ka komentuar ultimatumin e dhënë nga kreu u PS-së, Meta është shprehur se nuk mund të merret pushteti me dhunë. “Të jeni të sigurt që këtu, në radhë të parë, ka vend që këta zotërinj të reflektojnë dhe të kuptojnë që nuk merret pushteti me forcë, nuk merret pushteti me dhunë, nuk merret pushteti me ultimatume, sepse çështja e kutive është alibia e tyre. Ju thashë pak më parë, se kutitë i ka hapur vetë z. Rama, i ka firmosur vetë, i ka vulosur vetë, me 20 mijë komisionerë në të gjithë Shqipërinë. Kjo është vetëm një alibi për të bërë rrëmujë në Shqipëri. Po të jeni të sigurt që qytetarët shqiptarë do të distancohen, sikurse janë distancuar qartë nga këto rrëmuja. Shqipëria ka nevojë për stabilitet dhe shqiptarët duan që të zgjidhen më mirë problemet e tyre”, - është shprehur Meta. Ai ka bërë të ditur se qeveria është e gatshme të dialogojë, por vetëm për kërkesa kushtetuese të PS-së. “Qeveria ka qenë dhe është e hapur vazhdimisht, por ultimatumi nuk mund të quhet dialog. Ultimatumi është ultimatum, vihet data dhe më pas konsiderohet i skaduar. Dialogu do të thotë që të shqyrtohet çdo kërkesë e ligjshme, ndërkohë që kërkesa për hapjen e kutive është e paligjshme është antikushtetuese, dhe këta zotërinj jo se kanë hallin e kutive, sepse vetë i kanë numëruar dhe certifikuar ato, por duan një alibi për rrëmujat në këtë vend, kur qytetarët duan qetësi dhe normalitet”, - është shprehur Meta, ndërsa ka ironizuar protestën e PS-së: “Edhe kjo hakmarrje që këta duan të bëjnë ndaj qytetarëve, meqenëse ata u distancuan nga weekend-protesta e Pezës, sepse kjo ishte festa e Pezës, por u bë në Tiranë, dhe tani nuk mund të hakmerren ndaj qytetarëve duke ndërprerë shërbimet nga pushteti vendor që drejtojnë vetë”, - është shprehur Meta.

Albania
24 Nentor 2009

[Albo]

Patozi: “Rama po kërkon të përmbysë themelet e demokracisë”

Grupi Parlamentar i Partisë Demokratike ka reaguar dje në lidhje me ultimatumin i kryetarit të Partisë Socialiste, Edi Rama. Kryetari i deputetëve demokratë, Astrit Patozi, u shpreh se Rama, nëpërmjet ultimatumit të tij, përpiqet të shembë themelet e demokracisë. “Rama i dha dje një ultimatum 10-ditor qeverisë dhe maxhorancës së dalë nga zgjedhjet me certifikim planetar të 28 qershorit, të cilat përmbushën standardet kryesore të OSBE/ODIHR-it dhe për të cilat nuk pati asnjë provë për manipulim rezultati apo numërim të parregullt. Sipas zotit Rama, në rast se maxhoranca nuk pranon diktatin dhe kërcënimin e tij për rinumërim të votave, qeveria do të përmbyset me dhunën e rrugës. Grupi Parlamentar i Partisë Demokratike e denoncon ultimatumin e zotit Rama, me të cilin ai po kërkon të përmbysë themelet e sistemit demokratik, duke e konsideruar atë një akt sa qesharak, aq edhe domethënës”, - deklaroi Patozi. Sipas tij, për deputetët e Partisë Demokratike, motivet e këtij kërcënimi janë fare të qarta. “Për të arritur deri këtu, zoti Rama është frymëzuar nga familja e tij historike dhe ideologjike, ati i tij shpirtëror, Enver Hoxha, daja dhe babai i vet biologjik, Spiro Koleka dhe Kristaq Rama. Por ky ultimatum inspirohet gjithashtu edhe nga familja e tij mafioze e Don Gramozit, Kokëdhimës dhe të tjerë si ata. Kjo thirrje për të përmbysur me forcë rendin kushtetues dëshmon se ky pinjoll i diktaturës komuniste dhe njëkohësisht bos i familjes më të rrezikshme mafioze të vendit po kërkon dhunojë vullnetin e shqiptarëve e shprehur me zgjedhje të lira më 28 qershor”, - tha më tej Patozi. “Ne i themi kryetarit të Partisë Socialiste se me dhunë dhe me ultimatume ke vetëm një rrugë: të firmosësh fundin e turpshëm dhe të pashmangshëm politik, për vete dhe për frymëzuesit e tu”, - përfundoi Patozi.

Albania

[PLAKU]

Basha: Protestat e PS, thirrjet për dhunë do marrin përgjigje ligjore
Ministri paralajmëroi një fazë të re të luftës së Policisë së Shtetit kundër krimit dhe mafias
Ministri i Brendshëm, Lulzim Basha theksoi dje se thirrjet e turpshme për nxitje dhune gjatë protestave të Partisë Socialiste do të marrin përgjigjen e merituar. Duke iu përgjigjur interesit të medias mbi thirrjet që janë bërë gjatë mitingut të PS për nxitje dhune, Basha ka theksuar se aktivizimi i kontingjentit kriminal nuk do të tolerohet. "Policia e Shtetit ka garantuar dhe do të vazhdojë të garantojë në mënyrën më të plotë të drejtat kushtetuese të çdo qytetari dhe të çdo force politike për protesta paqësore. Dhuna dhe thirrjet për dhunë do të marrin përgjigjen e merituar ligjore. Aktivizimi i kontingjentit kriminal nuk do të tolerohet. Ndaj bëj thirrje që të shkurajohet dhe të hiqet dorë nga aktivizimi i këtij elementi kriminal, përndryshe pa asnjë pikë hezitimi mbi ta do të vijë dora e rëndë e ligjit", është shprehur Basha. Ministri i Brendshëm i bëri këto komente gjatë një ceremonie, ku u dhuruan disa pajisje për trajnime mbi taktikat mbrojtëse të programit ICITAP, ku ishte i pranishëm edhe ambasadori i SHBA, Uithers. Gjatë këtij takimi, Basha paralajmëroi një fazë të re të luftës së Policisë së Shtetit kundër mafias dhe krimit të organizuar. "Ligji 'Antimafia' dhe ligji për konfiskimin e pasurive janë mjete të reja ligjore në luftën e pashtershme të Policisë së Shtetit kundër krimit të organizuar. Një fazë e re ka nisur në luftën kundër mafias. Kjo luftë do të fitohet nga Policia e Shtetit. Në bashkëpunim me partnerët tanë ndërkombëtarë, në javët dhe muajt e ardhshëm, ne do të intensifikojmë goditjen ndaj krimit të organizuar duke shënuar nivelet më të larta të kësaj lufte", u shpreh ministri Basha. Ndërkohë që pajisjet, si kostume taktike, pistoleta mësimore, thika e shkopinj mësimore, dyshekë të palosshëm, mburoja etj., iu dhuruan Qendrës së Formimit Policor. Basha theksoi se përvoja amerikane që po fiton Policia e Shtetit është një nga praktikat më të mira ndërkombëtare të shërbimit policor. Ndër të tjera, kreu i Ministrisë së Brendshme vuri në dukje se avancimi i policisë shqiptare drejt standardeve euroatlantike është padyshim një meritë e padiskutueshme e kontributit euroatlantik dhe në këtë rast, qeverisë së SHBA, për pajisjen e policisë me mjete dhe sisteme bashkëkohore dhe trajnimin me metodat më të përparuara të policimit.

Buxheti, mbështetje e mjaftueshme për plotësimin e kritereve për liberalizimin e vizave

Ministri i Brendshëm, Lulzim Basha deklaroi dje në Komisionin parlamentar për Sigurinë Kombëtare se buxheti i vitit 2010 siguron mbështetjen e plotë financiare për realizimin e objektivave të Ministrisë së Brendshme në drejtim të forcimit të rendit e sigurisë publike, luftës kundër kriminalitetit dhe trafiqeve të paligjshme dhe në veçanti për mirëfunksionimin e sistemeve të instaluara në kuadër të plotësimit të kritereve për liberalizimin e vizave me BE. Gjatë prezantimit të projektbuxhetit, ministri Basha tha se funksionimi i sistemeve TIMS, MEMEX, etj., ka qenë dhe mbetet prioritar, pasi jo vetëm siguron plotësimin e kushteve për liberalizimin e vizave dhe integrimin europian, por edhe përmbush plotësisht objektivat e qeverisë për intensifikimin e mëtejshëm të luftës ndaj krimit, korrupsionit dhe sigurinë e kufijve. "Në buxhetin e vitit 2010 sigurohet mbështetje e plotë teknike e këtyre sistemeve. Në buxhet gjejnë mbështetje financiare funksionimi dhe mirëmbajtja e sistemeve të informacionit si TIMS, MEMEX, RMIS dhe DATACOM, mirëmbajtja dhe funksionimi i sistemeve të identifikimit dhe të gjurmimit të provave, laboratori i policisë shkencore, rritja e kapaciteteve të strukturave të hetimit të krimit në luftën kundër krimit të organizuar dhe trafiqeve, siguria e kufijve, kontrolli i dixhitalizuar i trafikut rrugor dhe përmirësimi i kushteve të punës, të cilat janë prioritetet kryesore të investimeve për vitin 2010", deklaroi ministri i Brendshëm, Lulzim Basha. Sipas tij, menaxhimi i integruar i kufirit nëpërmjet sigurimit dhe garantimit të kufijve të hapur dhe të sigurtë, lehtësimi dhe lëvizja e lirë e qytetarëve, bashkëpunimi mes gjithë aktorëve dhe agjencive të përfshira në kontrollin e kufirit, janë ndër objektivat kryesore të buxhetit për vitin 2010. Në lidhje me luftën kundër të gjitha veprimtarive kriminale, ministri Basha vlerësoi se infrastruktura e re ligjore, si ligji i "Antimafias" dhe kuadri ligjor për konfiskimin e aseteve, bëjnë të mundur ngritjen e luftës kundër krimit të organizuar në një nivel të ri dhe rritjen e terrenit armiqësor ndaj çdo përpjekjeje për të përdorur territorin shqiptar apo kufijtë shqiptarë për aktivitete kriminale. Ministri Basha u shpreh se Policia e Shtetit, me këto instrumente ligjore në dispozicion si dhe teknologjinë e përmirësuar në nivel qendror dhe lokal, me një ristrukturim dhe ritrajnim të plotë të të gjithë komponentëve të saj, do të jetë në gjendje të përballojë kërkesat dhe objektivat e vëna për vitin 2010 lidhur me intensifikimin e luftës kundër krimit të organizuar e trafiqeve, mbajtjes dhe qëndrueshmërisë së rezultateve pozitive dhe thellimin e bashkëpunimit rajonal. Basha informoi anëtarët e Komisionit Parlamentar për Sigurinë Kombëtare edhe mbi disa aspekte të rëndësishme të performancës së Policisë së Shtetit. Ndër të tjera, ministri Basha informoi se Shqipëria renditet në vendet e para përsa i përket kërkesave për ekzekutim fletë arrestesh, drejtuar Interpolit, por edhe e para përsa i përket ekzekutimit të kërkesave të ardhura nga vendet anëtare. Raporti i fundit i Qendrës për Zbatimin e Ligjit në Vjenë e rendit Shqipërinë si një nga vendet që mbart peshën kryesore në luftën kundër krimit të organizuar dhe trafiqeve ndërkombëtare në rajonin e Ballkanit në tërësi. Ministri i Brendshëm iu përgjigj edhe interesimit të anëtarëve të Komisionit Parlamentar për Sigurinë Kombëtare për parashikimin buxhetor për përmirësimin e kushteve të punës dhe të stërvitjes dhe performancën e Policisë së Shtetit, duke informuar se buxheti përmbush në mënyrë domethënëse nga ana financiare realizimin e këtyre objektivave.
Bota Sot

[PLAKU]

Pinjollëve të diktaturës u dridhet toka nën këmbë
Kryeministri paralajmëron një përkujtim madhështor të ditëve historike të dhjetorit ‘90
Data 8 dhjetor, një ditë e shënuar në memorien e çdo qytetari shqiptar, në veçanti të atyre shqiptarëve që rrëzuan muret e regjimit hoxhist do të jetë festa e shembjes së "Murit të Berlinit", në Tiranë. Gjatë mbledhjes së Grupit parlamentar të Partisë Demokratike, Kryeministri Berisha theksoi se këtë vit, Europa dhe Bota festoi 20-vjetorin e rënies së Murit të Berlinit, por Shqipëria e kishte 19-vjetor, sepse rrëzimi i këtij muri në Shqipëri ndodhi një vit më vonë, për arsye se klika në pushtet ishte e tipit më të egër, më barbare, më mizore. Duke u rikthyer tek vitet '90, atëherë kur "Murin e Berlinit" në Tiranë e rrëzuan mijëra e mijëra djem e vajza të rinj që u futën në ambasada, Berisha theksoi se e vërteta është që nomenklatura e atëhershme ia doli ta rivendosë atë. Në këtë aspekt, Kryeministri konstatoi se në memorien e kombit mbetet i paharruar mitingu i organizuar për të dënuar heronjtë e vërtetë të asaj lëvizjeje liberatore. Por, kjo, tha ai, ishte e përkohshme, sepse murin do ta fshinin nga faqja e dheut studentët e Universitetit të Tiranës, në dhjetor të vitit '90, në 8 dhjetor, të cilët me demonstratat e tyre të fuqishme do të sillnin shembjen përfundimtare të Murit të Berlinit dhe do të hidhnin në koshin e plehrave të historisë, përmes një procesi demokratik, udhëheqjen staliniste të asaj kohe. "Mund të tingëllojë si joreale përpjekja për rikthimin e 'Murit të Berlinit', por faktet i kthyen ato përpjekje dhe vetëm ato muaj, në kufijtë e Shqipërisë, janë vrarë me dhjetëra e qindra të rinj për fajin e vetëm se kërkonin të dilnin në botën e lirë", tha Kryeministri. Duke theksuar se 8 dhjetori, do të jetë festa e shembjes së "Murit të Berlinit", në Tiranë, Kryeministri tha se kjo do të jetë një festë e madhe, një festë në të cilën do të marrë pjesë e gjithë Shqipëria. "Do të jetë një festë për Europën, për aspiratën tonë europiane, e cila mori më 16 nëntor të këtij viti, thirrjen e të gjitha vendeve anëtare të BE. Vendimi i 16 nëntorit është vendimi i procesit të anëtarësimit të Shqipërisë në BE. Pra, në qoftë se dje, para këtij vendimi, çështjet dhe marrëdhëniet kontraktuale kanë qenë në kuadrin e asociimit, tashmë kemi të bëjmë me procesin e anëtarësimit", tha Berisha. Kryeministri vlerësoi se, Shqipëria do të festojë me krenari si vend anëtar i NATO-s. Ai tha se, kjo është festa e parë që i gjen shqiptarët dhe Shqipërinë me idealin euroatlantik të realizuar. Pasi shembëm "Murin e Berlinit", tha Kryeministri, historia na dha mundësi që të shndërrojmë në realitet këtë ëndërr të madhe. "Kjo ndodhi për faktin e thjeshtë se ne besonim realisht tek kjo ëndërr dhe ne e realizuam atë. Kështu që ky 8 dhjetor, idealin europian, idealin euroatlantik, e gjen më të fuqishëm se kurrë në Shqipëri", tha Kryeministri. Ai nënvizoi se, kjo është një festë, e cila synon jo vetëm nderimin për atë që është bërë dhe për atë që është arritur, por më shumë nxit një horizont të ri që shqiptarët duhet të kapin deri në 28 qershor të vitit 2013, në të cilin shqiptarët, siç u shpreh Kryeministri, do të votojnë edhe njëherë për këtë mazhorancë.
Bota Sot

[juanito02]

Popo tamam aty do veje puna qe te filloje te provokoje policia dhe athere fillon fundi i tupshem i demokarateve pushtetvjedhes.
Nje grimce dhune e leshoi policia qe kur ne mitingun e pare qelloi me shkop gome disa pjesmarresh ne tubim nga Fieri afer ministrise se bujqsise.
Qelluan nja dy veta dhe kur ju turr turma policise ja dhane vrapit si kalamaj te vegjel qe kerkonin fustanin e mamase.
Te njejten rruge do kaloje gjithe shpura e dhjere e demokrateve "trima"
Nga syte kembet do ikin se e dine mire ci kane bere ketij populli

[njemik]

Pasi lexova deklaraten e Berishes se si do ti shkulte dhembet opozites nje e nga nje mu kujtua shprehja e famshme e Ajnshtajnit "Nje person qe sillet njesoj eshte budalla nese pret rezultate te ndryshme". Saliu po sillet njesoj si ne 96shten ndaj vetem nese eshte budalla mendon se do ta trajtojme ndryshe.

[Duaje Siveten]

Pasi lexova deklaraten e Berishes se si do ti shkulte dhembet opozites nje e nga nje mu kujtua shprehja e famshme e Ajnshtajnit "Nje person qe sillet njesoj eshte budalla nese pret rezultate te ndryshme". Saliu po sillet njesoj si ne 96shten ndaj vetem nese eshte budalla mendon se do ta trajtojme ndryshe.

Kjo ka te beje me perkufizimin e çmendurise, e cila eshte atribuar si thenie e Einshtainit; ajo mund ti perkase Benjamin Franklin-it: "Perkufizimi i çmendurise eshte berja e te njejtes gje perhere, duke pritur rezultate te ndryshme".