Halil Xani

[ILMGAP]

Biografia Halil Xanit

Halil Xani u lind me 1952 ne fshatin Polac te Skenderajt.Shkollen fillore e mbaroi ne Polac e Skenderaj ku e kreu edhe gjimnazin. Studjoi ne degen e Gjuhes dhe Letersise shqipe ne fakultetin Filologjik ne Prishtine.

Nga viti 1974 e deri ne vitin 1976 punoi arsimtar I gjuhes shqipe ne shkollen fillore te Qirezit, kurse ne shkollen fillore te polacit nga viti 1976 e deri ne vitin 1983, Nga viti 1983 e deri ne vitin 1990, punoi gazetar ne Radio Mitrovice, deri atehere kur policia serbe i deboi punetoret shqiptare nga puna dhe mbylli programin shqip.

Pas luftes se fundit, nga nje vit punoi gazetar ne te perditshmet “Dita” dhe “24 ore” si dhe dy vite drejtoi programin e radio Drenices.

Pos vjershave per femije te cilat i botoi qe nga viti 1971 e kendej ne gazeta e revista te ndryshme qe dilnin ne Prishtine e Shkup shkruan edhe humor.

Ne vitin 1996 botoi permbledhjen e pare me titull “Ndal Drenushe”, librin e dyte me titull “Une e babi mjeshter” e botoi ne vitin 2005, nderkaq ka ne doreshkrim nje liber me mahi te ndryshme dhe nje tjeter po ashtu me vjersha per femije.

[ILMGAP]

Mahi nga lufta

(I)

1. Ne koder te qyqareve

Gjate ofenzives se forcave serbo-çetnike, ne veren
e vitit 1998, nje familje nga Drenica shkoi ne Prishtine.
Kur u paraqit ne Keshillin e Emergjences, ata pasi e
shikojne nje liste, i thone:
-E kemi nje shtepi te lire ne Koder te Trimave, mund
t`ju vendosim nese doni?
-Jo- ua ktheu drenicaku- mua ma gjeni nje shtepi
ne Koder te Qyqareve, se po te isha trim, une do
te isha tash ne Drenice, e jo ketu.

[xani1]

Unë ju falënderoj shumë ILMGAP që ma mundësuat që anëtarët e këtij forumi të çmuar të më njohin më për së afërmi. Besoj se do të zgjatet e zgjatet kjo faqe (imja) me shkrime të miat dhe me komentet e miqve të mi. Po e plotësoj edhe pak biografinë time, mbase nuk ma shihni për të madhe që po e zgjati:
Vjershën e parë e shkroi në klasën e pestë të shkollës fillore.
Në vitet 70, ka botuar në revistën e gjimnazit " Shkëndijat e Drenicës" në Skenderaj,
Më 12 shkurt 1971 për herë të parë në gazetën BAT, ka botuar tregimin me titull "Kush flet në radio", pastaj ka botuar në "Rilindja për fëmijë", Pionieri, Gazeta e Pionierëve, Flaka e vëllazërimit, Fatosi, Gëzimi, Thumbi, Zëri i rinisë, Kosovarja,
Bujku (Revistë për bujqësinë), Bujku (pas ndalimit të rilindjes qe bërë gazetë ditore), Shëndeti, Kosovatransi ( gazetë e kolektivit), Morri,(rëvistë e humorit)
Pjesë humoristike ( etj ) ka pasur me të madhe në:
-Radio Mitrovica ( vitet 83-90),
-Radio Prishtina (Programi i dytë, 83-90),
-"Dita",
-"24 orë",
-"Zëri" ditor,
-"Kosova sot",
-"Epoka e re"
-"Bota sot" (vjersha),
-"Vizioni" (revistë e PTK-së),
-“Republika”-revistë e ilustruar
-Radio Drenica, Skenderaj,
-Radio Kosova, Prishtinë,
-Radio Mitrovica ( e re), Mitrovicë,
-Radio Ylberi, Mitrovicë,
-Radio Globi, Mitrovicë,
Ka marrë pjesë në shumë orë letrare në shkolla, pastaj me Karvanin e shkrimtarëve të Kosovës…
Me shkrimet e tij të zhanreve të ndryshme është prezent nëpër shumë faqe të internetit.

[xani1]

Gjatë kësaj vere kam botuar librin e tretë me titull "101 Qyfyret e Nastradinit", vjersha sipas anekdotave të Nastradinit, kurse para pak ditësh më doli nga shtypi edhe libri i katërt me titull "Pak për mahi, më shumë përnjëmend", në të cilin kam përfshi nja 205 mahi origjinale. Kam në dorshkrim edhe tre libra.

[ILMGAP]

2. Prej nga je?


Gjate ofenzives serbe te shtatorit te vitit 1998,
ne malet e Qyqavices u strehuan shume familje
nga Drenica. Aty degjova kete dialog:
-Kah te patem oj shoqe?
-Nuk di as vet. Kam qene e martuar ne Polac.
Dy jave ndejta ne Galice, nje muaj ne Dubofc,
dy muaj ne Kolle e qe tri dite jemi ketu ne
bjeshke. E ti a po e din ti tash nga jam?

[xani1]

Në aksion pa pushkë

Në librin me mahi, i kam 80 emra njerëzish, të përmendur nëpër mahi. Më lart e lexuat një mahi jo edhe aq të mirë, kurse tash ju sjell një tjetër për një trim nga shumë trima të kosovës.
Komandanti i pikës së Lubavecit i kishte rreshtuar luftëtarët e UÇK-së dhe u kish thënë:
-Sot do ta sulmojmë punktin serb, në një fshat prapa bjeshkës.
Lulzim Ibrahimi bën yrysh të niset menjëherë, kurse komandanti e ndalë me fjalët:
-Hej, ku po don pa pushkë?
-Zoti komandant, kundër serbit shkohet me pushkë e pa pushkë.
Vetëm duhet pasur zemër, i kish thënë Luli.

[xani1]

Në vazhdim do t'i sjellë disa letra të miqve e mikeshave, të cilat i ruaj në arkivin e letrave në inbox. Ka edhe prej tyre që nuk i kam takuar kurrë, por njihemi vetëm nga interneti.

[ILMGAP]

3. A po qesin?

Gjate luftimeve ne Prekaz, ne mars te vitit
1998, disa gra e femije erdhen ne lagjen tone.
Baqica i kishte mjele lopet dhe hyri ne shtepi.
Njera nga grate mysafire e pyet:
-A po qesin? Baqica duke aluduar tek lopet, i pergjigjet:
-Po valla, po qesin boll.
-Uh, qyqet na, done me ardhe edhe kendej-ia kthei ajo.
-Qysh mori qyqet na, çka kishin me pi femijte?
-Uh, gru, gru, une mendova mos po gjuajne shkjete.

[xani1]

Kanë thënë (pa hajgare) për Halilin

1.Në emër të Stafit të Radio Dardanisë nga Hässleholmi i Suedisë, dhe në emrin
tim personal ju përshëndes i nderuar dhe ju përgëzoj për punën dhe krijimtarinë tuaj. Ju dëshirojmë suksese, shëndet dhe gjitha të mirat edhe në të ardhmen.
Me respekt: Ali Rexhepi, Norvegji, Më 19 korrik 2005

2. Respekt i nderuari Halil!
Uroj qe veprat tuaja në dorëshkrim, tashmë të gatshme për botim, sa më shpejt të shohin dritën dhe të bien në duart e lexuesve, aty ku edhe e kanë vendin dhe ku meritojnë të gjenden. Adem Berisha, Rahovec.

3. Të falënderoj për këto vargje të cilat më pëlqyen shuuuuuumë (ha,ha,ha, me shumë u-ja). Ishin një freski në këtë ditë të zymtë që po mbretëron këtu.
Ti edhepse nuk po "punon" zyrtarisht, prapë je duke punuar sepse je duke shkruar libra të cilat njerëzit me kënaqësi po i lexojnë. Kjo është puna më e mirë që mund ta bësh, dhe me vjen mirë që materialisht po qëndron mirë dhe nuk je i detyruar të punosh çkado. Shumë të fala nga Finlanda, Drita, 21 janar 2006.

4. Poezia e Halil Xanit më pëlqeu mjaftë. Eh po, si të mos pëlqen puna e një krijuesi të madh me përmasa realiste me një invencion të fuqishëm artistik, me një ndërtim të kujdesshëm të krijimtarisë, si është poeti ynë i madh z.Halil Xani…
Shaban Cakolli, Gjermani, 2008.
5. Halil, poezitë shumë të mira! I lexova rastësisht në albanur.
Përshëndetje, Liri Loshi, Kanada,31 tetor 2005.

6. Baci Halil i lexova vjershat tua dhe do t`i lexoj prapë, shuuuuuuuuuuuuuuumë më kanë pëlqy.
Lulëzim Kabashi, Egjipt. 2 qershor 2006.

[xani1]

7. I nderuar Halil, të falënderoj shumë për poezitë që m`i ke dërguar. Mua më pëlqyen shumë dhe këtë mëngjes ma bëre më interesant dhe më të mirë.
Dr. Osman Veliu, Mitrovicë, 12 qershor 2006.


8. S'po mund të pres pa të thënë: "Vërtetë të lumtë.... Puna e duhur në kohën e duhur..." e më gjatë nesër...Më duhet ta lexoj dhe të mendoj edhe unë: "qysh kaq mirë ia ke qëllue...mue sonte më ke gëzue!"
Të dëshiroj shumë të mira... Mr.Ismet Hasani, Suedi, 8 nëntor 2006.

9. Flm që po na freskon me këso krijimesh.
Të fala Çerkin Ibishi, 7 prill 2007, Mitrovicë.

10. Shumë e bukur poezia satirike, Halil. Urime. Radije Hoxha, Prishtinë ,
30 maj 2007.

11.I nderuari Zoti Xani,
ju dëshiroj punë të mbarë dhe krijimtari të begatë.
Përshëndetje, Ibish Neziri, Zvicër, 30 gusht 2005

12.Tung, Halil Xani
Mua më vjen mirë që jeni të suksesshëm. Njeriu vetëm duhet të besojë në vetveten dhe në liritë e veta dhe të tjerat vijnë nëse ne përpiqemi ta ndryshojmë veten dhe rrethin... Tung, Tim Shkupi, Londër 7 dhjetor 2005.

13. I nderuari Halil,
më vjen mirë që jeni mirë dhe që vazhdoni me pasionin tënd për folklorin.
Përshëndetje! Dr. Shefkije Islamaj, Prishtinë, 14 mars 2006.

14. I nderuari Halil!
U gëzova pa masë që i gjeta disa krijime tuaja. Shumë të fala nga unë
miku juaj, Imriu. Norvegji,14 shtator 2007.