Halil Xani

[xani1]

28. A po ta hanë lopët kashtën

Një grup të rinjsh nga Polaci, duke bredhur nga fshati në fshat, u bie rruga edhe nëpër Braboniq. Afrohen te një shtëpi, thërrasin dhe kërkojnë leje që atë natë me shi ta kalonin në plemen e tij me kashtë.
-Jo, valla nuk mund t`u bëj konak, se nuk ma hanë lopët pastaj kashtën,- ishte përgjigjur i braboniqsi.
Pas dy-tri ditësh, këta të rinj, duke u kthyer nga Kotorri për në Mitrovicë, e shohin plemen rrafsh me tokë dhe të zotin që sillej andej pari, e pyetën si me ironi:
-Apo ta hanë lopët kashtën, o lum miku?

[xani1]

29. Shokët e bunkerit

Një grup gazetarësh ishin ofruar tek bunkeri ku kishte qëndruar Adem Jashari para e gjatë luftës. Pasi i bënë disa fotografi po e pyesin një vendës.
-E dini ju zotri, kush ishin shokët e Adem Jasharit që kanë qëndruar në këtë bunker?
-More zotni gazetar, siç po e shihni, këtu është bukur ngusht, por siç po flasin tash njerëzit, ata që kanë qenë në bunker me komandantin Adem Jashari, tash nuk i zë as kulla.

[xani1]

30. O ti djalë, merr edhe ti najsen !

Lufta kishte mbaruar. Naimi nga Drenasi që kishte qenë luftëtar i UÇK-së, ishte kthyer nga mali në shtëpi. Mezi kishte hyrë brenda nga kuterbimi i një qeni të vrarë kaherë, po brenda gjeti një grua me disa fëmijë duke marrë gjësende. Ajo duke mos e njohur, i thotë Naimit:
-O ti djalë, merr edhe ti najsen se këtu paska gjithçka!

[ILMGAP]

14. Andej ka perplot police

Njefare Sadiku nga Kozhica, nje dite ishte
nisur kembe per ne Polac. Diku ne rruge e
takon njerin me veture qe shkonte ne drejtim
te Qirezit. Ai u ndal dhe e pyeti plakun:
-A mund te shkohet per ne Qirez?
-Çfare Qirezi, more burre, andej nga Beçiqi,
po vijne forca te shumta. Ai e ktheu veturen,
e mori edhe plakun dhe kur arriten ne Polac,
Sadiku po i thote atij:
-Mua ndalma ketu se e kam nje moter e po
zbres e ti nese ke ndonje pune shume me
rendesi, shko ne Qirez, se ndoshta me kane
bere syte se s`ka police.

[xani1]

32. Perde për ahur

Pas luftës, në një shitore të tekstilit, në Skenderaj, hyn një fshatar nga Llausha dhe i drejtohet shitësit:
-Ju lutem, a keni perde për dritare të ahurit?
Shitësi: ( duke e shikuar me habi)
-Çka po thua lum jarani, njerëzit nuk po kanë të blejnë perde për shtëpi e ti thua për ahur.
-O burrë, unë nuk kam shtëpi, por më duhet perde për dritaren e vogël të ahurit që e kam adaptuar për banim, se po të kisha shtëpi s`do të mërzitesha fare për perde.

[xani1]

34. O babi, po ecën kapela

Një familje nga Runiku ishte kthyer pranë shtëpisë së djegur. Derisa të rriturit përpiqeshin të bëjnë pak vend për të hyrë brenda, një voglush 4 vjeçar luante nëpër oborr. Kur e kishte vërejtur një breshkë, ai me zë të lartë e kishte thirrur babain:
-O babi, eja shih si po ecën një kapelë e UÇK-së.

[xani1]

35. Shtëpitë kabriolet

Pas mbarimit të luftës, në pjesën jugore të Mitrovicës, një serb nga Runiku që shkonte nën përcjelljen e KFOR-it, prej së largu po e pyet Hamdi Miftarin:
-Komsho, a din qish i kena shpijat atje në Runikë?
-Aaaa, komsho, mos vet, shumë bet, sikur tonat, kabriolet, i kish thënë Hamdiu.

[xani1]

36. Serbët pam-pam

Gjatë ofenzivës së shtatorit të vitit 1998, Hilmi Xani, një ushtar i UÇK-së ishte plagosur rëndë në malet e Qyqavicës. Pas luftës shkon në Tiranë për një kontroll tek mjekët italianë. Duke hyrë në portën e spitalit, njëfarë aparati nisi të fishkëllojë pip-pip-pip. Roja e ndali. Hilmiu nxjerr nga xhepat gjithçka që kishte, por aparati prapë fishkëllonte. Hilmiu atëherë nisi t`iu shpjegonte italianëve:
-Serbët, pam-pam,-dhe bënte me dorë nga këmba.
Kur e fotografuan në aparat të rentgenit, i thanë:
-Ti vërtet armë nuk paske, ama, pam-pam-pam, municion po.

[xani1]

38. Plaku dhe kriteret për shtëpi

Një plak nga Rezalla kishte shkuar të ankohet pse ende nuk ia kishin ndërtuar shtëpinë e djegur. Një anëtar i komisionit komunal po i thotë:
-Mixhok, për t`i plotësuar kriteret për shtëpi, ti duhet të kesh fëmijë nën 5 vjeç, s`duhet të kesh lopë, s`duhet të kesh tokë, traktor, apo dikë në botën e jashtme.
-Demek- tha plaku me nervozë-sipas jush unë po u dashka të jem i vdekur dhe t`i plotësoj kushtet për varr, a ?

[xani1]

Me Nastradinin e ri nëpër Kosovë e Shqipëri

1.Nastradini në kufi

Në dalje të Kosovës, Nastradinit, polici i flet shqip.
Në hyrje të Shqipërisë tjetri polic prapë i flet shqip:
-Heu, sa bukur, - nisi t`i fërkojë sytë e veshët,
- po pse nuk rrinë në një vend këta policë, po rrinë kështu ndaras,
- pyeti Nastradini plak.