Prokuroria do të vazhdojë hetimet ndaj deputetit të LDK-së Agim Veliu.

[shah_isti]

Prokuroria do të vazhdojë hetimet ndaj deputetit të LDK-së Agim Veliu.


Institucionet fajësojnë njëra-tjetrën rreth procedurave ligjore në rastin e deputetit Veliu
Prokuroria do të vazhdojë hetimet ndaj deputetit të LDK-së Agim Veliu. Tashmë u bë e qartë se prokuroria nuk ka pasur nevojë të kërkojë heqjen e imunitetit të deputetit në Kuvend për zhvillimin e hetimeve, sepse këtë e mundëson Kushtetuta e Republikës. ...
Postuar: 12:59:15 / 30.10.2009
Mungesa e rregulloreve apo ligjit për deputetët, ka bërë që të shkaktohet një konfuzion ligjor. Kjo ka nxitur edhe institucionin e Kuvendit dhe të prokurorisë që të hedhin fajin tek njëri-tjetri.

Prokuroria e qarkut në Prishtinë, më saktë prokurori Suad Kuraja, i cili ka në shqyrtim lëndën e deputetit Agim Veliu, më 28 tetor 2009, ka kërkuar një raport me shkrim nga dy policë hetues të Njësisë Regjionale të Krimeve Ekonomike në Prishtinë, të cilët janë marrë me hetimin e rastit, që të shpjegojnë rreth përmbajtjes së një takimi që ata kishin pasur me kryeparlamentarin Krasniqi me datën 22 tetor 2009, para se prokuroria të bëjë kërkesën për heqjen e imunitetit në kryesinë e Kuvendit. Prokuroria na lejoi të shohim raportin e dy policëve hetues dhe të mbajmë shënime nga ai raport.

Në raportin me shkrim që tashmë është protokolluar në Prokurorinë e Qarkut dhe që e ka pranuar prokurori Suad Kuraja, thuhet se dy policët hetues me autorizim të prokurorit kanë kërkuar një takim me kryeparlamentarin Krasniqi dhe janë takuar me të me datën 22 tetor 2009, në orën 11.00, për të kërkuar shpjegime nëse Kuvendi i Kosovës ka ndonjë rregullore të brendshme që përkufizon çështjen e imunitetit të deputetit. Sipas deklaratës me shkrim të dy policëve hetues thuhet se kryeparlamentari Krasnqi iu ka thënë atyre që Kuvendi nuk ka rregullore që përkufizon imunitetin e deputetit, ndërsa për rastin e z. Veliu, kryeparlamentari Krasniqi thuhet t’iu ketë sugjeruar dy policëve hetues se prokuroria mund t’i bëjë një kërkesë me shkrim kryesisë së Kuvendit për heqjen e imunitetit të deputetit Agim Veliu, e pastaj Kuvendi do të votonte për ose kundër.

Prokurori Suad Kuraja, pa e konsultuar mirë Kushtetutën dhe pa u menduar shumë, të nesërmen me 23 tetor 2009, e kishte bërë kërkesën me shkrim dhe e kishte dorëzuar në Kuvendin e Kosovës.

Përmbajtja e raportit me shkrim të dy policëve hetues është protokolluar në prokurori me 28 tetor 2008, një ditë pas mbajtjes së mbledhjes së kryesisë së Kuvendit, e cila e kishte hedhur poshtë, kërkesën e prokurorisë, duke thënë se nuk ka bazë ligjore që prokuroria t’i bëjë një kërkesë të tillë Kryesisë së Kuvendit.

Kryeparlamentari Jakup Krasniqi e cilëson si një papërgjegjësi të prokurorisë bërjen publike të këtyre të dhënave, duke thënë se takimi i tij me policët hetues ka qenë në shërbim të hetimeve.

“Mendoj që ajo është pa përgjegjësi e prokurorisë. Ajo ka qenë pjesë vetëm në shërbim të hetuesisë. Ata kanë kërkuar mendimin tim se si t’i bëhet kësaj pune, unë i kam thënë këtë çështje e sqaron Kushtetuta dhe prokuroria duhet të veprojë konform Kushtetutës dhe iu kam thënë se unë si kryetar i parlamentit nuk kam asnjë të drejtë të kërkojë heqjen e imunitetit një deputeti pa kërkesën dhe arsyeshmërinë që duhet të vijë nga prokuroria”, tha Krasniqi.

Kryeparlamentari Krasniqi tha për Radio Kosovën (RTK) se policët hetues nuk kanë pasure asnjë dokument me shkrim që do të tregonte arsyeshmërinë e hetimit.

“Nuk e ka pasur arsyeshmërinë. E ka pasur vetëm kërkesën dhe pas asnjë arsye dhe pas asnjë dokument”, tha Krasniqi.

Kryetari i Kuvendit të Kosovës Jakup Krasniqi përsëriti se prokuroria është dashur ta konsultojë saktë Kushtetutën, para se të bënte kërkesë në Kryesinë e Kuvendit.

[shah_isti]

I akuzuar, me imunitet

Kryesia e Kuvendit të Kosovës ka refuzuar kërkesën e Prokurorisë për heqjen e imunitetit të Deputetit të LDK’së, Agim Veliut. Kryeparlamentari Jakup Krasniqi tha se hetimet mund të kryhen pa u bërë një gjë e tillë. Agim Veliu deklaroi se ndihet i pafajshëm për akuzat e ngritura ndaj tij për korrupsion. Kërkesën e Prokurorisë, ai e quajti të motivuar politikisht. Veliu mbetet Kandidat i LDK’së për Podujevën.

Nga Dafina Myrtaj më 28.10.2009 në ora 8:25
Kryesia e Kuvendit të Kosovës nuk e ka miratuar kërkesën e Prokurorisë së Qarkut në Prishtinë për heqjen e imunitetit të deputetit nga radhët e LDK-së, Agim Veliu. Kjo kërkesë është konsideruar e panevojshme dhe jokushtetuese.

Pas mbledhjes së mbajtur të martën, kryeparlamentari Jakup Krasniqi tha se Prokuroria nuk ka pasur nevojë të kërkojë heqjen e imunitetit të deputetit Veliu, pasi që, sipas tij, hetimet e Prokurorisë mund të bëhen pa u hequr imuniteti.

Ai tha se kjo gjë është e rregulluar me Kushtetutën e Kosovës, pikërisht sipas nenit 75 të saj.

“Siç duket, Prokuroria nuk e ka lexuar Kushtetutën. Nuk ka pasur nevojë që të kërkojë një gjë të tillë. Sipas nenit 75 të Kushtetutës së Kosovës, Prokuroria mund të zhvillojë hetimet pa bërë një kërkesë të tillë në Kuvend”, tha Krasniqi.

Ndërkohë, në një konferencë për gazetarë, e mbajtur nga deputeti dhe kandidati për kryetar të Podujevës, Agim Veliu, udhëheqësi i Grupit parlamentar të LDK-së, Lutfi Haziri dhe kolegu i tyre i partisë, Ismet Beqiri, kërkesën e Prokurorisë e kanë quajtur të motivuar politikisht.

“Një kërkesë e tillë është me motive politike. Kjo pikërisht është bërë në kulmin e fushatës. Mirëpo, unë nuk do të zmbrapsem nga veprimet e mia politike dhe më 16 nëntor unë do të marr detyrën për kryetar të Podujevës”, tha Agim Veliu.

Ndërsa Lutfi Haziri tha se Prokuroria nuk ka ngritur padi ndaj Veliut, por vetëm e ka ftuar atë në bisedë.

Sipas tij, çdo zyrtar i LDK-së është i gatshëm të japë përgjigje para ligjit për të gjitha dyshimet.

Sipas Veliut, padia ndaj tij është e ngritur në bazë të dokumentacionit dhe dëshmive të dorëzuara në prokurori nga Agjencia Kundër Korrupsionit, lidhur me një tender prej 150 mijë eurosh për renovimin e një shkolle të mesme të Podujevës, të kryer në vitin 2005, në kohën kur Veliu ishte ministër i Arsimit.

Me këtë rast ai akuzoi Agjencinë Antikorrupsion, e cila, sipas tij, është e ndikuar nga ndonjë parti politike dhe persona të caktuar.

Shkrimin e plotë mund ta lexoni në gazetën Express...
-------------------------------------------

Veliu i dyshuar, Kuvendi s’merret me imunitetin

Ish-ministri Agim Veliu është i gatshëm të përballet me drejtësinë, por akuzon prokurorinë për manipulim me rastin e tij dhe Agjencinë Antikorrupsion. Kuvendi, ndërkohë, as që e shqyrton kërkesën e prokurorisë për heqjen e imunitetit 28 Tetor, 2009
Prokurori Suad Kuraja ka iniciuar hetimet kundër ish-ministrit të Arsimit, Agim Veliu, tani deputet i Kuvendit të Kosovës dhe kandidat për kryetar të Podujevës në zgjedhjet lokale 2009. Kërkesën e prokurorit Kuraja për heqjen e imunitetit të deputetit Veliu, shefi i shtabit zgjedhor të LDK-së, Lutfi Haziri, e ka vlerësuar të motivuar politikisht. Po ashtu, edhe vetë deputeti Veliu ka deklaruar se kjo është bërë për motive politike për ta dëmtuar atë në kulmin e fushatës. “Një kërkesë e tillë është me motive politike. Kjo pikërisht është bërë në kulmin e fushatës. Mirëpo, unë nuk do të zmbrapsem nga veprimet e mia politike dhe më 16 nëntor unë do të marr detyrën për kryetar të Podujevës”, tha Agim Veliu. Ndërkaq, për inicimin e hetimeve duket sikur prokurori Kuraja ka vepruar krye më vete, pa e konsultuar shefin e tij. Për këtë veprim nuk ka pasur dijeni i pari i Prokurorisë së Qarkut të Prishtinës, Osman Kryeziu. Në një prononcim për “Kosova Sot” ai ka pranuar se kjo kërkesë është lëshuar nga kjo prokurori, mirëpo, sipas tij, ai nuk ka qenë në dijeni për veprimet, të cilat i ka ndërmarrë prokurori Suad Kuraja.
“Dje nuk kam ditur asgjë për këtë, pasi lënda ka qenë në klasifikimin e lëndëve të ndryshme. Ajo ka qenë lëndë e mëhershme. Fillimisht kam qenë në njohuri për lëndën, mirëpo gjatë hetimeve prokurorët janë autonomë, kështu që unë nuk kam ditur për të”, ka thënë Kryeziu. Ai thotë se prokurori Kuraja është dashur të konsultohej me të paraprakisht, para se t’i drejtohej Kuvendit me kërkesën e tij. “Ai ka bërë atë dhe është dashur të më njoftonte paraprakisht”, ka thënë Kryeziu.

Historia nisi më 2007
Dje ka reaguar edhe drejtori i Agjencisë Kosovare kundër Korrupsionit, Hasan Preteni. Ai ka kundërshtuar përpjekjen e manipulimit politik të Agjencisë në këtë periudhë parazgjedhore, pasi që, sipas tij, dëmtohet imazhi i një institucioni shumë relevant për krijimin e shtetit ligjor. Kreu i Antikorrupsionit ka sqaruar për opinionin lidhur me artikullin e botuar dje në disa medie të shkruara se Agjencia e Kosovës kundër Korrupsionit ka pranuar një informatë për veprime të mundshme korruptive më datën 8.10.2007. Informata është dhënë me shkrim dhe është protokolluar me nr. 02-399/07.
“Pas hetimeve paraprake dhe materializimit me prova administrative Agjencia e ka përcjellë lëndën në zyrën e Prokurorisë Speciale të Kosovës më datën 11.06.2008 me nr. protokolli 02-344/08. Më 15 gusht 2008, jemi informuar nga Prokuroria Speciale e Kosovës se kjo informatë është përcjellë në Prokurorinë e Qarkut në Prishtinë për procedim të mëtutjeshëm. Që nga kjo datë AKK-ja nuk ka pasur asnjë informacion në lidhje me procedurat e mëtejme në lidhje me këtë rast, ndërsa për zhvillimet të cilat janë përmendur tani, AKK-ja nuk ka qenë fare pjesë e tyre”, tha Preteni.
Ai ka nënvizuar se bazuar në Ligjin kundër korrupsionit, të gjitha informatat të cilat Agjencia i përcjell në prokuroritë kompetente janë konfidenciale, dhe në asnjë mënyrë nuk publikohen as emrat e përfshirë dhe as përmbajtja e informacionit. “Kjo është e padrejtë dhe nuk është ligjore, sepse po krijon huti dhe po atakohen persona, të përkushtuar në misionin që ka AKK-ja. Kjo nuk është qëllimmirë dhe aspak ligjore”, thotë ai. Preteni ka bërë thirrje që të mos tentohet të përdoret politikisht puna e Agjencisë në këtë periudhë parazgjedhore, pasi që dëmtohet imazhi i një institucioni shumë relevant për krijimin e shtetit ligjor.

Kuvendi e mbyll çështjen
Kryeparlamentari Jakup Krasniqi tha se prokurori nuk e ka lexuar dhe nuk e njeh fare kushtetutën derisa vetë i denoncuari, Agim Veliu, konsideron se kërkesa ka ngjyrime dhe prapavijë politike, ndonëse nuk e refuzon bashkëpunimin me prokurorin për çfarëdo rasti që kërkohet prej tij. “Ne konsiderojmë se prokuroria nuk e ka lexuar kushtetutën, ku thotë se deputetët e Republikës së Kosovës nuk kanë imunitet. Ashtu sikur që kanë vepruar institucionet e drejtësisë në të kaluarën, le të veprojnë edhe tash’’, tha kryetari i Kuvendit të Kosovës, Jakup Krasniqi. Por, në kushtetutë thuhet ndryshe, që deputeti e ka imunitetin. Ai tha se Kosova ende nuk ka ligj për deputetët dhe ata nuk e kanë imunitetin sikur në vendet e tjera, prandaj prokuroria i ka pasur të gjitha mundësitë për të vepruar dhe nuk ka pasur fare nevojë që të adresojë kërkesë të tillë në Kuvendin e Kosovës. “Ne nuk e morëm në shqyrtim për faktin se nuk ka pasur nevojë, sepse nëse lexohet kushtetuta më vëmendje nga prokurorët nuk ka nevojë të bëhet një kërkesë e tillë. Për Kuvendin kjo është çështje e mbyllur, sepse kushtetuta është një dokument, të cilën ne nuk mund ta ndryshojmë”, tha Krasniqi.
Deputeti i LDK-së, Agim Veliu, kërkesën e prokurorit Kuraja e quajti kërkesë si të pabazuar në ligjet e Kosovës dhe me prapavijë politike, të sponsorizuar nga qarqe politike në kohën e zgjedhjeve nga fakti që ai është kandidat për kryetar komune në Podujevë dhe me këtë formë dëshirohet të njolloset autoriteti i tij në opinionin publik.
“Kjo, me sa dëgjova unë ka ndodhur para 4-5 vjetësh. Edhe unë jam i gatshëm që t’i përgjigjem drejtësisë, nuk ka pasur nevojë që të shkruhet kurrfarë letre, sepse unë jam i gatshëm që të përballem kurdoherë me drejtësinë për veprimet e mia, sepse unë jam njeri i përgjegjshëm”, tha Veliu. “Unë konsideroj se i kanë bërë llogaritë gabim, sepse nuk do të mbrapsem nga programi im dhe nga angazhimet e mia edhe në këtë kohë”, tha ai.
Dyshimet e ngritura kundër Veliut kanë të bëjnë me renovimin e një shkolle në Podujevë në vitin 2005, dhe një ankesë për tenderin e zhvilluar. “Kur dikujt i duhet Agjencia Antikorrupsion i shërben në momente të caktuara dhe kjo po shihet se kjo agjenci nuk është Agjencia Antikorrupsion, por është Agjencia Korrupsion”, tha Veliu.
I. GASHI & S. AHMETI
kosova.sot

[Llapi]

futne ne biruc sa ma shpejt ket kriminel e klysh komunisti

[Brari]

llap ..kush asht ky veliu?
i kahit asht?
cfar krimi ka ba?

se spo kuptoj gja..

[Llapi]

llap ..kush asht ky veliu?
i kahit asht?
cfar krimi ka ba?

se spo kuptoj gja..

ky eshte nga bradashi i Besianes per kur akuzohet ky ka qen minister i arsimit ne qeverin haradinaj-qeku-bajram rexhepi
dhe akuzohet per nji hajni ne nji tender per ndertimin e nji shkolle ne Besian

eshte deputet i ldk-se eshte kandidat per kryetar te komunes se Besianes

me nji fjal eshte hajn e kriminel e kjo akuz eshte per ta si ta marresh nji lug uji ne deti ky eshte prej lindje i till e njof mire e keshtu me radh.

[labi_25]

O diqka me ju thanen kete ishe kane pas duften me i shtie te gjithe ne burg nja me nja se hajna ma te mdhej ska ma ne bote e tani jane ty e lypen voten e Llapijaneve o vallahi skane me e marren kurre ate vote nga une bile hiq ani kujna Veliqit se po me vjen ron me i thanen Agim po qfare Kryetari ashte ky fare klepci i arave ky fare pazargjije qe bane tregti me Milicin e Serbis jojo voten ati sja dhajna ndash le ti mledh 1 Milion Euro e ne dashte 5 Milion Euro se kot e ka.

[labi_25]

Une me te vertete nuk e di se kah do t'ia mbajme. Kjo rruge qe kemi marre nuk con askund vec shkaterrimit. Duhet te aprovohet nje ligj ne Kuvend lidhur me prejardhjen e pasurise dhe te aplikohet pa meshire. Njerezit qe e kane demtuar kete popull me lloj-lloj malverzimesh duhet te shkojne ku e kane vendin. Te gjithe qe kane fituar ne menyre kriminale duhet te shkojne ne burg se Kosova nuk eshte aq e madhe sa te mos dihet se kush sa ka pasur. Mund te fitosh, por duhet te sqarohet dhe dokumentohet menyra e pasurimit. Nese eshte legale, hallall i qofte dhe gjithe respekti nga une, por nese jo, atehere te shkoj ne burg dhe ti konfiskohet tere pasuria. Kosova nuk ka nevoje te jete Nju Jorku i viteve te '20. Nuk na duhen Al Kaponet se kemi vuajtur shume. Nese kjo nuk ndodh se shpejti, atehere populli do ta bej kete se eshte lodhur me. Edhe nje gje ju kisha lutur: Te mos e kuptojme kete si politike, sepse keto qe i thash vlejne per te gjithe politikanet pa dallim. Ketu nuk behet fjale per anim, por drejtesi. Nuk ka lidhje se ciles parti i takojne ata, nese kane bere "biznes", duhet te denohen, edhe po te jete vete kryeministri, apo kryetari i Kosoves. Keshtu nuk shkon me

[labi_25]

Po ky moti eshte dashte te ndeshkohet nga populli, sinqerish esht turp per te se cka ka ba ai ne Llap. A po e shihni se askujt nuk i mbetet per ate dynja... po tutna qe s'ka drejtesi, se ketij duhet t'i hiqet imuniteti.

[labi_25]

EULEX paralajmëron arrestimet e para të personaliteteve të larta për korrupsion

Pa dhënë hollësi rreth hetimeve që janë duke u zhvilluar, kryeprokurori i EULEX-it, paralajmëroi arrestimet e para për korrupsion të personaliteteve të mëdha, të përfshirë në afera joligjore. Pa zbuluar as emra, as sa është numri i atyre që quhen “peshqit e mëdhenj” kryeprokurori Jakobs vuri në pah se hetimet do të japin rezultate brenda dy muajve....



“E di që njerëzit e mi janë duke punuar në raste shumë të mëdha. Nuk mund të them asgjë më shumë në lidhje me hetimet që janë duke u zhvilluar dhe sa do të kenë sukses këto raste, presim të shohim. Nuk është sekret që punohet. Brenda pak muajve do të shihni rezultatet për korrupsion”, ka thënë Theo Jakobs, kryeprokurori i EULEX-it.

Sistemi gjyqësor, që duhet ta luftojë korrupsionin, pos që vazhdon të jetë në shënjestër të kritikave, vlerësohet si më i prekuri nga korrupsioni.

Kryeprokurori Hilmi Zhitija, i cili kundërshton faktin se përmasat e korrupsionit janë të larta, megjithatë zbuloi se janë diku rreth 50 gjyqtarë dhe prokurorë në procedura hetimore dhe presin për tu gjykuar. Mirëo, joefikasitetin e prokurorisë, që shënjohet nga Agjencia Antikorrupsion, Zhitija e arsyeton me mungesë kompetencash.

Nga rreth 100 raste të dorëzuara në prokurori, Agjencia Antikorrupsion ka informatat për 61 raste, të hedhura poshtë për mungesë faktesh. Zvarritjet e rasteve korruptive që mbesin sirtarëve të prokurorisë dhe nuk gjykohen zakonisht, arsyetohen me mungesë kuadrosh të mjaftueshëm dhe pagat e ulëta që kanë gjyqtarët dhe prokurorët.

Një studim i Institutit Demokratik të Kosovës, vë në pah se sistemi gjyqësor pos që është i korruptuar, shënon ngecje në shqyrtimin dhe zgjidhjen e lëndëve që kanë të bëjnë me fenomenin korrupsion. Vonesa e lëndëve nga prokurorët, zakonisht bëhet për shkak të interesave personale që kanë me njerëz të institucioneve të larta, apo persona që dyshohet se janë të përfshirë në afera korruptive.