Sofra muslimane për miqtë e krishterë dhe të tjerë

[Bani gjk]

Hehe, i nderuari VOLSIV me dy dhe tri fjal nuk sqarohen gjerat, un nuk po shkruaj qe po kam deshir qe ty apo dikend tjeter ta mposht ne debat, un thjeshte po tregoj ate se cka besojim ne muslimanet, per ate qe eshte i interesuar, asgje me teper, po nejse. Pra nese deshiron dikush qe te kuptoj te verteten (islamin simbas muslimanve) duhet ti pervjel manget dhe te lexoj (:
Tash dua qe punen e shenjtorve te shpjegoj, po shpresoj qe me shkurt tani, mbasi po pritoni me lexu hehe.
Citim VOLSIV: Nese besimi i Shenjtoreve tane ishte jo i sakte atehere nuk ka arsye pse Zoti ne kontakt te ngushte me ta nuk u ka thene te kunderten por gjithmone ne Rilevime bere atyre shpjegohet Triniteti dhe natyra e saj.
I nderuar, una dua qe ne kete pytjen tende, te pergjigjna me nje pytje, dhe pastaj ipja ti pergjegjen vetes tende.
Un nuk e di se cka nenkupton me fjalen "shenjtor"? Por nese nekupton qe shejtort tane kane pasur kontakte drejt per se drejti me Zotin apo me engjujt apo me krishtin, ateher te them keshtu.
Edhe ne boten islame ka pasuar asi burra qe kane bere mrekulli te syrit, qe ne quhen islame thirren "Keramete", bile jane shkuar edhe me large me shpjegime te tyre (p.sh ne islam nuk e ke te obligar qe te ju besosh ketyre gjerave, mirpo ka pasur edhe kesi mrekulli ne boten islame), dhe ata mistik kane deklaruar " qe me forcen e Allahut xh.h dhe me urdhrin e tij e bera kete mrekulli", po nejse nuk eshte me rendesi kjo, krejt diqcka tjeter eshte ajo qe po dua ta them.
Ateher shtrohet pytja :pse Zoti ne kontakt te ngushte me ta nuk u ka thene te kunderten por gjithmone ne Rilevime bere atyre shpjegohet se Allahu xh.h eshte nje dhe se Muhamedi eshte Rob dhe Pejgamber i Zotit?!
Pra i nderuar p.sh edhe feja islame ka asi lloj shejntor, jahudit, induset, budista, dhe sa e sa kultuara tjera kane kesi lloj "shenjtor" ! Pra secila fe dhe kultur e mbron per te vertet kete lloj "shenjtrimi".
Shpresoj qe me ke kuptuar ne dhelb cka po dua me thene, dhe shpresoj qe pergjegjen me ane te pytje e ke kuptuar.

Kurse sa per pytjen e fundit. I nderuar ne islam nuk ka sopozime, po mbasi pyte edhe po te pergjegje shkurt dhe qart. Dallimet ne mes muslimanve dhe krishterve kishin me qene, se ju prap nuk do e kishit pranuar Muhamedin a.s si Pejgamber kurse ne gjithe kohen kishim ndejt duke argumentuar se ai ka qene Pejgamber (: dhe ne fund me kishit thene, bjeri me shkur se gjat po i bjen hehe, nejse cdo te mira i nderuar.

[toni77_toni]

Postuar më parë nga Bani gjk
toni 77, i nderuar kerkoj falje nese ndjehesh sadopak i ofenduar ose jo i rrespektuar, mirpo un vetem po sqaroi ate simbas islamit se perse do te vie Jesusi (Paqja e Zotit qoft mbi te) ne toke.
Sa pari Zoti ne kete ajet i drejtohet Jesusit a.s me keto fjale:

5:116.Dhe kur All-llahu tha: "O Isa, bir i Merjemes, a ti njerëzve u the: "Më besoni mua dhe nënës time dy zota pos All-llahut!?" (Isai) Tha: "Larg asaj të mete je Ti (o Zoti im). Nuk më takon mua ta them atë që s'është e vërtetë. Ta kisha thënë unë atë, ti do ta dije. Ti e di ç'ka në mua, e unë nuk di ç'ka në Ty. Ti je më i dijshmi i të fshehtave!"

Pershendetje,

Jemi duke kaluar mirë dhe bash mirë, gjithmonë së bashku në gëzime u shtroshin sofrat tona, edhe qejat bash per merak se per fli s'po flasin, por ma bani hallall nese u kam merzitë por bre "Bani gjk" të kam pytur lidhur me kete thënje; "Më besoni mua dhe nënës time dy zota pos All-llahut!?" Sepse edhe e kam lexuar por edhe e degjova prej teje.

Desha ta dij allahile;

Ku gjindet kjo thënje ne shkrimet e krishtera?

Cila Kishë e beson dhe e predikon këtë?

Kujt i drejtohet kjo akuzë kur thuhet se "besoni mua dhe nënes time dy zota"??!!!!

U gëzofshim gjithmon dhe allahile mos pritoni dhe merrne nga një cigare kush e don

[Bani gjk]

toni77,vallahi mer burr un nuk di me ta jap pergjegj ne kete pytjen tende.
Shpresoj qe dikush tjeter do te ndihmoj ne kete pytje.
Po ja sejll nje vjersh shokit tim VOLSIVIt, se kish marak neper sofra te kendohen edhe poezi (:
p.sh ate porosin e tret te kesaj vjershe, gjithmon ne jet e kam parasysh.

PESË POROSI

H. Imam Ali
(600-661)

Mos shpresoni asgjë
Nga askush në këtë jetë,
Vetëm nga i Madhi Zot,
Që është Një dhe i Vërtetë.

Mos u frikësoni kurrë
Nga të ligat e huaja,
Por të keni frikë gjithmonë
Nga mëkatet e juaja.

Mos u turpëroni kurrë
Të thoni: nuk di!
Nëse ndokush ju pyet
Për çfarë s’keni njohuri.

Por, përpiquni të mësoni
Atë që ju ka kaluar,
Dhe mos ngurroni kurrë
Për të mësuar, studiuar…

Nuk ka kurrfarë mirësie
Në një trup pa krye,
As nuk ka besim
Një zemër që s'ka durim.

Përktheu nga anglishtja:
Mexhid YVEJSI, Gjakovë

[VOLSIV]

>>> Bani gjk literatura dhe deshmite per Trinitetin e Shenjete eshte jashtemase e madhe dhe kam pershtypjen se Shenjtoret e feve te tjera nuk kane pase te njejtin raport me Zotin sic kane pase Shenjtoret qe po them une.
> Zoti kane shume prane tyre ne kuptimin e paster te fjales, qe dua te them se kur don me e bere te ditur nje gje e be dhe nuk ka kush e kufizon. Njeres nga shenjtoret Santa Caterina da Siena i tregoi sec ishte vertete purgatori, dhe ajo jetoi purgatorin ne kete jete. Ajo u be shkaku i pranimit te kesaj te vertete. Dhe u shkruajt me vone libri "Il trattato del purgatorio".
> Pra desha me thene sic tregoi ajo kete te vertete ashtu ka treguar Santa Brigida di Svezia per Trinine, mund ta gjesh tek libri "Rivelazioni di Santa Brigida di Svezia". Po e deshe dhe faqen ta dergoj njehere tjeter.
> Megjithate ashtu sic thoshte Aristoteli, E verteta ka dy natyra njekohesisht. Eshte edhe shume e veshtire per tu njohur mqns nuk mund te thithet e gjitha si e tere por edhe shume e thjeshte nga qe eshte e pamundur te mos e njohesh fare, ngaqe eshte prezente kudo.
> Une nuk kam deshire ta vazhdojme kete maratone argumentash dhe do me pelqente me shume te kalonim ne gjera te tjera edhe per arsyen se as une as ti nuk jemi te atij niveli qe me argumentat tone te zgjidhim kete ceshtje. Le ta shfrytezojme njeri tjetrin, me kuptimin e mire te fjales, per te sqaruar pikepyetje te tjera qe kemi.
> Poezite e perkthyer Mexhid YVEJSI, Gjakovë jane shume te bukura dhe me domethenie, Komplimente.

> Peace brother.

[Bani gjk]

citim: as une as ti nuk jemi te atij niveli qe me argumentat tone te zgjidhim kete ceshtje.

Po vallahi mer VOLSIV bash mir e ki, bashka burra (themi ne ne gjakove) nuk kane mujtur mi zgjidhe kete problem, e jo po e zgjidhim un dhe ti hehe, cdo te mire i nderuar.

[Anesti_55]

[QUOTE]

Anesti un personalisht kam perjetuar trokitje ne dere nga misionaret krishter te ndryshem ,i kam pritur ashtu si jam i edukuar shqip URDHRONI MIRESEVINI,i kam ofruar kafe dhe i kam degjuar,nuk me kan bezdisur fort nga se njohurit mia per krishtenizmin dhe biblen ishin shum me te gjera se te atyre te mjerve!
Sa i perket misionarit krishter ortodoks grek ketu pak puna qendron ndryshe ,nese eshte misionar i kishes ortodokse shqiptar do ta prisja si vllaun kurse misionarin e kishes greke do ta prisja si te huaj.[/QUOTE]

Por misionarin ortodoks shqipetare, diktatura e ngordhi nuk e la me deke!!!!Pra misonari i perkushtuar ne bindje nuk ka si te jete shqipetare.Keto tonet sapo kane filluar ,dikush nga berber e karrocjere dikush si trashegimtare i nderuar i klerikeve qe shkuan me aq dhimbje e dikush del si produkt i shkolles, por asnjeri deri me sot nuk mund te jete i besuar plotesisht ne sinqeritetin simbol qe i perket vetem misionareve.Per te fituar statusin e nje misionari te mirefillte duhet nje jete e ter prove , ku te kesh deshmuar se dhe ne veshtiresi ti nuk lekundesh nga vlerat e njeriut qe i eshte perkushtuar besimit te tij. Misionari simbol i cdo feje nuk vlersohet nga gjuha apo kombesia, ai mund te jete dhe nga nje popull armik historik per shkaqe subjetive dhe objektive, por qe kontribon per paqen si nje detyre e njerezve te mire.Une per vete bie dhe vete ne kontradikte me ato c'ka thashe me siper, pasi misionaret islamik i kam frike, ndersa me ato shqipetare kam pire raki sa jam shkepe.

[marcus1]

[SIZE="3"][FONT="Book Antiqua"]
U gëzofshim gjithmon dhe allahile mos pritoni dhe merrne nga një cigare kush e don

Hahaha, Tu rrit ndera Toni77. Po e ndezi edhe un nji cigare me ty, megjithese me qef e kisha dash me e dredh.

[presHeva-Lee]

Toni_77 pom vjen cudi dicka me ty pse pe perdor qet fjal si shpesh "Allahile" ti si nje i krishter a e din qka don me thon a jo ?

[uvejsa]

O Toni, a nuk i luteni ju Marise?!! A ka ksihe qe nuk e ka portretin e saj?!! A nuk i thuani Santa Maria?!! Ne Islam, kedo qe e quan te shenjte dhe qe i lutesh, ai eshte SHIRK (te berit rival Zotit, te konsideruarit edhe ate zot) Nese i lutesh dikujt pos Zotit, sipas Islamit automatikisht ke kaluar ne politeizem.
Muhamedi a.s. duke e ditur qe njerezit jane te prire nga materializimi i gjerave, ai ka ndaluar cdo foto te tij, nga frika se mos po bene dikush te njejten gje sikurse te krishteret. Pra mos dikush po fillon t'i lutet atij si ndermjetesues mes Zotit dhe njeriut.
Cdo fe politeiste qe ekziston, nuk i luten gjerave materiale pse ato i konsiderojne Zot, por se i shohin si gjera ndermejtesuese mes Zotit dhe krijeses.
Ndersa ne Islam Zoti eshte me secilen krijese dhe nuk ka nevoje per ndemjetsim ne relacionin Krijues-krijese, cdo lutje e krijeses shkon tek Ai pa ndermjetesim.

[Roi]

Po knaqem kur po lexoj se si kombi yne eshte kaq i mire dhe kaq i lire,
Une kam respekt per te gjithe Shqipetaret pa e shiquar anen fetare, secili ka te drejten dhe bindjen e tije ne cilen do fe Krishtere Muslimane apo ndonje tjeter. Une me shume knaqesi i pershendes dhe i respektoj shume te Gjithe vllezerit shqiptare..


Me kete rast po ju sjell disa shkrime te filozofit të njohur anglez Bernatço,


Shkruar nga Dr.Shefqet Krasniqi

Thotë filozofi i njohur anglez Bernatço: "Feja islame është e vetmja fe e cila ka aftësi për ballafaqim me faza të ndryshme të zhvillimit të jetës së njeriut..."
Nëse sot bëjmë një vështrim të shpejtë dhe të shkurtër të njerëzimit sa i përket qëndrimit të tij ndaj fesë, do të gjejmë se egzistojnë dy çështje, apo dy gjëra përballë njëra-tjetrës, të cilat kanë ndikim të madh në të kuptuarit e fesë.
E para, dyshime rreth çështjes së besimit, dispozitave fetare, të cilat kanë ardhur nga disa periudha kohore, apo nga disa ide fetare prej disa fraksioneve të lindura brenda në shoqërinë islame të cilat e kanë njollosur fytyrën e bardhë të islamit.
E dyta, pasqyra e shndritur e cila reflektohet nga të arriturat shkencore, nga përparimi i shkencës dhe teknologjisë, të arritura këto, dhe të mira të cilat shumë njerëzve ua tërheqin vëmendjen nga të menduarit për fe, peshën, rëndësinë, të mirat e saj, dhe nevojën për të. Si rezultat i këtyre dy çështjeve të cekura, shumë njerëz, në veçanti një shtresë e madhe e intelektualëve, mendojnë se feja është "një modë e vjetër", së cilës i ka skaduar afati dhe se tashmë njerëzimi nuk ka nevojë për të, sepse të arriturat shkencore dhe teknologjike e plotësojnë nevojën e fesë, bile e bëjnë atë të panevojshme dhe si e tillë nuk ka pse të humbë njeriu kohë pas saj. Bile disa të tjerë e konsiderojnë fenë "shenjë prapambeturie".
Kështu që, ndodh që dikush të ketë ndaj teje respekt, simpati etj., por në çastin që e kupton se t`i praktikon fenë, i vjen keq dhe menjëherë e shpreh atë duke ta tërhequr vërejtjen se ti je intelektual, i shkolluar, i mençur etj., etj., e nuk të ka hije feja ty, nuk bën ti të bësh atë që bëjnë njerëzit e thjeshtë- "fetarët" të cilët janë të prapambetur. E mund të ndodhë që edhe ta humbë apo ta ndryshojë atë simpati apo respekt që e kishte ndaj teje deri më tani.
Kështu ka qenë deri më tani dhe është te pjesa dërrmuese e shtreses intelektuale, mirëpo në kohën e fundit, pasi njerëz nga të gjitha shtresat kanë filluar të lexojnë, të studiojnë, të analizojnë, kanë filluarta kuptojnë realitetin e islamit dhe të mirat e tij. Kanë filluar ta kuptojnë rolin e madh që e ka feja në jetën e njeriut dhe se shkenca dhe teknologjia nuk mund ta zëvendësojnë fenë asnjëherë. Ato janë thikë me "dy teha", përdorën për të mirë të njerëzimit, por përdorën edhe për të keqën e tyre. Për këtë arsye për ditë e më shumë veç sa vjen e vërtetohet nevoja për ushqim shpirtëror dhe ajo është feja.

Të nderuar vëllëzer dhe motra, dashamirë të fjalës së shkruar, ju të cilët e kërkoni të drejtën dhe doni ta pasoni të vërtetën, ky islam nuk është modë e vjetër së cilës i ka skaduar afati, nuk e lënë njeriun mbrapa, njeriu nuk humb asgjë me praktikimin e fesë, përkundrazi ai me të përfiton shumë, sepse islami atij ia sistemon jetën, e bën atë që ta ndjejë vetën se është rob i Zotit, mëkëmbës i Tij në Tokë dhe se këtë Tokë Allahu ia ka lënë amanet njeriut që ta shfrytëzojë për të mirën e tij dhe të mbarë njerëzimit.
Njeriu me fenë islame kupton se:

- Feja e ka nderuar njeriun, e ka privilegjuar dhe dalluar atë nga çdo krijesë rjetër, ashtu që ai ta kuptojë përgjegjësinë e tij të madhe që e ka dhe ta kryejë atë ashtu si duhet dhe si i takon atij, thotë Allahu xh.sh: "Ne vërtet nderuam pasardhësit e Ademit (njerëzit), u mundësuam të udhëtojnë hipur në tokë e në det, i begatuam me ushqime të mira, i vlerësuam ata (i lartësuam) ndaj shumicës së krijesave që Ne i krijuam" (Isra:70).

- Feja e konsideron njeriun përgjegjës për mendjen dhe shqisat e tij, në rast se ai nuk i fut ato në funksion, apo i përdorë pë së keqi, thotë Allahu xh.sh: "Mos iu qas asaj për të cilën nuk ke njohuri, pse të dëgjuarit, të pamurit dhe zemra, për të gjitha këto ka përgjegjësi" (Isra:36). Njeriu do të pyetet për mendjen e tij, a e ka përdorur, apo jo, pastaj a e ka përdorur për miri apo për së keqi. Gjithashtu do të pyetet edhe për shqisat e tij se si dhe ku i ka përdorur dhe sipas saj do të japë edhe llogari para Allahut Ditën e Gjykimit.

- Feja e fton njeriun që të ndalet e t`i analizojë qiejt dhe tokën, krijesat që janë në to, t`i vëzhgojë, të mendojë e t`i vështrojë ato se çka ka në to, si janë ato, pse janë krijuar, çfarë të mirash kanë ato, si mund të përfitojmë ne njerëzit prej tyre etj. E nëse mund ta arrijë këtë, le të ngrihet edhe lart në ato planete, apo le të futet thellë në tokë, thotë Allahu xh.sh: "Thuaj: 'Vështroni me vëmendje çka ka (nga argumentet) në qiej e në tokë". (Junus:101).
- Feja e fton njeriun në shkencë, në dije, duke ia sqaruar atij vlerën e saj, rolin e madh që e ka, peshën e madhe dhe sevapin e madh tek Allahu. Me shkencë ngrihesh lart mbi njerëzit e tjerë, bëhesh i dobishëm për vete dhe të tjerët. Feja të gjitha shkencat e dobishme të njerëzimit i konsideron të nevojshme dhe kërkimin e tyre e quan ibadet, për këtë arsye kërkon nga ne që shumë të lexojmë, të studiojmë dhe ta lusim Allahun që të na shtojë dijen, thotë Allahu: "Thuaj 'Zoti im, më shto dituri" (Taha:114). Vështro ajetin: Nuk ka thënë: Shtoma pasurinë, shëndetin etj., por diturinë, dijen.

- Islami është fe e punës, e aktivitetit, e jo e pasivitetit. Islami nuk i do ata njerëz të cilët hanë në kurriz të tjerëve, por i do ata të cilët hanë nga djersët e tij, për këtë arsye na urdhëron të dalim të punojmë, të kërkojmë rriskë. "Ai është që juve tokën ua bëri të përshtatshme, andaj ecni nëpër pjesë të saj dhe shfrytëzoni begatitë e Tij, meqë vetëm te Ai është e ardhmja" (Mulk:15)
- Islami e bën njeriun të sjallshëm, të edukuar, e të dobishëm për mbarë njerëzimin. Ia rregullon atij raportet me Krijuesin e tij, duke e mësuar atë se ai është krijuar që ta adhurojë Allahun, Krijuesin e tij, për këtë thotë Allahu: "Unë nuk i krijova xhinët dhe njerëzit për tjetër pos që të më adhurojnë" (Dharijat:56).
Ia rregullon raportet me krijesat e tjera që e rrethojnë atë, duke filluar nga më të afërmit e tij, prindërit e pastaj radhazi të tjerët. Thotë Allahu xh.sh: "Adhurojeni All-llahun e mos i shoqëroni Atij asnjë send, silluni mirë ndaj prindërve, ndaj të afërmve, ndaj jetimëve, ndaj të varfërve, ndaj fqiut të afërt, ndaj fqiut të largët, ndaj shokut pranë vetes, ndaj udhëtarit të largët dhe ndaj robërve. All-llahu nuk e do atë që është kryelartë dhe atë që lavdërohet" (Nisa:36)
- Islami e bën njeriun që kur të gjykojë ndaj të tjerëve të gjykojë drejt, thotë Allahu:"(Allahu ju urdhëron) dhe kur të gjykoni, ju urdhëron të gjykoni me të drejtë mes njerëzve" (Nisa:58). Nuk guxon myslimani kur të gjykojë të anojë nga njëra palë, apo nga tjetra, drejtësinë e ka parim të tij, përndryshe e pret zjarri i xhehenemit.
- Islami ndalon korrupsionin dhe çdo mënyrë tjetër të keqpërdorimit të pasurisë së tjetrit, pronë private apo shoqërore. E largon këtë dukuri e cila është shumë e përhapur sot, nga e cila vuajmë shumë edhe ne shqiptarët, nuk ka vend në islam për korrupsion dhe keqpërdorim të pasurisë, thotë Allahu xh.sh: "Dhe mos e hani pasurinë e njëri-tjetrit në mënyrë të palejuar, e as mos u paraqitni me te (me ryshfet) te gjykatësit për të grabitur në mënyrë të padrejtë një pjesë të pasurisë së njerëzve, kur ju e dini (se pa të drejtë po e hani atë)" (Bekare:188).

- Ky islam e bën njeriun të jetojë i lumtur, të jetojë me Allahun e Madhëruar, krejt jetën e tij ta llogaris të dobishme, nëse e godet ndonjë e mirë falenderon Allahun, po nëse e godet ndonjë e ligë bën durim dhe mundohet me të mirë ta kalojë atë.

- Ky islam e bën njeriun të jetojë për Allahun xh.sh, ha e pi për Allahun, duron për Allahun, falënderon për Allahun, ndihmon tjetrin për Allahun, fal hakun e tij për Allahun, martohet për Allahun, sillet mirë me të tjerët për Allahun, merr pozitë për Allahun, shkon në punë për Allahun, fal namazin për Allahun, agjëron për Allahun, ther kurban për Allahun dhe kështu me radhë tërë jetën e tij e harxhon për Allahun, për këtë thotë Allahu xh.sh: Thuaj: "Namazi im, kurbani im, jeta ime dhe vdekja ime janë thjesht për All-llahun, Zotin e botëve" (Enam:162)

- Pra, islami fe gjithëpërfshirëse e tërë sistemit të jetës së njeriut, asgjë nuk del jashtë kësaj feje, nuk i del moda kësaj feje. Nuk ju lë mbrapa kjo fe, o ju të nderuar, përkundarzi, kjo fe, e cila i ka këto tipare të cilat i cekëm më lart dhe shumë të tjera të cilat na kanë mbetur pa i cekur, arrin t`i përshtatet çdo kohe dhe vendi, i përballon çdo sfide dhe ndryshimi të jetës së njeriut. Është e vetmja fe e cila ka aftësi ta zgjedhë çdo problem i cili faqet në këtë planet, këtë jo vetëm që e vërteton Kurani, realiteti, historia etj., por e vërtetojnë shumë shkencëtarë e filozof jomyslimanë. Sa për ilustrim, thotë filozofi i njohur anglez Bernatço: "Feja e Muhamedit ka një pozitë shumë të lartë duke pasur parasysh gjallërinë e çuditshme që e ka dhe se ajo është e vetmja fe e cila ka aftësi për ballafaqim me faza të ndryshme të zhvillimit të jetës së njeriut. Nga kjo e shoh obligim që Muhamedi të quhet: shpëtues i njerëzimit dhe se një njeri sikur ai po ta merrte botën në dorë do të arrinte t`i zgjedhë problemet e saj...".

Pas tërë këtyre rreshtave dhe pak fjalëve të cekura më lart për rolin e fesë në jetën e njeriut, na thoni ju deshmitarë të shkencës e teknologjisë, ju intelektualë të nderuar, ku është e meta e fesë, ku është prapambeturia e saj, me çka të lë ajo mbrapa, ku është realiteti i asaj parulle se feja të lë mbrapa?! A nuk keni lexuar asnjëherë asgjë për këtë fe?! Të nderuar, feja islame është e Allahut, ai e ka zbritur njeriut, njëriu nuk ka dorë në të, e ai e di më së miri se çka i nevojitet njeriut.
Këshilla a porosia ime për intelektualët e tillë të cilët e fusin islamin në grupin e ideologjive për nga afatizimi dhe kohëzgjatja e vlefshmërisë së saj, është që ata të gjejnë kohë e të lexojnë për këtë fe, mos të paragjykojnë sepse paragjykimi është ves i ulët dhe i kushton shtrenjtë individit. Mund mos ta kuptojë të vërtetën derisa të futet në varr, por atëherë me siguri do të bëhet vonë.
Allahu na ruajt këtë fe, na shtoftë dashurinë ndaj saj dhe i drejtoftë ata të cilët janë të devijuar! Amin!
Deri në javën e ardhshme me një temë të re! Selam alejkum ve rahmetullah! Zoti ju shpërbleftë!