UET: Qeveria kontrollon Radio Televizionin e Kosovës

[veli44]

Te nderuar lexues me kalimin e kohes po shtohen dyshimet se ky njeri qe rastisi te behet kryeminister i Kosoves jo qe nuk ka aftesi por dyshohet qe eshte ne sherbim te qarqeve te caktuara qe deshirojne Kosoven ta nenshtrojne,perulin,vjedhin dhe fundosin shpresen dhe ardhmerine e saj si nje vend i lire dhe demokratik.
Si eshte e mundur qe nje njeri i pashkollim i ikur ne perendim ku ka qenderu ne rrethe te dyshimta me nje histori te rreme te behet kryeminister i Kosoves.
Ju ftoj qe ketu te sjellim dokumente qe e deshmojne kete dhe komentet e juaja



UET: Kritika Thaçit lidhur me RTK-në
Unioni Evropian i Transmetuesve të hënën e ka kritikuar kryeministrin e Kosovës, Hashim Thaçi, duke e akuzuar se Radio Televizionin e Kosovës e ka shndërruar në “krah medial të partisë në pushtet”.
“Presioni nga qeveria juaj e ka transformuar RTK-në, nga një furnizues i balancuar i lajmeve, në një krah medial të partisë në pushtet dhe tuajin si kryeministër”, thotë pos tjerash, Jean Reveillon, kryesues i këtij Unioni, në një letër dërguar kryeministrit Thaçi.

Më tutje në letër thuhet se “zërat kritikë apo alternativë kishin qenë të shtypur”.

“Ajo që tash po shohim është presioni nga qeveria e Kosovës, që RTK-ja të shndërrohet në një transmetues shtetëror jokritik”, shkruan në letrën e tij, kryesuesi i Unionit Evropian të Transmetuesve, raporton agjencia DPA nga Gjeneva.

Reveillon ka kërkuar që kryeministri Thaçi të ndërmarrë “masa urgjente” për rikthimin e autonomisë në RTK. /REL/

Postuar: 17:32 / 26 Tetor 2009 | RSS

[shah_isti]

Kuçi: Realiteti në RTK është tjetër

Nga Express më 27.10.2009 në ora 15:44
Zëvendëskryeministri Hajredin Kuçi ka thënë se Qeveria do të argumentojë se nuk po ndërhyn në punën e RTK-së, duke iu përgjigjur kritikave të Unionit Europian të Transmetuesve (EBU), i cili ka kritikuar Kryeministrin Hashim Thaçi për “presion'” ndaj televizionit publik.

Kuçi ka ftuar përfaqësuesit e EBU’së që të vijnë në Kosovë, apo përmes mekanizmave të tyre ta shikojnë prezantimin e fushatave elektorale te secilit subjekt veç e veç dhe të shohin balancin në mes të këtyre subjekteve politike, dhe sipas tij, do të dilte një përfundim tjetër nga ai i EBU’së.

“Jam shumë i bindur dhe do t’i ftoja publikisht përfaqësuesit e EBU-së që të vijnë në Kosovë, apo përmes mekanizmave të tyre ta shikojnë prezantimin e fushatave elektorale te secilit subjekt veç e veç, të shohin balancën në mes të këtyre subjekteve politike dhe do të besoj shumë që do të vijnë në një përfundim tjetër”, tha Kuçi.

Sipas tij, Qeveria do të ballafaqohet me këtë realitet dhe do t’iu ofrojë argumentet e saj që beson se do t’i bindin edhe te tjerët që realiteti është pak më ndryshe.

Ndërkohë Kryeparlamentari Jakup Krasniqi, i pyetur për çështjen e RTK-së dhe ankesave të shoqërisë civile për ndikimin e Kryeministrit Thaçi në funksionimin e këtij mediumi, ka drejtuar gishtin tek vetë drejtuesit e mediumeve.

“Sigurisht se përgjegjësinë për ta ruajtur pavarësinë e një mediumi e kanë vetë drejtuesit e atij mediumi”, theksoi Krasniqi.

Unioni Europian i Transmetuesve (EBU) përmes një letre dërguar Kryeministrit Hashim Thaçi, e akuzoi atë se Radio-Televizionin e Kosovës e ka shndërruar në “krah medial të partisë në pushtet”.

EBU’ja ka kërkuar nga Thaçi që të “rimendojë për presionin” dhe të ndërmarrë “masa urgjente” për rikthimin e autonomisë së RTK’së.

[drenicaku]

Kuçi: Realiteti në RTK është tjetër

Nga Express më 27.10.2009 në ora 15:44
Zëvendëskryeministri Hajredin Kuçi ka thënë se Qeveria do të argumentojë se nuk po ndërhyn në punën e RTK-së, duke iu përgjigjur kritikave të Unionit Europian të Transmetuesve (EBU), i cili ka kritikuar Kryeministrin Hashim Thaçi për “presion'” ndaj televizionit publik.

Kuçi ka ftuar përfaqësuesit e EBU’së që të vijnë në Kosovë, apo përmes mekanizmave të tyre ta shikojnë prezantimin e fushatave elektorale te secilit subjekt veç e veç dhe të shohin balancin në mes të këtyre subjekteve politike, dhe sipas tij, do të dilte një përfundim tjetër nga ai i EBU’së.

“Jam shumë i bindur dhe do t’i ftoja publikisht përfaqësuesit e EBU-së që të vijnë në Kosovë, apo përmes mekanizmave të tyre ta shikojnë prezantimin e fushatave elektorale te secilit subjekt veç e veç, të shohin balancën në mes të këtyre subjekteve politike dhe do të besoj shumë që do të vijnë në një përfundim tjetër”, tha Kuçi.

Sipas tij, Qeveria do të ballafaqohet me këtë realitet dhe do t’iu ofrojë argumentet e saj që beson se do t’i bindin edhe te tjerët që realiteti është pak më ndryshe.

Ndërkohë Kryeparlamentari Jakup Krasniqi, i pyetur për çështjen e RTK-së dhe ankesave të shoqërisë civile për ndikimin e Kryeministrit Thaçi në funksionimin e këtij mediumi, ka drejtuar gishtin tek vetë drejtuesit e mediumeve.

“Sigurisht se përgjegjësinë për ta ruajtur pavarësinë e një mediumi e kanë vetë drejtuesit e atij mediumi”, theksoi Krasniqi.

Unioni Europian i Transmetuesve (EBU) përmes një letre dërguar Kryeministrit Hashim Thaçi, e akuzoi atë se Radio-Televizionin e Kosovës e ka shndërruar në “krah medial të partisë në pushtet”.

EBU’ja ka kërkuar nga Thaçi që të “rimendojë për presionin” dhe të ndërmarrë “masa urgjente” për rikthimin e autonomisë së RTK’së.

Pse ti ke prit qe hashimi te dal e te thot po valla qashtu eshte e vertet qe nen kontroll i kam mjetet e informimit,keta duhet te ju kundervehen edhe bashkesis evropiane,por nje gje po harrojn keta pehlivana se populli e din fort mir se diktatura ngadal por sigurt po instalohet ne kosove.
Une nuk pres as qe kam prit ma mire prej ketyre analfabetve keta pushtetin do ta mbajn me dhune.

[bujaa]

Normal qe qeveria e kontrollon,kta mundeni me vrejt qysh kputet nje fjalim me rendesi i Ramush Haradinajt dje ne fushaten zgjedhore,mendoj qe kjo nuk eshte e drejte qka eshte duke bere qeveria

[toni karlosi]

ej a di kush more ku na mbeti LLAPI apo edhe te tjere PDK-ista .presim komentet e tyre.nese heshtin atehere eshte dmth se edhe PDK-istat e forumit pajtohen me konstatiemt e UET-it

[shah_isti]

Televizionet, pa balancë
Hulumtimet e bëra nga organizata “Demokracia në Veprim”, tregojnë se televizionet u kanë dhënë më së shumti hapësirë gjatë fushatës zgjedhore LDK’së dhe AAK’së. Gazetat janë më të balancuara. Më së paku hapësirë po zë koalicioni AKR – LDD.

Nga Bekim Greiçevci më 29.10.2009 në ora 8:21

Lidhja Demokratike e Kosovës (LDK) dhe Aleanca për Ardhmërinë e Kosovës (AAK) nuk mund të ankohen lidhur me hapësirën që u kanë dhënë tri televizionet nacionale të Kosovës në kronikat televizive që pasqyrojnë fushatën elektorale për zgjedhjet e nëntorit.

Koalicioni i OJQ-ve “Demokracia në Veprim” ka monitoruar kohëzgjatjen e paraqitjes së partive politike në kronikat zgjedhore të tri televizioneve nacionale, gjatë javës së dytë të fushatës elektorale.

Me monitorim është konstatuar se RTK dhe KTV i kanë dhënë hapësirë më të madhe AAK’së, ndërkaq TV21 ka mbuluar fushatën e LDK’së bindshëm më shumë sesa të partive të tjera.

Ndërkaq, kur është mbledhur kohëzgjatja e kronikave zgjedhore e të tri televizioneve, sipas hulumtimit, LDK’ja prin me 6005 sekonda, pastaj AAK’ja me 5411 sekonda, kurse PDK’ja është e treta, me 5284 sekonda.

Dukshëm më pak është mbuluar fushata elektorale e koalicionit AKR-LDD, megjithëse këto parti, sipas rezultatit të zgjedhjeve të fundit, kanë më shumë votues sesa AAK’ja.
Kjo parti opozitare është në vendin e parë në kronikat e RTK’së, KTV’së dhe TV21, edhe kur është në pyetje antifushata, ndërkaq pas saj janë PDK’ja dhe LDK’ja.

Për mbulim të fushatës elektorale nuk mund të ankohet as Partia Socialdemokrate e Agim Çekut.

Në Radiotelevizionin publik të Kosovës, fushata e AAK’së është prezantuar me 2505 sekonda, e PDK’së me 2477, ndërkaq LDK’ja me 2092 sekonda. Koalicionit AKR-LDD i është dhënë hapësirë prej 1542 sekondash, pa u llogaritur mbulimi i aktivitetit të tyre veç e veç.

Televizioni tjetër, RTV21, ka dëshmuar se ka një afinitet të madh për përcjelljen dhe prezantimin e fushatës zgjedhore të LDK’së. Kësaj partie i është dhënë një hapësirë prej 3319 sekondave, ndërkaq PDK’së 1854, kurse AAK’së 1835 sekonda.

Në KTV hapësira më e madhe i është dhënë AAK’së me 1071 sekonda, pas saj renditet PDK’ja me 953 sekonda, kurse aktiviteti i LDK’së është mbuluar me vetëm 594. Fushata zgjedhore e Partisë së Agim Çekut është mbuluar vetëm 20 sekonda më pak sesa fushata e LDK’së.

“Demokracia në Veprim” ka monitoruar edhe hapësirën që i është dhënë aktivitetit elektoral të partive politike në gazetat kosovare.

Më së shumit hapësirë Koha Ditore i ka dhënë fushatës së PDK’së, 24 për qind, pastaj renditen LDK - 21 për qind, AAK – 15 për qind dhe AKR-LDD me 13 për qind.
Në gazetën Express është kjo renditje sipas përqindjes: PDK - 26, LDK - 24, LDD-AKR 19, si dhe AAK me 18 për qind.

E përditshmja Zëri: LDK 29 për qind, AAK - 22, PDK - 21, ndërkaq koalicioni AKR-LDD me vetëm 8 për qind.

Gazeta Kosova Sot: PDK – 26, LDK - 25, AAK – 20, kurse AKR-LDD 10 për qind.
E përditshmja Infopress, hapësirë dukshëm më të madhe i ka dhënë PDK’së, 46 për qind. Pas saj renditen LDK’ja me 13 për qind, kurse AAK’ja dhe koalicioni AKR-LDD kanë nga 11 për qind.

Gazeta tjetër kosovare, Epoka e Re, ka mbuluar PDK’në me 36 për qind, AAK’në – 19, LDK’në – 17, dhe AKR-LDD’në 10 për qind.

Bota Sot hapësirën më të madhe i ka dhënë LDK’së, 34 për qind, koalicionit AKR-LDD – 29 për qind, pastaj PDK’së 12 për qind, kurse AAK’së 10 për qind.

Fushata e koalicionit AKR-LDD ka zënë një hapësirë prej 36 për qind në gazetën Lajm, ndërkaq PDK’ja 18 për qind, AAK’ja – 17, kurse LDK’ja 14 për qind.

E përditshmja tjetër, Tribuna Shqiptare ka prezantuar PDK’në me 29 për qind hapësirë, AAK’në me 21 për qind, koalicionin AKR-LDD 20 për qind, kurse LDK’në me 18 për qind.

Sa i përket hapësirës totale në të gjitha këto të përditshme, prin PDK’ja me 27 për qind, pas saj LDK’ja me 22 për qind, AAK’ja – 17, kurse AKR-LDD’ja me 16 për qind.

[shah_isti]

Kryeministri Thaçi përmes një letre i përgjigjet EBU-së
Kryeministri i Kosovës, Hashim Thaçi përmes një letre i është përgjigjur drejtorit të përgjithshëm të Unionit të Transmetuesve Publikë Evropian, Jean Revellion, e cili e kishte kritikuar Thaçin për ndërhyrjet politike e financiare në televizionin publik, RTK. ...
Postuar: 14:55:00 / 29.10.2009
Edhe pse zyrtarisht RTK është pjesë e këtij unioni, Thaçi nuk ka ngurruar t’i ftojë përfaqësuesit e EBU-së për t’u njohur me zhvillimet e fundit në të. Në këtë letër, siç ka bërë të ditur zëvendëskryeministri Hajredin Kuçi, janë dhënë edhe disa argumentime për zgjidhjen financiare të RTK-së, ndërkohë është shprehur edhe gatishmëria e Qeverisë së Kosovës për krijimin e hapësirës për mediume të lira në Kosovë, pastaj funksionalitetin e RTK-së si dhe zbatimin e rekomandimeve të institucioneve ndërkombëtare rreth pozitës së mediumeve kosovare.

[chino]

Nuk i marr seriozisht kete "analize". Per mua ne rend te pare kjo ka per qellim arsyetimin e ekzistences se institucionit ne fjale.



*

[shah_isti]

Z. Jean RÉVEILLON
Drejtor i Përgjithshëm
European Broadcasting Union
L'Ancienne-Route 17A
CH-1218 Grand-Saconnex
Switzerland

28 Tetor 2009



I nderuar z. RÉVEILLON

Me lejoni të filloj duke ju falënderuar për letrën tuaj të datës 26 Nëntor 2009, ku ju shprehni shqetësimin tuaj lidhur me gjendjen e RTK-së - transmetuesit publik të Kosovës.

Karakteri urgjent i letrës së juaj dhe toni i letrës e kanë tërhequr vëmendjen e duhur, prandaj, unë dua t’i adresojë menjëherë shqetësimet tuaja, duke hapur një rrugë të komunikimit, e cila shpresoj se do të shpie drejt një zgjidhjeje të përshtatshme dhe afatgjate për ruajtjen e kredibilitetit, të pavarësisë dhe të qëndrueshmërisë financiare të transmetuesit tonë publik, në ditët dhe në javët në vijim.

Dëshiroj të shpreh keqardhjen time lidhur me disa vlerësime të cilat i keni paraqitur në letrën në fjalë.

Në emër të Qeverisë së Republikës së Kosovës dhe në emrin tim personal, unë dua t’ju siguroj që qëllimi ynë është ruajtja dhe forcimi i instrumenteve dhe kushteve që do të sigurojnë pavarësinë editoriale të RTK-së, në përputhje me standardet të cilat duhet të zbatohen në mënyrë që RTK të behët anëtare e EBU-s dhe që Kosova të dëshmoj vetën si një shtet me një ambient medial dinamik dhe të hapur.

Qeveria e Kosovës, së fundi, ka vendosur që të ulë nivelin e TVSH-së për mediet, duke ju përgjigjur kështu njërës prej kërkesave më të shpeshta të medieve të shkruara. Qeveria e Kosovës, po ashtu, ka shpërndarë grantet e para për mediet minoritare, nga një fond special i cili u krijua për t’i forcuar dhe mbështetur këto medie. Ne kemi qenë në kontakt të vazhdueshëm me Kuvendin e Kosovës dhe i kemi inkurajuar që të gjejnë sa më parë një zgjidhje për problemet financiare dhe administrative të RTK-së, në përputhje me ligjet dhe rregulloret në fuqi.

Ju i keni bërë disa vlerësime të ndjeshme në letrën tuaj; megjithatë, me lejoni të sugjeroj se prapa shqetësimeve tuaja më të mëdha, ekzistojnë arsye shumë më të ndërlikuara se një skenar me pak gjasa, kinse një parti politike po mundohet ta kontrolloj një medium publik.

Së pari, gjendja e vështirë financiare e RTK-së pjesërisht ka të bëj me zemërimin që shumë qytetarë të Kosovës ndjejnë ndaj pagesës së obliguar prej 3.5 eurosh për RTK-në, si një shtesë në faturën e rregullt të shpenzimit të energjisë elektrike. Kjo çështje ka gjetur konsensusin e të gjitha partive politike, duke përfshirë këtu opozitën dhe partitë e minoriteteve. Shumë debate dhe mocione janë ngritur në vitet e fundit për ta ndërprerë këtë pagesë të obliguar. Ngjashëm, deputetë nga të gjitha partitë politike kanë kërkuar një auditim financiar të RTK-së, nga brenga se paraja publike, së bashku me të hyrat nga marketingu, nuk kanë prodhuar një nivel të dëshiruar të cilësisë.

KEK-u, ndërmarrja publike energjetike, që është duke operuar me humbje financiare, shpeshherë është ankuar se pagesa për RTK-në, që ata kanë grumbulluar nga secili njehsor elektrik i instaluar në Kosovë, e ka dëmtuar biznesin e tyre, veçanërisht duke pasur parasysh se vlera mesatare e faturës së konsumit të energjisë elektrike në Kosovë është mesatarisht 25 euro për një familje. Familjet kosovare e kanë ngritur zërin e tyre kundër kësaj pagese, sidomos në vendet ku RTK nuk transmeton sinjalin e vet.

Këtë muaj, Gjykata Kushtetuese, siç e keni përmendur edhe në letrën tuaj, ka marrë një vendim lidhur me këtë çështje.

Gjykata përbëhet nga disa nga njerëzit më të shquar të drejtësisë në Kosovë, duke përfshirë kosovarë dhe ndërkombëtarë; është e bazuar në Planin e Ahtisaarit dhe është e mbështetur nga bashkësia ndërkombëtare. Gjykata i ka suspenduar pagesat e obliguara që KEK-u i ka grumbulluar në emër të RTK-së, në pritje të një vendimi përfundimtar lidhur me kushtetutshmërinë e pagesave të obliguara.

Deputetë të Kuvendit, nga shumë parti, duke përfshirë Kryetarin e Kuvendit, z. Jakup Krasniqi, i cili vjen nga radhët e partisë që unë drejtoj, e kanë mbështetur kontratën në mes të KEK-ut dhe RTK-së.

Qeveria ime është në një pozitë të vështirë, pavarësisht nga akuzat e padrejta për ndërhyrje politike.

Ne nuk dëshirojmë që të kemi ndonjë ndikim në punimet e Gjykatës Kushtetuese, dhe ne mendojmë që duhet të ndërmarrim hapa urgjentë për të siguruar funksionim të qëndrueshëm financiar për RTK-në, duke mbledhur burimet e nevojshme deri tek gjetja e mënyrës së qëndrueshme të financimit të transmetuesit tonë publik.

Ju, po ashtu, e keni përmendur çështjen e marketingut, dhe kjo është një çështje tjetër në të cilën qeveria ime nuk mundet dhe nuk do të ndërhyjë.

Agjencia përkatëse rregullative është e pavarur nga qeveria, dhe bordi i saj përbëhet nga udhëheqës të shoqërisë civile dhe ekspertë me përvojë të gjatë në sektorin e medieve. Ishte rekomandim i tyre, dhe jo i imi, që transmetuesi ynë publik, i cili është i subvencionuar nga qytetarët, nuk mund ta përdor pozitën e tij dominuese për të transmetuar reklama gjatë orëve me shikueshmërinë më të lartë, dhe kështu të krijojë kushte jo të drejta të tregut për dy transmetuesit e tjerë kombëtarë, pronarë të të cilëve janë akterë të mirënjohur të medieve dhe shoqërisë civile. Po e ritheksoj, ndonëse në po e përcjellim debatin e ligjshmërisë së marketingut, qeveria jonë nuk ka qenë e përfshirë në këtë diskutim teknik.

Çështja e dytë që ju keni ngritur është çështja e pavarësisë së medieve. RTK-ja nuk është dhe nuk ka qenë nën kontrollin e qeverisë apo të partive politike. Programe televizive që janë shumë kritike ndaj qeverisë shfaqen shpesh, dhe unë i kosideroj ato si një zë të rëndësishëm dhe si pjesë esenciale të sistemit të kontrollit dhe balancit. Raportet vëzhguese, të bëra gjatë fushatës së tanishme elektorale, konfirmojnë që RTK-ja ka ndarë një kohë pothuajse të barabartë të transmetimit për të gjitha partitë, dhe partia që unë udhëheq nuk është ajo që udhëheq për nga prezantimi në transmetim.

Si një shikues i rregullt i RTK-së, unë kam vërejtjet e mia për sa i përket cilësisë së disa programeve dhe për sa i përket cilësisë së raportimit, megjithatë unë e kam parasysh që disa nga këto çështje lidhur me raportimin janë thjesht produkt i nivelit të gazetarisë që nuk është ende në nivelin që pritet nga një medium modern evropian. Megjithatë, unë nuk besoj që RTK-ja është në gjendje më të keqe tani krahasuar me gjendjen e saj të mëparshme. Jam i bindur që RTK-ja është ndër transmetuesit më të mirë publik në rajon, duke pasur parasysh që RTK-ja ka në dispozicion më pak resurse, por që realisht ofron një raportim më të balancuar se shumë transmetues në shtetet fqinje. Lidhur më këto rezultate, ne e kemi falënderuar edhe drejtorin e mëparshëm të RTK-së, z. Agim Zatriqi.

Për t’ju siguruar se Qeveria e Kosovës është plotësisht e përkushtuar të garantoj zhvillimin e vazhdueshëm dhe ngritjen e RTK-së, dhe duke ju përgjigjur letrës suaj, ne, në ditët në vijim, do ta gjejmë një zgjidhje për financimin e buxhetit operativ të RTK-së, deri sa të negociohet nga aktorët relevantë një model që do të siguroj qëndrueshmërinë afatgjate të RTK-së.

Ne e ftojmë një delegacion të EBU-së që të vijë në Kosovë, ashtu që të jenë vetë dëshmitarë nga afër për situatën në sektorin e medieve dhe për gjendjen e tanishme të RTK-së, duke e diskutuar çështjen edhe me të gjitha palët e interesuara.

Gjithashtu, ne ftojmë EBU-në që ta rrisë nivelin e përkushtimit të saj për RTK-në duke ofruar trajnime dhe mbështetje për transmetuesin tonë. RTK-ja ka nevojë për mbështetje aktive nga EBU për ta realizuar rolin dhe potencialin e saj në shoqërinë kosovare. Ne do të mbështesim çdo përpjekje për forcimin e lidhjeve në mes të EBU-s dhe RTK-së që do ta siguroj pavarësinë editoriale dhe zhvillimin e një sistemi modern të menaxhimit brenda kësaj organizate, duke përfshirë mbështetjen për Bordin e Drejtoreve të sapo emëruar.

Z. Réveillon, letra juaj është një thirrje me tone të forta që e paraqet një gjendje dramatike të medieve në Kosovë, dhe personalisht, unë nuk mendoj që kjo e përfaqëson në mënyrë të saktë progresin e madh që ka bërë Kosova në dhjetë vitet pas luftës në Kosovë. Sot, Kosova është shumë më e hapur dhe më demokratike se kurdoherë më parë.

Unë, prandaj, do t’ju kisha kërkuar një qasje e cila do të na ndihmojë në zhvillimin e shoqërisë sonë, dhe jo një qasje që paraqet një shoqëri në krizë e që mund të keqpërdorët, në kundërshtim me qëllimin tuaj, në betejat e vazhdueshme diplomatike lidhur me pavarësinë e Kosovës, lidhur me rrugën e Kosovës drejt integrime dhe lidhur me perspektivën evropiane të Kosovës.

Sinqerisht,

Hashim THAÇI
Kryeministër i Republikës së Kosovës

[veli44]

Kete leter ja ka shkru sekretarja Hajredin Kuqka se shima nuk ka kapacitete me zgjate kaq shume dhe po mundem me marre me mend kur ta merre letren ai personi do te pendohet dhe do te qaj e vajtoj deri sa zemra ti bej tik e tak,tik e tak...ky hashimi per merak