Komente mbi librin: "Ortodoksia e Kishes"

[inscrite]

Faleminderit per inkurajimin vella Matrix. Urime gjithashtu per perkthimet qe ke ndermarre.

Ne fakt ndodh pak a shume me te gjithe njesoj. Ne duam te ndajme me motrat dhe vellezerit tane ne Krisht ato shkrime qe na kane folur dhe inkurajuar me shume, keshtu qe edhe te tjere te mund te lexojne nga pervoja dhe perjetimet e te krishtereve qe i kane shkruar. Dhe ka shume libra ende te paperkthyer ne shqip qe jane perla vecanerisht ne lidhje me perjetimin e Zotit.

[inscrite]

Nuk duhet mburrur për gjërat frymërore. Nëse dikush mburret për pasuritë e tij në lidhje me gjërat e botës, paraja nuk do fluturojë dhe as do pakësohet si shumë; por pasuritë frymërore zhduken kur ju mburreni për to. Kur dikush thotë se është i fortë, atëherë fuqia largohet. Fytyra e Moisiut shkëlqeu, e megjithatë ai nuk e dinte këtë gjë. Kushdo që e di se fytyra e tij po shkëlqen, do e humbasë shkëlqimin e fytyrës së tij.

Duket kaq e frikshme, atehere kur ne mendojme se mund te dime dicka, pikerisht atehere ka filluar renia. Zoti na ruajte!

[Matrix]

Moter ke shume te drejte,

Sa here qe ne mendojme se dime dicka apo jemi dikush, atehere kjo eshte shenja qe ne duhet te pendohemi, sepse renia ka filluar.

Ne Dhjaten e Vjeter pershkruhet historia e Manes ne shkretetire. Zoti i jepte popullit te Tij perdite mane, por nqs dikush mundohej ta konservonte, kjo mane prishej.
Kjo eshte piktura e realitetit frymor.
Nqs ne do mundohemi ta ruajme e ta konservojme "manen frymore", ajo do te prishet. Po keshtu dhe nqs do hame mane te konservuar nga te tjeret, pa tjeter qe do gjejme vdekjen dhe jo jeten, sepse ajo do te jete mane e prishur.

[Matrix]

Moter, te falenderoj per perkthimin e ketij libri. Mendoj se te gjithe duhet ta lexojme.

[marcus1]

Moter Inscrite,

Të falenderoj edhe unë nga zemra për përkthimin e librit. Pa ndihmën tënde, ky libër do kishte mbetur akoma i papërkthyer.

[inscrite]

Pershendetje!

Eshte vertet nje liber qe duhet lexuar, dhe te gjitha ato qe shkruan Watchman Nee jane me shume vlere. Eshte nje vella ne Krishtin qe flet drejperdrejt ne shkrimet e tij, pret si shpata. Po permend dy libra te tjere te tij, Krishti permbledhja e gjithckaje frymerore, dhe Clirimi i frymes, qe vella Matrix eshte duke e postuar.
Dhe per librin Ortodoksia e kishes, sa me pa fanatizem ta lexosh, aq me mire eshte per te kuptuar sa me mire ato gjera qe ka dashur te thote autori.

[Matrix]

Eshte shume e vertete moter qe thua se keta libra duhen lexuar pa fanatizem. Keto jane libra qe mund t'i lexojne e t'i perfitojne te gjithe te krishteret, e te gjitha kishave ku ata jane, pasi jane libra qe kane dale nga nje vella qe ishte i dashuruar me Krishtin.
Nga nje vella qe njohu kryqin dhe qe ja perkushtoi jeten vetem mbjelljes se kishave.
Ky vella njihet pak. Madje shume pak te krishtere e dine qe Kina dikur (ndoshta dhe tani, por fshehtas) gelonte nga Kishat qe ky mbolli.

[Matrix]

Në Bibël ndodhen dy drejtime në lidhje me të vërtetën. Një linjë është ajo e Frymës së Shenjtë, dhe tjetra ajo e Krishtit; njëra është subjektive, dhe tjetra është objektive; njëra ka të bëjë me përjetimin, dhe tjetra me besimin. Nëse dikush i kushton shumë vëmendje të vërtetës objektive, atëherë ai do shikohet të ngjisë retë dhe të kalërojë mbi mjegullën, që është jo praktike. Nëse ai vazhdimisht qëndron në të vërtetën subjektive, duke i vënë theksin tej mase punës së brendshme të Frymës së Shenjtë, atëherë ai do të shohë vazhdimisht së brendshmi dhe do të jetë i pakënaqur. Kushdo kërkon Zotin duhet të jetë i ekuilibruar në dy të vërtetat. Njëra më tregon se jam i përsosur në Krisht, dhe tjetra më tregon se puna e brendshme e Frymës së Shenjtë bën që të bëhem i përsosur.

Dua te di mendimin tuaj per keto pjese nga fundi i kapitullit VIII.

Mendimi eshte se ne jemi te persosur ne saje te Gjakut te Krishtit, por nga ana tjeter, kjo persosmeri eshte duke u bere e dukshme ne saje te punes se Frymes se Shenjte.

Autori thore se ne duhet t'i shohim te dyja te vertetat. Ne rast se fokusohemi vetem ne linjen e pare, ne do mbushemi me doktrina, dhe ne fund do deshtojme te shohim kryqin ne jeten tone dhe ne jeten e Kishes.
Ne rast se shohim vetem anen subjektive, ne do shohim se sa te rene jemi, dhe do deshtojme te shohim Gjakun shenjterues te Krishtit tek ne dhe tek vellezerit dhe motrat. Keshtu do gjykojme ashper veten dhe motrat dhe vellezerit.

[marcus1]

E dhe vetë përgjigjen Matrix.

Duhet një ekuilibër. Ne jemi të shenjtë në syte e Perëndisë. Kjo është një e vërtetë. Por jemi të shenjtë jo si rezultat i veprave tona, por se Krishti banon në ne dhe Ati sheh Krishtin në ne. Është shumë e rëndësishme të dish këtë të vërtetë, pasi kështu nuk biem lehtë në kurthet e djallit, i cili na akuzon ditë e natë. Sa herë që ai na akuzon, ne i tregojmë atij Krishtin e kryqëzuar dhe ai largohet për t'u kthyer përsëri më vonë.

E vërteta tjetër është se ne, megjithëse nën Hir jemi të shenjtë dhe të pastër, ne jemi akoma në mish dhe ky mish duhet të zvogëlohet nën punën e Frymës së Shenjtë. Nëse ne e mësojmë këtë të vërtetë, sa herë që Fryma punon për të luftuar mishin, ne do i nënshtrohemi punës së Tij dhe kështu do e bëjmë më të lehtë punën e Frymës. Fryma punon në ne duke na zbuluar mishin fillimisht. Nëse Fryma na zbulon mishin dhe ne fillojmë duke dënuar veten tonë për mishin që Ai na ka zbuluar, ne e bëjmë më të vështirë punën e Tij. Këtu na nevojitet mësimi i parë; të shohim veten dhe vëllezërit me sytë e Atit. Qëllimi i Frymës sa herë që na zbulon mishin është që ne të kuptojmë kotësinë e veprave dhe përpjekjeve tona, dhe së fundi të dorëzohemi plotësisht në duart e Tij.

Sëfundi, mendoj se ajo që ka dashur të thotë autori është se përveç faktit që ne bëhemi të shenjtë që kur besojmë, duhet edhe përjetimi i punës së Frymës së shenjtë. E para, pa të dytën mendoj se është e mangët. Nga ana tjetër do ishte e gabuar të mundohesh të bësh punën e Frymës, në një përpjekje të vazhdueshme për të arritur shenjtërinë, të cilën ti e ke marrë që ditën që ke besuar në Krisht. Përpjekjet tona njerëzore do sillnin rrezultate shumë negative si psh hipokrizia, vetëdrejtësia, gjykimi, shkelja e Hirit etj. Duhet të kuptojmë se jetën e Krishterë mund ta jetojë vetëm Krishti që është brënda nesh. Le të mësojmë që të jetojë Ai në vëndin tonë.

[Matrix]

Kjo teme eshte hapur qe ketu te kalojne komentet mbi librin "Ortodoksia e Kishes" e Watchman Nee
------------------------------------------------------------------------------