gazeta albania e mafiozit rakip.. dekllaron:
---
Ministrat me makina luksoze, 1.5 milionë dollarë do të harxhohen për 8 fuoristrada
Ervin KOÇI
Qeveria ka vendosur që të harxhojë të tjera para për komoditetin e saj, pavarësisht reduktimeve që u ka bërë fondeve për institucionet publike. Një fond i konsiderueshëm është dhënë prej qeverisë për blerjen e disa makinave të reja që do t’u jepen ministrave të kabinetit të ri qeveritar. Gazeta “Albania” ka mësuar se bëhet fjalë për një fond prej 1.5 milionë dollarësh, i cili do të jepet për blerjen e 8 makinave fuoristradë të prodhimit më të fundit, të cilat do të shpërndahen për ministrat e qeverisë, në një kohë që dy prej makinave janë porositur me opsione super (sistem blindimi). Burime nga Ministria e Financave kanë thënë për “Albania”-n se “makinat tashmë janë përcaktuar se në cilën kompani do të bihen, edhe pse për të tilla automjete janë ofruar disa prej autosalloneve më të njohura në vend, duke dhënë çmime konkurruese”. Por, me sa duket, kryeministrit dhe ministrave, më tepër se sa çmimi për makinave e reja, u intereson komoditeti dhe luksi. Plani fillestar ishte për të shpenzuar rreth 5.3 milionë dollarë, por në tender pati një ndryshim procedurash dhe në fund u lidh kontrata për fituesit me vlerë rreh 1.5 milionë dollarë. Shumat janë paraqitur pa i futur TVSH-në, në të kundërt, vlera e tyre rritet me 20 për qind. I gjithë operacioni për blerjen e automjeteve nisi në fund të muajit korrik dhe u mbyll këto ditë, me shpalljen e kompanisë fituese që ka ofruar fuoristrada të vitprodhimit 2008.
Tenderi
I zhvilluar më datë 29 korrik 2009, tenderi i parë që u parashikua për blerjen e makinave luksoze planifikohej për të blerë mjete transporti për 16 institucione, me vlerë rreth 5.3 milionë dollarë, më i larti i realizuar ndonjëherë. Kjo, edhe për shkak të përqendrimit të zhvillimit të prokurimit publik në një institucion të vetëm, Ministrinë e Brendshme, e cila ka të drejtën për të blerë pajisjet dhe mallra për institucionet e tjera. Duke qenë se zhvillimi i tenderave kërkon kohë, në respekt të ligjit dhe për ta mbyllur brenda vitit, institucionet e interesuara mblodhën të gjitha kërkesat e tyre për mjete transporti dhe i përqendruan në një tender të vetëm. Për fat, vetëm 20 për qind e fondit limit u shpenzua, pasi procedura e tenderit u anulua për katër institucione, kurse ofertat e kompanive koncesionare ishin konkurruese. Kontrata nuk është lidhur ende, pasi pritet procedimi me ankesat (nëse ka), por shpallja e fituesve u bë këto ditë, kur jo më larg se javën e shkuar, Parlamenti miratoi projektligjin për heqjen e mjeteve të transportit për drejtuesit e administratës shtetërore. Pra, paralelisht me deklaratat e kryeministrit për të shkurtuar shpenzimet e automjeteve, duke reduktuar numrin e automjeteve, zhvillohej një tender për blerjen e tyre. Në tender nuk thuhet konkretisht se sa mund të jetë numri i automjeteve që do të blihen, por vetëm shuma. Të interesuar për të blerë automjete, kryesisht fuoristrada, kishin hyrë të paktën 14 institucione, si DPT-ja, DPD-ja, Drejtoria e Burgjeve, Policia e Shtetit, Prefekturat etj.
Makinat në qarkullim
Nga Ministria e Financave vlerësohet se në rang vendi janë rreth 3500 automjete në shërbim të administratës shtetërore, por numri mund të jetë akoma më i madh për shkak se ka mangësi informacioni. Duke parë koston e lartë të mirëmbajtjes së automjetit, nga servisi, karburanti dhe shoferët, qeveria vendosi të shkurtonte numrin e makinave në përdorim duke ulur edhe shpenzimet. Megjithatë, Ministria e Financave (e cila ka përgatitur projektvendimin), ka vendosur një nen në ligj, ku u jepet e drejta e parablerjes së automjetit atyre zyrtarëve që do t’u hiqet nga përdorimi. Plani është që automjetet e hequra nga përdorimi me paratë e shtetit do të mblidhen në magazinat e Rezervës Shtetërore, e më pas do të shiten me ankand, ku e drejta e parablerjes u takon funksionarëve. Në këtë pikë, qeveria del tërësisht e humbur pasi makinat që zyrtarët kanë aktualisht në përdorim mund t‘i blejnë në ankand shumë më lirë sa i ka marrë shteti dhe, nga ana tjetër, rrit sërish shpenzimet duke blerë të tjera.
Mima: “Shoferët që do të hiqen nga puna do të trajtohen me asistencë”
Janë rreth 3 mijë shoferë që administrata shtetërore parashikon të shkurtojë nga puna pas vendimit për heqjen nga përdorimi të makinave për zyrtarët dhe drejtuesit e administratës publike, si dhe deputetët. Por, për këta individë, qeveria ka menduar që t’i trajtojë me asistencë sociale duke i konsideruar si të papunë. Këtë gjë e ka deklaruar dje deputeti i PD-së dhe anëtar i Komisionit Parlamentar të Ekonomisë, Florian Mima, i cili tha se “shoferët e administratës publike, të cilët janë të detyruar të lënë vendet e punës pas heqjes së makinave për zyrtarët, do të trajtohen nga shteti për një vit resht me asistencë sociale, në një kohë që ekziston mundësia që gjatë kësaj kohe ata të rregullohen në punë të tjera”. Çdo vit taksapaguesit shqiptarë paguajnë rreth 36 milionë dollarë për makinat e zyrtarëve dhe shoferët e tyre. Nga të dhënat zyrtare mësohet se në inventar kemi 374 automjete dhe 280 shoferë, që u shërbejnë ministrive dhe institucioneve qendrore. Kostoja mesatare e këtij shërbimi është 137 710 lekë në muaj. Ndërkohë, për institucionet e varësisë vërehet një numër më i lartë i automjeteve, të rritura çdo vit. Aktualisht janë rreth 3500 mjete transporti për institucionet e varësisë dhe rajonale, pa përfshirë këtu makinat e Ministrisë së Punëve Publike, Transportit dhe Telekomunikacionit dhe Ministrisë së Mbrojtjes. Për këto makina, shpenzimet në total janë rreth 28 milionë dollarë, shifër e cila do të ishte shumë më e lartë nëse informacioni do të ishte më i plotë. Sipas përllogaritjeve, kostoja mesatare e shpenzimeve për një makinë në muaj varion nga 80 mijë lekë në 150 mijë lekë. Zbatimi i variantit të ri për trajtimin financiar të zyrtarëve parashikon një efekt rreth 2.3 milionë dollarë.
22 Tetor 2009
..
ne se eshte sic thote gazet albania.. turp te kete qeverria..
me 1 milion dollare blen ilace per te mijra qyqare.. e voglusheve neper shkolla u jep buk e u a pastron ca morra..
pse pa makina paskan qene ministrite e i dashkan te reja keta jezite..
kaq mullaqe speciale kane..
un me makin te vitit 93 jam.. e me con ne elbasan.. sa her qe dua.. or babam..
kan luajtur menc..
Përgjigju Duke Cituar
Rrezik t'kam edhe komshi lol
Krijoni Kontakt