Testament...

[Agim Doçi]

Ndali pak hapat ti udhëtar
Mos harro se varri përbri është i imi…
Miljona vargje fshehen nën atë varr
Aty dergjet shpirti, malli dhe frymëzimi!

Nuk të kërkoj lule, as dhe përkëdhelje mbi mermer
Vetëm hidh një vështrim …ashtu fare kot.
Aty dergjet poeti i këngëve, shpirt zeher
Aty dergjen mijëra këngë të lagura me lot.

E more vesht, ti udhëtar pse të ndala?!
Epitafi im mbi varr do jetë shumë i thjeshtë.
Do ketë vetëm dy vargje, nga shpirti të dala.
“Njerëz aq shumë ju desha/ Sa nuk më mjaftoi një jetë!”

[Palma]

Sa me emocionoi, sa me mallengjeu...vertetesia dhe mjeshteria e ketyre vargjeve. Vargje mbi vargje. Ju pershendes Agim. Testamenti i nje poeti eshte i lare me flori...
Shendet dhe vargje pafund, ju uroj.

Alma

[riza2008]

Përshëndetje i nderuari Doçi.Vërtet vargje tepër emocionues,por një ditë kjo do vijë për këdo,për ju personalisht s'do ketë një gjë të tillë në mëndjet e njerzve që e dashurojnë vargun tënd do jetosh gjatë.Të uroj sinqerisht shëndet dhe muzë pa fund.Për respekt te poezisë tënde po hedh dhe unë nja dy rreshta të çastit:


Edi...........

Edi,që do largohem një ditë nga kjo botë
Dhe aspak mëri s'i kam për ti mbajtur.
Tek pllaka e varrit që dot' rrijë mbi kokë,
Dy vargje të thjeshta do ti heq nga vargu.

Nga vargjet mbi pllakë,do mbledh kalimtarë,
Me lule të freskëta do mbulohet varri..
Do vish ti e dashur, me zë duke qarë,
Me librat në duar: Ja ky është thesari.

Nga librat e vargut njerzit do trishtohen,
Me sy të përlotur kujtojnë poetin.
Ky është testamenti:Për ju përgjerohem.
Dhe në botën tjetër, vargjet s'do më tretin.

[bili99]

I nderuar poet,Agim Doci:
Testamenti me pelqeu, dhe nuk e di a te te pergezoj per kete rikujtim se mundimi ,brenga dhe shqetesimet ,gezimet te gjitha se bashku perfundojne me mbarim jete , si t'ja bej te te pergezoj o te marr pjese ne pikellim !?
E lexova Testamentin ketu ne forum ,dhe kaq me mjafton ! eshte heret , shume heret qe ta lexoj si epitaf mbi varr, mbase poetet nuk kane epitafe mbesin gjalle permes vargjeve te pavdekshme.

me nderime per vargjet e pavdekshme,
bili99

[antina]

Ndali pak hapat ti udhëtar
Mos harro se varri përbri është i imi…
Miljona vargje fshehen nën atë varr
Aty dergjet shpirti, malli dhe frymëzimi!

Nuk të kërkoj lule, as dhe përkëdhelje mbi mermer
Vetëm hidh një vështrim …ashtu fare kot.
Aty dergjet poeti i këngëve, shpirt zeher
Aty dergjen mijëra këngë të lagura me lot.

E more vesht, ti udhëtar pse të ndala?!
Epitafi im mbi varr do jetë shumë i thjeshtë.
Do ketë vetëm dy vargje, nga shpirti të dala.
“Njerëz aq shumë ju desha/ Sa nuk më mjaftoi një jetë!”

Trupi yt do prehet diku,
Nga nje varr, te gjithe, do te kemi vet,
por shpirti malli dhe frymezimi,
me poezine tende do te jetojne perjet.

Lule s'do te cojme ne var,
mjafton nje veshtrim ashtu fare kot,
mbi poezit tuaja margaritare,
do mbushin shpirtin dashuri e mall plot.

Dhe cdo udhetar i poezis tuaj,
do t'ju kujtoj me shume nder,
fjala e tij nga zemra do te ishte,
falemider.............

[Dorontina]

Njeriu thon asht me i fort se guri
thon edhe njeriu flet kur teshet per muri
Njeriun e ka formue puna
njeriun smund ta prish as era as furtuna

Njeri si dje si sot je viktim i pasuris dhe i bukuris
andaj pse punon aq shum
sikur do jetome nji shekull
sikur dojm ta mbajm boten nen sjetull....

Nuk jam viktim flas dhe bertas
me mir ujk se viktim
te frigoehn nga une aq per mu me mir
te vori im ardheshin
ne te lexofshin...
ju pasha shpejt ketu ore miq, ju!- qe mua sme deshet hiq....

[Bani gjk]

Eh kur e kujtoj ate varrin e shkret
Trupi me rrethqethet nga ai kiamet
Me rrethqethet per dy arsy,
Kur nanen dhe baben i kujtoj me lot ne sy.

Andaj edhe un nje testament per ju la
Vorrit tem permendore mos mi ba
Vetem nje lutje me kendu
Qe Zoti meshir ne mu me leshu.

Un edhe hallall juve du me ju kerku
Sepse e di se ndonjeher e kam tepru.
Zoti ne shum libra te shejta na ka kshillu
Falni njerzit kur ju kan lendu

[Agim Doçi]

Mua tani nuk më mbeti endër e parealizuar.
Provova fatbardhësitë dhe fatkeqësitë e kësaj jete.
Madje gjatë, shumë gjatë kam qenë i dashuruar...
Tani u lodha, më shumë ngjaj me një gjethe vjeshte.

E di që era do më marrë, me frymën e parë.
E di që do më vërtisë, ku nuk kam qenë kurrë.
Ju betohem, asnjëherë nuk u terhoqa zvarrë!
Sepse shkorva për Lirinë, Dashurinë dhe Flamur.

Po ja që vjen një ditë, dhe bie në trishtim.
Po qenka hall i madh, kur të plotesohen deshirat
Në jetën e pertejme, ndoshta do e gjej dashurin
Sa jemi gjallë, nakatopsim të keqiat dhe të mirat...

[brunilda_it]

Keto jane 3-vargjet ku cdo krijues do te gjente 1-pjese te veht-vetes!
Vertet te tjeret nuk e kuptojme se sa ne i duam ata, por lendimi qe ne marrim prej tyre na e forcon me shume Dashurine , dashurine per Jeten dhe per cka ne leme pas , thesari i cdo poeti "KRIJIMTARIA " !
Urimet e mia !

Epitafi im mbi varr do jetë shumë i thjeshtë.
Do ketë vetëm dy vargje, nga shpirti të dala.
“Njerëz aq shumë ju desha/ Sa nuk më mjaftoi një jetë!”

[e panjohura]

Testamentin tim me vete do e marrë
Nuk dua ta ngarkoj askend mbi tokë
S'dua askujt t'ia lë barrë në këtë botë
Ose do t'i lë vetëm dy fjali:
-----------------------------------------

,,EPITAF mos më shkruani
Tek guri që kam mbi kokë!''