Kongresi: Mbeshtetesit e Metes ngelen jashte KPD socialiste

[Albo]

KPD përjashton grupin Meta

Votimi për Komitetin e Përgjithshëm Drejtues ka lënë jashtë ish-Kryeministrin dhe gjithë deputetët mbështetës të tij. Në listë kanë hyrë Fino dhe Angjeli, kurse më shumë vota ka arritur që të marrë Ruçi, i ndjekur nga Nano, Dokle dhe Agolli. Ruçi nuk pranoi që të bënte komente për këtë përzgjedhje

Ish-kryeministri Ilir Meta së bashku me grupin e tij të përkrahësve, kanë ngelur jashtë Komitetit të Përgjithshëm Drejtues. Lista e publikuar ditën e djeshme nga sekretari i përgjithshëm i Partisë Socialiste, Gramoz Ruçi, përjashtonte nga forumi i lartë kundërshtarët nanoistë. Meta kishte arritur që të grumbullonte vetëm 200 vota, një numër i pamjaftueshëm për të arritur cakun për të hyrë në KPD. Poshtë emrit të tij vijonin me më pak vota emrat e përkrahësve të tij, si ai i Ilir Zelës, Spartak Brahos, Monika Kryemadhit, Mustafa Muçit, Sabit Brokajt, Eduart Alushit, Limoz Dizdarit, etj.. Në listë kanë arritur që të fitojnë emrat e dy kandidaturave për kreun e PS-së. Rexhep Meidani ka arritur që të marrë gjithsej 266 vota dhe është renditur në vendin e 70-të, kurse Edi Rama ka marrë 337 vota dhe është renditur në vendin e 34-të. Në listë kanë arritur që të futen edhe deputetët Anastas Angjeli dhe Bashkim Fino, të cilët kanë arritur që të marrin numrin e nevojshëm të votave. Këta të fundit edhe pse votuan kundër dekreteve për emërimin e ministrave, kanë votuar pro kryetarit aktual.

Listën e antarëve të KPD-së së votuar nga delegatët e Kongresit, e kryeson Gramoz Ruçi me 424 vota, duke u pasuar nga Fatos Nano e Namik Dokle me 421 vota dhe më tej nga Dritëro Agolli me 417 vota. Gramoz Ruçi nuk pranoi të bënte asnjë koment lidhur me mbetjen jashtë të Ilir Metës dhe grupit të tij. "Nuk kam pse paragjykoj, demokracia s'është sistemi i kulluar, por ky është sistemi më i mirë i zgjedhur nga shoqëria njerëzore deri sot, prandaj verdikti i kongresit e dha rezultatin e vet dhe duhet të respektohet si nga fituesit ashtu edhe nga humbësit," tha Ruçi. Ditën e sotme pritet që të mblidhet KPD-ja e sapozgjedhur, e cila do të zgjedhë kryesinë e kësaj partie, në të cilën pritet që të bëjnë pjesë 19 anëtarë, ndryshe nga kryesia e mëparshme, e cila përbëhej nga 17 anëtarë. Gjithashtu KPD-ja do të votojë për sekretarët. Sekretari i rizgjedhur, Ruçi tha se mbi deputetët që do të votojnë kundër, do të veprohet duke iu përmbajtur rregullave të përcaktuara. "Nuk di ç'të them për ta. Unë deputetët nuk i dëgjoj nëpërmjet pyetjes suaj, por i dëgjoj në rrugë institucionale", tha ai.

Kongresi i gjashtë i kësaj partie miratoi dhe një nen në statutin e kësaj partie, i cili parashikon çregjistrimin nga partia, të atyre deputetëve që votojnë kundër vendimeve të forumeve. Kongresi zgjodhi 95 anëtarë të KPD-së, kurse numri i përgjithshëm i anëtarëve të këtij forumi është 135. KPD-ja e mëparshme përbëhej nga 118 anëtarë, kurse kongresi i vitit 1999 përzgjodhi vetëm 80 anëtarë të KPD-së. Kryetarët e degëve të partive në rrethe futen direkt në këtë forum, po ashtu dhe kryetari i FRESSH-it dhe kryetarja e Gruas socialiste. Edhe këto ndryshime u sanksionuan në statut.


Lista e kandidaturave fituese për Komitetin e Përgjithshëm Drejtues të Partisë Socialiste

1 - Gramoz Ruçi 424 vota

2 - Fatos Nano 421 vota

3 - Namik Dokle 421 vota

4 - Dritëro Agolli 417 vota

5 - Ermelinda Meksi 417 vota

6 - Servet Pëllumbi 417 vota

7 - Petro Koçi 414 vota

8 - Pandeli Majko 411 vota

9 - Arben Malaj 403 vota

10 - Bardhyl Agasi 396 vota

11 - Ethem Ruka 391 vota

12 - Erion Braçe 377 vota

13 - Ylli Bufi 377 vota

14 - Ahmet Ceni 375 vota

15 - Makbule Çeço 375 vota

16 - Blendi Klosi 374 vota

17 - Kastriot Islami 373 vota

18 - Arta Dade 371 vota

19 - Agron Dibra 369 vota

20 - Fatmir Xhafa 365 vota

21 - Maqo Lakrori 364 vota

22 - Marko Bello 360 vota

23 - Viktor Doda 352 vota

24 - Violeta Manushi 350 vota

25 - Gazmir Bizhga 349 vota

26 - Saemira Pino 348 vota

27 - Spartak Poçi 347 vota

28 - Luan Rama 343 vota

29 - Artan Nelaj 342 vota

30 - Lekë Cukaj 342 vota

31 - Luan Memushi 342 vota

32 - Bashkim Fino 341 vota

33 - Besnik Dervishi 341 vota

34 - Edi Rama 337 vota

35 - Musa Ulqini 335 vota

36 - Natasha Paço 334 vota

37 - Stefan Çipa 334 vota

38 - Elmaz Sherifi 330 vota

39 - Agron Tato 328 vota

40 - Enver Reçi 321 vota

41 - Fadil Nasufi 320 vota

42 - Hasan Hoxha 318 vota

43 - Luan Hajdaraga 318 vota

44 - Vjollca Ibro 317 vota

45 - Ben Blushi 310 vota

46 - Durim Hushi 305 vota

47 - Kolë Malaj 303 vota

48 - Mustafa Xhani 301 vota

49 - Zamira Caka 298 vota

50 - Emin Barçi 296 vota

51 - Taulant Dedja 296 vota

52 - Arben Ahmetaj 295 vota

53 - Flamur Hoxha 295 vota

54 - Luan Shahollari 295 vota

55 - Ejup Tabaku 294 vota

56 - Afërdita Stefani 293 vota

57 - Rajmonda Stefa 293 vota

58 - Ndriçim Hysa 288 vota

59 - Anastas Angjeli 287 vota

60 - Mezan Malaj 287 vota

61 - Ardian Myslymaj 286 vota

62 - Kadri Rrapi 283 vota

63 - Adriana Berberi 282 vota

64 - Arben Dervishi 282 vota

65 - Luiza Hoxha 279 vota

66 - Elida Tepelena 276 vota

67 - Vangjel Tavo 272 vota

68 - Sherif Bundo 269 vota

69 - Baftjar Zeqo 268 vota

70 - Rexhep Meidani 266 vota

71 - Nazmir Bilani 265 vota

72 - Shpëtim Kateshi 261 vota

73 - Arbër Qilimi 258 vota

74 - Albert Çaçi 257 vota

75 - Artur Kurti 256 vota

76 - Bashkim Habili 252 vota

77 - Paqësor Zeneli 252 vota

78 - Fatbardha Shabani 249 vota

79 - Shpëtim Gjika 247 vota

80 - Fatos Muça 244 vota

81 - Shpëtim Cami 243 vota

82 - Eva Alushi 239 vota

83 - Lush Përpali 239 vota

84 - Rexhep Çuko 237 vota

85 - Hamdi Jupe 231 vota

86 - Lili Nushi 231 vota

87 - Elidiana Canaj 227 vota

88 - Merita Ndreko 227 vota

89 - Zyhdi Teqja 224 vota

90 - Natasha Hodaj 222 vota

91 - Sadedin Stankaj 222 vota

92 - Fatmira Veizi 221 vota

93 - Astrit Llanaj 219 vota

94 - Niko Faber 219 vota

95 - Bashkim Koçi 218 vota


--------------------------------------------------------------------------------

Mënyra e përzgjedhjes së kandidaturave të votuara për anëtarë të KPD-së

- Për të votuar propozohen 190 kandidatura

- Kryetarja e gruas socialiste do të jetë anëtare e KPD

- Kryetari i FRESSH është automatikisht anëtar i KPD

- Të gjithë anëtarët e KPD-së së kaluar ishin të pranishëm në listën e votimit

- Të gjithë deputetët që nuk kanë qenë më përpara në KPD ishin në listën e votimit

- Në listë kishte dhe 8 anëtarë të forumit të rinisë eurosocialiste

- Përfaqësia kishte propozuar 25 kandidatura të veçanta, në të cilat binte në sy numri i madh i përkrahësve të Nanos përfshi emrat e Emin Barçit dhe Arben Ahmetajt.

- Delegatët mund të propozonin emra për kandidim, po me përkrahjen e 50 plus një të të pranishmëve. Gjithashtu ai që propozon duhet të kërkojë që të hiqet një prej kandidatëve tjerë, të cilët duhet të hiqen me 50 plus një të votave të delegatëve.


KPD, 19 deputetë socialistë ngelen jashtë listës

Në listën e anëtarëve të Komitetit të Përgjithshëm Drejtues, përzgjedhur nga delegatët e Kongresit mungojnë emrat e 19 deputetëve socialistë. Ata nuk janë përzgjedhur gjatë votimit edhe pse ishin në listën e kandidaturave për KPD-në e re. Mes këtyre emrave janë llogaritur dhe emrat e atyre deputetëve që janë përjashtuar nga forumi i lartë i Partisë Socialiste, pasi ishin kundërshtarët kryesorë të Nanos, të cilët nuk votuan për dekretet ministrore. Kështu në listën e KPD-së mungojnë deputetët Ardit Kaja, Banush Gozhdari, Dritan Prifti, Eduart Alushi, Ilir Gjoni, Ilir Meta, Ilir Zela, Maksut Balla, Monika Kryemadhi, Mustafa Muçi. Ndre Legisi, Nezir Selimaj, Rahmi Mehmetllari, Sotir Kokeri, Shyqyri Duraku, Spartak Braho, Limoz Dizdari, Valentina Leskaj, Zyhdi Pepa.

Këto emra mund të reflektojnë pakënaqësi ndaj mospërzgjedhjes së tyre si anëtarë të forumit të lartë të kësaj partie. Kandidatët alternativë të Nanos kishin hedhur idenë që në KPD të futeshin në mënyrë automatike të gjithë deputetët e kësaj partie. Por kjo ide nuk u mor parasysh. Ditën e sotme mblidhet KPD, e cila do të vendosë për kryesinë, e cila do të vazhdojë me përzgjedhjen e emrave që do të propozohen për në kabinetin e ri qeveritar.


KPD, mbi 90 për qind e anëtarëve nga jugu i Shqipërisë

Nga përzgjedhja e re e atyre që kanë fituar të drejtën për të qenë anëtarë të Komitetit të Përgjitshëm Drejtues të PS-së, bie në sy një fakt tjetër. Nga përllogaritja e emrave, vihet re se shumica e këtyre anëtarëve janë nga jugu i vendit. Nga numërimi konstatohet se mbi 90 për qind e anëtarëve të këtij forumi janë nga jugu i Shqipërisë, dhe vetëm më pak se 10 për qind i përkasin veriut.

Kështu emrat e anëtarëve veriorë, janë ato të Namik Dokles, Agron Dibrës, Viktor Dodës, Lekë Çukaj, Musa Ulqini, Kolë Malaj, Kadri Rrapi, Lush Përpali dhe Sadedin Stankaj. Kështu nga 95 anëtarë që janë përzgjedhur nga kongresi vetëm 9 janë nga pjesa veriore e vendit. Vihet re se shumë nga anëtarët e KPD-së që janë përzgjedhur nga veriu i vendit janë deputetë, të cilët jetojnë prej kohësh në kryeqytetin e vendit. Nuk është zgjedhur asnjë nga anëtarët socialistë të bazës, të cilët militojnë në qytetet veriore. KPD socialiste është shtuar në 135 anëtarë. Krahas anëtarëve që përzgjidhen nga kongresi, në të bëjnë pjesë dhe kryetarja e gruas socialiste, kryetari i FRESSH dhe kryetarët e Partisë Socialiste në rrethe.

[Brari]

Albo..a ka mundesi ti hiqni kto "kryetemat" nga kjo faqja "Tema e Shtypit" ?..
Sdi pse sme behet te lexoj aty. Me duken si sirtare te mbyllura e jo aktuale.
Leri temat tek "SHTYPI" te levizin sipas interesimit te lexues-shkruesve e sejcili vet lexon ku deshiron e komenton ku deshiron. Pra ngelet ne krye ajo cka lexuesi e shikon si me aktuale e dramatike.

Vet lexues-Shkruesit me frekuentimin qe i bejne temave krijojne dhe temat me aktuale e me dinamike.





Tema:

--------

INTERVISTA

Intervistë e Fatos Lubonjës dhënë radios Zëri i Amerikës

Asnjë rrugëdalje nuk kalon nga PS

Zëri i Amerikës: Zoti Lubonja, në kongresin e socialistëve zoti Nano doli me pozita të konsoliduara, ndërkohë që shumica e kundërshtarëve të tij mbetën jashtë organeve drejtuese të partisë. Cila është domethënia e këtyre zhvillimeve për të ardhmen e qeverisjes socialiste?

Fatos Lubonja: Kjo ka dy domethënie sipas mendimit tim. Ka një domethënie për Partinë Socialiste dhe të ardhmen e Partisë Socialiste, e cila sipas mendimit tim është një e ardhme aspak pozitive, në kuptimin që unë shoh një histori të vjetër të ripërsëritet, domethënë historinë që një parti sa më shumë qëndron në pushtet, sa më shumë korruptohet, abuzon me ligjin, me të drejtat, aq më tepër largohen njerëzit dhe aq më tepër ka prirje për të shkelur ligjin dhe për t'u kontrolluar nga një njeri i vetëm dhe aq më tepër ka prirjen për të përjashtuar zërat kontestues. Pra kemi një autoritarizëm në parti që synon stabilitet në qeverisje nëpërmjet kësaj dore të fortë, që merr pushtetin. Unë mendoj që është e hapur çështja nëse do të kemi stabilitet, apo do të kemi përsëri destabilitet. Kjo varet nga raporti i forcave që do të zhvillohet tani mbrapa në parlament, pra sa do të ketë mbështetje Nano dhe sa jo, por në kuptimin tjetër pastaj jo të stabilitetit, por të efektivitetit të qeverisjes, mendoj se edhe niveli i Kongresit, edhe niveli i fjalimit të Nanos dhe gjithë kjo që zhvilloi, nuk do të na prodhojë politika efektive në kuptimin e avancimit të reformave, gjithçkaje të mirë që presim nga një qeverisje.



Zëri i Amerikës: Zoti Lubonja, çështja kryesore tani për kryeministrin është çështja e kabinetit. A mendoni se zoti Nano do të përpiqet që të plotësojë vetëm dy vendet bosh në kabinet apo do të përfitojë nga rasti për të rikompozuar të gjithë kabinetin?

Fatos Lubonja: Kjo është një pyetje që mbetet e hapur. Nuk mund të jap dot një përgjigje. Unë mendoj që mesa pamë Nano do të ndërtojë një qeveri, ndoshta me dy ministra, ndoshta një qeveri me më shumë ndryshime, ku do të ketë si të thuash dorën e tij të fortë. Problemi nuk është ky për mendimin tim. Problemi është a do të mundet Nano të kalojë parlamentin, apo nuk do të mundet ta kalojë parlamentin me çfarëdolloj propozimi që mund të bëjë, domethënë me dy ministra, apo me një qeveri më të gjerë. Ky do të jetë momenti më delikat dhe ende nuk kemi gjë të sigurt. Unë kam një intuitë që do ta kalojë Nano, sepse ne harrojmë një gjë të rëndësishme: edhe pse Nano shfaqi ato paranojat dhe deliret e tija në këtë moment, ne harrojmë një moment tjetër që është mbrapa, ajo baza që mbështet politikën e Nanos, ajo që si të thuash është sistemi politik që ne kemi ngritur, që është sistemi i oligarkëve që qëndrojnë mbrapa Nanos, që e bëjnë edhe Nanon një instrument, pra gjithë njerëzve të pasur, që janë pasuruar, që nëpërmjet politikës kanë krijuar fitimet e tyre dhe që bëjnë në fakt politikë me paranë e tyre dhe përdorin edhe Nanon si instrument. Këta janë të interesuar që të ketë qeverisje të Partisë Socialiste, këta janë një shumicë dhe unë mendoj që këta do ta arrijnë suksesin e tyre për ta kapërcyer parlamentin, pavarësisht pastaj nga pasojat dhe problemet që do të ketë Shqipëria më mbrapa. Megjithatë nuk e them në mënyrë absolute një gjë të tillë. Mund të ketë edhe të papritura, por këtë kam si parandjenjë timen.



Zëri i Amerikës: Ju keni shfaqur mendime të ndryshme lidhur me qeverisjen e vendit në të ardhmen. Pas krizave të fundit në gjirin e socialistëve, ju jeni shprehur se ka ardhur koha që të ketë shkëmbim vendesh në qeverisje. A mund të na i sqaroni pikëpamjet tuaja zoti Lubonja?

Fatos Lubonja: Unë mendoj që edhe kjo ç'pamë në Kongresin e fundit, ka pakësuar iluzionet e atyre që mendojnë se Partia Socialiste mbetet gjithmonë më e mira. Unë mendoj që ka ardhur koha që si të thuash t'i japim fund idesë që duhet të zgjedhim të keqen më të vogël, sepse e keqja më e vogël nxjerr të keqen më të madhe, bëhet një e keqe më e madhe dhe sipas mendimit tim e mira e vetme që kemi këtu për të ndryshuar sado pak në pamundësi për të pasur një forcë të tretë politike të pastër që do ta skualifikojë këtë klasë politike është rotacioni, domethënë korrigjimi që mund t'i bëjnë njëra-tjetrës forcat politike në pushtet duke u alternuar dhe duke u bërë në momente të caktuara promotore të asaj që është nevoja kryesore që ka vendi.

Problemi kryesor që ka vendi sot është lidhja e politikës me krimin dhe i gjithë opinioni publik këtë kërkon, këtë ndryshim. Opozita ka marrë përsipër ta bëjë këtë. Pa dyshim është një thirrje që e bën koha. Pa dyshim opozita vështirë se do mund ta bëjë të gjithën, pa dyshim që opozita mund të bjerë pre përsëri e krimit, por jo deri në këtë nivel, por megjithatë është e vetmja mënyrë për t'u bërë...

Domethënë vjen një moment i caktuar ku një forcë politike do, s'do, bëhet përçuesja e disa nevojave të opinionit publik dhe këtë gjë, këtë problem kryesor që ka vendi, nuk mund ta bëjë Partia Socialiste duke qëndruar në pushtet, pastrimin e saj. Për mendimin tim kjo është e pamundur, kështu që mendoj që kthimi në opozitë i Partisë Socialiste do ta pastronte këtë parti, do ta bënte një opozitë më të fortë ndoshta ndaj Partisë Demokratike në pushtet, kur kjo të fillonte të rilidhej me krimin dhe në një farë mënyrë kjo do të ishte shpresa e vetme. Ndërsa siç tregoi ky Kongres, Partia Socialiste shkon nga e keqja edhe më keq dhe do të shkojë edhe më keq, po vazhdoi kështu. Mendoj që rotacioni është gjëja më pozitive në demokraci dhe demokracia është risk tek e fundit, nuk është stabilitet në dëm të lëvizjes dhe dinamikës.

---------

nga Tema

[ALBA]

Ja çfarë ndodhi dje në selinë rozë. Gjithë detajet e zgjedhjeve në forumet më të larta

Kryesia e PS pa asnjë antinano
Nano nuk propozon Edi Ramën dhe Meidanin për në Kryesi

Luljeta Progni

Me konsensus të plotë, KPD-ja e re socialiste ka zgjedhur dje Kryesinë e re dhe sekretariatin e kësaj partie. Janë zgjedhur 17 anëtarë të rinj të kryesisë dhe tre sekretarët e PS-së, Agron Dibra, Bardhyl Agasi, Maqo Lakrori.

Duke përjashtuar dy mbështetësit e Metës, Ilir Zela dhe Limoz Dizdari, janë rikonfirmuar në kryesi të gjithë anëtarët e Kryesisë së vjetër, duke iu shtuar kësaj liste pesë emra të tjerë. Përballë çdo anëtari të kryesisë pararendëse është vënë një kandidaturë alternative, e cila është propozuar nga kryetari socialist Fatos Nano. Në listën e propozimeve të kryetarit, nuk ka hyrë emri i ish-presidentit Meidani, por as ai i kryebashkiakut Rama. Ky i fundit është propozuar si kandidat alternativ për anëtar kryesie nga deputeti Taulant Dedja. Ndërkohë që është tërhequr nga gara për të qenë anëtar kryesie kryetari i parlamentit, Servet Pëllumbi. Kryeparlamentari ka refuzuar të konkurrojë, duke e arsyetuar këtë me moshën dhe dëshirën për t’i lënë radhë të rinjve për t’u zgjedhur në forumet drejtuese të partisë. Mbledhja e djeshme e KPD-së ka zgjedhur edhe kryefinacierin e ri të saj, Shpëtim Kaçi.

Pretendimet e mbështetësve të Nanos
Për më shumë se gjashtë orë, KPD-ja ka votuar kandidaturat për anëtarë kryesie, duke nxjerrë 17 emrat fitues. Ndryshe nga proceset e tjera zgjedhore të ditëve të fundit në PS, zgjedhja e djeshme e anëtarëve të Kryesisë socialiste është bërë me qetësi të plotë, pa asnjë debat dhe kundërshti. Ndërkohë që ka munguar Meidani, i vetmi kundërshtar i Nanos në KPD-në e djeshme. Ka qenë Edi Rama, i cili është larguar para se të fillonte numërimi i votave. Gjatë procesit të votimit, Nano është takuar herë pas here me përkrahësit e tij në parti, të cilët e kanë mbështetur fort atë gjatë betejës politike me krahun e Metës. Në pushimet e herë pas hershme, Nano është takuar me Bellon, Çaçin, Xhafën etj., ku mësohet se ata kanë marrë mbështetjen e kryetarit për të qenë pjesëtarë të forumeve të lartë të partisë. Bello ka qenë një ndër pretendentët kryesorë për të qenë anëtarë kryesie dhe për të pretenduar më pas për postin e njërit prej sekretarëve të partisë. Por ai është skualifikuar në garën për anëtarë kryesie, pasi nuk ka mbledhur numrin e nevojshëm të votave. I fituar ka dalë Fatmir Xhafa, pasi ka marrë numrin e nevojshëm për të qenë anëtarë kryesie, ashtu si Ylli Bufi, Saimira Pino, Ethem Ruka etj. Sipas përbërjes së djeshme të KPD-së, por dhe të Kryesisë së re socialiste, nuk do të ketë më as debate dhe as kundërshti. Megjithatë, kjo është konsideruar normale nga lidershipi i kësaj partie, duke mohuar idenë se është cënuar demokracia e brendshme e partisë.



Shtyhet votimi për sekretarin e katërt të PS

Është shtyrë votimi për zgjedhjen e sekretarit të sektorit më të ri në PS, sekretari i Burimeve Njerëzore dhe çështjeve elektorale. Kanë konkurruar dje për këtë post Gazmir Bixhga, i cili ka marrë 55 vota, Elmas Sherifi 45, Taulant Dedja 19. Zgjedhja e këtij sekretari do të bëhet në mbledhjen e ardhshme të KPD-së, pasi nuk është arritur numri i nevojshëm i votave.



Meidani bojkoton mbledhjen e KPD

Rexhep Meidani ka bojkotuar dje mbledhjen e parë të KPD-së së re, anëtar i së cilës është zgjedhur në Kongresin e fundit të PS-së. Në propozimet e tij për anëtarë kryesie, Nano nuk e ka propozuar emrin e Meidanit si kandidat, megjithëse pati premtuar ditën që u shpall kryetar i PS-së, se do të ftonte konkurrentët për bashkëpunim dhe pjesëmarrje në forumet e larta drejtuese të partisë. Asnjëri prej rivalëve, Nano nuk i ka propozuar dje si kandidat për anëtarë kryesie, pasi Meidani nuk ka qenë kandidat, ndërsa Rama është propozuar nga deputeti socialist, Taulant Dedja. Pas mungesës së Meidanit në mbledhjen e parë të KPD-së, nuk ka asnjë deklarim nga ai apo stafi i tij për këtë mungesë. Ndërkohë kanë filluar të qarkullojnë zëra se do të ketë një tërheqje të Meidanit nga ky forum. Sipas këtyre burimeve brenda PS-së, ish-presidenti Meidani pritet të japë dorëheqjen nga anëtarësia e tij në KPD-në e re të PS-së. Gjithashtu pritet që sot të ketë reagime të kundërshtarëve të Nanos në PS, në lidhje me zgjedhjen e forumeve më të larta drejtuese të partisë.

kandidatët

Fatos Nano
Gramoz Ruçi
Namik Dokle 113
Petro Koçi 105
Arben Malaj 104
Ermelinda Meksi 100
Pandeli Majko 99
Agron Dibra 94
Bardhyl Agasi 92
Bashkim Fino 86
Ylli Bufi 86
Makbule Çeço 86
Fatmir Xhafa 83
Arta Dade 82
Et’hem Ruka 81
Maqo Lakrori 75
Luan Rama 72
Saemira Pino 71
Spartak Poçi 71
Gazmir Bizhga 65
Edi Rama 65
Musa Ulqini 64
Viktor Doda 64
Marko Bello 63
Kastriot Islami 60
Durim Hushi 60
Zamira Çaka 45
Lekë Çukaj 36
Luan Memushi 35
Ejup Tabaku 33



Sekretar organizativ
Agron Dibra 74
Fatmir Xhafa 45

Sekretar i marredh. me publikun
Bardhyl Agasi 68
Luan Rama 44

Sekretar i marredh. me jashtë
Maqo Lakrori 89
Arta Dade tërhiqet

Panorama

[inter_forever]

Ju ka marre '' malli'' te degjoni shifrat 99,99%....ka ca vite qe nuk i kishim degjuar me ...
Do ti degjojme qe sot e tutje ne Kongreset e Partise Socialiste ( Partise Punes) dhe ne fund te cdo votimi do degjojme ''turmen e deleve'' te brohorase Parti - Fatos....
Hajde demokraci hajde !!!!