Qeveri E Kosoves Fal Tok Maqedonis

[Llapi]

Po te isha ne vendin tend do te shikoja se si do te mund ti ndihmonim fshataret e Debelledut dhe jo se si te perfitosh nga shitja e tokave ..!
Mirpo i Turpshmi vetem sa vjen dhe turperohet ..!

HASHIM THAÇI SHPALL:
-KOSOVA NE SHITJE-
..bleni .. merrni ... Maqedoni ... Mali Zi ...Serbi ..
Verejtje Shqiperia nuk futet ne kete tregti ...!!

ani ani balit hashimi po e shitka e ti e putini e tadiqi e oliver jovanoviqi po i dilni ne mbrojtje pyffffffff

po ku na i lat tash njiher that se i shiti 2.500 hektar ma von that se mbi 400 hektar e rat deri ne 69 hektar tani banoret spo e din as vet disa thon 22 hektar e sipas te gjitha gjasave hiq asnji hektar se kan humb

po nese edhe i kan hup keta 22 hektar me siguri te plot flas se qeveria do tia kompenzoi shum fish ose do tu lejohet qe te shkoin e te shfrytzoin lirisht ti kullosin bagetit se per me e mbiell me sa di une nuk mbillen ato kodra

[vetevendosje]

ani ani balit hashimi po e shitka e ti e putini e tadiqi e oliver jovanoviqi po i dilni ne mbrojtje pyffffffff

po ku na i lat tash njiher that se i shiti 2.500 hektar ma von that se mbi 400 hektar e rat deri ne 69 hektar tani banoret spo e din as vet disa thon 22 hektar e sipas te gjitha gjasave hiq asnji hektar se kan humb

po nese edhe i kan hup keta 22 hektar me siguri te plot flas se qeveria do tia kompenzoi shum fish ose do tu lejohet qe te shkoin e te shfrytzoin lirisht ti kullosin bagetit se per me e mbiell me sa di une nuk mbillen ato kodra

ooo Zotrii .. nuk tregtohet vendi moree heeeej.!!
nuk e di si me ta spjegu ndryshe kjo osht shitje ... !!SHITJE ..!

[Faik]

Debëllde, policia kufitare kthen gurët kufitarë

20/10/2009


Policia kufitare e Republikës së Maqedonisë i ka kthyer gurët kufitar në vijën kufitare të përcaktuar ditë më parë me marrëveshjen e nënshkruar nga Qeveria e Shkupit dhe Prishtinës, njofton agjencia e lajmeve INA.



Banorët e fshatit kufitar Debëllde të Vitisë, sot i larguan gurët kufitarë, të pakënaqur me marrëveshjen e lartpërmendur e cila sipas tyre, 22 hektarë tokë, i falë shtetit të Maqedonisë.


Protestuesit kërkuan nga Qeveria e Kosovës, që të shqyrtojë kërkesat e banorëve për kthim të pronave dhe kompensimin e tyre që nuk i kanë shfrytëzuar për 9 vite me radhë, në të kundërtën paralajmëruan radikalizmin e veprimeve të tyre. (INA)




Debëlldeasit: Asnjëherë nuk do t`i japim tokat tona Maqedonisë

16:00- Banorët e fshatit kufitar Debëllde, përmes një proteste të organizuar në qendër të fshatit, kanë kundërshtuar Marrëveshjen e nënshkruar nga Qeveria e Kosovës dhe ajo e Maqedonisë që përcakton vijën kufitare, përmes së cilës 22 hektarë tokë, pronë e banorëve i takojnë territorit maqedonas. Protestuesit i bënë thirrje Qeverisë së Kosovës që të shqyrtoj kërkesat e banorëve për kthim të pronave dhe kompensim të tyre që nuk i kanë shfrytëzuar për 9 vite me radhë, në të kundërtën do të radikalizojn veprimet dhe nuk do të marrin përgjegjësit për eksese të mundshme.


“Kodra e Furrës është e jona”, “Nuk kemi tokë për të falur”, “Haram u qoftë vota deputetëve të Parlamentit”, ishin këto mbishkrimet që mbanin në duar banorët e fshatit kufitar Debëllde, në protestën e sotme të organizuar në qendër të fshatit për t`i thënë “Jo marrëveshjes së arritur mes Qeverisë së Kosovës dhe asaj të Maqedonisë.


Duke i`u drejtuar masës së tubuar, përfaqësuesi i fshatit Debëllde, Zymri Ilazi ka theksuar se marrëveshja e nënshkruar që banorëve i grabit 22 hektarë, kurrë nuk do të jetë e pranueshme për banorët e këtij fshati. “Ne nuk jemi kundër definimit të vijës kufitare, por që ky përcaktim të mos dëmtoj pronat private të fshatarëve”, ka theksuar Ilazi.


Ndërsa përfaqësuesi i këtij fshati në kuvendin komunal të Vitisë, Sali Abdullahu është shprehur se Qeveria e Kosovës nuk mbajti premtimin e dhënë që para çdo marrëveshje për kufirin të merret pëlqimi i banorëve. “Ditën kur janë vendosur shenjat që përcaktojnë kufirin, nuk ka ditur askush nga banorët”, është shprehur Abdullahu.


Përfaqësuesi i lëvizjes “Vetëvendosje” Hysen Durmishi në këtë protestë ka theksuar se zona e quajtur “Kodra e Furrës”, është pikë e ndjeshme dhe më gjeostrategjike, andaj sipas tij, për këtë është dashur një mobilizim i përgjithshëm i të gjithëve, si të institucioneve të Kosovës po ashtu edhe të gjithë popullit të Kosovës. Ndërsa plaku 98 vjeçar Haki Hasani, ka theksuar se Kodra e Furrës gjithmonë ka qenë prone e banorëve dhe për asnjë çmim nuk do të lejohet që këto prona ti kalojnë Maqedonisë. Si pasoje e marrëveshjes së vitit 2001, mes Beogradit dhe Shkupit, gjysma e banorëve të këtij fshati janë shpërngulur, kështu që para vitit 2001 Debelldeu numëronte rreth 72 shtëpi me 800 banorë, ndërsa tani pas 9 viteve në këtë fshat janë 34 shtëpi me afër 400 banorë. Edhe marrëveshja e re për kufirin mes Kosovës dhe Maqedonisë mund të rezultojë me shpërngulje të mëtutjeshme të banorëve, pohojnë banorët e Debelldeut.

[Faik]

Edhe Kosova fiton hise
në "Kodrën e Furrës"

Fami BAJRAMI

Shkup, 20 tetor - Rruga që çon deri te pika strategjike në "Kodrën e Furrës", si vijë e re kufitare, do të mund të shfrytëzohet edhe nga rojet kosovare. Kjo nënkupton se kjo pikë strategjike, e cila ishte edhe pengesë për vendosjen e marrëdhënieve diplomatike mes Shkupit e Prishtinës, përveç në territorin maqedonas, siç merr vesh "Koha", njëherësh do shfrytëzohet edhe si zonë neutrale. Jozyrtarisht mësohet se e tillë është gjendja edhe në "Fushën e Llukovës" e cila do të shfrytëzohet bashkërisht. Nga koluare të ndryshme politike, kjo nënkuptohet si fitore edhe e kosovarëve, pasi deri më tani, ata aspak nuk kanë pasur qasje në "Kodrën e Furrës". Ish-kryeministri i Maqedonisë, Vllado Buçkovski, aktualisht deputet i Lidhjes Socialdemokrate (LSDM), konfirmon për "Koha", se pika strategjike "Kodra e Furrës", mbetet në territorin maqedonas, por edhe nën juridiksion të Kosovës, pasi ai brez kufitar siç shtoi ai, do të shfrytëzohet në mënyrë të barabartë nga patrullat e përziera policore maqedonase-kosovare. Një ditë më parë, edhe Partia Demokratike Shqiptare (PDSH), lëshoi porosinë se Maqedonia ka dalë humbëse lidhur me marrëveshjen për demarkacionin. Burime të larta pranë partisë së Menduh Thaçit, deklaruan se Maqedonia është humbëse, pasi nga "Kodra e Furrës", që tani më është pjesë e Kosovës, ka një pamje deri në Sofje, kurse nga pjesa që nga ngelur në territorin e Maqedonisë, nuk duket asgjë.
"Qeveria duhet të sqarojë se këtë e bëri në mënyrë jo transparente. Po të ishte VMRO në opozitë, do ta 'kallte' Parlamentin. Askush nga ata nuk doli të sqarojë marrëveshjen për demarkacionin. Ne nuk jemi kundër fqinjësisë së mirë, por kundër mënyrës se si u votua kjo marrëveshje, kur kuptohet se nevojitet konsensus më i gjerë", tha deputeti i LSDM-së, Buçkovski. Një gjë të tillë, madje në BDI as nuk e konfirmojnë, por as e demantojnë. Nga atje vijnë zërat se vendosja eventuale e patrullave të përziera policore, do të ndikojë më mirë në çështjen e sigurisë dhe kontrabandës në kufij.

Zyrtari i lartë i BDI-së, Musa Xhaferi, vlerëson se me marrëveshjen e re për demarkacion, çështja problematike lidhur me pronat rregullohet maksimalisht.
"Mbi 90 për qind e tokave do të jenë brenda Kosovës. Mbyllja e kësaj çështje korrespondon me raportin e BE-së si shkas edhe për stabilitetin në rajon. Kjo u kurorëzua edhe me vendosjen e marrëdhënieve diplomatike mes dy shteteve", tha Musa Xhaferi. Në Qeveri nuk komentojnë asgjë përveç që thonë se çështja e demarkacionit është punë e kryer. "Çdo tendencë tjetër lidhur me këtë çështje, e konsiderojmë si të panevojshme dhe spekulative. Përmbyllja e demarkacionit dhe marrëdhëniet diplomatike konfirmojnë relacionet e shkëlqyera mes dy shteteve", tha zëdhënësi i Qeverisë, Shefik Duraku.
Marrëveshja për demarkacionin përfshinë 170 hektarë tokë në favor të Maqedonisë, derisa 150 metra i është dhënë Kosovës. Lëshimet nga vija kufitare në të dyja anët lëviz në maksimum 390 metra thellësi. Maqedonia ka lëshuar pe në Debëllde, ndërsa kosovarëve u është dhënë tokë për të cilin Maqedonia nuk ka poseduar dokumentacione.

Për këto hektarë tokë janë paraqitur menjëherë pronarët e tokave të Debëlldesë, që kanë vërtetuar këtë me tapi. Lëshimin e bërë në Debëllde, Kosova do ta kompensojë në "Fushët e Llukovës". Vija e re kufitare starton nga trekëndëshi Maqedoni-Shqipëri-Kosovë, tre kilometra nga vendi dhe vijon përgjatë bregut të majtë të Lumit "Sherup" nga njëra anë, dhe bregut të majtë të Lumit "Guri i Zi" nga ana tjetër. Aty planifikohet të ndërtohet hidrocentrale dhe kufiri i ri praktikisht do të jetë bregu verior i liqenit artificial që duhet të formohet. Autoritetet maqedonase këto ndryshime i karakterizuan si të domosdoshme, ndërsa opozita akuzoi se është bërë ndërrimi i territoreve më shumë se sa është dashur, me marrëveshjen mes Maqedonisë e Serbisë në vitin 2001. Madje, një pjesë e opozitës ka akuzuar se marrëveshja për demarkimin fizik do ta kontestohet para Gjykatës Kushtetuese.

Ambasadori kosovar në Shkup,
vitin e ardhshëm

Dekretimi i ambasadorit të Republikës së Kosovës që do të shërbejë në Shkup, nuk mund të bëhet së paku edhe 3-4 muaj. Kështu për mediat në Prishtinë janë shprehur zyrtarë të Qeverisë së Kosovës, sipas të cilëve, në Shkup madje nuk do të emërohet as ndonjë i ngarkuar me punë përkohësisht deri në emërimin e ambasadorit, siç ka ndodhur me përvojën kosovare në disa shtete evropiane. "Nuk do të ketë ngutje. Do të veprojmë sipas procedurave ligjore për dekretimin e ambasadorit", ka thënë Albana Beqiri, zëdhënëse e Ministrisë së Jashtme së Kosovës, duke mohuar që kjo procedurë të jetë shumë e gjatë. Në Ministrinë e Jashtme të Kosovës kanë informuar se, fillimisht presidenti Fatmir Sejdiu duhet të nënshkruajë dekretin për hapje të Ambasadës në Shkup, e që më pas të shpallet konkursi një mujor për ambasador. Më pas, si në çdo vend, fillon procedura disa javore e intervistimit të kandidatëve nga Ministria e Jashtme. Hapi tjetër është dërgimi i listës së ngushtë, me 3-4 emra, në Komisionin për Politikë të Jashtme të Parlamentit të Kosovës. Emrat e kandidatëve më të suksesshëm përfundojnë në tavolinën e Presidentit, i cili së bashku me Kryeministrin dhe Ministrin e Jashtëm, duhet të përcaktohen për njërin nga kandidatët. Por me kaq nuk përfundon puna. Emri i të propozuarit për ambasador nga liderët kosovarë duhet të dërgohet në Qeverinë e Maqedonisë, e cila duhet të nënshkruajë agremanin. Kjo procedurë në Shkup mund të zgjasë disa javë. Vetëm pas kthimit të agremanit në Prishtinë, Presidenti Sejdiu mund të nënshkruajë dekretin për emërimin e ambasadorit të Kosovës në Maqedoni.

VLLADO BUÇKOVSKI
Pika strategjike "Kodra e Furrës", mbetet në territorin maqedonas, por edhe nën juridiksion të Kosovës, pasi ai brez kufitar do të shfrytëzohet në mënyrë të barabartë nga patrullat e përziera policore maqedonase-kosovare

Protesta në Debëllde
Banorët e fshatit Debëllde kanë protestuar të martën ku kanë shprehur pakënaqësinë e tyre ndaj marrëveshjes së arritur për demarkacionin e kufirit Kosovë-Maqedoni. Ata kanë paralajmëruar edhe ndërmarrjen e masave radikale, nëse kërkesat e tyre nuk merren parasysh. Me pankartat "Kodra e Furrës është e jona", "Tokat tona nuk janë dhuratë, janë të shenjta", ata edhe njëherë kanë kundërshtuar nënshkrimin e kësaj marrëveshjeje. Kryetari i fshatit, Zymri Ilazi ka kërkuar nga Kuvendi i Kosovës dhe Qeveria që të rishqyrtojnë edhe njëherë këtë marrëveshje, e cila sipas tij, asnjëherë nuk do të pranohet nga banorët e Debëlldesë.

Bisedë telefonike Ivanov-Sejdiu

Presidenti i Maqedonisë, Gjorge Ivanov në kuadër të komunikimit të rregullt me udhëheqësit shtetëror të rajonit, ndërsa me kërkesë të presidentit të Kosovës, Fatmir Sejdiu, ka zhvilluar bisedë telefonike me këtë të fundit. Kështu thuhet në komunikatën e lëshuar nga kabineti i Ivanovit, sipas të cilës, "dy presidentët e përshëndetën vendosjen e marrëdhënieve diplomatike si dhe i vërtetuan angazhimet për përparimin e lidhjeve dypalëshe mes dy vendeve dhe qytetarëve të tyre".

[geezer]

haaaaaaaaaaaaaaaaaaaaaaaaa
qe de i shiti kodrat e hajt

KJO I BJEN DEMEK SKAN VLER KODRAT , TU PASKAN QORRU SYT LLAP

[Llapi]

Thaçi: Marrëveshja për kufirin është në interes shtetëror të Kosovës
Kryeministri Thaçi në mbledhjen e sotme, ka pohuar se Qeveria e Republikës së Kosovës ka nënshkruar marrëveshjen për demarkacionin e kufirit ndërmjet Kosovës dhe Maqedonisë, marrëveshje të cilën e ka ratifikuar Kuvendi i Kosovës.
“Kjo marrëveshje është nënshkruar duke pasur parasysh gatishmërinë dhe përkushtimin reciprok për të kontribuar në zhvillimin e marrëdhënieve të mira fqinjësore, perspektivën euroatlantike të të dy vendeve, dhe në këtë mënyrë kemi hapur një periudhë të re ndërmjet Kosovës dhe Maqedonisë” është shprehur z.Thaçi.

Më tutje kryeministri Thaçi ka sqaruar se Qeveria e Republikës së Kosovës është e njoftuar për shqetësimet e një pjesë e banorëve të fshatit kufitar Debëllde. “Shqetësimet e tyre janë të evidentuara nga Qeveria e Republikës së Kosovës. Dhe për këtë çështje dua t’i siguroj se askush prej tyre nuk e ka humbur pronën e vet, sepse prona e tyre është aty ku ka qenë, dhe pronësia nuk ka ndryshuar, prona është e tyre, e paprekshme, legjitime dhe do të respektohet. Qasja në këto prona do të lehtësohet dhe rregullohet edhe më lehtë, në bazë të standardeve ndërkombëtare dhe përvojave edhe të vendeve tjera, edhe të BE-së”, ka thënë z.Thaçi Kështu që fshatarët e Debëlldesë do të mund t’i punojnë pronat e tyre pa asnjë problem, pa frikë dhe pa asnjë pengesë.

Kryeministri Thaçi ka njoftuar kabinetin qeveritar për takimin që ka pasur me përfaqësuesit e fshatit Debëllde, ku ata është ngritur edhe çështja e dëmeve që iu janë shkaktuar atyre nga pamundësia e qasjes në prona deri më tani.

Në këtë kuadër, me propozimin e kryeministrit Thaçi, qeveria ka marrë vendim për formimin e Komisionit për vlerësimin e dëmeve të krijuara në pronat e pronarëve në fshatin Debëllde, Komuna e Vitisë, gjatë viteve 2001 – 2009. Në këtë komision janë përfshirë Ministria e Bujqësisë, MEF, MD, MPL, dhe përfaqësues nga komuna e Vitisë.

[shah_isti]

Debëlldehut i garantohen pronat dhe kompensimi i dëmeve

Qeveria siguron banorët se pronën e tyre nuk do t’ua cenojë askush, ndërsa për dëmet e shkaktuara deri tash formohet një komision vlerësues 24 Tetor, 2009
Qeveria e Kosovës të premten vendosi të themelojë një komision ndërministror për vlerësimin e dëmeve të krijuara në pronat e banorëve të Debëlldesë, që nga viti 2001 deri tani. Ky vendim është marrë në mbledhjen e Qeverisë, pasi kryeministri Thaçi njoftoi kabinetin lidhur me marrëveshjen për demarkacionin e kufirit ndërmjet Kosovës dhe Maqedonisë, marrëveshje të cilën e ka ratifikuar Kuvendi. Duke iu përgjigjur shqetësimeve të banorëve të Debëlldehut, kryeministri Thaçi ka siguruar edhe një herë ata se nuk e kanë humbur pronën e vet, sepse prona e tyre është aty ku ka qenë dhe pronësia nuk ka ndryshuar, ajo është e paprekshme dhe do të respektohet. “Shqetësimet e tyre janë të evidentuara nga Qeveria e Republikës së Kosovës dhe për këtë çështje dua t’i siguroj se askush prej tyre nuk e ka humbur pronën e vet, sepse prona e tyre është aty ku ka qenë dhe pronësia nuk ka ndryshuar. Prona është e tyre, e paprekshme, legjitime dhe do të respektohet. Qasja në këto prona do të lehtësohet dhe rregullohet edhe më lehtë, në bazë të standardeve ndërkombëtare dhe përvojave edhe të vendeve të tjera dhe të BE së. Kështu që fshatarët e Debëlldesë do të mundë t’i punojnë pronat e tyre pa asnjë problem, pa frikë dhe pa asnjë pengesë”, ka thënë Thaçi. Ai e ka njoftuar kabinetin qeveritar për takimin që ka pasur me përfaqësuesit e fshatit Debëllde, ku është ngritur edhe çështja e dëmeve që u janë shkaktuar atyre nga pamundësia e qasjes në prona deri më tani. Kryeministri Thaçi përsëriti se marrëveshja për kufirin me Maqedoninë, e arritur javën e kaluar, është në interes shtetëror për Kosovën.”Kjo marrëveshje është nënshkruar duke pasur parasysh gatishmërinë dhe përkushtimin reciprok për të kontribuar në zhvillimin e marrëdhënieve të mira fqinjësore, perspektivën euroatlantike të të dy vendeve dhe në këtë mënyrë kemi hapur një periudhë të re ndërmjet Kosovës dhe Maqedonisë”, ka thënë Thaçi.

Procesi zgjedhor, në
binarë normalë
Kreu i Qeverisë së Kosovës, Thaçi, ka vlerësuar shumë pozitivisht procesin e përgatitjeve për zgjedhjet lokale të 15 nëntorit, duke e cilësuar po ashtu të qetë dhe pa probleme fillimin e fushatës elektorale për zgjedhjet e para të lira në Kosovën e pavarur. “Dëshiroj të theksoj se zgjedhjet e para të lira në Kosovën e pavarur dhe i gjithë procesi zgjedhor është duke vazhduar i qetë, demokratik, si një proces i konkurrencës së vlerave, të një konkurrence dinjitoze të programeve e koncepteve”, ka thënë kryeministri Thaçi, duke shtuar se përgatitjet teknike janë duke shkuar shumë mirë.
Qeveria, sipas tij, është e përkushtuar që Komisioni Qendror i Zgjedhjeve dhe komisionet e tjera përkatëse të kenë të gjitha kushtet, duke përfshirë edhe mbështetjen adekuate financiare, mbështetjen teknike, dhe çfarëdo mbështetje që i nevojitet. Kryeministri Thaçi ka njoftuar kabinetin për vizitën që dje, së bashku me presidentin Sejdiu dhe ambasadorin amerikan, Dell, i ka bërë KQZ-së. “Jemi të bindur se këto zgjedhje, të parat në Kosovën e pavarur, do të jenë shembull i pjekurisë politike i të gjithë spektrit politik kosovar dhe i një pjesëmarrjeje të madhe në zgjedhje. Gjithashtu, do të dëshiroja t’i falënderoja të gjitha partitë për fushatën e tyre korrekte, të qetë dhe demokratike”, ka thënë kryeministri Thaçi. Po ashtu kryeministri Thaçi ka njoftuar për vizitën e Policisë së Kosovës dhe mbështetjen për punën e suksesshme në luftimin e të gjitha dukurive negative, ndaj të gjithë atyre që e shkelin ligjin.
I. KRASNIQI

[Explorer]

QEVERIA E KORRUPTUAR E KOSOVES PRA PAK DITE FALI MBI 2 HEKTAR TOK PRON TE FSHATARVE TE DEBELLDES EDHE ME KEQ DISA PARTI e perkrahen ket marveshje te qeveris pra kjo tregon se as nje parti nuk esht per interesa te shqiptarve por jan trathtar kryekput te dilen ne dhe te votosh per kta debila esht marrezi dhe tyrp

Ti beni33 sikur duket qenke nje shqiptar me theks te cuditshem. Sikur nuk po di

shqip mire.

Mos je ujku ne lekuren e qingjit.