Vendosen marrëdhëniet diplomatike midis Maqedonisë dhe Kosovës

[RaPSouL]

Ministri i jashtëm i Maqedonisë, Antonio Milloshoski dhe kolegu i tij i Kosovës, Skender Hyseni, nënshkruan Aktin e vendosjes së marrëdhënieve diplomatike ndërmjet dy vendeve, njoftuan Ministria e punëve të jashtme në Shkup dhe ajo në Prishtinë. Sipas njoftimeve, nënshkrimi i këtij akti është bërë mbrëmë vonë. Në këtë marrëveshje, pos tjerash, thuhet se “Republika e Kosovës dhe Republika e Maqedonisë, kanë vendosur të themelojnë marrëdhënie diplomatike në nivel ambasadorësh, që nga data e nënshkrimit të këtij akti”, theksohet në njoftimin e Ministrisë së jashtme të Kosovës. Sipas njoftimit të Ministrisë së jashtme të Maqedonisë të “dy palët angazhohen për përforcimin e lidhjeve miqësore në bazë të respektimit të ndërsjellë të sovranitetit kombëtar, pavarësisë dhe integritetit territorial”. Në bisedën telefonike dy ministrat pas firmosjes zyrtare të aktit, theksuan kënaqësinë e dyanshme nga firmosja e dokumentit, duke theksuar se vendosja e marrëdhënieve diplomatike do të kontribuojë për zhvillimin e mëtejshëm të bashkëpunimit, në interes të paqes dhe stabilitetit të rajonit. Milloshoski dhe Hyseni u dakorduan që të zhvillojnë një takim dypalësh në një të ardhme të afërt, me qëllim që të thellohen kontaktet politike midis dy vendeve. Marrëdhëniet diplomative mes dy vendeve vendosen një vit pas njohjes së Kosovës nga ana e Maqedonisë dhe gjitha vonesat ndërlidhen me procesin e shënimit të vijës kufitare apo me kapërcimin e dallimeve rreth disa zonave kontesutese kufitare kryesisht në rajonin e fshatrave Debëllde dhe Tanushë. Në përshpejtimin e këtij process rol vendimtar kishin përfqësuesit ndërkombetra të cilën përmes formave të ndryshme inkuaruajn dy vendet të arritjen marrëveshjen dhe të mbyllin një çështje të ndjeshme që sipas tyre do ti shërbej forcimit të paqes dhe stabilitetin në rajon. Tani dy vendet i pret nënshkrimi dhe ratifikimi i më shumë marrëveshjeve në sfera të ndryshme të cilët për disa muaj rrinin nëpër sirtarët e ministrive, në pritje të vendosjes së marrëdhënieve diplomatike mes dy vendeve. Kosova është vendi i 127 me të cilën Republika e Maqedonisë vendos marrëdhënie diplomatike me emrin kushtetues.

Alsat

[Llapi]

Shqipёria pёrshëndetet vendosjen e marrёdhёnieve diplomatike

Zv. Kryeministri dhe Ministri i Punëve të Jashtme, z. Ilir Meta përshëndet nënshkrimin e aktit të vendosjes sё marrёdhёnieve diplomatike mes Republikёs sё Kosovёs dhe Republikёs sё Maqedonisё....
Postuar: 14:51:26 / 18.10.2009
Zv. Kryeministri dhe Ministri i Punëve të Jashtme, z. Ilir Meta përshëndeti vendosjen e marrëdhënieve diplomatike mes Kosovës dhe Maqedonisë si një ‘mesazh shumë të rëndësishëm për paqen, stabilitetin dhe progresin në rajonin tonë’.

Sot, z. Meta pati një bisedë telefonike me Ministrin e Punëve të Jashtme të Kosovës z. Skënder Hyseni, gjatë të cilës e uroi për këtë arritje të madhe diplomatike që afirmon më tej shtetin e ri të Kosovës dhe politikën e saj evropiane.

Ministria e Punëve të Jashtme ka përshëndetur dje edhe marrëveshjen e arritur prej komisioneve shtetërore të Republikës së Kosovës dhe Republikës së Maqedonisë për përcaktimin e vijës kufitare midis dy vendeve, e cila pritet të ratifikohet gjatë ditës së sotme prej parlamenteve respektive.

Ministria e Punëve të Jashtme bashkohet me deklaratën e Përfaqësuesit të Lartë të Bashkimit Evropian për Politikën e Jashtme dhe të Sigurisë së Përbashkët, z. Havier Solana, i cili përgëzon në mënyrë të ngrohtë autoritetet e dy vendeve për arritjen e kësaj marrëveshjeje të rëndësishme si një shenjë pjekurie, përgjegjësie dhe respekti reciprok.

Ministria e Punëve të Jashtme, vlerëson se arritja e kësaj marrëveshjeje është një kontribut i rëndësishëm për paqen dhe stabilitetin në rajon dhe një dëshmi e qartë e vullnetit të dy vendeve për intensifikimin e marrëdhënieve dypalëshe dhe të fqinjësisë së mirë, për një të ardhme të përbashkët evropiane.

[Llapi]

PD mbështet marrëveshjen për demarkacionin e kufirit

Në mbledhjen e radhës me gazetarë, Partia e Drejtësisë sot përshëndeti marrëveshjen e arritur ndërmjet Kosovës dhe Maqedonisë lidhur me demarkacionin e kufirit. ...
Postuar: 17:04:51 / 18.10.2009
Gjithashtu, PD-ja mbështeti proceset për anëtarësimin e Kosovës në institucionet ndërkombëtare financiare, posaçërisht lidhur me fillimin e shlyerjes së borxheve të jashtme të Kosovës ndaj kreditorëve dhe shprehu shqetësim për mosgjentjen e formave të faljes së pjesës së borxheve, siç ngjau me Serbinë.Partia e Drejtësisë ftoi udhëheqësit institucionalë që mos t’i anashkalojnë angazhimet politike me interes, duke u angazhuar në fushatën zgjedhore.

[Llapi]

Departamenti amerikan i shtetit përshëndet marrëveshjen

Shtetet e Bashkuara e “përshëndesin ngrohtësisht” vendosjen e marrëdhënieve diplomatike dhe përcaktimin e kufirit ndërmjet Kosovës dhe Maqedonisë, ka njoftuar Departamenti amerikan i Shtetit.

“Shtetet e Bashkuara e përshëndesin ngrohtësisht vendosjen e marrëdhënieve diplomatike ndërmjet Republikës së Kosovës dhe Republikës së Maqedonisë, si dhe përfundimin me sukses të demarkacionit të vijës së përbashkët kufitare”, thuhet në komunikatën e zëdhënësit të Departamentit të Shtetit, Ian Keli.

Në njoftim thuhet se “Shtetet e Bashkuara u shprehin mirënjohje dy vendeve për vendosmërinë në marrjen e hapit të rëndësishëm në drejtim të integrimeve euroatlantike, vendosjen e marrëdhënieve të mira ndërfqinjësore, duke forcuar stabilitetin në rajon”.

[Llapi]

Britania përshëndet marrëveshjen Kosovë-Maqedoni

Ministri britanik për Evropë, Kris Brajant, ka deklaruar se vendi i tij mirëpret përfundimin e shënimit të demarkacionit fizik kufitar në pajtim me planin e Marti Ahtisarit dhe vendosjen e marrëdhënieve diplomatike ndërmjet Kosovës dhe Maqedonisë. ...
Postuar: 22:20:00 / 18.10.2009
"Britania e Madhe mirëpret përfundimin e demarkacionit kufitare nga ana e Maqedonisë dhe Kosovës, në pajtim me Propozimin Gjithëpërfshirës për zgjidhjen e statusit të Ahtisarit, si dhe vendosjen e marrëdhënieve diplomatike ndërmjet Shkupit dhe Prishtinës. Unë i përgëzoj të dyja shtetet për këtë hap përpara, i cili do të përforcojë stabilitetin e rajonit", thuhet në deklaratë. Kosova dhe Maqedonia kanë vendosur mbrëmë vonë marrëdhëniet diplomatike, pas ratifikimit që parlamentet e dyja vendeve i bën marrëveshjes për demarkacionin fizik të kufirit.
Maqedonia ka njohur Kosovën në tetor të vitit të kaluar, por vendosja e marrëdhënieve diplomatike ishte shtyrë deri pas shënimit të vijës kufitare.

[Llapi]

AAK përshëndet vendosjen e marrëdhënieve me Maqedoninë

Aleanca për Ardhmërinë e Kosovës e mirëpriti vendosjen e marrëdhënieve diplomatike midis Republikës së Kosovës dhe Republikës së Maqedonisë. ...
Postuar: 18:53:14 / 18.10.2009
AAK e përshëndet këtë akt dhe vlerëson se ky është një moment i rëndësishëm i bashkëpunimit dhe nisjes së një kapitulli të ri të raporteve të mira midis dy vendeve tona, në funksion të paqes, stabilitetit dhe zhvillimit në rajon.

AAK kërkon angazhim më të madh të institucioneve të Kosovës në vendosjen e raporteve diplomatike edhe me vende të tjera të rajonit dhe të botës, të cilat e kanë pranuar Republikën e Kosovës shtet sovran dhe i pavarur.

[Llapi]

PD mbështet marrëveshjen për demarkacionin e kufirit

Në mbledhjen e radhës me gazetarë, Partia e Drejtësisë sot përshëndeti marrëveshjen e arritur ndërmjet Kosovës dhe Maqedonisë lidhur me demarkacionin e kufirit. ...
Postuar: 17:04:51 / 18.10.2009
Gjithashtu, PD-ja mbështeti proceset për anëtarësimin e Kosovës në institucionet ndërkombëtare financiare, posaçërisht lidhur me fillimin e shlyerjes së borxheve të jashtme të Kosovës ndaj kreditorëve dhe shprehu shqetësim për mosgjentjen e formave të faljes së pjesës së borxheve, siç ngjau me Serbinë.Partia e Drejtësisë ftoi udhëheqësit institucionalë që mos t’i anashkalojnë angazhimet politike me interes, duke u angazhuar në fushatën zgjedhore.

[Llapi]

Jeremiq: Maqedonia i rrezikon raportet me Serbinë

Ministri i jashtëm i Serbisë, Vuk Jeremiq, tha sot se vendimi i qeverisë së Maqedonisë për vendosjen e marrëdhënieve diplomatike me Kosovën, do t’i rrezikoj raportet Beograd – Shkup, në momentin kur ato kanë filluar të përmirësohen me iniciativën e...
Postuar: 21:04:19 / 18.10.2009


“Konsiderojmë se ky vendim është për keqardhje”, u tha Jeremiq gazetarëve në Beograd dhe theskoi se një vendim i tillë i Shkupit do të ketë pasoja.

[Llapi]

Analistët vlerësojnë pozitivisht vendosjen e marrëdhënieve diplomatike me Maqedoninë
Analistët kosovarë Driton Lajçi dhe Afrim Hoti marrëveshjen për vendosjen e marrëdhënieve diplomatike në mes Kosovës dhe Maqedonisë e vlerësuan si pozitive dhe akt të domosdoshëm që do të krijojë klimë të bashkëpunimit në rajon. ...
Postuar: 11:37:22 / 19.10.2009
Analistët kosovarë e vlerësojnë pozitive marrëveshjen e nënshkruar mes Kosovës dhe Maqedonisë për vendosjen e marrëdhënieve diplomatike, me anë të së cilës do të krijohet klime e mirë bashkëpunimi në rajon dhe fqinjësi të mirë.
Analisti Driton Lajçi me këtë rast thotë se kjo marrëveshje është mesazh paqeje dhe bashkëpunimi.

“I zhvillimit të bashkëpunimit në të gjitha fushat në mes të Kosovës dhe Maqedonisë. Kosova përmes kësaj dërgon mesazhin e partnerit dhe Kosova nuk është eksportuese e krizave por është eksportues i marrëveshjeve, dhe, ky duhet të jetë një shembull të cilin duhet ta ndjekin të gjitha shtetet e regjionit”, ka deklaruar Lajçi.

I të njëjtit mendim me analistin Lajçi është edhe analisti Afrim Hoti, i cili thotë se përmes këtij hapi gradualisht po konsolidohen raportet ndërshtetërore në mes të dy republikave.

“Përmes këtij vendimi po konsolidohen raportet ndërshtetërore në mes të dy vendeve tona, normalisht se kjo do të shërbejë edhe si parakusht për fqinjësi të mirë”, ka deklaruar Hoti

Ministri i Jashtëm i Kosovës, Skënder Hyseni, dhe homologu i tij nga Maqedonia, Antonio Milloshoski, e kanë nënshkruar dje aktin e vendosjes së marrëdhënieve diplomatike ndërmjet dy vendeve, ka njoftuar Ministria e Punëve të Jashtme e Kosovës.


| s.b & RTK staff |

[kiniku]

Ministri i jashtëm i Maqedonisë, Antonio Milloshoski dhe kolegu i tij i Kosovës, Skender Hyseni, nënshkruan Aktin e vendosjes së marrëdhënieve diplomatike ndërmjet dy vendeve,

Vetem vazhdoni e falni toke se te gjithe vendosin marredhenie diplomatike. Edhe Serbise me ia dhene gjysmen e Kosoves ta njeh pavarsine.

Diplomaci e holle e Thaqit.