Vdes Dr. Daut Mustafa,veteran i mjeksise kosovare

[Guri i Kuq]

Në Prizren u nda nga jeta Prim. Dr. Daut Mustafa

"QIK"

Prizren, 13 tetor - Në moshën 91 vjeçare, sot në Prizren u nda nga jeta Prim. Dr. Daut Mustafa, një nga mjekët e parë të Kosovës dhe një prej themeluesve të mjekësisë kosovare. Ai la pas vetes një krijimtari të pashlyer në mjekësinë kosovare, për çka katër vjet më parë, në vitin 2005, me iniciativën e qytetarëv, Spitali Rajonal i Prizrenit kishte marrë emrin e tij: "Prim. Dr. Daut Mustafa", një nderim ky i veçantë për të. Dr. Duat Mustafa lindi në vitin 1918, në Prishtinë, dhe pas mbarimit të shkollimit fillor dhe të mesëm në vendlindje, më 1937, do të regjistrohet në Fakultetin e Mjekësisë në Beograd, për t'i vazhduar studimet më 1941 në Zagreb, ku diplomon në shkurt të vitit 1943. Pas mbarimit të sudimeve do të inkuadrohet si mjek sekondar në Spitalin e Prishtinës më 12 prill 1943, për të vazhduar pastaj në terren me punë në sanitet, ku gjatë vitit 1945. Në vitin 1946 dërgohet në Repartin Kraharor të Spitalit Shtetëror në Beograd, ku punon dhe ndjek kursin e organizuar nga lëmia e Ftiziologjisë dhe me t'u kthyer nga Beogradi, në tetor caktohet të punojë përkohësisht në Dispanserin Antituberkuloz me Stacionar në Pejë. Më pas transferohet në Prizren ku organizon dispanserin me stacionar. Në vitin 1947 për nevoja shërbimi, sërisht transferohet në Pejë dhe pas dy muajve, për shkak se dispanseri mbetet pa mjekë, sërish, dhe kësaj radhe definitivisht transferohet në Prizren, ku jetoi deri në ditën e sotme. Prej atëherë, e deri në pensionim, më 1 shtator 1985, dr. Daut Mustafa, shërben si mjek shef i dispanserit antituberkuloz me stacionar, pastaj kryeshef i Shërbimit antituberkuloz, gjegjësisht Shërbimit kundër sëmundjeve mushkërore në tërësi; dhe në fund prej vitit 1968 e deri me 1976 si drejtor i Qendrës Medicinale. Por, me pensionimin e tij nuk përfundon puna e tij në Shërbim, sepse udhëheqësia e Qendrës Mjekësore, pasi dr. Dauti kishte shfaqur dëshirën që edhe disa vite të vazhdojë punën me orar të shkurtuar, e mban atë si mjek tepër të nevojshëm deri me një shkurt 1991, kur e mbaron edhe këtë angazhim. Ajo për çka dr. Mustafës do t'i jenë mirënjohës brezat është lufta e tij në pengimin e TBC së, në pothuaj çdo pjesë të Kosovës si në Gjakovë, Prizren, Suharekë, Prishtinë, Rahovec, Pejë, Mitrovicë, etj, në raste të shumta edhe i vetëm sikur ishte periudha prej vitit 1946 deri në vitin 1962. Dr. Mustafa në vitin 1971 zgjidhet mësimdhënës në lëndën e Pneumoftiziologjisë (ligjërues i lartë) dhe shef katedre në Fakultetin e Mjekësisë në Prishtinë, ku punon deri më 1987. Dr. Mustafa nderuar me një varg çmimesh e mirënjohjesh nga të cilat veçohet dhënia e titullit "Primarius" më 1966 nga Komisioni i atëhershëm Fedarativ dhe më 2005 me iniciativën e qytetarëve Spitali Rajonal i Prizrenit merr emrin e tij: "Prim. Dr. Daut Mustafa".

[PINK-FLOYD]

Pse dhe daktorat vdesin

[arjeta3]

Po, vdesin
Ngushellime familjes dhe ne vecanti bijes se tij me te vogel, shoqes sime me te ngushte.

[Guri i Kuq]

Edhe une i bashkangjitem ngushllimeve per familjen,miqet,dashamiret dhe pacientet e shumte te Dr. Daut Mustafes.
Sa per te perkujtuar dicka nga puna teper e rende e humane e ketij doktori te popullit te Kosoves,t`u them se Dr. Dauti (keshtu e kane njohur mbare Kosova e dhjetra e mijra paciente te tij),per 50 vjet ka qene mjeku me i dashur dhe me popullor i Kosoves ne sherimin e smundjes se rend te TBC-se,smundje kjo qe deri ne vitet e gjashtedhjeta te shek. te kaluar ka kositur familje te tera ne Kosoven e verfer.
Pervec si mjek shume i zoti e shume popullor ne popull (per modestine dhe pastertine morale e shpirterore),Dr. Dauti ka shkolluar,edukuar dhe formuar nje armate te tere mjekesh shume te njohur ane e kand Kosoves.
Ai ka qene edhe prind shembullor.Ka rritur nje familje me shume femije,te gjithe mjeke e ingjinjer e familjare shembullor.
Dr. Daut Mustafa eshte shpallur Qytetar Nderi i Prizrenit para disa vitesh dhe per te gjalle te tij Spitali Rajonal ne Prizren, mbane emrin e tij "Primarius DR. Daut Mustafa".
I perjeteshem qofte kujtimi per kete mjek,humanist e burre te madh te kombit tone !

[Guri i Kuq]

Qindra qyetare,kolege,miqe e bashkepunetor te Dr. Daut Mustafes i dhane dje lamtumiren e fundit kolosit te humanizmit koosvar.
Ndersa sot,ne organizim te Bashkise se Prizrenit u mbajte nje komemoracion,ku pervec familjes,moren pjese edhe shume miqe te tij,kolege,punetore te shendetesise kosovare,ish paciente e dashamire te shumte te tij.
Te prekshme ishin fjalet e rastit te kolegeve te tij mjeke, qe paten fatin te jene pjese e atij ekipi te madh mjekesh qe ne krye me Dr. Mustafen munden semundjen e TBC-se ne Kosove per 50 vjete me radhe.
Nga ky komemoracion rrodhi ideja qe Dr. Daut Mustafes t`i ngritet nje permendore ne oborrin e Spitalit Rajonal te Prizrenit,qe mbane me krenari emrin e tij.