PD me plan për reforma në shëndetësi

[gimche]

PD me plan për reforma në shëndetësi



Partia e Drejtësisë ka bërë publike një propozim program për reformimin e sistemit shëndetësor të Kosovës, e cila përmban propozime konkrete për tejkalimin e gjendjes së rëndë në fushën e shëndetësisë.

Programi për reforma në shëndetësi iu është dërguar Kryetarit të Federatës Sindikale të Shëndetësisë së Kosovës, z.Asllan Bajrami dhe Kryetarit të Sindikatës së Pavarur të Qendrës Klinike Universitare të Kosovës, z. Xhemail Selmanaj.

”Koshient për vështirësitë e theksuara në sektorin e shëndetësisë veçanërisht në sektorin publik ju ofrojë për shqyrtim propozim – dokumentin e Partisë së Drejtësisë për tejkalimin e situatës aktuale. Me kënaqësi do t’i përgjigjem ftesës suaj në rast se konsideroni se janë të nevojshme sqarime plotësuese” thuhet në memorandumin e dërguar nga Kryetari i PD-ës, Prof.Dr. Ferid Agani.

Propozim programi për reformën e sistemit shëndetësorë të Kosovës është ndërtuar mbi disa parime; Realizimi i funksionalitetit të plotë të Ministrisë së Shëndetësisë, Barazia e sektorit publik dhe privat të shëndetësisë, nëpërmjet themelimit të ndërmarrjes publike të Shërbimit Kombëtar të Shëndetësisë, Barazia e qasjes ndaj shërbimeve kualitative shëndetësore për të gjithë qytetarët, nëpërmjet themelimit të Fondit të Sigurimeve Shëndetësore, Mbikëqyrja dhe përparimi i profesioneve shëndetësore nga ana e vet punëtorëve shëndetësorë, Integrimi i procesit akademik në Fakultetin e Mjekësisë me procesin e edukimit dhe aftësimit profesional mjekësor: universitar; specialistik pasdiplomik dhe pas – specialistik (zhvillimin e vazhdueshëm profesional) në Qendrën Klinike Universitare të Kosovës (QKUK) dhe institucionet e kujdesit parësor dhe dytësor shëndetësor.

Ndërsa, për çdo parim janë paraparë edhe aktivitete konkrete për realizimin e tyre.

Programin në tërësi, e cila iu shpërndarë mediave, mund ta shkarkoni këtu.
http://www.mesazhi.com/artikuj/pd-me...-ne-shendetesi

/mesazhi/

[gimche]

Prishtinë, 8 Shkurt 2010

PARTIA E DREJTËSISË


PROGRAMI PËR REFORMËN E SISTEMIT SHËNDETËSORË TË KOSOVËS

PARIMET
Realizimi i funksionalitetit të plotë të Ministrisë së Shëndetësisë.
Barazia e sektorit publik dhe privat të shëndetësisë, nëpërmjet themelimit të ndërmarrjes publike të Shërbimit Kombëtar të Shëndetësisë.
Barazia e qasjes ndaj shërbimeve kualitative shëndetësore për të gjithë qytetarët, nëpërmjet themelimit të Fondit të Sigurimeve Shëndetësore.
Mbikëqyrja dhe përparimi i profesioneve shëndetësore nga ana e vet punëtorëve shëndetësorë.
Integrimi i procesit akademik në Fakultetin e Mjekësisë me procesin e edukimit dhe aftësimit profesional mjekësor: universitar; specialistik pasdiplomik dhe pas – specialistik (zhvillimin e vazhdueshëm profesional) në Qendrën Klinike Universitare të Kosovës (QKUK) dhe institucionet e kujdesit parësor dhe dytësor shëndetësor.
AKTIVITETET
1. Realizimi i funksionalitetit të plotë të Ministrisë së Shëndetësisë.

1.1 Depolitizimi i shërbimit civil në Ministrinë e Shëndetësisë.

1.2 Decentralizimi i rolit menaxhues administrativ dhe financiar të Ministrisë së Shëndetësisë.

2 Sigurimi i barazisë së sektorit publik dhe privat të shëndetësisë, nëpërmjet themelimit të ndërmarrjes publike të Shërbimit Kombëtar të Shëndetësisë.

2.1 Riorganizimi dhe korporatizimi i sistemit të institucioneve publike të shëndetësisë në të tri nivelet e kujdesit shnëdetësor, si ndërmarrje publike në bazë të Ligjit për Ndërmarrjet Publike (Neni 11) dhe Ligjit për Shoqërit Tregtare (Neni 35 dhe Neni 36);

2.2 Ndryshimi dhe plotësimi i ligjit të shëndetësisë dhe ligjit të sigurimeve shëndetësore, në pajtim me paragrafin paraprak.

3. Barazia e qasjes në shërbime kualitative shëndetësore.

3.1 Themelimi i Fondit të Sigurimeve Shëndetësore. Parimet organizative dhe funksionale:

3.1.1 Dy lloje të kartelave të sigurimit shëndetësor:

3.1.1.1 Kartela e sigurimit shëndetësor në bazë të statusit social: Shërbime pa pagesë për poseduesit e kartelave të asistencës sociale, pensionit invalidor, dhe kategorive të tjera të qytetarëve të përcaktuara me ligj. Për këtë qëllim do të shfrytëzohen mjetet e deritanishme buxhetore të Ministrisë së Shëndetësisë si dhe të buxheteve komunale të dedikuara për shëndetësi.

3.1.1.2 Kartela familjare e sigurimit shëndetësor në bazë të pagesës vjetore të premiumit për sigurimin themelor shhëndetësor, në bazë të shkallës rrëshqitëse varësisht nga numri i anëtarëve të familjes.

3.1.1.3 Me qëllim të eliminimit të kostos së aparatit të madh administrativ, kartelat e sigurimit shëndetësor në bazë të premiumit do të mund të sigurohen në bankat komerciale ose në kompanit e sigurimit.

3.2 Shërbime shëndetësore në bazë të çmimit ekonomik për qytetarët, që nuk posedojnë asnjërën nga kartelat e sipërmendura.

3.3 Me qëllim të realizimit të ndryshimeve të sipërmendura reformuese duhet të bëhet ndryshimi i Ligjit të shëndetësisë dhe koncipimi i Ligjit të sigurimeve shëndetësore, në pajtim me paragrafet paraprake.

4. Mbikëqyrja dhe përparimi i profesioneve shëndetësore nga ana e vet punëtorëve shëndetësorë.

4.1 Themelimi i Odës shëndetësore me katër Urdhëra, në bazë të ligjit të veçantë.

4.2 Me qëllim të realizimit të këtij ndryshimi reformues duhet të bëhet ndryshimi i Ligjit të shëndetësisë.

5. Integrimi i procesit akademik në Fakultetin e Mjekësisë me procesin e edukimit dhe aftësimit profesional mjekësor: universitar; specialistik pasdiplomik dhe pas – specialistik (zhvillimin e vazhdueshëm profesional) në Qendrën Klinike Universitare të Kosovës (QKUK) dhe institucionet e kujdesit parësor dhe dytësor shëndetësor në Kosovë.

5.1 Nxjerrja e aktit të përbashkët nënligjor nga Ministria e Shëndetësisë dhe Ministria e Arsimit, Shkencës dhe Teknologjisë;

5.2 Ndryshimi i Statutit të QKUK dhe Statutit të Universitetit të Prishtinës duke respektuar specifikat e Fakultetit të Mjekësisë.