Xhejms Belushi merr shtetësinë shqiptare

[DYDRINAS]

Xhejms Belushi merr shtetësinë shqiptare

Shekulli 10/10/2009

TIRANE - Aktori i njohur shqiptaro - amerikan, Xhejms Belushi mori mbrëmë shtetësinë shqiptare. Akti zyrtar iu dorëzua Belushit nga Presidenti Bamir Topi. Belushi, është bir i një emigranti shqiptar nga Korça dhe asnjëherë nuk e ka fshehur origjinën e tij.

Madje kishte qenë ai vetë që kishte kërkuar të merrte nënshtetësinë shqiptare. Gjithnjë kam deklaruar se "unë jam shqiptar", tha mbrëmë aktori i famshëm ndërsa merrte në dorë vendimin e kreut të shtetit shqiptar. I suksesshëm kryesisht në gjininë e komedisë, Belushi edhe gjatë ceremonisë nuk hoqi dorë nga batutat ndërsa shprehej se tani ai ishte zyrtarisht shqiptar kryesisht sepse këtë vit do të duhej të niste të paguante taksat edhe në Shqipëri.

Në të vërtetë që nga dita e sotme Belushi ka hyrë edhe në marrëdhënie financiare biznesi në Shqipëri. Ai do të jetë imazhi i kompanisë celulare Eagle Mobile, kompania e tretë e telefonisë së lëvizshme në tregun shqiptar.

Xhejms Belushi ka bërë vizita të shpeshta në Shqipëri dhe është pritur gjithnjë me entuziazëm. Një vit më parë atij ju dha nga kreu i shtetit medalja "Nderi i kombit" një nga dekorata më të rëndësishme.

[Llapi]

Jim Belushi merr pasaportën shqiptare

Nga Express më 10.10.2009 në ora 13:29
Gjatë një ceremonie të organizuar në Hotel Sheraton në Tiranë, në një mbrëmje Gala, kreu i shtetit shqiptar, Bamir Topi i dorëzoi aktorit me famë botërore, Jim Belushit dekretin e shtetësisë dhe pasaportën e Republikës së Shqipërisë.

“Një njeri kaq i madh sa Jim Belushi kurrë nuk mund të kërkojë vlerësim apo vetëvlerësim. Kështu që e vlerësuam ne. E vlerësoi i gjithë populli, miqtë e tij artistë dhe natyrisht që e nderojnë të gjithë spektatorët botërorë. Por për ne ishte një vlerësim tepër i veçantë, sepse gjithmonë kishim parë te Jim Belushi atë lloj emocioni kur thoshte: “Unë jam shqiptar”. “Prandaj ne krenohemi me të, edhe sot pas një viti, ju jeni krenaria e kombit tonë”, u shpreh në këtë ceremoni presidenti Topi.

Ndërsa Belushi, në fjalën e tij përshëndetëse dhe falënderuese tha se është shumë i lumtur që ndodhet në Tiranë. "Gjithmonë e them që unë jam shqiptar, por sot jam me të vërtetë shqiptar! Jam shumë i lumtur për këtë gjë! Sa herë që takohem me Presidentin e Republikës, ai gjithmonë më nderon me ndonjë dhuratë shumë të bukur nga ky vend i mrekullueshëm", u shpreh me plotë emocione në këtë ceremoni të veçantë, aktori i madh Jim Belushi, i cili përveç pasaportës amerikane tashmë ka dhe pasaportën e shqiptare. (RTK)

[daja shneq]

Sa u emocionova me ket akt,me te vertet kena fillu te vetedijsohemi shqiptaret qe jemi komb e fe ne veti,qdo shqiptar qe ka gjak shqiptar dhe kudo qe ndodhet neper bote duhet te ket nenshtetesin shqiptare dhe qdo shqiptar qe prehet neper varezat e huaja me krishter e musliman duhet ti sjellin eshtrat ne tokat shqiptare dhe te vorosen ne varezat shqiptare,shmue akt i rendesishem per shqiptaret

[Smth_Poetic]

ai sdi shqip ala .
me prinder shqiptare , imagjinoje.

[Kavir]

Degjova qe Xhejmsi qe te dallohet menjehere qe eshte shqiptar, do e nderroje emrin ne Xhaferr
Tingellon bukur : Xhaferr Belushi. Dmth nga Xhim do i therrasin Xhafe.

[martini1984]

ai sdi shqip ala .
me prinder shqiptare , imagjinoje.

Nejse ai se ka mohuar te pakten,tani do profitoje..
Perse???
Apo ka pyetje?

[AnaH_M]

Me vjen mire qe asnjeher ky nuk e ka mohuar identitetin e tij...

[B.C.B]

Qka ka lidhje nese nuk din gjuhen shqipe,ky na zbardh fytyren kur thot jam shqiptar.Ka plot qe flasin shqip po jane me zi se serbet.

[Smth_Poetic]

ka rendesi si ska rendesi. ky seshte se nje prind e ka pase shqiptar e tjetrin jo-shqiptar. i ka pase te dy shqiptare. edhe mosdija e gjuhes shqipe , tregon se prinderit e tij bashke me kete vete , skane pase ndonje interes rreth kesaj gjuhe apo vendit vete.

nqs po flasim ne aspektin patriotik , ama si person , ai mund te jete i miri i te mireve.
nuk e gjykoj per ate gje.
skam sesi , jo per gje

[Izadora]

Rendesi ka qe nuk e ka mohuar origjinen e vet.