Poezi pa fund

[gloreta]

Përshëndetje daniel00, poezia që solle, është shkruar mjaft bukur, dhe të lë të tilla mbresa, të falenderoj!!. : )




Me valën....


Në kaltërsinë
... tejet të ndezur o det, do ulem, të shijoj relaksinë.
Pranë e pranë, do tretem me dallget e tua dehëse.
Pushtomë me muzgun tënd, jepmë një dridhërimë..
Të lëshohem, të përhumbem, me valën ... pasuese..!

Do zhytem
... me dëfrim në natyrën tënde, të më marrë vala..
Të humbas në thellësitë e ngrohta, pambarimisht.
T'i shoh si rendin, zhurmshëm, tek brigjet, e dala..
Dallga të më lëkundë në sipërfaqe, pafundësisht..!

Nën rrezet
... e tua të zjarrta, me vrull, do çaj .. horizontin.
Me dëshirë do u buzëqesh, stuhive që do vijnë..!!
Dikush atje afër, si peshku, fillon e mëson notin..
Anijet zhduken si fantazmat, që detëra përpijnë..

Do vij ..
... bashkë me ty o valë, në një udhëtim, si një detar.!
Të përshkosh trupin tim, me freski bulëzash verore...
Do të jem pranë teje o det, i kaltër, e legjendar.
Të ndjej në zemër, në qenie, ato ngashërimat prore..!!

[Agim Doçi]

Po hë - do thoni ju, nga humbe kaq gjatë?
"Kesha shumë punë!...", do u përgjigjem unë.
Kjo stinë kaq nxehtë...mbajti shpirtrat thatë
Madje 3 kontinente, i mbajti dhe pa gjumë...


Urime Gloreta! Je number one!!!!!

[Çaushi]

..................

Nëse dhomat e shpirtit tim do vizitoje
Çfarë pretendon se do shikoje?
Cilin përbindësh mendon se fsheh?
Po të zhgënjej, por nuk më njeh.
Nuk ka nevojë për të trokitur.
Hyr, shih, kërko, mbet e habitur
Mure të zbrazët lyer pa ngjyra
Fotografi, por pa fytyra
Diku e hedhur afër shtratit
Është nje kuti e tersit, fatit
E mbushur plotë është me kujtime.
Brenda gjithë historia ime.
Janë fjalët që kam thënë aty,
gjithkush që njoha, perfshi ty.
Gjithcka që bëra, e ç’veç ëndërrova
Vendet ku shkela, ku jetova.
Janë zënkat tona dhe mërite
Janë puthjet netëve pa dritë
Veset e mia që aq urreve
Mërgimi i ngadaltë i reve.
Dënimet që vuajta për ty
Herët kur s’të pash ne sy
Jetët qe pa ty jetova.
Të tjera femra që dashurova
Janë dhe sekretet që s’të kam thënë
E amanetet që kam lënë
Fëmijet që kurrë nuk më lindën
Epshet që vrava se nuk mu bindën
Ka letra, që për ty i shkrova
Në zarfet që kurre nuk dërgova
E nëse gjithcka përmbys do kthesh
Sekretin më të madh do gjesh
Se e kam fshehur në fund fare.
Po nuk e pe, s’ke pare gjë fare.
Nxirre mes duarsh në shtrëngim.
K’të më të shtrenjtin sendin tim.
Balsamin që plagët shëronte,
kur kjo djall jete më kafshonte.
Para fytyrës ngadalë afroje.
Dhe mbylli sytë, pastaj zbuloje.
E kur ngadalë ta kesh zbuluar.
Veç një pasqyrë do gjesh në duar.
Do shohësh veten, reflektim.
Se ishe ti thesari im.

|Charles Baudelaire|

[Besoja]

Mir' o Agim djali,ja,po të besojmë
Po mungove prap,ku të të kërkojmë?
Në tre kontinente, sinqerisht s'vim' dot
Ndaj qëndro këtu mos 'bridh' nëpër bot'

S'të duam veç ne,por ësht' poezia
Ajo që të pret si djalin e vetëm
Në vargjet e tua ku lind dashuria
Kurr' mos i mungo,i ke falur jetën

[Agim Doçi]

Beso, ti je Miku im!
Ndaj dhe unë të dua shumë!
Sa herë bredh në Vendin tim
Herë buzqesh, e herë derdh...lotë.

Qafime ty dhe Gloretes.....fort e fort

[gloreta]

Përshëndetje për secilin prej jush, që keni shkruar para meje, uroj që të keni kaluar pushime të bukura, kaloni këndshëm në vazhdim....


Muza e dashurise!!


Ku t'i gjej vallë, të mistershmit ....emra?!
Qe netëve lajmëronin, mesazhin e dashurisë.?
Në poezi, të etur, veç pishtarë u ndriste zemra..
Shkruanin, hiqnin, nga supet vitet e agonisë..?

Ku vallë të gjej, një momument mijëvjeçar!??
Kushtuar dikujt, një shpirti të përvuajtur..?
Në jetë e mbrojti ndjenjen, që i digjej, .. zjarr..
Enigmë, madhështore, kryevepër e ka quajtur..

Shpalos fletët e librit, seç vjen një .. zë
Poezi melankolike, me rrjeta mallëngjimi
Burgosur përtej frymëzimit, thotë - "Pritmë!"
- Ti je dielli im, je sonetë e atij zgjimi.....

- Ndonëse zemrat tona rrahin, na ndan veç era
Një kandil, ndriçonte terrin në .. dhomë
- Të dua pranë, thotë djali! -"Si të vij unë e mjera?!"
- Lidhur me shtrëngatat, buron kjo jeta jonë..!!

- Si të kalëroj mbi yjet, të më ikë ky trishtim!?
Pergjigjet djali, me majën e pendës së mprehtë
- Rrugëve, pishtarët ndizen, për ty o shpirti im..!!
- Do jesh e imja, në këtë jetë, muza e vërtetë!!...

[Xhenet.M.S.]

Glori xhane wauwwww,vetem vazhdo ke lindur poete.

[Agim Doçi]

Muza e dashurise!!


- Ndonëse zemrat tona rrahin, na ndan veç era
Një kandil, ndriçonte terrin në .. dhomë
- Të dua pranë, thotë djali! -"Si të vij unë e mjera?!"
- Lidhur me shtrëngatat, buron kjo jeta jonë..!!


[/QUOTE]

Kur te shuhet një kandil
Kur të ndal era e mallit
Kur të çel një trendafil
Do t'i puth dy syt e ballit!

Do të marr në gjirin tim.
Do kafshoj buzët e tua.
nga mesnata, në Agim
Do të them vetëm: të dua!

Jeta, nuk ësht' si përrallë
Ku sundon një dashuri...!
Prushi i zemrës quhet: mallë
Ndaj dhe thurim poezi!

Shkruaj Glori, engjëllore!
Mos hiq dorë nga Poezija.
Mëndjen mua seç ma morre(!)
Mos hiq dorë nga Dashurija.


URIME!URIME!URIME!

[symphony]

Të përshëndes me pak vargje, e dashur. Përqafime!

Jetë, o e shtrenjta jetë
përqafo t`mirën gloretë
me krahët tua lehtë-lehtë
t`mos i dukesh kurr`e zbehtë!

[Agim Doçi]

Na lodhi kjo vapë, qe erdh nga Saharaja
U lodhen paisjet freskuese ngado!...
Nuk mjafton, qe kemi halle te medhaja.
Askush nuk ma thotë, Glori a më do?!...