Policia arreston adoleshentin në spital, ndërsa i bllokon atij një pistoletë "TT"
TIRANE- Me pistoletë në brez, ishte nisur të vriste njeriun me të cilin ishte "gërricur" në "Facebook", policia arreston për armëmbajtje pa leje, adoleshentin me origjinë nga "Bajram Curri", i cili tashmë mund të akuzohet edhe për tentativë vrasjeje, krim i cili u parandalua nga shërbimi i patrullave të komisariatit të Policisë nr.4.
Lajmi është bërë i ditur dje nga policia e Tiranës, që njoftoi se patrullat e saj kishin kapur në flagrancë në ambientet e Qendrës Spitalore Universitare, "Nënë Tereza" Emiljano Hajdarin, 18 vjeç banues në Tiranë.
I arrestuari sipas burimeve të policisë menjëherë sapo kishte marrë një armë zjarri pistoletë "TT", nga një i afërm i tij. I afërmi, sipas policisë, kishte mundur t'i siguronte, adoleshentit një pistoletë me të cilën ai kishte planifikuar të kryente krimin. Ai është ndaluar nga efektivët e patrullës së komisariatit nr.4, pak minuta pasi kishte marrë armën dhe po priste për t'u nisur.
Menjëherë pas ndalimit të tij, adoleshenti është dërguar në ambientet e policisë, ku edhe është marrë në pyetje nga specialistët e hetimit. Adoleshenti ka treguar se armën e kishte siguruar disa ditë më parë dhe e kishte marrë dy ditë më parë. Shkak për gjetjen e armës i riu ka pohuar se ka pasur qëllim të vrasë një person në qytetin e Beratit.
Me këtë të fundit, ai mësohet se ishte konfliktuar në një "chat", në "Facebook", ku ishin sharë dhe fyer me fjalë të rënda dhe ofenduese. Pas kësaj ngjarjeje Hajdari, ka pohuar se kishte vendosur të hakmerrej ndaj njeriut me të cilin ishte konfliktuar dhe për këtë qëllim kishte kërkuar dhe një armë.
Pas kryerjes së veprimeve rutinë të kryera ndaj tij, policia i ka komunikuar arrestin në flagrancë me akuzën e mbajtjes pa leje të armëve dhe municioneve luftarake. Në cilësinë e provës policia, ka administruar një pistoletë dhe dy krëhëra me fishekë.
Përgjigju Duke Cituar
Postuar më parë nga cherry
Krijoni Kontakt