Ajo, vetëm ajo!

[mondishall]

Te falenderoj bili99, jo vetem per fjalet e sotme kaq dashamirese, por per gjithe kohen komunikuese mes nesh ketu ne forum dhe me tej. Ndjehem me bindshem per vlerat e miqesise. Perqafime, Mondi.

[mondishall]

Kapërceva qiellin

Më ndihmuan yjet
Si kalldrëme rrugicash
të ecja.
Kapërceva qiellin.
Veten kur e pashë,
u çudita
U çudit dhe vetja.

Paska kapërcim tejqiellor
Mesjeta
më djeg për heretik.
E sotmja vëngër më shikon
Më kupton veç një qiell,
Qielli im.

[mondishall]

Dhëmbët

Dhëmbët e fjalëve
Më parë se fjala
Në mish të shpirtit ngulen.
Njeriu-Njeriut
I del përpara
Me fjalë dhëmbësh i sulet.

Kështu ha vetveten
Njerëzorja racë
Që thonë ka mendjen privilegj.
Unë shkel mikun qen
Trembem një çast
Ai qan dhe dhëmbët i fsheh.

[mondishall]

Me ty

Me ëndrrën e ëndrrës kam fjetur
Me zgjimin e zgjimit jam zgjuar
Ç'ka ëndrrës pa ëndërr ka mbetur
Në krahët e tu ka mbaruar.

Pa ty dhe me ëndrrën jam zënë
Pa ty edhe zgjimin kam sharë
Me ty e ndjej veten të tërë
Me ty jam ëndërr e zgjim bashkë.

[mondishall]

Kjo Hënë

Herë presje mes gjuhës yjore
Herë pikë që shikimin ma çlodh
Kjo Hënë e natës qiellore
Librit të universit më fton.

Oh ç'gjuhë e gjuhës së botës!
Oh ç'libër gjigand yjësish!
Biografia e pafundme e kohës
Me Hënën-herë presje, herë pik'.

Dhe kur ndonjë natë nuk shfaqet
Më ngjan se merakun ma di
Më thotë që diku po pret vargjet
Herë presje, herë pikë t'ju rrijë.

E di që s'e di sigurisht
Kur pena në vargje e sjell
Nuk është, as presje, as pik'
Ësht' tradhtia ime e fshehtë në qiell.

[mondishall]

Thagmë dashurie

Më bëj e dashur, të ndjehem naiv
Aty ku koha mjeshtërinë ma dha
Më ngacmo, më skuq, më prek, më dridh
Mistereve të tua, të hy pak nga pak.

Uau, ç'po më ndodh si herën e parë!
Sot botës i shpall të parin zbulim
Dashuria jote, qenka vërtet thagmë
Dhe mjeshtër më bën dhe po aq naiv!

* * *
Fund cikli. Falenderoj gjithe miqte lexues.

[shtegetar]

E urrej kete jet qe shum larg me hodhi ....
E urrej kete jet qe shum me mundon .......
E dua vargun urrej mendimin, jeta e shkurter thyet si ve......
E urrej ditet qe zbardh me agim ,
Qetesohem me rrezet e djellit dhe ngrohin shpirtin tim
E urrej naten qe esht sketerr .
PO shok kam yjet lart ne qell

[brunilda_it]

Pershendetje Mondi !
Vecova kete varg te poezise tende per te te shijuar
pak nga pak vazhdimesine e saj me tej !
Suksese dhe komplimentet e mia per vargjet e tua !


Mjer i ziu!

Trishtimi i shijuar
Për inat të inatit
Që mbeti i ngujuar
Nga vepra e Djallit.

[mi piace]

Rilindje

Sa herë ndjej neveri
Nga plehrat e kësaj jete
Ç'më del përpara ti
Si syth çelur një dege.

Dhe shpejt ma lindën shpresën
Me sythin rritet bashk'.
Diçka kalbet me vjeshtën
Por lind më pas diçka.

Pa ty ç'do isha vallë
Ç'do ish' viti pa vjeshtë?
Diçka kjo jetë e kalbën
Për të rilindur-JETË.

pergezime mondi.
vertet e bukur ajo c'ka percjall nepermjet vargut tend.

[mondishall]

Miq forumiste, qe gjeni kohe nga koha e cmuar dhe ndaleni ne kohen time, ju falenderoj e pershendes, duke ju uruar gjithe te mirat ne jeten tuaj. Ju jam vertet mirenjohes. Me kete rast po ju pershendes me vargje te njohura, por realizuar me figuren perkatese nga nje mikeshe me kodin Dea.