Ajo, vetëm ajo!

[mondishall]

Drita e shpirtit

Ja që ndodh të na ndajë nata
Mos na lerë trupa bashkuar
Çfarë kujton ajo e ngrata
Se na le pa dashuruar?

Nga ta dijë e zeza natë
Atë dritë të shpirtit tonë
Që nuk njeh asnjë distancë
Dhe më tepër na afron?

Eshtë si drita e universit
Që ndriçon pafundësisht
Sa më larg nga njeri-tjetri
Aq më afër shpirtërisht.

[mondishall]

Trupshpirti tjetër

Nuk di në ç’pjesë të gjumit, trupi tënd shëtit
Në ç’pjesë të gjumit s’di, shpirti tënd ç’kërkon
Di ama që trupi ka mbetur pa shpirt
Dhe shpirti pa trupin, diku fluturon.

Nuk di në ç’pjesë të trupit, gjumi tënd po fle
Në ç’pjesë të shpirtit s’di, gjumi tënd ri zgjuar
Di ama që ti, trupi tënd nuk je
Dhe nga shpirti tënd, di që je larguar.

Selanik, shtator 2011

[mondishall]

Intimitet stinësh

Nuk e di në vetë po xhvishesh
Apo dimri po të xhvesh
Vjeshtë moj sa lehtë i bindesh
Dimrit në intimitet.

Mbaj të paktën atë gjethe
Që mbuloi në Eden
Vetë misterin e një Eve
Apo ke tjetër mister?

Ah kuptova, sa naiv
Qenkam sot me ty moj vjeshtë
Dashke shpejt dimrin ta shkrish
Për të lindur një pranverë.

[mondishall]

Molla e të dashurës

Po mos ishe ti e dashur
S'do të kishte univers
Edhe Zoti do kish' ndalur
Të krijonte për më tej.

Ç'do të bënte pa një Evë
Në parajsën e Edenit?
Dhe pa mollën në një pemë
Që aq shumë e duan njerzit?

Ç'do të bëja unë vallë
Vetë Zoti ç'do të bënte?
Në djall vaftë çdo parajsë
Nëm e dashur mollën tënde!

[Besoja]

Përshëndetje Mondi!
Ndjehem mirë kur lexoj poezitë e tua!
Përgëzime mik dhe gjithë të mirat!

[Agim Doçi]

Mondishall të kam zili
Ti ke varg shume poetik
Ti Usta-në Poezi!
Ti me shpirt Filozofik!


urime!

[mondishall]

Faleminderit Beso per dashamiresine e shprehur nga shpirti tend fisnik.

[mondishall]

Me ben te ndjehem akoma me borxhli ne krijimtari e ndaj lexuesit, i dashur Agim, me mesazhin kaq inkurajues poetik. qe percjell per krijimtarine time modeste. Mbetem vertet i emocionuar. Te falenderoj e pershendes me urimet me te mira per shendet e krijimtari te suksesshme.

[mondishall]

E di...

E di që jam në fantazi të një femre
Në flertin e një tjetre jam gjithashtu
E di që dikujt i shtoj rrahje zemre
Dhe ëndrrës i shfaqem sa herë dikujt.

E di që në vargje më kthen një poete
Në nota muzike një tjetër më kthen
E di dhe atë që ndjen veç urrejtje
Të gjitha i dua dhe s'di të urrej.

[mondishall]

Aty...

Aty ku këmbët hedh me ndjeshmërinë për Ty
Me aromën e trupit tënd, mbijnë miliona lule
Sa herë qiellin shikoj me imazhin tënd në sy
Me rrahjet e zemrës tënde, pulsojnë miliarda yje.

Aty ku ajrin thith, siç thith buzët e tua
Njerëzia fillojn' të dehen nga fryma e dashurisë
Sa herë vetmisë thërras: E dashur sa të dua!
Mes xhelozisë tënde, unë flert i bëj vetmisë.