KE aprovon liberalizimin e vizave me Shqiperine, hyn ne fuqi ne 2010

[mesuesi_1]

une per veten time nuk e ndiej veten te braktisur

[Duaje Siveten]

une per veten time nuk e ndiej veten te braktisur

autori i shkrimit nuk besoj te kete patur nder mend lejfen-zuzaret e salis-tos-shtangistit ...

"a eshte prifti popull ..." pieste dikur ndrenika ne skene ...

[kristal]

Klithma e shpirtit.....................................

Jane shume te verteta faktet qe i nderuari ka parashtruar me siper,persa i perket zhvillimevit ekonomik ne shqiperi,ato jane me pikatore.

Ne europe nuk shkohet (me shontazhe,reklama e genjeshta se realiteti flet me shume se kurre,kryeqyteti me unaze te rrenuar,pasqyra kryesore e nje vendi,pa reklame dhe per te huajt.

Liderja britanike Margaret Thacher ka thene i pasuri behet me i pasur,dhe i varferi behet me i varfer,ky eshte realiteti shqipetar,vendi i klaneve,politike e injektuar dhe trazheguar ne vende pune,institucione kafe ..............

Ne nje shtet ku ne klasen politike ka me shume armiq se miqe,me shume kundra zhvillimit e integrimit,ku ka me shume liri, e me pak moral,sa keq te thuash armik i kombit tend.

Popullin e ka kapur skleroza,shikojne te pa zakonshmen,jetojne ate cfare ju afrohet,jo ate cfare meritojne.
Shume here njerezit pyesin veteveten, a eshte e mundur ndryshimi i situates dhe politikes aktuale,,,,,!!!!!!!!!!!!!

Nuk duhet te shpreh egersi te shpirtit por ka,dhe kjo vjen vetem nga ndergjegjesimi,nga nje ligje pak sa i ashper per te pastruar pleherat qe punojne kuder interesave te kombit,qe tani jane bere zhargon i jetes se perditeshme,ketu nuk e kam fjalen per ligj qe denohesh me burg pa fat dhe liroshesh te nesermen,nga dyert me mbrapme por ligj ekzekutimi,varje ne po ate unaze te mjerueshme,se vetem ketu mund te linde ndergjegjesimi.


kristal

[leci]

Ndërsa presin me padurim liberalizimin e vizave, dy vendet e prapambetura të rajonit në këtë proçes, Shqipëria dhe Bosnja, janë kategorizuar ndryshe në performancën e tyre nga Komisioni Europian.

Formulimi "duket se vendi plotëson kriteret" përbën notën më të lartë që dëshmon përmbushjen e njërit apo tjetrit bllok të udhërrëfyesit.

Ashtu siç ishte përsëritur shpesh herë, Bosnja gëzon dukshëm pozicionin e vendit favorit, pasi me këtë formulim vlerësohen 3 nga 4 blloqet e udhërrëfyesit.

Edhe pse me një lexim të thellë krahasues të dy raporteve vëren se ky vend ka disa mangësi në raport me Shqipërine, vendi ynë notën më të lartë të Komisionit e gëzon vetëm për bllokun e parë, ndërsa Bosnja shënon mangësi vetëm në bllokun e tretë, atë të sigurisë dhe rendit publik. Kjo pritet të shtyjë Komisionin që në rekomandimin e tij për liberalizimin e vizave, të kushtëzojë të dyja vendet me misione të tjera ekspertësh për kriteret e paplotësuara.

Situata politike në Bosnje, por edhe keqardhja për muslimanet boshnjakë si të vetmit të penalizuar nga liberalizimi i vizave me Serbinë, janë disa nga arsyet pse ky vend shihet me përparësi në Bruksel.

Për të shmangur një krizë të thellë në Bosnjë, edhe NATO rendi se fundmi duke i ofruar "Planin e Veprimit për Antarësim", kur dihet se vendi nuk i plotëson të gjitha kushtet për ta merituar.

Politikën e "karotës" synon dhe deklarata e Sarajevës, në takimin e ministrave të Jashtëm në qershor, me lëshimin e mesazhit pozitiv për vizat, përpara zgjedhjeve të vjeshtës në Bosnjë.

Me të gjitha përpjekjet dhe sado i lartë qoftë niveli i përmbushjes së kritereve nga ana e Shqipërise, nje pjesë e mirë e vendeve anëtare mendojnë se falë situatës së krijuar në Bosnje, mund të përfitojë edhe Shqipëria. Ekzistojnë dhe parashikime famëkeqe, sipas të cilave, Bosnjës mund t’i hiqen vizat përpara Shqipërise. Këto zëra që qarkullojnë korridoreve të Brukselit mbështeten edhe tek dallimi i qartë që është bërë nga Komisioni Europian në formulimin e ndryshëm të arritjeve që kanë shënuar të dy vendet.

Megjithëse, skenari me pozitiv për heqjen e vizave për Shqipërine mbetet vjeshta e këtij viti, përmendja e datës 1 janar 2011, nga përfaqësues të vendeve anëtare të BE-së, por dhe nga vetë autoritetet shqiptare, ushqejnë edhe më tej zërat për diferencimin në këtë proçes, jo vetëm të dy vendeve, por dhe të kohës se kur do të përfitojnë nga heqja e vizave.

[palushi]

Vizat, Raporti i KE: Shqipëria më para se Bosnja

Procesi i liberalizimit të vizave afatshkurtra me qytetarët shqiptarë po gjen një mbështetje të gjerë në gjirin e shteteve anëtare të BE që janë duke shqyrtuar raportin e vlerësimit të Komisionit Evropian për Shqipërinë dhe Bosnjën. Në të progresi për Shqipërinë është i dukshëm më i avancuar se sa ai i Bosnjës. Sipas vlerësimit të KE-së rezulton se Shqipëria ka prodhuar rreth 4 herë më shumë pasaporta biometrike sesa Bosnja. Konkretisht deri më datën 9 prill 2010, Shqipëria ka lëshuar 497 mijë pasaporta biometrike ndërkohë që Bosnja ka lëshuar 114 mijë e 625 pasaporta biometrike. Pasaportat e lëshuara nga Shqipëria përmbajnë edhe fotot dhe gjurmët e gishtave, ndërkohë që pasaportat boshnjake përmbajnë vetëm foton biometrike por janë vetëm teknikisht gati për të përmbajtur gjurmët e gishtave. Lidhur me bllokun e krimit të organizuar, Shqipëria ka ndryshuar dhe përmirësuar ligjin për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë ndërkohë që Bosnja nuk ka dhënë informacion për këtë. KE vlerëson se zyra e Interpolit në Shqipëri është e kompletuar me personel të kualifikuar ndërkohë që në Bosnje zyra e Interpolit ka nevojë për personel shtesë. Po ashtu Shqipëria ka ratifikuar konventën e OKB-së për krimin e organizuar ndërkohë që Bosnja nuk e ka ratifikuar këtë konventë. Lidhur me bllokun e kontrollit të kufijve, sipas vlerësimit të KE, sistemi TIM-s funksionon në të gjitha pikat kufitare ndërkohë që shkëmbimi i informacionit mes strukturave policore në Bosnjë bëhet rast pas rasti. Gjithsesi institucionet evropiane parashikojnë që liberalizimi i vizave afatshkurtra me Shqipërinë dhe Bosnjën do të bëhet brenda këtij viti.

gazeta panorama

[DYDRINAS]

Ministrat e BE, letër Moratinos: Vizat për Shqipërinë e Bosnjen të hiqen në qershor

Shekulli Online

30/04/2010


BRUKSEL- Ministrat e Jashtëm të BE-së, i kanë kërkuar homologut spanjoll, Angel Miguel Moratinos, vendi i të cilit mban dhe Presidencën e Bashkimit Evropian, heqjen e vizave për Shqipërinë dhe Bosnjen në qershor.


Kërkesa, iniciuar nga ministri i Jashtëm italian, Ftanco Fratini dhe ai slloven Samuel Zbogar është bërë përmes një letre zyrtare, që më pas është firmosur nga 10 ministra të tjerë të jashtëm të vendeve të Bashkimit Evropian.


Letra i eshte derguar edhe autoriteteve më të larta të Bashkimit Evropian, përfaqësues së lartë për Politikën e Jashtme në BE, Catherine Ashton, komisionerit për Zgjerimin Stefan Fule dhe komisioneres për Çështjet e Brendshme, Sesilia Malmstrom.


Letra mban firmën e ministrit të Jashtëm të Hungarisë, Peter Balazs, atij bullgar, Nikoaly Mladanov, ministrit të Jashtëm të Estonisë, Urnas Pate, zëvendëskryeministrit dhe ministrit të Jashtëm të Maltës, Tonio Borg, ministri të Jashtëm të Polonisë, Radosalv Sikoriki, atij rumun, Teodor Baconschi, ministrit Plotësues të Jashtëm të Greqisë, Dimistris Droutsas, ministri të Lituanisë, Andornuis Azubalis, Sllovakisë, Miroslav Lajçak, dhe Qipros, Mausios Kyprianou.

[Mr_Elbasanlliu]

Kemi ngel po aty ku kemi qen ...!!! Regres vetem Regres .

[SERAFIM DILO]

Shqiperia, pa viza ne fillim te 2010

E Merkure, 07 Tetor 2009

Eshte miratuar me 60 vota pro, ne Keshillin e Parlamentit Evropian, per pune te jashtme dhe politike, perfshirja e Shqiperise dhe Bosnjes ne listen e vendeve perfituese te procesit te liberalizimit te vizave, qe do te nise vitin e ardhshem. Keshilli i Parlamentit Evropian vendosi mbreme qe ne propozimin e Komisionit Evropian per liberalizim te vizave per Maqedonine, Serbine dhe Malin e Zi, prej fillimit te vitit te ardhshem, te inkuadrohen edhe Shqiperia e Bosnje-Hercegovina, por edhe fillimi i "udhetreguesve" per Kosoven. Propozimi per Shqiperine e Bosnjen mori votat kunder nga vetem 8 deputete.

Ne mbledhjen e mbremshme, Keshilli i Parlamentit Evropian per Pune te Jashtme dhe Politike, dha mendimin se vizat nuk duhet te hiqen vetem per Maqedonine, Serbine dhe Malin e Zi, por edhe per Shqiperine e Bosnje-Hercegovinen. Zyrtarisht u tha se per Maqedonine, Serbine dhe Malin e Zi liberalizimi i vizave duhet te hyje ne fuqi prej fillimit te viti 2010, me 1 janar. Kurse per vendin tone dhe Bosnjen behet fjale per gjashtemujorin e pare te vitit 2010: "Grupi i Vishegradit eshte i gatshem te promovoje integrimin e vendeve te Ballkanit Perendimor, gjate presidences se ardhshme te BE-se, perfshire trajtimin e aplikimeve te tyre per anetaresim", thuhet ne deklaraten e ministrave te Jashtem te kater vendeve te BE-se pas takimit ne Budapest. Vendet e Vishegradit, jane Republika e Cekise, Hungaria, Polonia dhe Sllovakia dhe ato u shprehen te angazhuara t'i mbeshtesin perpjekjet e vendeve te Ballkanit Perendimor per anetaresim ne Bashkimin Evropian.

Gjithcka ka nisur kur, eurodeputetja Tanja Fajon, perpiloi nje draft te posacem ku thekson faktin se nuk eshte dakord, qe keto dy vende, pra Shqiperia dhe Bosnje-Hercegovina, te mbeten jashte propozimit per liberalizimin e vizave. Sipas saj, keto dy vende duhet t'i bashkengjiten propozimit te Komisionit Evropian per procesin e liberalizimit te vizave me vendet e Bashkimit Evropian. Ne draftin e pergatitur nga eurodeputetja Fajon, argumentohet se vendimi politik per heqjen e vizave, per vende si Maqedonia, Serbia dhe Mali i Zi, duhet te shoqerohet me nje deklarate, e cila te nxise Shqiperine dhe Bosnje-Hercegovinen te arrijne vendet fqinje. Ne kete draft kerkohet edhe perfshirja e Kosoves ne procesin e heqjes se vizave. "Mendoj se eshte shume e rendesishme qe t'u dergohet nje mesazh i forte edhe qytetareve te Shqiperise e Bosnje-Hercegovines. Une nuk jam dakord qe Komisioni i la keto dy vende jashte propozimit", shprehet ne draft, Fajon. Sipas saj, si Shqiperia ashtu edhe Bosnja, kane bere progres te rendesishem, ndaj qytetaret e ketyre vendeve duhet te inkurajohen dhe te marrin nje mesazh te forte per te ecur para me procesin e liberalizimit te vizave. Sipas procedures, do te jete Komiteti per lirite civile, drejtesi dhe ceshtjet e brendshme ne Parlamentin Evropian, qe do te shqyrtoje raportin mbi liberalizimin e vizave me vendet e Ballkanit Perendimor.

Koha Jone

Jemi akoma ne 2009.