KE aprovon liberalizimin e vizave me Shqiperine, hyn ne fuqi ne 2010

[Kavir]

Tallin a s`tallin byçen keta te Evropit. "Hyn ne Shengen, por rri cike jashte".
Maqedhonia, shteti me i shkerdhyer na paska permbushur kushtet. U ra nofulla ne toke nga habia ketyre kur pane kushtet e Maqedonise. Biles, norvegjezet po cojne ekip studimi ne Maqedhoni qe te marrin eksperience per permbushjen e standarteve europiane.
Po pse e bejne ne menyre kaq baxhelleske?
Dhe mire hajvani qe na ngordhi, po hajde duro keto bajgat e vendit tip "55" me shoqe. Keta jane sic tha njehere njeri "Une dhe Enveri nuk dime gje, vetem po e ka bere Mehmeti ne koke te vet".
Keta kane 4 vjet qe na kane hequr vizat, qe kane thyer rekorde te integrimit euro-atllantik.Biles kane habitur edhe veten e tyre se sa shpejt po futemi ne Europe.
Jo se perfytyro sikur te mos kishim Usta Gamorin sa shume do hiqnim per te hyre ne Europe. Do hiqnim te zite e ullirit te Islanda vetem qe te na hidhnin syte. Pttu-ptu-ptu largqofte.
Po na ruajti perendia dhe na dergoi Usta Gamorin.
Lum si na qe rrojme ne Puke.

[Llapi]

Strasburgu kërkon heqjen e vizave që nga muaji janar
Miratohet nga Komisioni i Drejtësisë raporti i eurodeputetes për Shqipërinë, vetëm një votë kundër

Komisioni Parlamentar i Lirive Civile, Drejtësisë dhe Çështjeve të Brendshme në PE ka miratuar dje raportin e europarlamentares Tanja Fajon, që parashikon përfshirjen e Shqipërisë në listën e vendeve që do të përfitojnë liberalizimin e vizave me Bashkimin Europian. Raporti i eurodeputetes sllovene parashikon përfshirjen e pesë vendeve të Ballkanit Perëndimor në fushëveprimin e instrumentit ligjor për heqjen e vizave. Pas miratimit nga Komisioni i Jashtëm, edhe Komisioni i Drejtësisë në PE ka vlerësuar se këto vende, Shqipëria, Bosje-Hercegovina, Mali i Zi, Maqedonia dhe Serbia kanë perspektivën e hyrjes së mundshme në Baskimin Europian dhe tashmë kanë përfituar nga lehtësimi i vizave dhe marrëveshjes së ri-pranimit. Raporti pritet që të marrë vulën e tij përfundimtare nga Parlamenti Europian më datën 12 nëntor. Sipas këtij raporti, Shqipëria, bashkë me vendet e tjera të rajonit mund të përfitojë liberalizimin e vizave në muajin janar të vitit të ardhshëm nëse përmbush kriteret teknike. Eurodeputetët kanë rënë dakord gjithashtu, që ky kompromis të hyjë në fuqi sapo vlerësimi pozitiv i Komisionit për këto dy vende të jetë miratuar nga Këshilli i Bashkimit Europian, që do të vlerësojë ecurinë e reformave në këto vende. Në seancën e zhvilluar të Komitetit të Parlamentit Evropian mbi Liritë Civile, Drejtësisë dhe Çështjet e Brendshme me vetëm një votë kundër dhe dy abstenime, raportit të Tanja Fajon i është hapur rruga për miratim nga PE më 12 nëntor. Po kështu, mbështetje ka gjetur edhe pika e propozimit në të cilën parashikohet nisja e dialogut me Kosovën. Ndër të tjera, deputetët e PE-së thanë më tej se Komisioni Evropian duhet të raportojë mbi progresin e të dy vendeve në fillim të 2010, si dhe të fillojë një dialog për vizat me Kosovën. Eurodeputetët kanë vënë në dukje se dialogu i liberalizimit të vizave duhet bërë i barabartë me të gjitha vendet në një pozitë të barabartë, pa asnjë diskriminim dhe se duhet të zbatohen kriteret e njëjta për të gjitha vendet e interesuara. Anëtarët e Komitetit thanë se të dyja vendet duhet të arrijnë standardet sa më shpejt të jetë e mundur. Ata thanë se Shqipëria dhe Bosnje-Hercegovina kanë bërë përparim të mëtejshëm që kur Komisioni Evropian publikoi vlerësimin e tij të fundit. Parlamenti Evropian tha më tej se Komisioni Evropian duhet të fillojë "dialogun e vizave" me Kosovën, në mënyrë që të krijojnë një plan për lehtësimin e vizave dhe liberalizimit të ngjashëm me ato të vendosura me vendet e Ballkanit Perëndimor.

Fajon: Vota "pro", mesazh i dukshëm për Komisionin Europian

Pas miratimit të këtij raporti në komision, Fajon shprehu kënaqësinë për këtë mbështetje të madhe të PE dhe theksoi se Shqipëria ka bërë një progres të dukshëm në muajt e fundit. Fajon tha gjithashtu se vota pro është një mesazh i dukshëm për Komisionin Europian, i cili siç tha ajo, duhet të heqë regjimin e vizave për qytetarët e Shqipërisë dhe Bosnjës sa më parë që të jetë e mundur. Fajon i kërkon Brukselit të vijojë me tej procesin, por të heqë vizat për Bosnje-Hercegovinën dhe Shqipërinë dhe për të nisur një iniciativë të re për Kosovën. Ky raport do t'i shkojë Komisionit Evropian, i cili merr vendimin për procesin e liberalizimit të vizave. Miratimi i tij nga Komiteti përbën një arritje për Shqipërinë dhe Bosnjën për procesin e liberalizimit të vizave me vendet Shengen. Shqipëria dhe Bosnje-Hercegovina duhet të përmbushin disa aspekte teknike për t'u kualifikuar për një qëndrim të shkurtër për të hequr vizat, siç u bë me Maqedoninë, Serbinë dhe Malin e Zi, janë shprehur anëtarët e Komitetit të Parlamentit Evropian të të Drejtave Civile.

[KokeKatrori]

Jo se perfytyro sikur te mos kishim Usta Gamorin sa shume do hiqnim per te hyre ne Europe. Do hiqnim te zite e ullirit te Islanda vetem qe te na hidhnin syte. Pttu-ptu-ptu largqofte.
Po na ruajti perendia dhe na dergoi Usta Gamorin.
Lum si na qe rrojme ne Puke.

O Kavir, po ngadale mor Vella ngadale, Ai (me fal Gamori apo jo ??) mezi te futi ne NAQO (ene u gzun tgjith ene e festun se thojn "tani ta kruj Greku po deshti me e morr tgjith bregdetin !!! - po priher i thena NAQO-s ene ky i bin kokes Grekut/nga maja e Thanes kuptohet)
Masnej o e sigurt, po u fute n NAQO zene se tu ka fut ene nEVROP - se nuk vrapon kot pas pordh.s AI (d.m.th Gamori Yn) qi u boft sa malet e Pukes nishallah ene mos e lnshoft Pushetetin sa me ken jeta (se po e lnshoi na mori lumi, ngrihet Verua masanej - pranej ta majm fort ket Gamorin ma mir).

Rrofte ene Gamori, ene Puka po ene NAQO-ja

[ulne]

Bardhaku s'mbushet kurre, kush ta mbushe? sala apo rama ata pasoshat diplomatike i kane per vete, meleona kane plot, keshtu qe ujku mjegull do. Mire e tha ai anglezi Gill 'albanian are a nation of dupes' shqiptaret genjehen kollaj, ata i blene votat me vaj dhe oriz qe te gjitha palet. Hajduti do te kape hajdutin, kshu eshte pozita me opoziten klane mafiozesh qe nuk po bien dakort per ndarjen e plaçkes se luftes.

[cool_shqype]

i ka dhone luli nai lek ksaj.

po Luli i ka shkund bullonat e kravatit e ndoshta edhe ka marrnoi honorar me shum zerro ???

[liridoni703]

Edhe nje e arritur e shqiperis ne kete sukses ,ma ne funde u arrit edhe ajo per shqiptaret e shqiperis ,se qe nga viti 2010 do te munde te udhtojen edhe pa viza ne vendet e europes,,,po une shpresoj qe edhe kosova do te jet perfitus shume i shpejtet i kesaj marrveshje .

[toni karlosi]

Kosova, jashtë liberalizimit të vizave edhe në 2010
12 Nëntor, 2009





“Kosova Sot”: Çfarë e dallon raportin e progresit nga ai paraprak?
Sino: Dallimi me raportin e vitit të kaluar është korniza të cilën e kemi përpiluar. Në kuadër të raportit kemi pasur raportin dhe një studim, gjë që dallon nga viti i kaluar. Sa i përket asaj se çfarë vlerëson raporti, është e njëjta gjë si vitin e kaluar, kapacitetet ekonomike, politike dhe integrimit që i ka Kosova. Kemi gjetur disa progrese në disa fusha, por edhe ngecje që mund të shihet në raport.

“Kosova Sot”: Cilat fusha janë më kritike në të cilat institucionet duhet të fokusohen?
Sino: Njëra nga çështjet që ne jemi përqendruar shumë këtë vit është administrata publike. Brenda kësaj janë dy çështje: e para është se si krijohet performanca e administratës publike, që ka të bëjë me krijimin e politikave dhe e dyta është legjislacioni ku shumë prej tyre janë miratuar, mirëpo çështja ka të bëjë me implementimin. Mendojmë se me një përmirësim tejet të madh të administratës publike do të pasojnë edhe përmirësime të tjera shumë të mëdha. Natyrisht ka edhe çështje të tjera për të cilat duhet kushtuar kujdes si sundimi i ligjit, luftimi i korrupsionit, dobësitë e gjyqësisë etj.

Vëmendja te ligjet

“Kosova Sot”: Megjithatë, ka pasur disa vërejtje për sa i përket raportit, i cili është konsideruar jo edhe aq i balancuar në disa fusha për të cilat nuk kanë kompetenca institucionet?
Sino: E vërtetë është, mirëpo ky raport nuk ka të bëjë me EULEX-in dhe nuk është në mandatin tonë se si punon EULEX-i. E kuptojmë se EULEX-i ka një rol që duhet luajtur, mirëpo rolin më të madh e kanë institucionet e Kosovës.

“Kosova Sot”: Cilat janë veprimet parësore që duhet të ndërmerren në planin legjislativ?
Sino: Mendoj se përqendrimi kryesor është implementimi i ligjeve. Ne kemi punuar mjaft në këtë gjë dhe shumica e ligjeve janë miratuar, mirëpo tani punën kryesore duhet përqendruar në impelementimin e atyre ligjeve. Mirëpo, nëse ka ndonjë ligj të ri, ne jemi të gatshëm të ndihmojmë. Tani për tani është ligji mbi financimin e partive politike që është në kuvend dhe aty mund të ndihmojmë.

“Kosova Sot”: Cilat janë pikat kryesore që do t’i hapin rrugë procesit të liberalizimit të vizave?
Sino: Pikësëpari dëshiroj të theksoj dhe inkurajoj lexuesit tuaj, që ne propozojmë që ky proces të fillojë edhe për Kosovën, që është shumë e rëndësishme. Në të njëjtën kohë është duke u përpiluar një e ashtuquajtur hartë e rrugës dhe gjërat kryesore që Kosova duhet t’i përmbushë. Brenda kësaj do të jenë elementet e njëjta që vlejnë edhe për vendet në rajon, si çështja pasaportave, elementi i sigurisë, regjistrat civil, menaxhimi kufijve, çështja e azilit etj. Element i rëndësishëm është lufta kundër krimit të organizuar. Kështu që vitin e ardhshëm presim që të kemi një listë me hollësira më të mëdha lidhur me atë se çka duhet të plotësojë Kosova dhe deri kur.

“Kosova Sot”: Me sa kuptohet vitin e ardhshëm do të kemi listën, por jo edhe çështjen e liberalizimit të vizave për Kosovë?
Sino: Eventualisht po, por jo vitin e ardhshëm. Deri vitin e ardhshëm do të përcaktohet se çka është e nevojshme të bëhet, pastaj gjërat varen prej qeverisë se sa shpejt do të punojë ajo.

“Kosova Sot”: Më saktësisht kur mund të pritet hapja e dialogut me Kosovë dhe në ç’mënyrë?
Sino: Nuk mund të përcaktoj tani, duke u bazuar në vlerësime shpresoj që vitin e ardhshëm. Për dallim nga vendet e tjera, në rajon dialogu ka filluar atëherë kur kanë hyrë në fuqi lehtësimet mbi vizat. Ndërsa këtu në Kosovë nuk ekziston një marrëveshje e përbashkët me BE-në, por marrëveshje të nënshkruara individualisht me shtetet anëtare të BE-së.

CEFTA krijon konfuzion

“Kosova Sot”: Një nga kriteret në procesin e integrimit është çështja e marrëveshjes së tregtisë lirë. Aktualisht Kosova është në një bllokadë si nga Serbia, ashtu edhe BH. Si të tejkalohet ky problem?
Sinno: Marrëveshja e CEFTA-s ka shkaktuar mjaft konfuzione. Nëse e lexoni raportin, atëherë mund të shihni se i rekomandohet Serbisë që të jetë më konstruktive, dhe porosia është e njëjtë për të gjitha vendet në rajon. Kështu që mund të them se prej Brukselit në Beograd për të gjitha palët ka presion. Në të njëjtën kohë edhe institucionet e Kosovës duhet të jenë më pragmatike, pasi ata kanë vendosur që të mos lejojnë takime të tilla.

“Kosova Sot”: A duhet edhe më tej Kosova të përfaqësohet nga UNMIK-u në tryezat e organizuara nga CEFTA, gjë e cila nuk parapëlqehet nga politika e Kosovës?
Sino: Po, sepse UNMIK-u ende përfaqëson Kosovën. Përfundimisht duhet të përcaktohet për një zgjidhje: të mbetet si anëtare e disa marrëveshjeve me vendet në rajon me një fleksibilitet përmes përfaqësimit të UNMIK-ut, ose të mos jetë aty fare. Porositë tona si KE janë shumë të qarta dhe i themi Kosovës të jetë sa më fleksibile që është e mundur.

“Kosova Sot”: Çfarë refleksionesh ka për Kosovën Traktati i Lisbonës?
Sino: Ka më pak përqendrime të vendeve anëtare në çështjet e tyre të brendshme. Traktati i Lisbonës i jep më shumë përqendrim çështjeve të ndryshme në BE dhe më shumë rëndësi i kushton efiçiencës. Sa i përket Kosovës, Traktati i Lisbonës nuk do të ketë ndonjë ndikim të drejtpërdrejtë në kuptim të politikave edhe gjërave që nënkuptojnë zgjerimin e BE-së. Mirëpo një gjë që do të ketë ndikim në kuptim afatmesëm për Kosovë është se Traktati i Lisbonës nënkupton krijimin e shërbimeve me jashtë.

“Kosova Sot”: Raportet e Komisionit evropian flasin për disa gjetje që kanë të bëjnë me korrupsionin dhe krimin e organizuar. Çfarë duhet të ndërmarrin institucionet e Kosovës?
Sino: Ka shumë gjëra që mund të bëhen dhe duhet të bëhen. Strategjia kundër korrupsionit ende nuk është miratuar dhe duhet të shikohet se si do të implementohet, pastaj edhe në legjislacionin kundër spastrimit të parave ka disa gjëra si të përkufizohet shpëlarja e parave. Po ashtu edhe prokuroria ka rolin e vet në përndjekjet që duhet të bëhen. Kur kemi të bëjmë me implementimin, ka ende disa zbrazëtira që i kemi parë se nuk janë të mbuluara.

Nuk keqpërdoren
fondet e BE-së

“Kosova Sot”: Mjaft fonde i janë dhënë Kosovës nga BE-ja. Si po realizohen dhe shfrytëzohen këto fonde?
Sino: Paratë që jepen për Kosovë janë të implementuara nga zyra ndërlidhëse e KE-së. Tenderët, përzgjedhja e tyre bëhet këtu, por gjithmonë në bashkëpunim të ngushtë me institucionet e Kosovës. Kështu që në vazhdimësi fondet kontrollohen dhe ju siguroj se nuk ka keqpërdorim. Mirëpo është i rëndësishëm planifikimi i mjeteve si do të shpenzohen. Ne kemi filluar të punojmë në këtë lidhur me mënyrat e planifikimit të shpenzimeve të hollave për vitin e ardhshëm. Kjo është duke u bërë në bashkëpunim me institucionet e Kosovës. Për shembull, nëse Ministria e Brendshme thotë se duhet të marrim kontrollin e kufirit të gjelbër nga KFOR-i së shpejti dhe ka nevojë për materiale dhe kapacitete që të arrijnë një gjë të tillë, atëherë fillojmë të punojmë bashkërisht. Vitin e ardhshëm parashihet të ketë më shumë të holla për Kosovë, 60 milionë euro. Kjo mund të duket shumë e madhe, por është shumë e vogël nëse merret parasysh infrastruktura e rrugëve apo gjëra të ngjashme.

“Kosova Sot”: Si e shihni idenë e qeverisë për hapjen e një ministrie për integrime evropiane?
Sino: Ne mendojmë se është e rëndësishëm të ketë një person të nivelit politik që të shtyjë proceset e integrimit përpara. Ne i dëshirojmë mirëseardhje një ministri apo zëvendëskryeministri që do të merret me integrime evropiane, por ndoshta niveli i zëvendëskryeministrit do të ishte më mirë. Krijimi i një ministrie është proces i cili merr kohë dhe mendojmë se nuk duhet pasur bllokim në këtë fazë, që është mjaft e rëndësishme për Kosova.

“Kosova Sot”: Si i shihni procedurat e prokurimit publik dhe legjislacionin për tërheqjen e investitorëve?
Sino: Jo doemos do të bëja ndërlidhjen në mes prokurimit publik dhe investitorëve. Prokurimi publik ka të bëjë më shumë se si shpenzohen të hollat e taksapaguesve. Sa u përket çështjeve legjislative, natyrisht gjenden disa fusha të cilat duhet ndryshohen, mirëpo më shumë kemi të bëjmë me çështjet e implementimit të legjislacionit. Natyrisht ka ndikim jo të drejtpërdrejtë tek investimet, sepse kjo është çështje e organizimit. Nëse një investitor dëshiron të aplikojë për ndonjë tender, ai padyshim dëshiron të dijë se cilat janë gjasat që të fitojë një kontratë.

“Kosova Sot”: Raporti thekson të gjeturat në sistemin e dobët të prokurorisë dhe gjyqësisë. Çfarë duhet të ndryshojë?
Sino: Njëra nga çështjet që një kohë të gjatë është çështja e rasteve të pazgjidhura. Kanë mbetur shumë raste në të cilat nuk është punuar. Mendoj se ka gjëra praktike në organizim sidomos në trekëndëshin polici-prokurori-gjyqësi.

Te mjeret ne per qeverine tone.

[B.C.B]

qysh more kshtu hahahah,hashimi po na thot qe po hijm evrop,a po rren hashimi a?..e more njerz jo 2010 po as 3010 na ne evrope nuk kem vend.

[Llapi]

Kriteret, pastaj liberalizim vizash

11.11.2009
Edona Peci

Agjenda kohore e Kosovës për liberalizimin e vizave me BE-në varet nga dinamika e përmbushjes së kritereve të vëna nga Komisioni Evropian, thonë përfaqësues të këtij misioni në Kosovë.


Autoritetet evropiane dhe ato vendore në Prishtinë nuk mund të japin një agjendë të saktë kohore për nisjen zyrtare të procesit të liberalizimit të vizave për Kosovën.

Derisa Serbia, Mali i Zi dhe Maqedonia janë në pritje të vendimit përfundimtar të Këshillit të Ministrave të Brendshëm të BE-së për këtë çështje, Kosova vazhdon ta ketë si obligim kryesor përmbushjen e kritereve të vëna nga Komisioni Evropian.

Zëdhënësja e Zyrës Ndërlidhëse të Komisionit Evropian në Kosovë, Maja Pavloviq, thotë se askush nuk mund të thotë saktësisht se si do të duket rruga e Prishtinës zyrtare drejt liberalizimit të vizave me Bashkimin Evropian.

Kjo gjë, sipas saj, pritet të qartësohet pas krijimit të udhërrëfyesit për heqjen e vizave për Kosovën nga Komisioni Evropian, i cili do të pasojë miratimin eventual të studimit për Kosovën, në kuadër të raportit të progresit të këtij komisioni për vendin nga Këshilli i Ministrave i BE-së.

“Koha për liberalizimin e vizave për Kosovën varet shumë nga shpejtësia, me të cilën Kosova do të jetë në gjendje t’i përmbushë kërkesat e vëna për procesin e liberalizimit të vizave”.

“Unë nuk mund të jap afat të saktë kohor. Ajo që mund të bëjë Komisioni Evropian është që, diku në vitin e ardhshëm, të propozojë një listë të detajuar, të ashtuquajtur udhërrëfyes të veprimeve, të cilat duhet të kryhen nga autoritetet. Besoj se në muajt e ardhshëm, pra në vitin e ardhshëm, do të kemi më shumë qartësi se si të vazhdohet më tutje”, thekson Pavloviq.

Ndërkohë, eurodeputetja sllovene, Tanja Fajon, e cila ka përgatitur raportin për liberalizimin e vizave për vendet e Ballkanit Perëndimor, ka paralajmëruar mundësinë që aprovimi i heqjes së vizave Shengen për Maqedoninë, Serbinë dhe Malin e Zi që nga dhjetori i këtij viti, të bëhet gjatë së mërkurës nga Parlamenti Evropian.

Në kriteret, të cilat vlerësohet t’i kenë përmbushur tashmë këto vende, kërkohet një angazhim i shtuar nga institucionet kosovare.

Pavloviq shpjegon një pjesë të kritereve, të cilat pasqyrohen në studimin për Kosovën në raportin e progresit 2009, ku, po ashtu, kërkohet themelimi i një dialogu për procesin e stabilizim-asociimit.

“Ai (dokument) propozon një qasje strukturale që eventualisht mund të çojë në liberalizimin e vizave. Ky proces do të kërkonte shumë kohë dhe shumë përkushtim politik”.

“Por, në praktikë nënkupton që Kosova, pasi të ketë garantuar operacionalizimin e plotë të sistemit të riatdhesimit e të riintegrimit dhe nëse zhvillon reformat e tjera të identifikuara në këtë fushë, atëherë mund të përfshihet në dialogun për viza”.

“Kjo, gjithashtu, do të thotë se Kosova duhet t’i zbatojë të gjitha reformat e nevojshme që i kanë kryer shtetet e tjera në rajon, siç janë Serbia, Mali i Zi dhe Maqedonia. Pra, Kosova duhet ta përshtatë legjislacionin, t’i përforcojë kapacitetet administrative, t’i alokojë burimet e nevojshme dhe të tjera”, shprehet ajo.

Zyrtarë të Qeverisë së Kosovës, ndërkaq, shprehin bindjen se zhvillimet në përmbushjen e kritereve për liberalizim vizash po ecin me dinamikën e nevojshme.

Këshilltari në Ministrinë e Punëve të Brendshme të Kosovës, Artan Duraku, thotë se raportet BE-Kosovë në këtë drejtim, janë kryesisht të natyrës politike dhe u referohen vështirësive që i ka Komisioni Evropian për të hyrë në marrëdhënie kontraktuese me vendin.

Kriteret e tjera, sipas tij, nuk janë aq problematike.

“Të gjitha kriteret e tjera ne i konsiderojmë si teknike”, thotë Duraku, duke shtuar se procedurat në lidhje me krijimin e pasaportave biometrike, si një ndër kushtet e vëna për liberalizim vizash me BE-në, janë në fazën finale të përgatitjes.

“Sipas të gjitha gjasave, këto dokumente do të fillojnë të lëshohen gjatë vitit të ardhshëm”, thekson ai.

[Llapi]

Fajon: Nuk guxohet që Kosova të lihet anash nga procesi i vizave

Parlamenti Evropian ka bërë thirrje që komisioni Evropian të nisë me Kosovën një proces të ngjashëm të vizave sikur e kanë shtetet tjera të rajonit, duke kërkuar definimit e udhërrëfyesit i cili do çonte fillimisht në lehtësimin e regjimit të vizave e më pas edhe liberalizimin e plotë. ...
Postuar: 14:07:50 / 12.11.2009
Raportuesja për vizat në parlamentin evropian, Tanja Fajon deklaroi se nuk guxohet që Kosova të lihet anash nga procesi i vizave sepse vendi nuk bën të mbetet vrimë e zezë në rajon. Ajo e kualifikoi si sukses faktin se mori përkrahjen e eurodeputetëve që t’i bëhet ftesë Komisionit Evropian për gjetjen e formulës se si të nisë dialogu për vizat edhe me Kosovën.

Eurodeputetët votuan për raportin ku pos këtij propozimi përfshihet edhe përkrahja për liberalizimin e plotë të vizave për qytetarët e Maqedonisë, Malit të Zi dhe Serbisë. Gjithashtu ata kërkuan që për Shqipërinë e Bosnjën dhe Hercegovinën të hiqet regjimi i vizave deri në mesin e vitit që vjen.

Qytetarët e tri shteteve të para që gëzojnë këtë regjim do mund të udhëtojnë në shtete e Evropës perëndimore që nga 19 dhjetori i këtij viti. Pas këtij votimi pason vendimi formal i ministrave të brendshëm të BE-së në takimin e 30 nëntorit kur edhe përfundimisht zyrtarizohet liberalizimi i vizave për tri vendet e rajonit.

Shefat e shteteve dhe qeverive të vendeve anëtare të Bashkimit Evropian pritet që të përkrahin këtë nismë në takimin e dhjetorit ku edhe do duhej të deklarohen lidhur me kërkesën që një lloj i procesit për vizat të nisë edhe për Kosovën.