"Zoti" para islamizmit

[BEDR]

por tani e kam kuptuar te verteten qe feja islame eshte ne fakt trashegimi e fese idhujtare te meparshme te arabeve

Ti s'ke kuptuar kurrgje as tani as kur mendon se ke qene Musliman.

A e di cfare do te thote "kafir"? Po ta shpjegoj shkurtimisht: kafir quhet ai i cili mbulon te verteten. Fjala kafir buron nga fjala arabe "kufr" qe do te thote mbulim, te mbulosh dicka qe te mos bjere ne sy. Ne kete rast, ti po mbulon me fjalet e tua te verteten qe ka shpallur Krijuesi ne te gjithe Librat e Shenjte.

Eshte shume thjeshte te krijosh nje realitet me imagjinaten tende. Mirepo sesa eshte real ai realitet qe ke krijuar, as ti vet nuk je i afte te japesh pergjigje. Sikur te ishe i afte, do te na shpjegoje perse ti flet me goje e nuk flet me hunde, perse ecen me kembe e nuk ecen me turinj, perse lind e pastaj vdes. Po mbas kesaj vdekje, cfare ndodh???? Dhe po te vazhdoj me keto pyetje, te siguroj qe deri ne vdekje nuk kane te sosur pyetjet. Pra, te gjitha keto pyetje qe parashtrova jane realiteti qe po jetoj une e ti dhe cdo njeri tjeter. Nese je vertet kaq i pavarur dhe kaq i bindur per mos-egzistencen e Krijuesit, atehere ndryshoje kete realitet!

Me lejo te te jap disa sqarime te metejshme:

Ne te gjithe Librat e Shenjte, Krijuesi i kesaj gjithesie, ka shpjeguar realitetin e kesaj gjithesie qe Ai ka krijuar, ka shpjeguar qellimin e krijimit te kesaj gjithesie, ka shpjeguar se si funksionon mbarevajtja e kesaj gjithesie... dhe mbi te gjitha, ka shpjeguar se kush eshte Ai qe kontrollon kete gjithesi dhe sistemon cdo detaj te saj.

Ai ka shpjeguar perse e krijoi te miren dhe perse krijoi te keqen. Ai ka shpjeguar se krijoi qenie te trajtave dhe formave te ndryshme. Krijoi engjejt nga drita, xhindet nga zjarri, njerezit nga balta etj.

Ai shpjegoi perse krijoi Xhennetin dhe Xhehenemin.

Ai e krijoi njeriun me nje qellim madheshtor: qe njerezit ta njohin Krijuesin e tyre, te njohin Fuqite e Tij ashtu sic e ka pershkruar Ai Veten e Tij, te jene mirenjohes dhe falenderues ndaj Tij dhe mbi te gjitha t'i dorezohen Atij me nenshtrim dhe ta adhurojne Ate te Vetem me frike-respekt.

Vete njeriu ne natyrshmerine e tij, e pranon egzistencen, madheshtine dhe Plotfuqine e Krijuesit te tij. Ky eshte nje realitet qe vec nje i marre e mohon. Madje edhe ti thelle ne veten tende e di shume mire qe Krijuesi yt egziston dhe vazhdimisht te mbikqyr. Por, eshte arroganca dhe mendjemadhesia jote qe te nxit qe ta mohosh Ate. Madje, disa te tjere e mohojne Krijuesin nga protesta perse Ai nuk u gjendet atyre aty dhe ashtu sic duan ata!

Babai im eshte mohues, pra eshte kafir. Madje thote se ai eshte vete zot. Mirepo, sa here e kam degjuar te thote "Shyqyr o Zot!", "O Zot na ndihmo", "Ai Zot do te ma marre Hakun", "Ai Zot nuk harron" ... e shume shprehje te tjera. Babai im nuk ka bere as shkolle, as medrese, as ka shkuar ndonjehere ne xhami apo ne kishe. Ai eshte vec nje njeri i thjeshte qe ka punuar tere jeten ne ndertimin e realizmit komunist. Pra, sic e shikon edhe ai thelle ne shpirtin e tij e ndien se ka nje Krijues qe sistemon dhe rregullon ceshtjet e tij. Me sakte, edhe pse babai im e mohon Ate, ai prapeseprape e ndien se ka nevoje per Te!

Pra, kjo eshte natyrshmeria humane me te cilan na ka krijuar Krijuesi yne.

Nese nuk do te mjaftonte kjo natyrshmeri per te na udhezuar tek Krijuesi yne, Ai na ka zbritur Shpalljen e Tij per te na udhezuar dhe per te na shpjeguar Dispozitat dhe Urdherat e Tij! Ai zbriti Zeburin, Teuratin, Ungjillin dhe Kur'anin. Ne to Ai shpjegoi realitetin e kesaj gjithesia dhe misionin qe ka njeriu ne kete bote.

Por sikur te mos mjaftonin keta Libra Hyjnore qe njerezit te udhezoheshin, Ai dergoi profete dhe pejgambere qe t'i udhezonin popujt drejt Krijuesit. Sa e sa profete e pejgambere u derguan tek popuj te ndryshem. Dhe i fundit qe mbylli ciklin e profetesise dhe Shpalljes se Krijuesit ishte profeti Muhamed, i cili u dergua me Mesazhin permbylles, pra me Kuranin, me te cilin u larguan shtremberimet dhe shpifjet e rabineve apo murgjve te cilet i kishin ndryshuar plotesisht Librat e meparshem.

[BEDR]

Ti shok a je i sigurte qe Zoti i te gjitheve eshte i ashtuquajturi Allah nga arabet?

Nuk ka dyshim se cdo Arab, Musliman apo i Krishtere i thone Zotit Allah. Kqyre njeher Biblen ne gjuhen Arabe apo Kobtet e Egjiptit dhe do ta shikosh. Sa i perket atyre emrave qe ke permendur, ata nuk jane emrat e zotave por emra te idhujve qe adhuronin fiset arabe.

Arabet perpara ardhjes se Profetit Muhamed e besonin Allahun, mirepo ata besonin se mund ti afroheshin Allahut vecse duke iu lutur atyre idhujve qe i kishin emertuar ne baze te emrave te disa njerezve te mire qe kishin jetuar dikur mes tyre.

“Dhe nëse ti i pyet ata: Kush i krijoi qiejt dhe tokën? Ata padyshim që do të përgjigjen:”Allahu”.” Lukman, 25

“Thuaj: Kush është Zoti i shtatë qiejve dhe Zoti i Arshit Madhështor? Ata do të thonë: “Allahu”.” Mu’minun, 86

“Thuaj (O Muhamed): Kush ju sjell furnizim nga qielli dhe nga toka dhe kush është Zotëruesi i të dëgjuarit dhe të shikuarit? Dhe kush e nxjerr të gjallën nga e vdekura dhe të vdekurën nga e gjalla? Dhe kush është rregulluesi dhe sunduesi i të gjitha çështjeve? Ata do të thonë: “Allahu.” Thuaju: A nuk do të keni frikë nga Ndëshkimi i Allahut atëherë (për atë që i bëni shok Atij në adhurim)?” Junus, 31

“Thuaj: Kush ju sjell furnizim nga qielli dhe nga toka dhe kush është Zotëruesi i të dëgjuarit dhe të shikuarit? Dhe kush e nxjerr të gjallën nga e vdekura dhe të vdekurën nga e gjalla? Dhe kush është rregulluesi dhe sunduesi i të gjitha çështjeve? Ata do të thonë: “Allahu.” Junus, 31.

Dhe Allahu ka shpjeguar gjendjen e arabeve ne periudhen para-Islame:

“Dhe ata adhurojnë në vend të Allahut gjëra që as i dëmtojnë e as u bejnë dobi dhe thonë: “Këta janë ndërmjetësuesit tanë tek Allahu.” Junus, 18


Pra, mendimi yt eshte i gabuar dhe i pabaze!

[BEDR]

Shpjegimi i Aspekteve të Injorancës - Periudhes para-Islame

Mes aspekteve (të Ditëve të Injorancës), aspekti më madhor dhe më i rëndë nga rreziku që përmbante, ishte mungesa e besimit (imanit) në zemër, gjë për të cilin erdhi i Dërguari i Allahut (lavdërimi dhe bekimi i Allahut qoftë mbi të). Dhe nëse mungesës së besimit do t’i shtohej aprovimi i asaj në të cilën ndodheshin njerëzit e Ditëve të Injorancës, atëherë kështu arrihet shkatërrimi total, sikurse ka thënë Allahu:

وَالَّذِينَ آمَنُوا بِالْبَاطِلِ وَكَفَرُوا بِاللَّهِ أُولَئِكَ هُمُ الْخَاسِرُونَ (٥٢)

“Dhe ata që besojnë në Batil (të gjitha besimet, bestytnitë apo perënditë e kota e të pavërteta dhe çdo gjë tjetër që adhurohet në vend të Allahut osë përkrah Tij) dhe nuk besojnë Allahun (në tërësinë e Veprave të Tij, Emrave dhe Cilësive të Tij të përsosura dhe në adhurimin e Tij të vetëm), mu këta janë të humburit.” [el- Ankebut, 52]



[Shpjegimi]

Kjo është një nga broshurat e Shejkh Muhamed bin Abdil-Uehabit, Allahu pastë mëshirë për të, e quajtur: “Aspektet e Ditëve të Injorancës në të cilat i Dërguari i Allahut (lavdërimi dhe bekimi i Allahut qoftë mbi të) i kundërshtoi Njerëzit e Ditëve të Injorancës.” Kjo vepër përbëhet nga 128 çështje të cilat autori i ka nxjerrë dhe i ka përmbledhur nga Kur'ani, Suneti dhe thëniet e Dijetarëve. Qëllimi i shkrimit të kësaj broshure ishte për t’u tërhequr vëmendjën Muslimanëve në mënyrë që ata t’i shmangen rënies në këto aspekte pasi ato janë tej mase të rrezikshme.

Në parathënien e tij, autori, Allahu pastë mëshirë për të, shpjegon se këto aspekte janë ato çështje për të cilat i Dërguari i Allahut (lavdërimi dhe bekimi i Allahut qoftë mbi të) i kundërshtoi njerëzit e Ditëve të Injorancës – dhe ata janë Kitabijunët (Popujt të cilëve u janë shpallur Librat) dhe Ummijunët (Njerëzit të cilëve nuk iu shpall ndonjë Libër).

Kitabijunët: janë Njerëzit që iu shpallën Librat, siç janë Çifutët dhe të Krishterët, pasi Çifutët e kanë librin e tyre, Teuratin, të cilin Allahu ia shpalli Musait, kurse të Krishterët e kanë librin e tyre, Ungjillin, të cilin Allahu ia shpalli Isait, të birit të Merjemes. Prandaj ata quhen Njerëzit e Librit (Ehlul-Kitaab). Në kohët e sotshme, ata përdorin termat “Testamenti i Vjetër” ose “Dhiata e Vjetër” për Teuratin dhe “Testamenti i Ri” ose “Dhiata e Re” për Ungjillin. Kjo është sipas terminologjisë së tyre.

Të dy ata janë libra madhështorë, libra të cilët Allahu ua shpalli dy pejgamberëve të Tij fisnikë: Musait dhe Isait, e veçanërisht Teurati sepse ai është një libër i mrekullueshëm dhe atë e nderon dhe e konfirmon Ungjilli.

Pra, kjo është arsyeja përse ata janë quajtur Njerëzit e Librit – me qëllim që të bëhet dallim midis tyre dhe atyre të cilëve nuk iu shpall ndonjë Libër.

Kurse termi Ummijun i referohet Arabëve të cilët nuk praktikonin asnjë nga fetë e sipërpërmendura. Ata janë quajtur Ummijunë, shumësi i fjalës Ummi, që vjen nga fjala Umm (nënë) sepse ata ishin kryesisht njerëz që nuk dinin as të lexonin e as të shkruanin. U quajtën kështu edhe sepse ata nuk kishin Libër Hyjnor deri sa u shpall Kur'ani. Për këtë arsye ata janë quajtur Ummijunë, siç thotë Allahu:

هُوَ الَّذِي بَعَثَ فِي الأمِّيِّينَ رَسُولا مِنْهُمْ

“Ai është i Cili çoi mes analfabetëve një të Dërguar nga vetë mesi i tyre.” [el-Xhumuah, 2]

Dhe Ai thotë:

وَمَا آتَيْنَاهُمْ مِنْ كُتُبٍ يَدْرُسُونَهَا وَمَا أَرْسَلْنَا إِلَيْهِمْ قَبْلَكَ مِنْ نَذِيرٍ (٤٤)

“Dhe Ne nuk u dhamë atyre Libra që të mund të studionin, as nuk çuam tek ata para teje ndonjë paralajmërues.” [Sebe’, 44]

Dhe Allahu thotë:

لِتُنْذِرَ قَوْمًا مَا أُنْذِرَ آبَاؤُهُمْ فَهُمْ غَافِلُونَ (٦)

“Me qëllim që të këshillosh një popull, paraardhësit e të cilit nuk ishin të paralajmëruar, prandaj këta janë të pakujdesshëm.” [Ja-Sin, 6]

Ky është kuptimi i termit Ummijun. Allahu e ka përshkruar poashtu Pejgamberin e Tij (lavdërimi dhe bekimi i Allahut qoftë mbi të) si Ummi (analfabet), kur thotë:

الَّذِينَ يَتَّبِعُونَ الرَّسُولَ النَّبِيَّ الأمِّيَّ الَّذِي يَجِدُونَهُ مَكْتُوبًا عِنْدَهُمْ فِي التَّوْرَاةِ وَالإنْجِيلِ يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنْكَرِ

“Ata të cilët pasojnë të Dërguarin, Pejgamberin Ummi (analfabet, që s’di as të shkruajë dhe as të lexojë) të cilin e gjejnë të shkruar në Teurat dhe në Ungjill; ai urdhëron el-Maruf (Besimin e pastër Islam dhe të gjitha detyrimet e tij) dhe i ndalon ata nga el-Munker (mosbesimi, idhujtaria dhe çdo gjë tjetër që ndalon Islami).” [Araf, 157]

Fakti që Pejgamberi (lavdërimi dhe bekimi i Allahut qoftë mbi të) ishte analfabet (Ummi), që as nuk dinte të shkruante dhe as të lexonte dhe erdhi me këtë Libër të jashtëzakonshëm (d.m.th. Kur'ani) është dëshmi që tregon për vërtetësinë e Pejgamberisë së tij dhe është gjithashtu një nga mrekullitë e tij.

Pra, arabët janë Ummijunë (analfabetët të cilëve nuk u erdhi ndonjë Libër) dhe Pejgamberi i tyre gjithashtu është Ummi (analfabet).

Kurse për sa i përket termit Xhahilije (Injorancë), qëllimi i tij është cilësimi me injorancë (xhehl). Injoranca (xhehl) nënkupton mungesën e dijes. Termi Xhahilije i referohet kohës kur nuk kishte as Pejgamber dhe as Libër. Ajo që kihet për qëllim me të është periudha përpara ardhjes së Pejgamberit (lavdërimi dhe bekimi i Allahut qoftë mbi të). Allahu thotë:

وَلا تَبَرَّجْنَ تَبَرُّجَ الْجَاهِلِيَّةِ الأولَى

“Dhe mos i zbuloni vetet tuaja, ashtu siç zbuloheshin në kohën e Xhahilijetit.” [el-Ahzab, 33]

Që do të thotë: Në kohën përpara se të dërgohej Pejgamberi (lavdërimi dhe bekimi i Allahut qoftë mbi të). Përpara ardhjes së Pejgamberit (lavdërimi dhe bekimi i Allahut qoftë mbi të) e gjithë bota ishte fundosur në devijim, mosbesim dhe ateizëm, për shkak se librat që ishin shpallur më parë u zhdukën, ashtu siç bënë Çifutët me Librin e tyre, Teuratin, të cilin e shtrembëruan duke futur në të shumë aspekte të mosbesimit (kufrit) devijimit dhe ligësive. Poashtu, të Krishterët e shtrembëruan Librin e tyre Ungjillin nga origjinali i tij që nga koha kur iu shpall Isait. Shkak për këtë u bë një njeri i quajtur Pal apo Saul, i cili ishte një Çifut që kishte shumë urrejtje dhe shpirtligësi për të Dërguarin e Allahut, Isain. Kështu, ky njeri filloni të thurte komplote dhe të mashtronte me qëllim që të prishte fenë e Mesias. Ai veproi kështu duke shfaqur nga ana e jashtme besimin e tij në Mesian dhe duke shprehur keqardhje për armiqësinë që kishte treguar në të shkuarën ndaj Mesias. Ai pretendoi se një ditë kishte parë një vegim dhe më pas e besoi Isain dhe të Krishterët e besuan atë çfarë tha ai.

Pastaj ai i shtiu duart e tij në Ungjillin që Allahu ia kishte shpallur Isait dhe futi në të idhujtari, shirk dhe kufër. Ai e bëri këtë duke përzier në të besimin në Trinitetin, që do të thotë se Zoti është i ndarë në tre, se Jezusi është bir i Zotit dhe se ai është vetë Zoti! Gjithashtu ai futi në të çështjen e adhurimit të kryqit dhe shumë aspekte të tjera të liga e të neveritshme të mosbesimit. Kështu, të Krishterët e besuan atë për shkak se ata mendonin se ky ishte dijetar dhe besimtar dhe e quajtën atë i Dërguari Pal, domethënë i Dërguari i Mesias Jezus. Kjo ishte sipas pretendimeve të tyre. Megjithatë, qëllimi i tij ishte prishja e fesë së Mesias. Kështu pra, ajo që ai dëshironte u realizua sepse ai u tregua mjaft i zoti në prishjen e fesë së Mesias dhe futjen në të të idhujtarisë, besimin e trinitetit dhe besimin se Jezusi ishte bir i Zotit apo që ai ishte pjesë e trinitetit. Ai futi në të shumë forma të idhujtarisë dhe ata e ndoqën atë në këtë gjë.

Kjo ishte gjendja e Njerëzve të Librit (Ehlul-Kitaab) përpara ardhjes së Pejgamberit (lavdërimi dhe bekimi i Allahut qoftë mbi të), përveç një pakice mes tyre që kishte mbetur në fenë e saktë [2]. Megjithatë, pjesa më e madhe e njerëzve ishin në mosbesim dhe kishin devijuar nga Feja e Allahut.

Kurse sa i përket Arabëve, ata ishin të ndarë në dy kategori: Një grup ndiqte fetë e shpallura më parë, siç ishte Judaizmi, Krishterizmi dhe Zoroastrianizmi (Mexhusit, të njohur ndryshe si adhuruesit e zjarrit), ndërsa grupi tjetër qëndroi në besimin e pastër (Hanifije) – feja e Ibrahimit dhe e Ismailit, veçanërisht në zonën e Hixhazit, që janë tokat e Mekkes.

Kjo zgjati deri kur mes tyre u shfaq një burrë me emrin ‘Amr bin Luhja el-Khuza’i. Ai shërbeu si mbret në krahinën e Hixhazit [3] dhe ishte i devotshëm, i drejtë dhe i përkushtuar në adhurim. Njëherë, ai shkoi në Sham [4] për të kërkuar kurim për një sëmundje. Atje ai pa popullin e Shamit që adhuronin statujat. Ai mendoi se kjo ishte diçka e mirë, kështu që u kthye nga Shami me disa nga këto statuja. Ai bëri disa gërmime në tokë për të gjetur idhujt që ishin mbuluar nën dhé pas zhdukjes së popullit të Nuhut - statujat e Uadit, Suwa’s, Jaguthit, Je’ukut, Nasrit dhe të tjerë. Përmbytja i kishte shkatërruar këto statuja dhe i kishte varrosur nën dhé, por erdhi Shejtani i cili ia tregoi atij vendin ku gjendeshin. Kështu, ai gërrmoi dhe i nxorri ato. Më pas, ai ua dha fiseve të ndryshme Arabe dhe i urdhëroi që t’i adhuronin këta idhuj. Njerëzit e pranuan këtë dhe kështu u përhap idhujtaria në tokat e Hixhazit dhe në vendet e tjera Arabe. Pra, ai e ndryshoi Fenë e Ibrahimit dhe i la kafshët të lira për idhujt e tyre. [5] Për këtë arsye Pejgamberi (lavdërimi dhe bekimi i Allahut qoftë mbi të) e pa atë duke tërhequr zorrët në Zjarrin e Xhehenemit. [6]

Përpara ardhjes së Pejgamberit (lavdërimi dhe bekimi i Allahut qoftë mbi të), bota ishte e zhytur në një humbje të qartë, qofshin Kitabijunët (Njerëzit e Librave të Shenjtë) dhe Ummijunë (Njerëzit të cilëve nuk u kishin ardhur Librat e Shenjtë), apo popujt e tjerë. Kështu ishte gjendja e të gjithë banorëve e tokës, me përjashtim të disa prej Njerëzve të Librave të Shenjta që kishin mbetur ende në fenë e vërtetë. Sidoqoftë, ata u zhdukën përpara ardhjes së Pejgamberit (lavdërimi dhe bekimi i Allahut qoftë mbi të). Pra, errësira nxirronte në çdo cep të tokës. Thuhet në një hadith se Allahu vështroi banorët e tokës dhe i urreu ata që të gjithë, qofshin Arabë apo jo-Arabë, me përjashtim të disave nga Njerëzit e Librave të Shenjtë që kishin mbetur.

Ishte pikërisht në kulmin e kësaj errësire dhe në periudhën e stërgjatur të Injorancës ku gjurmët ishin zhdukur krejtësisht dhe studimi e zbatimi i shpalljeve hynore ishte shuar, kur Allahu dërgoi Pejgamberin e Tij, Muhamedin (lavdërimi dhe bekimi i Allahut qoftë mbi të), me qëllim nxjerrjen e njerëzimit nga errësira për në dritë, sikurse Allahu thotë:

لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولا مِنْ أَنْفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلالٍ مُبِينٍ (١٦٤)

“Vërtet Allahu u ka dhënë besimtarëve dhuratë të madhe, kur u solli një të dërguar nga gjiri i tyre, i cili ua lexon shpalljet e Tij, i pastron nga gjynahet dhe u mëson Librin (Kuranin) e Urtësinë (Sunnetin e Pejgamberit, rrugën e zbatimit në jetë të rregullave të Islamit, fjalët, veprimet e faljes etj.), edhe pse më parë, me të vërtetë, ata ishin në rrugë krejt të gabuar.” [Ali-Imran, 164]

“më parë...” ka për qëllim kohën para ardhjes së Pejgamberit (lavdërimi dhe bekimi i Allahut qoftë mbi të).

Xhahilijje, siç thamë edhe më përpara, vjen nga fjala xhehl (injorancë), që do të thotë mungesë e dijes. Kështu, çdo gjë që ka të bëjë me Injorancën (Xhahilije) është e dënueshme. Për këtë arsye Allahu ka thënë:

“Dhe mos i zbuloni vetet tuaja, ashtu siç zbuloheshin në kohën e Xhahilijetit.” [el-Ahzab, 33]

Allahu i ka ndaluar gratë e Pejgamberit (lavdërimi dhe bekimi i Allahut qoftë mbi të) që të mos i shfaqin vetet e tyre duke nxjerrë në shesh zbukurimet e tyre nëpër tregje apo në prani të burrave të huaj. Kjo ndodhte për shkak se gratë në Ditët e Injorancës i ekspozonin vetet e tyre në mënyrë krejt të paturpshme. Në fakt, ato madje i zbulon edhe organet e tyre intime - siç bënin edhe gjatë kohës së rrotullimit rreth Qabes - dhe ato e konsideronin këtë si një akt shumë i lartë.

Allahu thotë:

إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ

“Kur ata që nuk besuan kishin ndezur në zemrat e tyre krenari e mendjemadhësi - krenarinë e mendjemadhësinë të Ditëve të Xhahilijetit.” [el-Fet’h, 26]

Kjo do të thotë se ky është një dënim, ngase krenaria dhe mendjemadhësia e Ditëve të Xhahilijetit është e dënueshme. Gjithashtu, një herë një burrë nga Ensarët u zu dhe u grind me një burrë tjetër nga Muhaxhirët në një prej betejave. Kështu, burri që ishte nga Ensarët tha, “O ju Ensarë (d.m.th. ejani e më ndihmoni)!” dhe burri nga Muhaxhirët tha, “O ju Muhaxhirë (d.m.th. ejani e më ndihmoni)!” Me të dëgjuar këtë Pejgamberi (lavdërimi dhe bekimi i Allahut qoftë mbi të), tha: “A po thërrisni me thirrjet e Ditëve të Xhahilijetit ndërkohë që unë jam ende mes jush?! Braktisini sepse vërtet ato janë të ndyra.” [7]

Ai kishte për qëllim me këtë: Mbajtjen e krahut të fisit të dikujt. Kjo për shkak se të gjithë besimtarët janë vëllezër - nuk ka dallim ndërmjet një Ensari dhe një Muhaxhiri ose ndërmjet këtij fisi dhe atij fisi. Ata janë që të gjithë vëllezër në Besim, ashtu si një trup ose një ndërtesë e cila qëndron e palëkundur. Ky është obligimi i çdo Muslimani; ata nuk bëjnë dallim midis Arabit dhe jo-Arabit ose midis zezakut dhe të bardhit, përveç se në devotshmëri (Tekua), sikurse thotë Allahu:

إِنَّ أَكْرَمَكُمْ عِنْدَ اللَّهِ أَتْقَاكُمْ

“Padyshim se tek Allahu më i nderuari prej jush është ai që është më i devotshëm.” [el-Huxhurat, 13]

Dhe Ai thotë:

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ

“Padyshim që besimtarët janë vëllezër (në Islam). Kështu që, bëni pajtim ndërmjet vëllezërve tuaj.” [el-Huxhurat, 10]

Pra, të mbahesh me origjinën apo me fisin e dikujt, kjo është nga aspektet e Ditëve të Injorancës.

Pejgamberi (lavdërimi dhe bekimi i Allahut qoftë mbi të) ka thënë: “Kushdo që vdes pa patur besën (e aleancës me Prijësin e Muslimanëve) në qafën e tij, vdes si ai që ka vdekur në Injorancë (Xhahilije).” [8] Kjo për shkak se njerëzit e Ditëve të Injorancës ishin njerëz të kaosit dhe rrëmujës, njerëz që nuk u nënshtroheshin asnjë autoriteti apo sundimtari. Kjo ishte gjendja e njerëzve të Ditëve të Injorancës.

Me pak fjalë: Aspektet (d.m.th. praktikat, besimet dhe metodat) e Ditëve të Injorancës janë që të gjitha të dënueshme. Ne u ndaluam nga imitimi i njerëzve të Ditëve të Injorancës në të gjitha çështjet. Ditët e Injorancës morën fund me dërgimin e Pejgamberit (lavdërimi dhe bekimi i Allahut qoftë mbi të). Kështu që, pas ardhjes së Pejgamberit (lavdërimi dhe bekimi i Allahut qoftë mbi të), Periudha e Injorancës në përgjithësi pushoi dhe vendin e saj e zuri dituria dhe besimi, si dhe u shpall Kur'ani me Sunetin. U përhap dituria dhe mori fund injoranca. Për sa kohë që do të ekzistojnë Kur'ani me Sunetin dhe do të jetë e pranishme dituria, nuk ka më Xhahilije; me këtë kam për qëllim gjendjen e përgjithshme të Xhahilijetit (Ditëve të Injorancës). Por, për sa i përket disa gjurmëve apo formave specifike të Xhahilijetit që ende kanë mbetur tek disa njerëz apo tek disa fise apo vende, atëherë kjo lloj Injorance (Xhahilije) ekziston ende.

Prandaj, kur Pejgamberi (lavdërimi dhe bekimi i Allahut qoftë mbi të) dëgjoi një burrë që dënoi vëllanë e tij (në Fe) duke i thënë, “O bir zezakeje”, ai (lavdërimi dhe bekimi i Allahut qoftë mbi të) tha: “A po e poshteron vetëm për shkak të mamasë së tij? Vërtet, ti je një njeri që ke në veten tënde Injorancë (Xhahilije).” [9] Dhe ai (lavdërimi dhe bekimi i Allahut qoftë mbi të) ka thënë: “Janë katër gjëra në Umetin tim që janë nga karakteristikat e Ditëve të Xhahilijetit të cilat nuk do të braktisen: Mburrja me prejardhjen, sharja e origjinës së njerëzve, kërkimi i shiut duke iu mbështetur yjeve dhe vajtimi mbi të vdekurin.” [10]

Kjo tregon se disa aspekte nga karakteristikat e Njerëzve të Ditëve të Injorancës që janë të dënueshme, të cilat do të vazhdojnë të qëndrojnë tek disa njerëz. Por, sidoqoftë, njeriu nuk ka bërë patjetër kufër për shkak të tyre. Ndërsa, për sa i përket periudhës së përgjithshme të Xhahilijetit, atëherë ajo ka mbaruar, lavdi Allahut.

Për këtë arsye, nuk lejohet që të thuhet: “Njerëzit janë në një gjendje të Xhahilijetit” ose “Bota është në një gjendje të Xhahilijetit” ngaqë kjo e mohon ekzistencën e Mesazhit dhe është mohim i Kur'anit dhe Sunetit. Kjo lloj deklarate përgjithësuese është e ndaluar. Por, nëse do të thuhej: “Tek disa popuj ka Xhahilije” apo “Tek disa individë ka Xhahilije” apo “Kjo është një nga aspektet e Ditëve të Injorancës”, atëherë kjo në fakt ekziston. Ka një ndryshim midis asaj çfarë ndodhi para ardhjes së Pejgamberit (lavdërimi dhe bekimi i Allahut qoftë mbi të) dhe asaj që ndodhi pas pas ardhjes së tij (lavdërimi dhe bekimi i Allahut qoftë mbi të).

Disa njerëz mund të pyesin: “Cila është arsyeja e përmendjes së aspekteve të Ditëve të Injorancës kur periudha e Xhahilijetit ka marrë fund? Ne jemi Muslimanë, lavdi Allahut.”

Ne i përgjigjemi kësaj duke thënë: Arsyeja e përmendjes së tyre është që të tërhiqet vëmendja kundër tyre. Ngaqë, nëse kërkuesi i dijes është i vetëdijshëm rreth tyre, ai do të qëndrojë larg prej tyre. Por, nëse ai nuk është i vetëdijshëm për to dhe nuk ka dituri rreth tyre, ai ka për të rënë në to. Prandaj, ne i përmendin dhe i studiojmë ato me qëllim që t’i njohim ato se çfarë janë e pastaj të shmangemi e të ruhemi prej tyre. Një poet ka thënë:

“E mësova të keqen jo për hir të së keqes, por për t’iu shmangur,
dhe kushdo që nuk është i vetëdijshëm rreth të keqes, në të ka për të përfunduar.”

Kjo është nga njëri pikëvështrim. Kurse nga pikëvështrimi i dytë është se nëse ke dije rreth aspekteve të Ditëve të Injorancës, atëherë do të kesh njohuri edhe për vlerën e lartë të Islamit, sikurse ka thënë edhe poeti:

“Bukuria e diçkaje del në shesh nga e kundërta e saj,
dhe gjërat bëhen të qarta nëpërmjet të kundërtave të tyre.”

‘Umer Ibnul-Khattab (lavdërimi dhe bekimi i Allahut qoftë mbi të) ka thënë: “Shumë shpejt hallkat e Islamit do të shkatërrohen një e nga një. Kjo do të ndodhë atëherë kur dikush do të rritet në Islam ndërkohë që nuk ka njohuri për Xhahilijetin.” Pra, nëse një person nuk ka njohuri rreth karakteristikave të Ditëve të Xhahilijetit, ka të ngjarë që ai të arrijë deri në atë gradë saqë do t’i kryejë edhe vetë. Kjo për shkak se Shejtani nuk i ka harruar ato dhe as nuk e ka zënë gjumi. Por, ai vazhdimisht thërret drejt tyre.

Kështu që, Shejtani me ndjekësit e vet, ata të cilët thërrasin për në devijim, nuk kanë rreshtur së thirruri njerëzit për në Xhahilije, për të ringjallur aspektet e Ditëve të Injorancës, drejt besimeve pagane, risive devijante, kuptimeve të pabaza dhe për ringjalljen e traditave të shkuara. E gjithë kjo me qëllimin që të shkatërrojnë Islamin dhe për t’i kthyer njerëzit mbrapa në Xhahilije. Andaj, ne duhet t’i studiojmë aspektet e Ditëve të Injorancës (Xhahilijetit) në mënyrë që t’i shmangim ato dhe të qëndrojmë larg prej tyre.

Autori pastaj tha: “Mes aspekteve (të Ditëve të Injorancës), aspekti më madhor dhe më i rëndë nga rreziku që përmbante, ishte mungesa e besimit (imanit) në zemër, gjë për të cilin erdhi i Dërguari i Allahut (lavdërimi dhe bekimi i Allahut qoftë mbi të).” Kjo për arsye se njerëzit e Ditëve të Injorancës e mohuan të Dërguarin (lavdërimi dhe bekimi i Allahut qoftë mbi të), nuk e besuan dhe nuk e pranuan udhëzimin e Allahut që ua solli ai.

Autori vazhdoi: “Dhe nëse mungesës së besimit do t’i shtohej aprovimi i asaj në të cilën ndodheshin njerëzit e Ditëve të Injorancës, atëherë kështu arrihet shkatërrimi total.” Kjo do të thotë se: Shkatërrimi do të ndodhë si nga ana e jashtme ashtu edhe nga ana e brendshme. Shkatërrimi i brendshëm i referohet mungesës së besimit në mesazhin me të cilin erdhi i Dërguari i Allahut (lavdërimi dhe bekimi i Allahut qoftë mbi të). Shkatërrimi i jashtëm i referohet pranimit dhe pëlqimit të aspekteve të Ditëve të Injorancës. Kështu, nëse shkatërrohen të dyja këto aspekte, i jashtëm dhe i brendshëm, atëherë arrihet shkatërrimi total. Dhe Allahu na ruajt nga një gjë e tillë!

Kjo është pasoja e të qënurit injorant dhe i pavetëdijshëm rreth aspekteve të Ditëve të Injorancës. Është e ndaluar që të pranohen dhe të pëlqehen ato që kanë patur njerëzit e Ditëve të Injorancës. Më saktë, ne e kemi detyrë që t’i refuzojmë dhe t’i urrejmë ato.

Kurse për sa i përket atij që mendon se ato janë të mira, ai është një nga njerëzit e Ditëve të Injorancës. Autori përdor si argument për këtë ajetin që vijon:

وَالَّذِينَ آمَنُوا بِالْبَاطِلِ وَكَفَرُوا بِاللَّهِ أُولَئِكَ هُمُ الْخَاسِرُونَ (٥٢)

“Dhe ata që besojnë në Batil (të gjitha besimet, bestytnitë apo perënditë e kota dhe të pavërteta dhe çdo gjë tjetër që adhurohet në vend të Allahut osë përkrah Tij) dhe nuk besojnë Allahun, mu këta janë të humburit.” [el-Ankebut, 52]

“ata që besojnë në Batil” do të thotë: Ata e konsideronin atë që ishte e pavërtetë si të vërtetë. Pavërtetësia është e kundërta e të vërtetës. Kështu që, çdo gjë që bie në kundërshtim me të vërtetën është e pavërtetë. E pavërteta është diçka e përkohëshme dhe kalimtare, tek e cila nuk ka dobi. Allahu thotë:

فَمَاذَا بَعْدَ الْحَقِّ إِلا الضَّلالُ فَأَنَّى تُصْرَفُونَ (٣٢)

“E çfarë ka tjetër pas të vërtetës përveç se devijim? E si është e mundur që keni humbur atëherë?” [Junus, 32]



Fundnota:
[1] Parathënia e Shejkh Feuzanit, Allahu e ruajt, në botimin e parë të këtij shpjegimi nga Shtëpia Botuese Darul-‘Asime 2001.
[2] Dijetari Takiud-Din el-Hilali ka thënë: “Ata u zhdukën përpara ardhjes së Muhamedit (lavdërimi dhe bekimi i Allahut qoftë mbi të).
[3] Shënim i përkthyesit: Hixhaz quhet krahina që ndodhet në veri-perëndim të Arabisë Saudite, ku përfshihet edhe Meka dhe Medina.
[4] Shënim i përkthyesit: Sham quhet krahina e madhe që përfshin territoret e Sirisë, Libanit, Palestinës dhe Jordanisë.
[5] Ky ishte një ritual pagan të cilin ata e bënin për idhujt e tyre.
[6] Kjo është transmetuar saktësisht nga i Dërguari i Allahut (lavdërimi dhe bekimi i Allahut qoftë mbi të) i cili ka thënë: “E pashë ‘Amr bin ‘Amir bin Luhaj el-Khuza’i që tërhiqte zorrët e tij në Zjarrin e Xhehenemit. Ai ishte i pari që i la kafshët të lira për idhujt.” [Transmetuar nga Bukhari (n. 3521) dhe Muslimi (n. 2856).
[7] Transmetuar nga Bukhari (n. 3518, 4905 dhe 4907) dhe Muslimi (n. 2584).
[8] Transmetuar nga Muslimi (n. 1850).
[9] Transmetuar nga Bukhari (n. 30, 2545 dhe 6050) dhe Muslimi (n. 1661).
[10] Transmetuar nga Bukhari në formë të përshkurtuar (n. 3850) dhe Muslimi (n. 934), dhe ky është teksti i tij.

- - - - - - - - - - - - - - - - -






http://www.forumishqiptar.com/showthread.php?t=68042

Lexoje ti dhe të tjerët




goxha të frikshme e paske firmën

- darwin

..
. .

[Gostivari_usa]

Xhami@

Nje perendesh para Islamizmit eshte quajt Allat pra jo ka qen PERENDESH, e ne menyren tjeter Mohammedi e ka ndrru dhe e kan be nje Zot te quajtur Allah pra ne emer Mashkullor kapish? ( Fjala Allah ne gjuhen arabe nuk ka gjini, keshtu ben gabime feminore kur fol nga mendja dhe urrejtja e jo me fakte )Edhe mos te harroj eshte quajt nje Zot pagan bash Allah qe ka qen Zoti i Henes.( Kjo me sa di une eshte e vertete, por kjo nuk ka te bej fare me emrin okay, por ka te bej me menyren e perceptimit!!! Psh Universi si sot si para 1000 viteve , ose para 10000 viteve ka qene i njejti univers, nuk ka ndryshuar aspak. Por ne kohe ka ndryshuar perceptimi i jone ndaj universit okay. Deri dikur eshte menduar se universi eshte statik, ndersa sot eshte vertetuar qe universi eshte dinamikdhe ne ritje te siperm tamam ashtu sic thot Kurani ) Pra me kete kuptojm qe edhe Hena ben pjes ne Islamizem, hiq ma larg s'po e qoj ne kete Ramazan se di a ke ngu lajme kur u shty Ramazani ne disa vende te ndryshme te Botes sepse Hena ende nuk ka dal dhe pa Henen nuk kan mundur t'ja fillojn Ramazanit. E tash ti logjiko pak a besojn Muslimant ne Hene apo ne Allah? A mos po tu ndoket dicka Absuritet qekjo? Mendo pak...

Me ate qe po thu e Ngritem Qiellin po gabohesh qe urdhnio po ta postoj edhe ni Sure qe thote Toka u kriju para Qiellit

Toka e Krijuar e para ne kete Sure:

2.Suretu Al-Bekare
29. Ai (All-llahu) është që për juve krijoi gjithçka ka në tokë, pastaj vullnetin e vet ia drejtoi qiellit dhe i bëri ata shtatë qiej. Ai është i Gjithëdijshmi për çdo gjë.

Tash Qielli u kriju e para ne kete Sure:

79.Suretu En Nazi'at
27. A është më i rëndë rëndë krijimi juaj apo ai i qiellit? E Ai e ngriti atë!
28. Ngriti kuoën e tij dhe e përsosi atë.
29. Natën ia errësoi e ditën ia ndriçoi.
30. E pastaj tokën e sheshoi.
31. Dhe prej saj nxori ujin e saj dhe kullosat e saj.

A mos tu ka pshtjell pak Kurani ty me keto dy Ajete? Mendo edhe ktu pak...
( per keto ceshtje qe jeni duke ngritur jane sqaruar me miliona here ketu , ashtu kur nuk i ke kuptuar me pare, as qe harxhoj kohen qe te ti sqaroj )

Sa per keto Ide te Mohammedit jo qe s'ka dit, ky fort mir ka dit shum sene po i ka ba budall tjert per me thone qe s'kom dit sen...niher te pata than ty qe jan disa popuj me te hershem qe per AStronomi kan qen shum t'fort para Islamizmit po foli ktu e ata jan: Sumeret, Egjiptianet, Mayanet, Kinezet, Greket etj...kta kan pas shum Astronomi t'persosur qe Mohammedi ka vjedh shum gjera nga keto Fe Politeiste nje ashtu edhe nga FIlozofet e ndryshem: Sokrati, Aristoteli, Platoni etj..ti kto gjera s'mundesh me i kuptu se ti ke mbet vetem prej ardhjes se Islamit per ma mbrapa s'ta kap logjika... ( okay dmth paska vjedhur, po mire ore bab si eshte e mundur qe A.s. Muahemedi vodhi nga keto kultuar vetem gjerat te cilat shum me vone shkenca do ti perdeftoj si te verteta?!!! Mos me thuaj se keto kultura nuk kane pasur budallalleqe ne mbrendine e tyre okay, se nje budallallek i tille ka qene universi statik, po ne Kuran thuhet e kunderta , se universi zgjerohet, dhe kjo eshte vetem nje shembull , dhe shembuj te tille ke plot, pra me trego si eshte e mundur qe A.S. Muhamedi te vjedhi vetem gjera qe me vone do te perdeftohen si te verteta nga shkenca dhe asnje budallallek nga keto kultura ?!! )

A po e sheh qe ti s'po sheh me larg perveq Islamizmit? E qysh me diskutu me ty kur ka pas Astronomi shum ma heret, ka pas Fizikant me te hershem nja po e permendi qe e ka zbulu Atomin para 2000 e dicka vite me pare pra Para Ardhjes se Jezu Krishtit: Ai ka qen Demokriti. ( E vertete por, por ama ne Kuran permendet se ekzistojne gjera akoma me te vogla se atomi!!! Nqs se atomi ne ate kohe ka qene grimca me e vogel, pse A.S. Muhamedi nuk qendroi pas ketij pohimi, por pohoi se ekzistojne edhe grimca me te vogla se atomi?!! Valle me cfar i pa keto grimvat me te vogla se atomi ?!! Me mirkoskop ?!! ) Nje ashtu edhe per pergjigjet qe i ke dhane me larg jan veqse te kopjuara nga Fizikantet dhe Fejet Politeiste qe kan qen ma heret...por( nuk behet fjale per kopjim, por behet FJALE PER PERMISIM te te gjitha gabimeve qe keta fizikanet politeist kane be , okay, per permisim ) Mohammedi e ka bere veten s'i te Pashkolluar per ti bind me mir njerzit ka thene me ka ardh dicka e Fuqishme dhe me ka ndryshu...po ti nje ashtu nuk e din qe Mohammedi ka qen goxha Tregtar i fort ne Meke. Edhe Meka ka qen vend Tregtar ne ate kohe me Fiset e ndryshem, si ne kohen e sotme qysh eshte Dubai per Tregti me e forta ne bote ne ate kohe ka qen MEKA. Futi keto sene me shum ne kry ndoshta ta kap logjika, ose ma mir bonja qefin vetit me rrena...

Ti Sleep mir e paske Usernamen mos gabo ta ndrrosh se mir po t'rrika duke fjet per tere Jeten...

Dmth sic te kam thene edhe me lart , fol me fakte e jo me inat.


GV_USA

[r'posa]

Perpara ben si teolog, tashi ve bishtin nder shale dhe nderron muhabet.......lesh me qime......
Nuk ke taban per te bere debat te mirefillte r'posa.......
Nuk ke haber fare nga feja.......mbeç me shendet.....

O Jariga,. un s'jam teolog, s'jam as hoxhe e as ish-nxenes i ndonje medreseje.

Un ne shkoll kam percjellur edukaten e historis biblike, hallucinacionet e juaja ua qes ne pah kur te doni ! S'eshte fare problem ! Ti kerkove pergjigje nga un, e un te shperbleva me pergjigje e jo si bashk-fetaret e tu si ky sistemi qe te kercenojn me vdekje vetem pse ke besim ndryshe. O Dashamir, zgjohuni dhe ejani ne shekullin ton, mesjeta eshte histori e kaluar ! S'ka me gjueti ndaj shtrigave, e as kryqzatave ndaj kombaseve te ju, ju ka vdek Kaloresi i Krishtit, kurse ne, ne jemi ketu edhe me shume se kurr !

[prizrentrance]

Bedr dhe ju te tjeret qe jeni Muslimane?
Ja edhe disa pyetje per juve:
Pse kur faleni drejtoheni ka kibla, pse perkuleni me fytyre ne toke, pse ne haxh e prekni gurin e zi te qabes?
Pse i beni te gjitha keto adhurime ne drejtim te nje vendi te caktuar ne toke kur Zoti eshte ne qiell?!
Pse nuk e kane lejuar fundamentalistat arabe te thirret ezani ne gjuhen e atij vendi ku thirret?
Pse rekomandohet me shume qe te faleni ne xhami sesa ne shtepi?
Pse duhet te recitohet kurani arabisht gjate faljes, pse edhe dhikri pas namazit duhet te behet arabisht?
A nuk i kuptojka Zoti gjuhet e te gjithe njerezve?
A i ka urdheruar Zoti keto qe te behen lutjet ne gjuhen arabe ne Kuran?
Jo por kjo eshte thjeshte nje rregull e vendosur nga individe te caktuar ne menyre qe te dominojne gradualisht neper bote.
Sot kemi ne çdo vend te botes muslimane me mjekrra te gjata e me pantolla te shkurtera, pra plani i tyre po funksionon mire!
Normal qe arabet e kane bere qaben vend te shenjte sepse fitojne shume nga vizitat e haxhinjeve siç e kane bere edhe italianet vatikanin, pra te gjithe lideret fetare i shfrytezojne njerezit per perfitime financiare.

[BEDR]

Te gjitha pyetjet qe parashtron jane thjesht blasfemi nga nje njeri i deshperuar qe eshte rebeluar ndaj realitetit qe po jeton. Une apo edhe ndonje tjeter nuk ka se si te ktheje pergjigje ndaj ketyre pyetjeve te tua pasi ti e ke dhene vete pergjigjen!

Jo por kjo eshte thjeshte nje rregull e vendosur nga individe te caktuar ne menyre qe te dominojne gradualisht neper bote.

Edhe sikur te filloj te te pergjigjem deri ne fund, ti do vazhdosh emisionin tend me barcaleta.

[BEDR]

Nese ti beson me te vertete se nuk egziston Krijuesi, ateher perse diskuton dhe flet kunder dickaje qe ne fund te fundit - gjithmone sipas teje - nuk egziston!

Me ka treguar nje miku im nje ngjarje. Nje djalosh i koheve moderrne gjithmone e shante Zotin. I tha nje njeri religjoz: "O djalosh, perse e shan Zotin?"

Ai u pergjigj: "E shaj sepse Ai nuk egziston!"

Ateher ia ktheu njeriu religjoz: "E si mund te shahet dicka qe nuk egziston?"

[jarigas]

Njeriu mund edhe te luftoje "idene" e diçkaje........


- - - - - - - - - - - - - - -

Lexohet edhe pa ngjyra

[Explorer]

Explorer keto fjalet qe jane ne kllapa ne Kur'an jane ne fakt nje sqarim sipas mendjes se tij i autorit per lexuesin.

Pra teksti origjinal te cilit duhet ti referohemi mbetet ai jashte kllapave!

Duhet te kesh parasysh qe kemi te bejme me nje perkthim te Kur'anit famelarte ne gjuhen shqipe.
Çdo perkthim shoqerohet edhe me skajrime me te hollesishem ( ne kllapa) per te kuptuar esencen e ajetit( mesazhin qe percjell ajeti ose sureja).
Ne kete rast dhe ne raste te tjera, ne Kur'anin famelarte ka shume spjegime te cilat theksojne se per ke e ka fjalen ajeti ose sureja.
Nese e loxon ne arabisht ( origjinal) do te kuptosh se per ke e ka fjalen ajeti i lartecituar. Prandaj ti nuk mundet te besh cka te doje b y th a , por duhet te postosh tamam ashtu sic eshte pekthimi.
Pastaj edhe kete spjegim qe ta kam dhene me larte, e ke shume se ti qenke nje unikat qe nuk e ke shokun. Kisha degjuar per tekrishtere, budiste, ateiste e lloj-lloj mahluku, por rastin tend une nuk e kuptoj, nuk po e mar vesh se kush je , cka kerkon dhe kujt i takon.
Hajt tani mos na u trego shume artist sikur ke nje histori te dhimbshme dhe tani do qe te na besh me qa.
S'kemi kohe qe ty te ta perkedhelim koken me argumente sepse nuk e meriton nje gje te tille
You are lost in space man !
Ha ha ha ha ha ...