I Falem Nderes Zotit!

[marcus1]

"Shumë do të më thonë atë ditë: "O Zot, o Zot, a nuk profetizuam ne në emrin tënd, a nuk i dëbuam demonët në emrin tënd, a nuk kemi bërë shumë vepra të fuqishme në emrin tënd?".(Mateu 7:22).

Nëse ke lexuar Shkrimet atëhere ti e di se shumë që thonë, "Zot, Zot" dhe bëjnë gjëra madhështore në emër të Zotit, nuk njihen fare nga Ai dhe nuk do kenë pjesë në Mbretërinë e Perëndisë. Kjo gjë duhet të na bëjë të gjunjëzohemi. Kjo duhet të na bëjë të analizojmë zemrat tona. A e njohim me të vërtetë Zotin? A e kemi parë me të vërtetë Atë? A na e ka zbuluar me të vërtetë Birin e Tij?

[marcus1]

"Por priftërinjtë Levitë, bij të Zadokut, që kanë treguar kujdes për shenjtëroren time kur bijtë e Izraelit u shmangën nga unë, do të më afrohen për të më shërbyer dhe do të qëndrojnë para meje për të më ofruar dhjamin dhe gjakun", thotë Zoti, Perëndi. "Ata do të hyjnë në shenjtëroren time, do t`i afrohen tryezës sime që të më shërbejnë dhe do të kryejnë gjithë shërbimin tim." (Ezekiel 44:15,16).

Çfarë është e rëndësishme për bijtë e Zadokut dhe si mund të zbatohet ajo sot tek ne? Bijtë e Zadokut ishin zgjedhur për t'i shërbyer Zotit sepse ata "treguan kujdes" për shenjtoren kur fëmijët e Izraelit u shmangën nga Zotzi dhe adhuruan idhujt. Kjo do të thotë me pak fjalë se: kur gjërat filluan të bien dhe tempulli u ndot, bijtë e Zadokut vendosën se nuk duhej më të mundoheshin të mbanin pjesën e jashtme të shenjtëruar, por ata u futën në pjesën e brendshme dhe vazhduan t'i shërbenin Zotit. Kur pjesa e jashtme ishte ndotur, ata ishin të vendosur të mbanin pjesën e brendshme të shenjtë.

Kjo ka rëndësi shumë të madhe për ne. Nuk është ndonjë gjë e madhe të tregojmë se ku ka rënë pjesa e jashtme, megjithëse mua më habit se si shumica e njerëzve nuk e shohin dot. Megjithatë, të jesh në gjëndje të tregosh të gjitha gabimet që ndodhin sot në sistemin fetar kanë shumë pak vlerë nëse ne nuk mund të deklarojmë me një bindje të plotë se cila duhet të jetë përgjigja jonë ndaj kësaj gjëndje. Pasi kemi parë problemet e pjesës së jashtme, shohim se ka vetëm dy zgjidhje: të qëndrojmë aty ku jemi dhe të mundohemi ta ndryshojmë atë gjëndje, ose ta braktisim dhe të shkojmë më thellë. Duket se të gjithë ne, në një kohë apo tjetër, jemi përpjekur të "ndryshojmë sistemin" por herët a vonë jemi përballuar me zhgënjim dhe acarim. Menjëherë, kur ne ndriçohemi nga Zoti duam që gjithkush tjetër të eci sipas kësaj drite, por kjo gjë nuk ndodh. Kështu, e vetmja zgjidhje është të shkojmë më thellë.

[marcus1]

"Dhe ndodhi që, ndërsa po flisnin dhe bisedonin bashkë, vetë Jezusi u afrua dhe nisi të ecë me ta. Por sytë e tyre ishin të penguar kështu që të mos e njihnin." (Luke 24:15,16, NASB).

Shtrohet pyetja: E ke parë Zotin? Nuk e kam fjalën për një ëndërr apo një vizion, por a e ke parë Zotin sepse Ati ta ka zbuluar Atë ty? Është e mundur që të lutesh, por të mos shohësh Zotin. Është e mundur (dhe shumë e zakonshme) të marrësh pjesë në takimet e një kishe, por të mos shohësh Zotin. Dy burra që thonin se e njihnin Jezusin ecën me Të në rrugën për në Emaus, por ata nuk e njohën Kush ishte Ai derisa sytë e tyre u hapën. Shumë njerëz gjenden në të njëjtën situatë. Nuk mund ta shohim Atë deri sa sytë e zemrës sonë të hapen dhe kur ne ndriçohemi në këtë mënyrë nga brena, ne do ta shohim Atë, ne do ta njohim Atë.

[marcus1]

"Në Krishtin janë fshehur të gjitha thesaret e diturisë dhe të njohjes." (Kolosianët 2:3).

Perëndia nuk na jep ne zbulesë në pesë, dhjetë, njëqind, apo njëmijë gjëra. Asnjë nga këto "gjëra" në vetvete nuk kanë rëndësi. Përkundrazi, Ai i ka vendosur këto "gjëra" brenda Krishtit dhe na zbulon ne Krishtin. Ai nuk do na zbulojë azgjë pa Zbulesën e Jezu Krishtit. Të zotërosh Birin do të thotë të zotërosh të gjitha ato që ka Biri, sepse Shkrimi deklaron, "Sepse ai që nuk e kurseu Birin e vet, por e dha për të gjithë ne, qysh nuk do të na dhurojë të gjitha gjëra bashkë me të?" (Romakët 8:32). Krishti është përmbledhja e të gjitha gjërave frymore, plotësia e Perëndisë në formë trupi. (Kolosianët 2:9)

Pra, Perëndia nuk do që të na japë zbulesë në këto shumë gjëra, por do që ne të kemi Zbulesën e Jezu Krishtit. Duke pasur Atë, do kemi fituar si rrjedhojë dituri në të gjitha "gjërat". Të kërkosh zbulesë në "gjërat" pa zbulesën e Krishtit do të thotë të mos i japësh përparësi Krishtit. Mos guxofshim t'i shmangemi njohurisë së Tij në ndjekjen tonë të "gjërave", akoma edhe të atyre frymore, sepse të gjitha ato gjëra përmblidhen në Të.

[marcus1]

"Dhe ai (Jezusi) i caktoi dymbëdhjetë që të rrinin me të dhe që mund t`i dërgonte të predikojnë" (Mark 3:14).

Perëndia nuk do që të ketë thjeshtë shërbyes dhe punëtorë. Ne mendojmë se këto gjëra janë shumë të rëndësishme, sepse si mund të jetojë Kisha pa shërbyesit dhe punëtorët? Çfarë do atëhere Perëndia nëse nuk do shërbyes dhe punëtorë? Shumë thjeshtë, Ai do dishepuj mbi të gjitha. Ekzistojnë shumë shërbyes dhe punëtorë sot dhe shumë pak dishepuj. Gjithsecili ose ka një shërbesë ose do të ketë një shërbesë. Gjithkush pret të bëhet shërbyes apo punëtor. Por ne nuk dëgjojmë shumë për të qenit një dishepull, megjithatë kjo është ajo që Perëndia duhet të ketë para se të ketë çdo gjë tjetër në Kishë.

[marcus1]

"Dhe Noeu veproi ashtu, bëri pikërisht të gjitha ato që Perëndia i kishte urdhëruar." (Genesis 6:22).

Kam shpenzuar shumë vite duke krijuar dhe kryer planet e mia dhe duke i kërkuar Zotit t'i bekojë ato. Një ditë kuptova se në vend që të përpiqem ta bëj Zotin të bekojë gjërat e mia, ishte shumë më thjeshtë të shoh çfarë donte Zoti të beonte dhe thjeshtë të bëj atë. Në vend që të përpiqem të sjell Zotin në nivelin tim dhe të bëjë atë që unë doja, ishte shumë më mirë të vija unë në vendin e Zotit dhe të bëja atë që Ai donte.

Kur ne bashkëpunojmë me atë që Zoti ka pasur qëllim, del bekim shumë i madh. Qielli na mbron me fuqi dhe autoritet të madh. Në vend që të përpiqemi të bëjmë diçka që të ndodhë, unë thjesht rrjesh në një rrymë që ekziston. Zoti nuk do mohojë asnjë kërkesë që është në përputhje me ato që Ai ka dashur që në fillim.

[marcus1]

"Dishepulli nuk del mbi mësuesin, as shërbëtori mbi zotin e tij." (Mateu 10:24).

Jezusi tha, shkoni në të gjithë botën dhe bëni dishepuj. Nuk themi se shërbyesit dhe punëtorët nuk janë të rëndësishëm; ata janë me të vërtetë. Por cili është prioriteti? A mundet të bëhet një burrë apo një grua me të vërtetë një shërbyes apo punëtor për Mbretërinë nëse ata nuk janë bërë më parë dishepuj? Sigurisht që jo. Ata mund të shërbejnë dhe të punojnë deri në vdekje dhe megjithatë të jenë në mish, duke bërë gjëra të mëdhaja në emër të Jezusit dhe megjithatë të mos e njohin Atë fare.

[marcus1]

"Përzëre këtë shërbyese dhe birin e saj, sepse i biri i kësaj shërbyese nuk duhet të jetë trashëgimtar me birin tim, me Isakun" (Genesis 21:10).

Shpesh, pengesa më e madhe është e mirë. Pengesa më e madhe e Isakut është Ismaili. Ka shumë gjëra të mira që mund të krijojmë dhe shumë gjëra të mira që mund të bëjmë. Por veëtm një gjë është e nevojshme (Luka 10:42) Ne duhet të zbuojmë këtë "një gjë" dhe mund ta zbulojmë këtë gjë vetëm kur qëndrojmë në këmbët e Jezusit. Kur motivi ynë është vetëm nevoja e Jezusit, jo e Njeriut dhe jo e asaj që ne mendojmë se kemi nevojë, atëhere jemi në rrugën e bekimit të vazhdueshëm dhe të përhershëm.

[marcus1]

"Pastaj Jezusi u afrua dhe u foli atyre duke thënë: ``Mua më është dhënë çdo pushtet në qiell e në tokë." (Mateu 28:18).

I vetmi pushtet i pranueshëm në univers i takon Zotit Jezus - te gjitha pushtetet e tjera ose janë te paligjshme, ose te përkohshëm. Nëse pushteti i takon Atij, atëhere nuk mund t'i takojë edhe dikujt tjeter. Jezusi thotë, " Më është dhënë çdo pushtet në qiell e në tokë." Kjo është një deklaratë shumë e guximshme, apo jo? Pushtet absolut mbi të gjithë krijesën!

Në një botë ku njerëzit luftojnë për sundim, përpiqen për pozitë, kërkojnë përparësi për veten e tyzre, bëjnë ç'është e mundur të zgjerojnë influencën e tyre mbi të tjerët dhe të digjen për sa më shumë kontroll ndaj të tjerëve, ne si Kishë duhet thjeshtë të ngrejmë duart sipër në qiell dhe të çojmë sytë tek Njëri në të Cilin Perëndia ka vendosur të gjithë plotfuqishmërinë e Tij dhe t'i deklarojmë universit, "I Yiti është Pushteti dhe pa Ty ne nuk mund të bëjmë asgjë."

[marcus1]

"që të njoh Atë" (Philippians 3:10).

Ne kërkojmë PLOTËSINË e Krishtit, zbulesën e Krishtit ashtu si Ai është në fakt. Për shumë të krishterë Zoti Jezus është "thjesht" Shpëtimtari i tyre. E falenderoj Zotin që Ai është Shpëtimtari ynë, por në personin e Krishtit ka një thellësi dhe pasuri që shkon shumë larg, përtej "thjesht" një shpëtimi. Shpëtimi është dera e ngushtë - të vish në plotësinë e Krishtit është rruga e ngushtë. Dera është vetëm hyrja në diçka shumë më të madhe.