I Falem Nderes Zotit!

[marcus1]

"E di se në kë kam besuar" (II Timoteu 1:12).

Ne nuk e njohim këtë Jezus që ne mendojmë se e njohim. Ai është Tërësisht Tjetër, totalisht, në mënyrë supreme, në mënyrë të madhërishme Perëndi. Vetëm Perëndia mund të qëndrojë i qetë kur ne themi blasfemi dhe herezi në emrin e Tij. Ai e lejon njerëzimin të shtrëmbërojë dhe të keqintepretojë dhe të sjellë njerëzit në një vënd të dëshpëruar, vetëm që Ai të mund të vijë dhe të zbulojë Vetveten për atë që Ai është në të vërtetë. Dhe Ai nuk është kurrë ajo që ti mendoje së është. Asgjë nuk është ashtu si të është thënë nga të tjerët. Dhe atëhere, sapo ti e takon Atë, nuk mund ta përshkruash Atë, përveç se të thuash se nuk është aspak ashtu siç më kishin mësuar të tjerët. Ai është përtej çdo lloj përshkrimi.

[marcus1]

" I shkrova kishës, por Diotrefi, që do të jetë i pari ndër ta, nuk na pret." (III Gjoni 9).

Si e dimë nëse një punë e caktuar është ndërtesa e vërtetë e Perëndisë, pjesë e kishës së vërtetë? Ajo që duhet të bëjmë është të shohim se kush është i pari atje. Nëse një apostull apo një pastor konsiderohet kreu frymor atëhere Krishti nuk është i pari. Nëse dhjakët e zgjedhur janë në krye atëhere Krishti nuk është i pari.

Ne mund t'i japim Atij shërbesë me buzët tona dhe të themi me gojë se Kisha është e Krishtit, por nëse nuk kemi zbulesë, këto fjalë janë boshe. Kur vjen momenti i të vërtetës, njeriu do mbajë nën kontroll gjërat, gjë që tregon se Krishti nuk është i pari dhe nuk ka qenë kurrë i pari në një vënd të tillë.